بجد ربنا يجازيك خير
انا من يوم ما طولت الطرحة
البنات تعاملها معايا بقي اسوأ والعكس بالنسبة للشباب
الله يهدى

والله موضوع مينفعلوش غير التثبيت بجد ..انا مش بحب اقول الموضوع رائع وخطير بس مش لاقيه حاجه اقولها

غير ربنا يهدى الجميع ويصلح من حالنا امين يارب

تسلم ايدك على الموضوع يا مستر بجد
وربنا يصلح احوال البنات كلها يارب

كلام جميل يامصطفى
وياريت بس البنات يتقوا ربنا فى الموضوع ده

جزاك الله كل خير

جزاك الله خيرا
موضوع رائع فعلا

بالرغم انى علقت قبل كده ع الموضوع بس كان عندى استفسار برىء .......مش فى موضوع تانى ومتثبت بردو عايزين تتاكدوا ان النقاب فرض...........مش ملاحظين ان فى تناقد يعنى الواحد يتحجب ولا يتنقب ولا يعمل ايه .......
انا طبعا مع الحجاب المحترم اللى بيتكلم عليه الموضوع ده ..بس انا شايفه ان وجود موضوعين شبه متناقدين واللى اتنين متثبتين ..حاجه مش كويسه بالمره
هتقولولى ازاى متناقدين هقول ان هناك فى موضوع النقاب ...اعتبروه فرض وصدقو نفسهم .. ورفضوا اى فكره تانيه
ياريت مشرفين القسم يشوفو الموضوع ده ..وبشكرك مره تانيه يا مصطفى

لا مفيش تناقض
الحجاب خطوه كويسه
و النقاب خطوه اعلى
يعنى مينفعش حد الحجاب بتاعه مش حلو اصلا او مش محجبه خالص
و اجى اكلمها على النقاب
الموضوع ده للناس اللى لسه عايزه تظبط حجابها
و موضوع النقاب للناس اللى فعلا ظبطت حجابها الحمد لله
و عايزه تبقى فى خطوه اعلى
دى نكلمها على النقاب
يارب تكون فكرتى وصلت:)

فى فرق انك تقولى ان النقاب خطوع اعلى وانك تقولى انه فرض..تمام!!

لو اخدتى بالك من الموضوع اللى هناك فكره الحجاب مرفووضه .. انتى تتنقبى ع طول ..

لا وصلت :D ..بس ياريت تكونى شفتى الموضوع التانى :)

اولا انا ولد و اسمى أيمن:D
ثانيا انا مش جديد فى الموقع و شفت كذا موضوع هنا على فرضية النقاب
و عارف قصدك بالظبط
و كمان شفت الموضوع المثبت اللى بتقولى عليه
بس انتى برده مش فهمتى قصدى
بصى معايا كده
اما ربنا جه حرم الخمر مش حرمه مره واحده

الاول كان المسلمين بيشربو الخمر و يروحو يصلو
ربنا قالهم(يا أيها اللذين آمنو لا تقربوا الصلاة و أنتم سكارى حتى تعلموا ما تقولون)

بعد كده جت آيه بتوضح أكتر
(يسئلونك عن الخمر و الميسر قل فيهما اثم كبير و منافع للناس و اثمهما أكبر من نفعهما)
لحد دلوقتى مجتش الايه اللى فيها التحريم القاطع

و بعدين جت تالت آيه اللى بتحرم
(انما الخمر و الميسر و الانصاب و الازلام رجس من عمل الشيطان فاجتنبوه لعلكم تفلحون)

فهمتى الوضع ازاى؟؟؟
ان الاول الناس كان صعب عليهم يسيبو الخمر
عشان كده جت الايات بالتدريج

برده صعب احنا نروح نكلم واحده مش محجبه او حجابها مش كويس على النقاب
فى فرق كبير
لكن ممكن نكلم واحده حجابها كويس على النقاب

بخلاف ان النقاب فرض او سنه
دى حاجه فيها اختلاف من العلماء
و مش انا اللى هقول رأيى فيها
و اى حد يبقى واخد برأى لازم يبقى محترم باقى الاراء

بس سواء كان فرض او سنه مينفعش اكلم واحده عن النقاب الا لما تكون متفهمه ايه هوا الحجاب المطابق للشرع

يارب تكون فكرتى وصلت:D