بالتوفيق كل اللى مقدم فى الجامعة المفتوحة

بس العيب مش على اللى مقدم فى الجامعة دى العيب على الوزير اللى خلى واحد بـ 50% يفكر انه يخش كلية أصلاً



اللهم إنى لا أسألك رد القضاء و لكنى أسألك اللطف فيه

الجامعه المفتوحه جيده بس شوية ترشيد
 

انا عايز اوضح وجهة نظر غايبه عن الجميع الصراع الذى يدور بين الافراد الان هو ان تقبل كلية الاعلام من50% مع انها قبلت الحاصلين على94% ولم يستطع من حصل على 93%ان يدخلها وفجأه تظهر الجامعه المفتوحه لتعلن هذا الخبر ولكن السؤال الذى يطرح نفسه... لماذا لم تقبل كلية الاعلام (تعليم مفتوح) من80% والتجاره70% وهكذا تدريجيا وليس هناك اى مبرر فى ان يتساوى من جد واجتهد مع غيره فهل يعقل ان يتساوى من حصل على اكثر من 90% مع من حصل على 50% واذا استمر هذا الحال كما هو عليه فسنرى فى الاعوام القادمه ان الطلبه اخذوا لايبالون باهمية الاجتهاد للمحافظه على نصف درجه وسيكون ذلك هو بداية عهد فاشل للثانويه العامه

هذه كانت وجهة نظرى وارجو من الجميع احترام وجهات النظر

وجهه نظرك برضة ومحدش يقدر ميحترمهاش

بس برضوا وهقولها مليون مرة زى مالجامعة دى بتاخد من 50 %
بس هيا بفلوس يعنى مش مجانى

غيركدة أخى الكريم هو حرام أنة يكون فية حاجة حلوة فى البلد دى
وكمان هو الى بيجيب 90% دة مش بيجبهم بالدروس الخصوصية ؟؟؟
ولا بيجتهد من نفسة ؟؟؟ لا طبعآ كله بالدروس
وكل الى بيعمله أنه بيحفظ وبس وبعد كدة يدخل الكلية ربنا كما خلقتنى ولا تلاقية فهم حاجة من الى أخدة !!

يعمل أية بقى ياعينى الفقير الي معرفش ياخد دروس خصوصية وطبعآ ميقدرش يشتغل وهو فى ثانوى
يعمل أية بقى يا عينى الى اهله عندهم ظروف ومش لاقيين فلوس
يعمل أية بقى يا عينى الى كان نفسه يدخل كلية محترمة زية زى الناس ومعرفش وأتلاقيه هو أذكى من الى جايب 100% دة


وكل دة وتقول الكلام الى قولته

يا جماعة أرجوكم قولوا وجهات نظركم زى مأنتم عايزين بس بعقل
يعنى مش علشان أنت أو أنتى دادى ومماة عطولكم دروس طول السنة معنى كدة أنكم اذكى من الى جايب 50% لا
الا ما رحم ربى طبعآ

الى يشوف هموم الناس يعذرهم

عمومآ شكرآ على وجهه نظرك

أى حد عنده معلومات

مصاريف _ كيفية الحضور يقول

انا سمعت عنها بس فى مطروح تقريبااااااااااا 1000 جنيه وشوية يعنى بتااااااااااااااع 1500 جنيه حاجة زى كدة والحضوووووووور

يومين فى الاسبوع

المصاريف دى الترم ولا السنة ؟؟ وتشمل الكتب ولا من غير ؟؟؟

معلش أعذرهم أصل هما نايمين فى العسل ومش عارفين حاجة ;)

تشمل كل السنة مصاريف وكتب وكلة الكلام دة هو اللى سمعتة

شكرآ يا حودة على الأضافة وربنا يوفقك يارب

التعليم المفتوح ثمن المقرر 120جنيه وبيكون الفصل الدراسي ثلاث مقررات شامله الكتب والاشرطه
الامتحانات من 10 الى60 جنيه

عايزين معلومات أكثرعن الجامعة

وعايز أعرف التقديم فى الأسكندرية هيفتح أمتى

بس المصروفات طبعآ بتختلف من جامعة لأخرى يعنى أعلام مش زى تجارة مش زى حقوق مش زى دار العلوم
عايزين معلومات مأكدة يا جماعة

وده رابط بكالوريوس الحاسب للحاصلين على 60% من الجامعة المفتوحه
http://www.thanwya.com/vb/showthread.php?t=141175
ده موقع جامعة القاهره تعليم مفتوح
http://www.ou.cu.edu.eg/
وده موقع جامعة عين شمس تعليم مفتوح
http://www.olc.shams.edu.eg/Main.aspx

أزاى الفصل 3 مقررات فقط ؟؟؟ أى جامعة الفصل لا يقل عن 5 مقررات
و120 جنية بالنسبة لأنهى جامعة فى الجامعة المفتوحة ؟؟ أرجوا التوضيح وشكرآ على الأضافة

أول رابط بتاعة الحاسب دى الجامعة العربية المفتوحة وليست الجامعة المفتوحة

والرابطان الاخران جامعة القاهرة وجامعة عين شمس
الجامعة المفتوحة

شكرآ على المساعدة يا بوبوسا :d بس عايزك توضح أو توضحى (دة أسم بنت ولا ولد ؟؟)

المهم عايزين توضيح لردك الأول

وشكرآ مرة أخرى