![]() |
اقتباس:
ممتاز جدا يا هيمو ولكن لي عندك مغالطة وحيدة وهي ليست في النظرية ولكن في موضوع الكتب فكتاب النسبية لأنيشتين موجود وعندي في مكتبتي الخاصة صدر ضمن مطبوعات مكتبة الأسرة " امهات الكتب " نظرية النسبية وهو من الحج المتوسط عام 2003 ممكن تبحث عنه عند من يبيعون كتب قديمة مثل صور الأزبكية بالعيبة بالقاهرة او بميدان المحطة بالأسكندرية وهو كتاب قيم جدا كتاب النسبية " لأنيشتين " وان شاء الله هرد على الاستفسارات عن النسبية من واقع الكتاب كل الشكر لتفاعلكم يا هيمو |
بل كل الشكر لانشاءك موضوع مثل هذا يا استاذ
هل هذا هو شكل الكتاب؟ ترجمة جلال الحاج؟و عدد صفحه كام؟ http://www.4kitab.com/wp-content/upl...010/03/271.gif و منتظر السؤال اللي بعده و علي فكرة اسمي احمد و مش عارف ايه اللي خلاني اسجل بالاسم ده صراحة:) و ياريت الاخت لولو احلي عروستة تستمر في تفاعلها الطيب مع الموضوع |
اقتباس:
ممتاز يا احمد هو شكل الكتاب بس الترجمة لد / رمسيس شحاته وهل الكتاب موجود عندك يا احمد انت من فين يا احمد وفرصة طيبة |
الغلاف لقيته علي النت لكن الكتاب مش عندي
اللي موجود منه علي النت طبعة 2000 و نزلته الحمد لله بس الكتاب بيفقد متعته لو ممسكتوش بأيدي انا من شبرا يا استاذ بس مش عارف ممكن الاقيه فين و ياريت يا استاذ لو تعرف الكتب بتاعت مكتبة الاسرة بتتباع فين عشان مش عارف بصراحة و شكرا يا استاذ علي اهتمامك |
اقتباس:
تشرفنا بيك يا احمد وباهل شبرا وربنا يوفقك ان شاء الله عندك مكانين لشراء كتب مكتبة الأسرة 1. مكتبات الهيئة المصرية العامة للكتاب " ميدان الجيزة " وهناك فروع اخرى ولكن لا اعرف مكانها بالضبط 2. سور الأزبكية بمحطة العتبة للمترو ويحتاج للبحث عند اكثر من بائع لتبحث عن الكتاب الذي تريده بنفسك ولا تسال البائع عن اسم الكتاب بل تبحث بنفسك وابقى اعمل حسابك انك هتلاقي كتب كتير هتعجبك واغلى كتاب ممكن 5ج او 8ج لو حجم كبير وربنا يوفقك ان شاء الله |
بإذن الله هانزل الاسبوع ده اروح ادور عليه
و جزاك الله كل خير يا استاذ السؤال اللي بعده يا استاذ ............ |
اقتباس:
ربنا يوفقك يا احمد ان شاء الله |
سؤال جديد
ماذا تعرف عن الزمكان ؟ |
اقتباس:
هو بيوصف الفضاء علي انه نسيج رباعي الابعاد متصل ابعاده المكانية التلاتة_طول وعرض وارتفاع_ وبعد الزمن طبعا ده نتج عنه _طالما هو بعد_ اننا ممكن نتحرك فيه للامام وللخلف ونقف كمان وقال انهم نظام متصل _بمعني انهم زي راس مال واحد كده زي الانسان اللي قاعد بيحس ان الوقت مش بيمشي لانه مضيع راس ماله بالزمن واللي بيتحرك فهو قاسم راس ماله بينهم طب لو اتحرك بسرعة الضوء يبقي استغل كل راس ماله بالمكان يعني انعدم الزمن دي حاجة بتدل ان مفيش سرعة اكبر من الضوء لان معني كده ان الزمن سعتها هيمشي بالسالب_ كل ده عمل حاجات كتير زي انه عرف حاجات تعاريف جديدة زي الجاذبية منها كمان جت فكرة ان الثقوب السوداء دي سفر فالزمكان معلش عالكلام المختصر والعرض السييئ |
اقتباس:
ما شاء الله بارك الله فيك |
الزمكان هو مصطلح من النظرية النسبية و هو مزج بين كلمتين هما الزمان و المكان
لان اينشتاين كان مقتنعاً بضرورة اضافة الزمن كبعد رابع لوصف اي حدث بدقة فأي حدث نحتاج ال وصفه نحتاج الي تحديد مكانه بالنسبة الي مكان معين او محور اسناد معين نحتاج الي تحديد البعد الطولي و العرضي و الارتفاع و زمن حدوث الحدث و كان لها دور كبير في النسبية العامة لاحتياج اينشتاين الي وصف شكل الابعاد بالقرب من كتلة كبيرة و احتياجه ايضاً لوصف التباطؤ الزمني بالقرب من الكتل الكبيرة حيث انه اثبت ان الزمن بالقرب من كتلة كبيرة ابطأ منه بعيداً عنها كما استعمله في وصف الاطر المرجعية الثابتة (مستحيلة عملياً) حيث وصفها انها نظام رباعي الابعاد كما استطاع استنتاج الاتأخر الزمني عن طريق تطبيقه و عجبني جداً الاستنتاج ده لشدة بساطته من خلال فكرة انحناء الزمكان فكر اينشتاين في امكانية وجود الثقوب السوداء نظرياً لكونها ثقلا كبيرا علي النسيج الكوني الافتراضي كما ظن البعض ان الثقوب السوداء نهاية الزمان و المكان لكن هذا الكلام غير دقيق لان النسيج الكوني لا يثقب كما افترضوا امكانية وجود ثقوب دودية تنقل بين ثقبين سود بسرعة فائقة لكني لست مقتنعاً بالفكرة بتاتاً استخدم العالم احمد زويل الزمكان في صناعة ميكرسكوبه رباعي الابعاد ياريت يا استاذ تطلب نقل الموضوع ده لقسم علم و علماء لانه هنا مش هايكون في تفاعل لان ده قسم دراسي و بارك الله فيك |
اقتباس:
ممتاز يا هيمو وراي ممتاز نقترحه على ادارة المنتدى |
اقتباس:
أما الآية الكريمة ((والذين كفروا أعمالهم كسراب بقيعة يحسبة الظمآن ماءأ )) صدق الله العظيم 1- ظاهرة السراب هى ظاهرة تحدث فى فصل الصيف فى منتصف النهار حيث تشتد حر الظهيرة, وتنتج من إنعكاسات وإنكسارات فى طبقات الهواء الباردة والساخنة مما يظهر هذه الظاهرة من السراب ولذا يرى المسافرون وجود ماء يظهر للعين وكأنها بحيرة ماء فيجرى للحصول علية نتيجة العطش فلا يجد شيئا وهذا خداع للنظر وسبحان الله فى كونه العظيم |
اقتباس:
كل الشكر لحضرتك لمشارتكم في هذه الصفحة وجزاكم الله كل خير وياليت لو عند حضرتك اسئلة شيقة فيزيائية ان تضعها حتى نثري هذه الصفحة وجزاكم الله كل خير نظرا لقيمة موضوع دردشة فيزيائية فقد قمت بتثبيتة بمنتدى محبى العلم والعلماء لأثراء الفكر العلمى والحوار الهادف فى مجال علم الفيزياء وياريت يكون فى كافة العلوم أيضا , وربنا يوفقكم دائما للخير والتقدم, وتقبلوا تحياتى |
اقتباس:
وشكرا لكم وجزاكم الله كل خير |
جميع الأوقات بتوقيت GMT +2. الساعة الآن 02:39 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.