îكرمتنى الوزارة بإعارة إلى سلطنة عمان من 6/9/2007إلى4/9/2011(أربعة سنوات فقط) بالأمر التنفيذى رقم 985 بتاريخ22/7/2007
î عدت من الإعارة وفوجئت بعدة عقوبات تنهال علىً وليس بذنب منى أو تقصير أو إهمال وهى:
1- رقيت إلى درجة كبير فى 1/7/2010 بالقرار رقم 604 فى23/11/2010 وتم سحب القرار فى 7/4/2011بالقرار 168 لسنة 2011 أى بعد أكثر من 4 أشهر.(بعد أن تحصن القرار) وأحيط سيادتكم علما أننى لم أكن أتبع قانون الكادر فى ذلك الوقت.
2- تم تسكينى على الكادر فى 14/12/2011 وذلك بعد منعى من امتحان الكادر حتى العودة من الإعارة وبذلك احتسبت أقدميتى من تاريخ التسكين طبقاً لقواعد قسم التنسيق بمديرية التعليم بالدقهلية ... فأصبحت أحدث مدرس فى المدرسة (بعد أصغر مدرس كنت أشرف عليه سابقاً) وبعد 28سنة خبرة و15سنة أعمل مدرس أول ثانوى و9سنوات على الدرجة الأولى.
îوبمراجعة قانون الكادر 155 لسنة 2007 الملزم للكافة فى لائحته التنفيذية الصادرة بالقرار رقم 2840 لسنة 2007 من رئيس مجلس الوزراء بشأنالقانون رقم 155 لسنة 2007 ينص فى صفحة 4 مادة 3 منه على أن المفاضلة بين من يجتازون الكادر كالآتى:
1- الأعلى فى درجة الإختبار..2- الأعلى فى مرتبة الحصول على المؤهل اللازم لشغل الوظيفة.
3- الأعلى مؤهلاً.4- الأكثر فى مدة الخبرة.5- الأقدم تخرجاً.6- الأكبر سناً.

î وأيضاً يوجد فتوى من الوزارة (الادارة العامةللشئون القانونية – ادارة الفتوى) ملف 942/كادر لسنة 2009بخصوص كيف يتم ترتيبالاقدمية ...افادت ادارة الفتوى يعتبر كل اختبار من الاختبارات بالكادروحدة واحدة بحيث يكون الاقدم قبل اجتياز الاختبارات هو ذاته الاقدم بعد اجتيازالاختبار فى امتحان لاحق.يتم ترتيب الاقدمية بالنسبة للمعلمين بالمدرسةطبقا للوظائف التى تم تسكينهم عليها بعد اختبارات الكادر:"معلم خبير - معلم اول أ- معلم اول – معلم".ويتم ترتيب الاقدمية لكل فئة من الفئات المذكورة سالفا طبقاللاسس التالية:"الاعلى مؤهلا ثم الاقدم تخرجا ثم الاكبر سنا "
أنا الآن معلم خبير فى المرحلة الرابعة للترقيات ...أرجو إفادتى بقانون المفاضلة بين المعلمين بالمدرسة ...وكيف أستعيد الدرجة المسحوبة وهل هى من حقى أم لا.. ولسيادتكم جزيل الشكر .. ياريت تكون الإجابة بمستند قانونى.
ياسر عبدالسلام السيد ستينمعلم خبير (لغة إنجليزية)إدارة غرب المنصورة التعليمية مدرسة أم المؤمنين الثانوية بناتتعيين : 8/10/1984
ميلاد : 19/3/1963

السلام عليكم
سياده المستشار القانونى
انا حضرتك اتنقلت من ادارتى لاداره تانيه من 4-10 اللى فات وخدت مرتب شهر 10 وحوافز 9 من ادارتى السابقه ومرتب 11 وحوافز 10 اتعملولى فى ادارتى الحاليه
المشكله بقى ان كان فيه بينى وبين ادارى مدرستى السابق مشاكل كتير وكان نتيجتها انه حاططنى اوى فى دماغه لدرجه انه كان بيتعمد يحطنى فى مواقف محرجه مثيره للاستغراب لدرجه انى بجد كنت معتقده انه شخص مختل عقليا
زى مثلا انى كنت منتدبه لمدرسه تانيه فكان طبعا قارفنى عشان جوابات الانتظام لان كان مرتبى وحوافزى فى ايده وكل لما اجيبها يتصرف تصرف عجيب
اول تصرف اتصرفه انى لما جيبتله جوابات الانتظام بعت للمدرسه اللى كنت منتدبه ليها بعد كام شهر وقال للسكرتيره انه موصلوش اى جوابات منى مع العلم انها كان معاها نسخه وممضيه منه ومختومه بختم المدرسه باستلامه الاصل لدرجه ان السكرتيره كانت يومها هتتجنن وقالتلى امال مين اللى ماضى وخاتم
وطبعا لما قلت للمدير باللى عمله منعنى من انى اوصله اى جوابات تانى وقاله يبعت بالبريد وانه مش شغلى
وبعدها لما المدير طلع معاش عمل تقريبا حركه مشابهه واصر على انى اجيب جواب انتظام تانى اما مش هاخد مرتبى فكل الناس قالتلى كبرى دماغك وخديه على قد عقله المهم جبته لقيته بيقولى هو انتى اللى كاتباه بنفسك وبعت للسكرتيره يعلمها ازاى تكتب جواب انتظام ومش كدا وبس دا طلب اعاده ارسال جواب الانتظام مع العلم ان الجواب دا فى الفتره من شهر 7-9 واحنا كنا فى 11 يعنى بعد ماخليت من عنده وخدت مرتب 10 كمان دول مثالين بس على المواقف المختله عقليا اللى كان بيعملها معايا عشان يضايقنى المهم بعدها قررت انى خلاص ماليش اى علاقه بيه وانى مش هوصل جوابات منه تانى بعد مواقفه الغبيه وانى خلاص اتنقلت وانا فعليا خلاص اتنقلت اداره تانيه وباخد مرتبى من ادارتى مع العلم انى لسه منتدبه يومين فى مدرسه جمب المدرسه اللى هو فيها النهارده بقى لقيته باعتلى جواب عشان اوصله تانى لمدرستى الاصليه فرفضت بعد المواقف اللى عاملها معايا ورفضت حتى اقرا الجواب وقلت دا مش شغلى ودا شغل ادارى بين المدرستين المهم لقيته باعتلى تانى مع زميله ليا وبيقولى ان الجواب دا خاص ببدل اعتمادى عن شهر 10 لانى واخده مرتب 10 من عنده وبيهددنى انى لو موصلتوش لمدرستى مش هاخد بدل الاعتماد وانه هيعلقه لحد مااجيب جواب من مدرستى الاصليه دى الحاجه الاولى الحاجه التانيه بقى ان كان ليا يومين المفترض انه يخصمهم قبل مااخلى فهو مخصمهمش مع العلم انى قلت اكتر من مليون مره انه يخصمهم ومطلبتش منه لامجامله ولا اى شىء
لكن هو مخصمهمش فبعت مع زميلتى بيقولها انه ممكن يتسبب فى تحويلى للتحقيق عشانهم فانا بقى قلت لزميلتى الاتى اولا انها تبلغه ان هو لو مخصمهمش انا اللى هبلغ المتابع اللى بيجى يشوف شغله
ثانيا انه يخبط دماغه فى الحيط وانى مش موصله جوابات لانى شايفه انه مش شغلى
فانا عايزا رايى حضرتك القانونى فى الموضوع دا
هل انا مسؤله عن توصيل جوابات منه لمدرستى الاصليه عشان بدل اعتماد شهر 10 ولا دا شغله هو ؟
وهل من حقى انى اشتكيه رسميا لو معملوش لانى المفترض انى واخده مرتب 10 من عنده ولا لا مع العلم ان زى ماقلت لحضرتك انه قال لزميلتى انه هيعمل اجراءاته ويحوله امانات او هيعلقه لانى مجبتلوش جواب من مدرستى الاصليه ومرضيتش اوصل جوابه و بصراحه انا قرفت من الراجل دا وناويه اشتكيه فى النيابه الاداريه لانى ماسكه عليه مخالفات تانيه كتير وطبعا مش خاصه بيا انا لانه كان حذر فى كل اللى يخصنى تحديدا لانه للاسف انسان بيستغل شغله تبع اهواءه الشخصيه فبيجامل دا ودا مجاملات توديه فى داهيه دول طبعا الناس اللى بيريحوا دماغهم منه وبياخدوه على قد عقله

سيدى الفاضل فى المدرسة التى اعمل بهايوقع المدرسون حضور ولا يوقعون انصراف كل واحد يخلص حصصة ويمشى والكثيريين يوقعون حضور لزملائهم الى اصلاا مجوش المدرسة ووكيلة الدفتر تمضى هى لهم جميعاا انصراف عدا حوالى عشرة مدرسين منهم انا تصر على ان نبقى بالمدرسة لنهاية اليوم لتوقيع الانصراف ودة لاننا منقوليين حديثاا للمدرسة ومش واخدين عليها وملناش مصالح مشتركة معاها وكل ما اطلبة العدل وان يبقى الجميع مثلنا او نمشى مثلهم ما الاجراء القانونى الى ممكن نتخذة حتى نعامل جميعاا بمكيال واحد؟علماا ان مدير المدرسة كانة مش موجود لا يرى لا يسمع لا يتكلم

أخى الفاضل السلام عليكم ورحمة الله وبركاته لك منى التحية والتقدير اريد من حضرتك الإستفسار عن ضم المدة التى كنا نعمل بها بالعقد الشامل قبل التعيين حيث أننى تعيين 1/11/2011 وقد قمنا بعمل وتجهيز أوراق ضم المدة إلا أننا صدمنا بخبر بأن الوزير أصدر قراراً بعدم ضم المدة وللعلم تاريخ التعاقد 1/9/2007 مع العلم أن المعيين قبلنا بتاريخ 1/3/2001 قد ضم لهم المدة الرجاء من حضرتك الإفادة ماذا نفعل ولكم منى جزيل الشكر

للتعديل المعين 1/3/2011 وليس 1/3/2001