يعني كنت بتنام في الفصل ؟؟!!!
هو دا يبقي اسمه كلام يادكتور
بص حكايتك لذيذة ودمها خفيف
بس برده زي ما ناس بتقلك لازم مش تجرح في اي استاذ ولا حتي توصفة بالغبي او _________-
دي بس ملاحظاتي

شكرا لحضرتك بس واضح اللي انا كنت مضايق من المستر ده اوي صح؟؟؟؟؟؟؟

برده يادكتور حتي لو كان ضيقك فهو برده كان بيديك معلومات بسببها دخلت طب
ع العموم
سيبك من اللي فات واللي كتب حلقة جديد ياريت مش تجرح في حد

يا جماعه هو اكيد مش قصده يجرح فى حد عادى يعنى مفيش حد قبل كده شتم فى مدرس وبعدين هو مكتبش اسم حد المهم امال انت دخلت طب ازاى ان شاء الله مفيش مذاكره خالص كده مش معقول وبعدين مالهم بقى بتوع صيدله ان شاء الله دول احسن ناس

اوكي شكرا لحضرتك

هو حد قال حاجه عن بتوع صيدله دول احسن ناس
لا طبعا هذاكر بس لاسباب معينه ؟؟؟؟؟؟؟؟؟؟؟ هبقي اكتبها
سلام بقي عشان هكتب الرابعه دلوقتي

السلام عليكم اخى العزيز ممكن حضرتك تكون فعلا كدة لكن مش هتبقى كدة فى الكلية اوكية لازم تكون جاد فى الكلية رغم انى عارفة فية ناس لو ذاكرت ما بتتفوقش ولو نامت كويس وذاكرت ولعبت كورة دة بيكون افضل وخير مثال زميالى ربنا معاهم كانوا معايا فى المدرسة اوكية كانت الدروس جنب النادى من النادى على الدرس ومن الردس على النادى والنتيجة اوئل الغربية منهم اتنين و11 طب و8 صيدلة و8 هندسة من مدرسة ليست بالكبيرة وكلهم الحمد لله متفوقين وربنا يوفقك لكن نصيحة من اختك لو تقبلتها انك تحاول تذاكر مش كدة وكمان لو تكرمت انت ممكن تكون بتاذى شعور الى ذاكر وما جبش فياريت تقول ميزة اكي كانت عندك ميزة خالتك كدة غير الذكاء وتقبل مرورى

اوك مستنين الحلقه الرابعه

الحلقه الرابعه
 

الحلقه الرابعه:


نكمل بقي يلا بينا طبعا بنام الساعه 12 عشان اصحي الساعه 4.5 صباحا عشان امشي من البيت الساعه 5 عشان اروح ابيع لبن الساعه 6 سوري قصدي اروح درس الاحياء الساعه 6 المهم ما بيبقاش فيه مواصلات خالص وطبعا بيطلع عيني علي ملاقي مواصلات المهم سيبكوا من الحوار ده بروح الدرس في ميعادي بالظبط الساعه 6 مش عارف ايه الصدفه الغريبه دي كنت دايما بروح الساعه 6 وطبعا ما بكنتش شايف قدامي ولا ذاكرت حاجه ؟؟؟؟؟؟؟ وطبعا المس هتسأل والواحد هيبقي شكله زباله طبعا لو ماجوبش بس احسن حاجه في الموضوع اللي احنا كلنا ولاد ؟؟؟؟؟؟؟؟ واحد خفيف يقولي ايه يعني احسن في ايه؟؟؟؟؟؟ اقوله احسن في اللي احنا كلنا كنا فشله ما بنذاكرش للحاجات التافهه دي لكن لو معانا بنات طبعا هيكونوا مذاكرين وهيبقي شكلنا وحش اوي وكمان احسن لان لو واحد حب ينام في الحصه بينام براحته ؟؟؟؟ واحد برده يقولي ينام؟؟؟؟؟؟؟؟؟؟ اقوله مش ينام يعني ينام لا يبقي عادي بس مش مع المس خالص يعني مقضيها و عايش ومنفض للكلام اللي بيتقال

ويا سلام بقي لو المس شافته ؟؟؟؟؟؟؟؟؟؟؟؟؟ هتسأله في حاجه طبعا وهيكون رده

هااااااااااااااااااااا والله هي الاجابه اممممممممممممممم............( في سره بيقول مفيش حماااار يجاوب وانا هاكمل واقول ( صح كده انا موافق علي كل كلمه قالها)) مش مشكله سيبكوا من الحكايه دي المس دي صراحه كانت بترغي اكتر من نص الحصه؟؟؟؟؟؟احكيلكوا الحكايه اصل المس دي كانت مسافره البحرين !!!!!!!!!! فكل ما يحصل موقف تقول انا لما كنت في البحرين حصل ....................... و...............( في سرنا خلاص كفايه احنا ابتدينا نكره البحرين)

وبسبب الموضوع ده بقينا كل ما تحصل حاجه ويجي واحد عايز يهزر يقول انا لما كنت في البحرين وبعد ما يقول كده كله بيموت من الضحك من غير ما يكمل ؟؟؟؟؟؟؟ والمشكله انا المس دي هي اللي كانت بتدينا في المدرسه وطبعا كان في طلبه ما بتاخدش عندها فكانت مصممه انها تحكي نفس الحكايات اللي كانت بتحكيها في الدرس وفي الاخر تقولي صح يا (أ) ارد انا طبعا اووووووووووووف اه صح يا جماعه المس لما كانت في البحرين...................

علي فكره صحابنا الاكبر مننا كانوا قايلين نفس الحكايات لينا :d
يلا مش مشكله ما احنا بنسمع الافلام مره واتنين وعشره

طبعا كنا بنام في المدرسه في جميع الحصص الا حصه الفيزياء لان المستر ده ما كنش حد بياخد معاه درس عشان كده كان بيشرح كويس واحنا حاسين بكده بس الغريب اللي ما كناش بنفهم حاجه بس كنا بنحبه لانه بيجتهد معانا ؟؟؟؟؟؟؟؟ المهم احكيلكوا عن حصه الفلسفه في المدرسه والله حصه بمعني الكلمه ؟؟؟؟؟؟؟؟؟؟؟؟؟ كان المستر بيفضل يشتم علي الاهلي واحنا بنبقي فرحانين ؟؟؟؟؟؟؟ ( عذرا للاهلويه) اصل احنا اسماعلويه وطبعا الناظر اهلاوي واحنا عارفين فطبعا لو جه انتوا عارفين بقي............... ؟؟؟؟ بس ساعات كان بيجي وطبعا المستر
بدل ما يقول مانويل جوزيه ده مدرب فاشل عايزين لما الاهلي يجي اسماعيليه نروح الاستاد نبهدله
كان بيقول اول ما الناظر يدخل مانويل جوزيه حر ولا مجبر؟؟؟؟؟؟؟؟؟؟
طبعا احنا نرد بصوت عالي هو حسب رأي فلان فأنه مجبر لان..............
وحسب رأي علان فأنه حر لان...............
وساعات يكون الاسماعيلي مغلوب ؟؟؟؟؟؟؟ فالمستر طبعا ما بيقدرش يقول كلمه في الكوره ؟ طبعا كله متوقع دلوقتي انه هيشرح؟؟؟؟؟؟؟؟ لا طبعا عيب هو بينام ولما الناظر يقرب ادوني missed يا رجاله وطبعا احنا بنبقي نايمين كلنا الا واحد كان بيقعد يذاكر كله كان بيشجعه وطبعا مش بيشجعوه علي المذاكره دول بيشجعوه انه ما ينامش بالمره يشوف الطريق !!!!!!!!!

وكالعاده بنروح من المدرسه الاستفاده صفر والصداع علي الاخر؟؟؟؟؟؟؟؟؟؟

يتبع بقيه اليوم...................................

جميله اوي بصراحه دمها خفيف وبتعبر عن اللي بيحصل بجد متابعين معاك

شكرا علي مشاركتك وتشجيعك

شكرااااااااا علي مرورك الكريم

إزاى ؟
 

انا كنت بدنى فى السايبر لحد ما الاستاذ يطلع يقوول لنا معاد الحصه جه هو انتوا مش جايين :stickjo4:........ ده فى تانيه ثانوى
أما فى تالته ثانوى انا كنت بذاكر يمكن ساعتين أو تلاته فى اليوم و جبت هندسه :)

اولا الف مبروووك علي الهندسه
ثانيا شكرا علي مشاركتك