|
موقف حضرتك مس نغم محرج جدا الصراحة ذكرنى بموقف برده كان خارج مصر كنت فى السعودية لاداء العمرة مع بابا وماما واخواتى اول مانزلنا ذهبنا الى المدينة وظللنا بها تقريبا اسبوع وبعدين ذهبنا الى مكة لاداء العمرة كنت مش نمت قبلها بيوم ولما وصلنا كانت الساعة حوالى 1الصبح المفروض اننا نؤدى العمرة فور وصولنا كنا مع بابا وبعدين انفصلنا عنه مش عارفه ازاى وبقينا مع واحدة كانت معانا وادينا معها المناسك بابا بقى خلص قبلنا كان معاه اختى الصغيرة وبعدين اخدها وذهب الى الفندق وفضلت انا وماما واختى الكبيرة مع طنت لغاية الفجر وقتها كنت هموت من النوم وبعدين ماما قالت اننا لازم نصلى الفجر الاول وبعدين نمشى الشيخ بقى بيصلى وانا عمالة اعيط من كتر ما كنت عايزة انام كنت لسة صغيرة فى اولى اعدادى ومش قادرة استحمل ومش قادرة اقف والله نمت وانا بصلى خلصنا الصلاة المفروض بقى ناخد الاحذية بتاعتنا علشان نمشى فضلنا ندور عليها مش لاقينها وكنا مش فاكرين اين وضعناها فضلنا نصف ساعة ندور مش لاقينها فى الاخر اخدنا احذية ناس تانية كنا مش عارفين نعمل ايه احنا لقينا كل الناس بتدور على الاحذية بتاعتها وتاخد اى حاجة وتمشى المفروض بقى نروح الفندق اللى احنا اصلا مش فاكرين هو فين تهنا وفضلنا نلف فى الشوارع ومش عارفين اى حاجة اصلا مش لحقنا نتعرف عالمكان وبعدين لقينا محل سالناه على الفندق فوصفه لنا وصلنا الفندق وبعدين كنا مدمرين عالاخر لقينا بابا نايم هو واختى صحيناها وحكينا له على اللى حصل بابا راح تانى يوم رجع الاحذية وجاب لينا الاحذية بتاعتنا الموقف ده الاكثر ذلا فى حياتى عمرى ماانساه ابدا :022yb4::022yb4: |
اقتباس:
هههههههههههه حلوة شاربين حاجة دى يازوزا جايز برده:blush: ستات اخر زمن:d |
اقتباس:
وانا ايضا وقد نسيته ولا اعرف ليه جه على بالي ونزلت دموعي لما تذكره ربنا يكتب لك الحجة ان شاء الله تحياتي |
اقتباس:
اللهم امين لنا جميعا باذن الله طبيعى يامس انه يجى على بال حضرتك وسط المواقف الغريبة اللى قرأتيها فى الموضوع |
هفك النكد ده لاني بجد اتنكدت :(
هحكيلكم موقف محرج و مضحك شوية .. مرة كان فيه واحدة تعرف اختي و جيرانا بس هي كبيرة مخلصة جامعة .. و هي برضه صاحبة أخت واحد صحبي .. فانا رايح لصاحبي ده لقيتها واقفة مستنية اخت صاحبي عند بيتهم و صاحبي نزل و انا جي عليهم .. فهي قالت لصاحبي ( بهزار طبعا ) : شوفه كده لو عايز عروسة :d و بتشاور عليها هي بس بتقوله متقولش انا على طول :d فأول ماجيت سلمت عليهم و صاحبي قالي : مش عاوز عروسة ؟؟؟ فانا ماخدتش بالى انه قصده عليها .. فقولتله : لا و الله مش فاضي عندي ثانوية عامة .. فاضي انا ؟؟ هههههههههههههههههههههههه هي اتكسفت بس الموقف كان بهزار .. بس اول ما عرفت قولتلها هو انا اطول ده شرف ليا و الله .. هههههههههههههه بس كان موقف محرج اوي و مضحك فى نفس الوقت .. |
اشكر الجميع علي المشاركات الطيبة والرائعه والمتميزة
اقتباس:
طيب الله نفسك وجعل مثواها الجنة علي هذه الكلمات الرقيقه المادحه ونحن بانتظار جديد مواقفك وبشغف تام ولكم مني عظيم التحيه والتقدير ،، تحياتي:078111rg3: اقتباس:
يلا الحمد لله ربنا ستر في الاخر ،، عندك حق دي مواقف محرجه اوي ربنا ما يوقع اي حد فيها اللهم امين لكي مني عظيم التحية وخالص التقدير:078111rg3: اقتباس:
لا في دي عندك حق الثانوية اهم طبعا انا عارف انك لو كنت فاهم من الاول هو يقصد ايه كنت قبل مايكمل السؤال قلت موووووووووافق علطول:d لكي مني التحية والامتنان وخالص الدعوات:022yb4: |
فين باقى المواقف
عايزه اضحك مستر محمد معندكش موقف حلوه كده يضحك انا مضايقه وعايزه اضحك حد يدخل يقول موقف يضحكنى بقا |
اقتباس:
ايه يازوزتى ايه اللى مضايقك ياقمر فرفشى:av4056bb7jp3: فى الحقيقة مش عندى مواقف مضحكة حاليا اصلا الايام دى مش بفتكر الا النكد:( بعد الامتحانات هظبطك:slap1qk6: |
ههههه مواقفكم جميلة جدا بس موقف حبيبة فكرني بموقف مشابه ليا وبردو كان فالسعودية كنا طالعين عمرة بس كنا اربع اسر مع بعض المهم وصلنا وكان خطيب وحدة معانا مستنينا فمكة وحاجز الفندق ومظبط الامور المهم فأول يوم روحنا الحرم وعادي رجعنا تاني يوم بئا الخطيب دا كان بيكلم بابا وبيقولوا انت بتروحوا ازاي الحرم وكدا ، بابا وصفلوا الطريق فراح قايل لالالا دا كدا طريق طويل وفيه اقصر منو ووصف الطريق ، وحنا راجعين بالليل بعد الصلاة بابا حب يجرب الطريق القصير وياريته ماجرب :( توهنا ومش عرفنا لا نرجع الحرم ولا نرجع الفندق وفضلنا كدا لحد قرب الفجر ونسأل بردو ماعرفناش فالاخر الحمدلله ربنا انقذنا ولقينا نفسنا قدام الفندق كنا خلاص شويتين ونوقع من التعب بس كنت طول مانا ماشية فالطريق ادعي على الاخ ال الفوق :angry2: بس الحمدلله وصلنا فالاخر فيه موقف تاني حصل فنفس الرحلة هبقى اجي واكتبه مرة تانية |
اقتباس:
ههههههههههههههه يابنتى التوهان ده شئ صعب جدا:mad: خصوصا لو مش فى بلدك:romarioxp6: |
هحكيلم موقف حصل معايا و انا فى 2 اعدادي كده .. بس يضحك .. كنت انا مسافر عند بيت جدي و ليا خالي كان فى السعودية و ليه ابناء فى سني بس مش فاكر شكلهم .. المهم خالي ده رجع قبل مانا اسافر لبيت جدي بفترة .. و والدتي قالتلي روح هات عشاء جبن و عيش و كده و بنت خالتي فى سني راحت معايا علشان انا معرفش الاماكن كويس و فى السوبر ماركت لقيت واحد فى سني برضه دخل و بيكلم بنت خالتي و عايش حياته خالص ..هههههههههه روحت ماسك فيه و كنت لسه هضربه و بنت خالتي تقولي ايه يا محمد انت مش عارف ده مين .. اقولها مين يعنى و لسه هضرب .. قالتلي ده يحيي ابن خالتك ..ههههههههههههههههههههههههههههه وشي جاب الوان ساعتها .. و اتأسفتله خالص قولتله فاكرك و الله بس شكلك اتغير شوية و فضلت اعتذرله ..ههههههههههههه بس بصراحة كان موقف محرج جداااااااااااا |
اقتباس:
فعلا يابنتي حاجة صعبة بس مواقف حلوة وبنفتكرها للان ونضحك :d احكيلكو الموقف تاني بئا لانه كان بعد الاولاني علطول فاليوم التاني الناس الكبيرة ( الاباء والامهات ) حبوا يعملوا عمرة تاني وال يعمل عن باباه او مامته او قريبه المهم سابونا احنا العيال فالفندق :d اخواتي الشباب اكبر مني راحوا طالعين مع باقي الصبيان وفضلت انا واختي الاصغر مني بس انا كنت ساعتها فستة ابتدائي واختي فرابعة المهم انا بحب النوووم خالص ونومي تقيل خااالص خااالص :d اختي كل ماتشوفني رحت عالسرير تيجي تنزلني عشان مانمش وتقولي انا بخاف خليكي معايا وانا نفسي اناااااااااااام تعبانة ياجماعة :d المهم قولتلها لالالا ماتخافيش تعالي نقعد عالسرير وافتح التلفزيون ونتابعلنا برنامج عشان مانمش قعدنا وفتحنا التلفزيون وسندت راسي على المخدة وعينكم ماتشوفش الا النور غرقت فنوم عمييق :d اختي تهزني مافيش تشيلني مافيش تزعق مافيش تعيط مافيش ، انفصلت عن العالم الخارجي :d وياعيني اختي قطعت نفسها من العياط عشان خايفة والعجيب اني ماحستش باي حاجة خااالص دا اتحكالي بعدين بعد ماصحيت :d واختي مش قادرة تتحرك لا يمين ولا شمال واخواتي ماسئلوش عشان مطمنين اني موجودة :d واخيرا بابا وماما وصلوا وانصعقوا من منظر اختي البشع ومنظري الابشع :d ويُقال ان تمت محاولة لايقاظي بس بائت بالفشل :d صحيت الصبح وبدور على اختي لقيت ماما مستنياني وبلاش اكمل احسن :p ال زعلني بئا انهم جابوا لاختي عروسة لعبة عشان الموضوع دا وانا ماجبوليش :o لا وكمان اختي بئت تتفق مع البنات ال معانا انها اول ما بابا ومااما ينزلوا هنيجي عندهم نسلي بعض :o عشان مانمش منها زي المرة الاولى وبقيت غصب عني افضل صاحية لحد ماهما ييجوا الموقف دا كل مانفتكره يقعدوا يضحكوا عليا وعلى اختي ومنظرنا التحفة فاليوم دا ومعلش طولت عليكو :p |
اقتباس:
وده بيأكد اقتناعي بكلمه اعرفها من زمان ان اللي نعرفه احسن من اللي مانعرفهوش كويس انكم عرفتونش ان اللي بيروح السعودية يعمل عمرة ولا حاجه لازم يتوه عشان لو ربنا كتبهالي اعمل حسابي واجيب دليل او مرشد،،، تقبلي تحياتي:078111rg3: اقتباس:
هههههههههههههههههههههههههههههههههههه صح النووووووووووووووووووم :slap1qk6::stickjo4::lol::av4056bb7jp3: النوم الخفيف بينفع في المواقف دي خصوصا لو كنا لوحدنا في البيت وحصلت حاجه غريبه مثلا نبقي علي دراية بيها بسرعه لاتكون حاجه جامده لا قدر الله مسكينه اختك استحملت كتير في صغرها المفروض تعوضيها بهدية حلوة:d تقبلي عظيم تحياتي وخالص تقديري وامتناني:078111rg3: |
اقتباس:
هههههههههههههههههههههههههههه ايه الحكايه دايما مواقفك محرجه كده يلا كلنا لها ،، تسلم ايدك ،، امتعتنا بالمواقف المحرجه تقبل تحياتي وعظيم شكري:078111rg3: |
و إذ أركب سيارة أجرة يلمح سائقها في عيناي الضيق ، لا يفهم ما الذي يضايقني فيحكى لي قصة غريبة .
قال : طلب مني زبون إيصاله و انتظاره ساعتين كي يعيده لبيته و وعده بستين جنيه ، فتوسم السائق الربح اليسير في وقت قليل . و ما أن تحرك حتى اتصل أحدهم بالزبون فألغى المشوار و نزل من التاكسي. يركب زبون آخر و يدفع 3 جنيهات في غاية قريبة . من هذا المكان يركب من يذهب لمكان أبعد قليلاً و يطلب من السائق الإنتظار بضع دقائق و إذ يصل إلى بيته يدفع مئة جنيه كاملة ، يصر عليها ، يلقيها له لا يلقى لها بالاً! |
| جميع الأوقات بتوقيت GMT +2. الساعة الآن 11:37 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.