بوابة الثانوية العامة المصرية - مسأئل جامدة يعنى معاك قلمك والاله الحاسبه وكونتينر شاى وركز معايا

3)وتر مثبت أحد طرفيه فى حائط ويمر الطرف الاخر على بكرة ملساء وينتهى بثقل كثافة مادته 4270كجم/متر3
فكان تردد النغمة الاساسيه 392 هرتز احسب تردد النغمة الاساسيه اذا غمر الثقل كاملا فى ما كثافته 1000كجم/متر3

بص الناتج النهائى تقريبا 343 هرتز ... الخطوات كتيره وفيها جذور وكسور ف انا هختصر

اول حاجه لما الجسم ينزل فى السائل هتقابله قوة دفع ( هتقلل من وزنه ) يبقى اكيد التردد هيقل
قوة الدفع دى بتساوى حجم الجسم فى كثافة السائل فى العجلة . هتخلص المعادله هتطلع بتساوى 1000\4270 fg
يبقى كده من المعادله دى جبنا الوزن اللى هيقل من الجسم
هنعمل 1-انسر ..... هتدينا القوه الباقيه اللى هتأثر على الحبل هناخد جذرها ونضربه فى التردد الاولانى ده هيديلك التردد الجديد .. و بس على كده

بريك:
عرف انماط النغمات-قرص ايرى-هدب الحيود

لا بعدين بقى

ادينى:
منشوران رقيقان A,B
عندماكانت قاعدتهما فى جهة واحدة ّّتكون زاوية الانحراف النهائية 6 وعندما عكس وضع المنشور B أصبح مقدار الانحراف النهائى 2 وفى نفس الاتجاه أوجد زاوية الانحراف الناتجةعن كل منشور على حدة واحسب زاوية راس المنشور علما بان معامل انكسار المنشورين 1.5/1.4 على الترتيب

لالالالالالا حلوه .. بس كل الحكايه انها مش واضحه كلاميا
بص ياسيدى
لما تكون قاعدتهما فى جهة واحده يبقى مقدار الانحراف النهائى 6 دى معناها
الفا لمنشور A + الفا لمنشور B >>>>>>>>> هتساوى 6

لما نعكس وضع B هيبقى زاوية الانحراف الكلية بتساوى الفرق بينهم تبقى المعادله
الفا لمنشور A + الفا لمنشور B >>>>>>>> هتساوى 2

تجمع بقى المعادلتين هتطلع زاوية الانحراف لمنشور A تساوى 4 وزاوية الانحراف لمنشور B بتساوى 2
المطلوب التانى بقى تعوض فى قانون المنشور الرقيق مباشر لكل واحد وتجيبه ..

موائع:
كيف يمكن استخدام الانبوبة ذات الشعبتين فى تعيين الكثافة النسبية لسائل يمتزج بالماء موضحا بالرسم
هحط بينهم زئبق و ... خلاص بقى بقت سهله

أوجد قوة الماء المؤثرة على أحد جانبى مستطيل مساحة قاعدته 12*16 سم يميل على الافقى بزاوية 30 وحافته العليا 12سم على عمق 20 سم من سطح الماء

حلوه بردو ... انا هقول الحل بس لو واحد بيقراه لأول مره مش هيفهم حاجه علشان هى كل شغلها رسم اصلا وانا مش هعرف ارسم
بص ياعم هنرسم ونظبط ... وبعدين هنعمل مثلث تلاتينى ستينى ..فى الجزء المايل على الماء بزاوية 30. فاكر القاعده بتاعة اللضلع المقابل للزاوية 30 فى المثلث القائم بيساوى نص طول الوتر ,, هنطبقها بقى ونجيب الطول الراسى للمستطيل ده هيطلع 8 ... يبقى فى المنتصف بالظبط البعد الراسى 4 سم ... بالاضافه الى 20 سم فوق يبقى h كلها هتساوى 24 سم ... هتقسمه على 100 بقى وتضرب فى 1000 فى 10 هتجيب الضغط ومعاك المساحه اضربهم فى بعض هتطلعك القوه .

وتر مهتز على شكل قطاعين مشدود بواسطة ثقل من مادة كثافتها 2700كجم/سم مكعب مربوط فى نهايته ويمر على بكرة ملساء وعندما غمر الثقل باكمله فى محلول سكرى كان اهتزاز الوتر على شكل ثلاث قطاعات كم يكون الوزن النوعى للمحلول السكرى

بص هى تقريبا نفس فكرة المسأله التانيه
لما الثقل ينزل هيقل وزنه ( فا هتزيد عدد القطاعات ) والتردد ثابت ....
هتبقى 1\L فى جذر Ft\m (دى فى الحاله الاولى لما كان بيهتز على هيئة قطاعين ) ...... هتساوى الحالة الجديده اللى فيها بيهتز على هيئة ثلاث قطاعات ولكن قوة الشد قلت ... وهى 3\2L فى جذر Ft-Fb \m
Fb ......... هتساوى 3 فى عشره اس سالب 3 فى وزن الجسم فى كثافة السائل ( يعنى هنشيل الحجم ونحط مكانه الكتلة على الكثافة )
هتحط قوة الدفع فى المعادله الاولى هيبقى عندك معادله فى مجهول واحد وهو كثافة السائل تجيبه عادى انا جبت ناتج بس مش متاكد علشان انا عامله على السريع 1111.1 كجم\م^3

بس على فكره مسائل جميله انا اول مره اشوف زيها ... شكرا ليك يا معلم