السلام عليكم يا استاذ ايمن انا من اسكندرية وجاتلى حاسبات المنصورة ومجموعى جايب هندسة الكترونية ممكن احول ليها من على النت ولا لازم اسافر المنصورة اجيب اذن من حاسبات هناك. ارجو الرد السريع عشان لو فى سفر الحق اسافر.

لو سمحتم حد يرد عليا للاهميه القصوى

لو سمحتوا انا جاتلى هندسه الطاقه باسوان
هل هى احسن ولا الكترونيه منوف؟
هى ليها شغل ولا لا؟ وايه نظام الدراسه فيها؟ وايه نظام الساعات المعتمده ده؟
ياريت تفيدونى بسرعه للاهميه

شكرا ياباشا علي هذا الموضوع الرائع وربنا يخليك لينا
اناقبلتني هندسه الكترونيه والحمد لله بس المشكله اني من سوهاج والمشوار بعيد فكنت عايز اعرف امتي يبدء تقديم الاوراق وامتي التقديم للمدينه الجامعيه علشان المشوار بعيد واحني في شهر رمضان فمش عايز كل شويه اروح وارجع علي الفاضي وهل ممكن استني لحد بعد العيد ولا لا لان في استماره الترشيح مكتوب يجب التوجه للكليه في اسرع وقت ممكن
وانا اسف علي الاطاله وارجو الرد!!!‏

انا مش فاهمه حاجة انا جالى هندسة الكترونية منوف وعايزة احول لهندسة الفيوم قبل ما ادخل اعدادى هينفع ولالا؟؟؟ بس انا مش جايبة الحد الادنى لهندسة الفيوم انا اقل منه بدرجة ونص

الباشمهندس ميدو. اعمل طلب تحويل من علي النت واستني لحد ما النتيحه لما النتيجه تظهر. ان شاء الله خير

باذن الله لما التقديم يفتح بتاع الكليه والمدينه الجامعيه هافيدكم بالمطلوب ومواعيد التقديم.

.بالنسبه لموضوع تحويل حضرتك. اعملي طلب تحويل من علي النت . ممكن يقبلوا عشان الاغتراب وكده . وان شاء الله خير. ربنا يوفقك . وانا تحت امرك في اي استقسار.

يعنى يا بشمهندس أيمن انت متأكد من موضوع التحويل ده أصل أنا جايب 387 و ملقتش على نص درجة و جالى الكترونيات أنا بس عاوز أعرف أنا هعمل ايه ديلوقتى

السلام عليكم ورحمه الله وبركاته
انا ااسمي احمد
انا جايب 94.4 واخر هندسه كانت 94.5 يعني وقفت علي واحد من ةعشره يعني تقريبا نص درجه .. بس انا مش كنت كتبت هندسه الكترونيه في الرغبات كتبت الهندسه العاديه وبعدين حاسبات ومعلومات ف جتلي حاسبات ومعلومات .. بس دلوقتي انا مش عاوز ادخل حاسبات ف معلش شويه اسئله بس ياريت تجاوب انا قرات الموضوع كله بس عاوز اجابه علي اسئلتي ؟؟؟
1/ ينفع احول الكتروني لهندسه الكلتورنيه منوف مع الرغم انني من المنصوره ؟؟
2/ لو دخلت هندسه منوف هل بعد سنه اكيد هاجي هندسه المنصوره ؟
3/ ولو جيت المنصوره الوضع بيبقي عامل اذاي ؟؟
ياريت تجاوب عليا ضروري علشان انا تعبان قوي علشان النص درجه دي وبجد نفسي ابقي مهندس ... ارجو الرررررررد

اوكي ماشي ..... بس معلش هتعبك معايا.... انا معرفش اي حاجه عن طريقه الوصول للكليه يعني لو ركبت القطار هنزل في محطه ايه؟
وبعد كده هركب مواصلات ايه؟‎
‎

. حضرتك جرب التحويل الالكتروني وشوف هيقولوك ايه. لو لا قدر الله رفضوا اطلع علي مكتب التنسيق الرئيسي في جامعه القاهره وهما ان شاء الله هيفيدوك

مجموع حضرتك مش جايب هندسه منوف. فعشان كده مش هينفع تحول. لو كان مجموعك جايبه وكاتبها في الاخر كان ينفع تحول. كليه حاسبات ومعلومات زي فل والله وهاتكون احسن من المهندس كمان

اسف جدا انا مش فاهم حضرتك. مممكن توضح اكتر

حضرتك منين ظ