انا رأيى مع crazy Bo$S بس شد حيلك سواء كنت علمى علوم او رياضة وبالنسبة للتحويل من سنة اولى فده وارد برضه على حسب النظام اللى ماشى دلوقتى.
وربنا معاك يا رب ويحققلك اللى نفسك فيه ويوفقك.
انا بصراحة معرفش الموضوع ده كويس بس اللى اعرفه ان فى طلاب بعد مابياخدو بكالريوس تربية مثلا بيدخلوا عندنا علوم بس من سنة اولى واعتقد ان زراعة ممكن برضه.

لو انت عايز تعرف الموضوع ده ضرورى قولى وانا هسألك عندنا إن شاء الله عن التفاصيل.
اهلااااااااااا وسهلااااااااااااا بيك يا محمد.
انا متشكرة ليك اوى على كلامك الجميل ده , بس ده اقل واجب اقدمه وده مش حاجة خالص:rolleyes:.
يشرفنا انضمامك لينا ويا ريت تخليك على تواصل دائم معانا إن شاء الله.


وبشكرك تانى يا crazy Bo$S على مشاركتك الجميلة معانا, جزاك الله خيرا.

وعليكم السلام ورحمة الله وبركاته

اهلاااااااااا وسهلاااااااااااا بيك يا جيمى, بجد نورت المنتدى.
اسعدنى كلامك بشدة :rolleyes: وبجد بشكرك جدا على شعورك الطيب ده.

ويا رب فعلا يؤثر الموضوع ده فى الناس اللى فاهمه كلية علوم غلط.
واحنا محتاجين مشاركاتك وتفاعلك معانا إن شاء الله:).

وانت ولا طولت ولا حاجة واهلا وسهلا بيك فى اى وقت.

سلام:)

يا ريت لو سمحت

أريد مساعدة
السلام عليكم ورحمة الله وبركاته
تفضل وحمل الأسئلة من هذا الرابط
http://upload.9q9q.net/file/593dEcoOM62/مساعدة في حل أسئلة كيمياء عضوية.doc.html

السلام عليكم انا اولى علوم بيولوجى جامعه المنصوره وكنت عايزه اتعرف عليكو ولو فى حد معايا فى القسم ياريت يرد عليا علشان انا محتاجه مساعده وياريت نبقى اصحاب ونساعد بعض

اخيرا اتحقق حلمي وبقى لينا مكان خاص بينا - انا قمر احمد كليه علوم اسيوط تالته كيمياميكروبيولوجي ومستعده للي انتو عايزينه
وفرحانه اوي بالفكرة دي لاني هستفاد جدا من طلبة كيميا اسبيشيل لانها الماده الوحيده اللي جايباني ورا
شكرا جزيلا جدا

انا اسفة جدا جدا على التأخر ده كله بس كان بسبب ظروف بجد

انا سألتلك فى الشئون بتاعت علوم القاهرة وقالوا ان ممكن بعد ما تأخد
بكالريوس زراعة تدخل علوم بس لازم تكون متخرج من زراعة ( او اى
كلية تانية برضه ينفع التحويل منها ) بتقدير جيد جدا او امتياز.

وبالنسبة للاولاد فلازم يجيبوا ورقة عن موقفهم من التجنيد.
والتقديم بعد ما يتخرج على طول تقريبا إن شاء الله.
وبيكون اسمك فى الكلية ( مؤهلات عليا )

انا اسفة جدا ليك على التأخير فى الرد
ولو فى اى اسئلة تانية اسأل على طول:)
وربنا معاك يا رب


وعليكم السلام ورحمة الله وبركاته
ههههههههههههههه
معلش انا اسفة على التأخير ده

وامييييييين

وعليكم السلام ورحمة الله وبركاته
شكرا على مشاركتك
بس للاسف الملف مش عايز يتحمل معايا

وعليكم السلام ورحمة الله وبركاته
اهلا وسهلا بيكى يا شيماء
انا أميرة _ كلية علوم القاهرة _ الفرقة الثالثة _ قسم بيوفيزياء منفرد
وإن شاء الله كلنا نساعد بعضنا واى حد عايز حاجة يلاقها هنا بإذن الله

الحمد لله ان حلمك اتحقق يا قمر ويا رب يكون المكان عند حسن ظنك:rolleyes:
اهلا وسهلا بيكى :)
انا برضه فرقة ثالثة بس علوم القاهرة _ قسم بيوفيزياء منفرد
وإن شاء الله تستفادى كتير ويكون معانا طلبه من كيمياء سبيشيال
والحمد لله ان الفكرة عجبتك


وشكرا جزيلا ليك يا الساحر الصغير على المعلومات القيمة دى;):) جزاك الله خيرا

ازيكم يا جماعة ...انا العضو اينشتاين بس العضوية القديمة نسيت الباسوورد بتاعها ومستنى الباسوورد يوصلنى ع الايميل فى القريب العاجل باذن الله ( سنتين على الارجح ) :d

دلوقتى يا اميرة بما انك خبيرة فى الكلية بتاعتنا دى فانا عايز اصدعك شوية

دلوقتى انتى عارفة ان التخصص من سنة تانية وانا كنت عايز اتخصص جيوفيزياء ودلوقتى انا فى التيرم الاول اتدلعت حبتين تلاتة وشلت مادتين بس جبت جيد فى الجيوفيزياء ومقبول فى الجيولوجيا وجيد جدا فى الفيزيا ...عايز اعرف بقى هل المادتين اللى شلتهم دول هيكونوا عقبة ؟ مع العلم انى ان شاء الله هلتزم التيرم ده وربنا يوفق واعوض ما فات
فياريت لو تقدرى تجاوبينى وهل تعرفى حد فى قسم الجيوفيزياء وكان طالع القسم بمادتين ؟
استفسار كمان بقى ...عندك فكرة السمر كورس هتبقى مصاريفه كام ؟ ;)
استفسار كمان ...انهى احسن فى الملازم ..الحرية ولا الخواجة ؟ :d

اهلاااااااا وسهلااااااااا
اخبارك ايه فى الكلية يا اينشتاين؟؟؟

معلش إن شاء الله تجيب احسن من كدا بكتير الترم التانى وربنا يوفقك

ههههههههه خبيرة :D ربنا يكرمك ....... بس مفيش صداع ولا حاجة , اسأل زى ما انت عايز.


بالنسبة للتخصص فى جيوفيزياء فالحقيقة انهم كل سنة بينزلوا شروط مختلفة عن اللى قبلها يعنى من سنتين كدا كنت علشان تتخصص فى اى قسم سبيشيال ( منفرد ) كنت لازم تبقى بيور لكن السنة اللى فاتت مثلا طلبوا النجاح فى مواد التخصص وبس. فيارب السنادى تكون الشروط كدا .

على العموم انا هحاول اسئلك إن شاء الله فى الموضوع ده يمكن يكون فى حد عنده علم بالشروط اللى هتتحط السنادى إن شاء الله.

وبالنسبة لحد اعرفه فى جيوفيزياء , فانا اعرف زمايل ليا اتخصصوا فى جيوفيزياء و منهم ناس كانوا معاهم مواد من اولى بس اللى مش متأكده منه هل هما كانوا محولين فشيلوهم المواد دى ولا كانوا شيلينها فعلا من سنة اولى! على العموم انا هتأكد منهم إن شاء الله واقولك.

وبالنسبة لمصاريف السمر كورس , فالسنة اللى فاتت كانت كل مادة ب 50 جنيه , ومسموحلك بدخول السمر كورس فى ثلاث مواد بس.
بس طبعا المصاريف والشروط ممكن برضه تتغير السنادى , بس فى الغالب هتبقى كدا برضه إن شاء الله .

وبالنسبة للملازم..... فانا عادةً بفضل الخواجة لان الملازم اللى بتنزل فيها غالبا بتبقى من دكاترة او معيدين
لكن الحرية فى الغالب بيبقوا هما اللى عملنها وهما طلبة خريجين فبتبقى فيها اخطاء كتيرة
لكن احسن حاجة لما تحتاج ملازم فى مادة معينة , اسأل هل فى معيد بيعمل فيها كورسات ( دروس يعنى ) وفى الغالب ورق الكورس ده بينزل فى المكتبات اللى بره ( وفى الغالب_ بس مش على طول_ بتبقى الخواجة ).
وعلى فكرة احسن ورق لمادة معينة بيبقى معروف يعنى اسأل اغلب زمايلك اشتروا انهى ورق وهو ده بيبقى الاحسن.

يا رب اكون افادك
و ربنا يوفقك

اخبار الترم التانى ايه يا علوميين؟؟؟؟؟؟؟؟
يا رب يكون تمام ;):)

بجد متشكر يا اميرة -اسما على مسمى بصراحة- والحمد لله اتطمنت من ناحية السمر كورس لانى بصراحة سمعت ارقام فلكية ...مثلا واحد كان بيقول ان المادة ب360 غير الكورس اللى هتاخده مع المعيد ويارب مايحصلش اى تغيير السنة دى


بالنسبة لزمايلك ياريت تتأكدى عشان انا قلقان اوى والموضوع ده عاملى صداع فى دماغى

وبجد الواحد مش عارف يقولك ايه ..لو شؤون الطلبة هتعين نائب ليها ع الانترنت مش هيلاقوا افضل منك للمهمة دى :d

لسه هنبدأ يوم السبت وان شاء الله يكون تيرم مختلف

المشاركة الجاية هعمل احصاء لكل اللى اشتركوا فى الموضوع وياريت يا جماعة كلنا نتفاعل ونشترك وقريب ان شاء الله نطلب من الادارة تعملنا قسم لوحدنا عشان ان شاء الله هبقى انزل كتب علمية ومواضيع متخصصة فى الفيزياء والرياضيات والكيمياء وبقية فروع العلوم

ا"]لسلام عليكم

أنا ضيفة جديدة في المنتدى

أولى علوم
كلية البنات
قسم كيمياء حيوي وتغذية
:cool