:(يا جماعة انتو بتذاكروا قصة العربي منين ؟ هوا الاضواء نزل ؟

يا جماعة انا مش عارفة انظم وقتى خالص كل مادة يومين فى الاسبوع زائد يوم امتحان والوقت ضايع بطريقة رهيبة وللأسف مفيش حد بيدى حصة فى الأسبوع زى فى المحافظات التانية :(
ده جدول دروسى ياريت حد يساعدنى بجد عشان مش لاقية وقت للحل فى الملخصات عشان بحس الوقت بيضيييع
السبت : امتحان فيزيا اسبوع وكيميا اسبوع(8-11) - فرنساوى (3-4.30 ) جيولوجيا 4.30-6.30
الاحد أحياء 9.30 -11.30 انجلش 2-3.30 عربى 4-6
الاثنين فيزيا 7.30-10.30 جيولوجيا 4.30-6.30 "يوم فاضى اهو وبردو بيضيع عشان مفيش استفادة قصوى وتنظيم :(( "
الثلاث فرنساوى 3-4.30 كيميا 7-9.30
الاربع احياء 9.30-11.30 انجليزى 2-3.30 عربى 4-6
الخميس فيزيا 7.30-10.30 جيولوجيا 12.30-2.30
الجمعة امتحان أحياء 9.30-11.30 امتحان عربى 2-4 كيمياء 4-6.30

أرجو المساعدة بجدددد

اه نزل هو والامتحان والرسالة الحقى قبل مايخلصوا :)

بالنسبه للأحياء والفيزياء
 

صفحة 50ف كتاب الامتحان المسالة رقم خ ف السؤال الرابع حلها ايه والعوامل اللي تتوقف عليها شدة التيار ايه

السؤال الثالث رقم 2
السؤال الخامس رقم ب ايه

س4ج: هاتي مساحه Aعادي،مساحهB=مساحته الخارجية(باستخدام القطر الخارجي)-مساحته الداخلية
س4ب٣:يتوقف علي فرق الجهد"طردي" والمقاومه "عكسي"
س5ب:
مفتوح:V١=Vb
V٢=0
مغلق:
V١=VB-Ir
V٢=IR
(2)عند نقص المقاومه الماخوذه منSتقلRt وبالتالي يزدادIوبالتالي يزداد قيمن المقدار,,Irوتزداد V2لانها=IR وIزادت

س3ب2:التوصيل لل3مقاومات توالي للحصول مقاومه مكافئه اكبرمايمكن ،ارسميهم عادي ،والاثبات اظنه يقصد تجربه توصيل المقاومات ع التوالي

اها الاضواء نزل
انتي اهم حاجة تذاكري الفصل من الاضواء يعني تقريه قراية تمام وبعد كدا تحلي

والله انا زيك كدا ممعيش انا الا غير يومين فاضي فيهم في الاسبوع بحاول استغلهم واحل الواجبات واذاكر فيهم
انا بقي
السبت : كيمياء الساعة 8 مساء لحد 10
الاحد : اجازة
الاثنين : رياضيات من 12 الظهر لحد الساعة 2 وبعده e الساعة 3 وبعده عربي الساعة 9 لحد 10 ونصف
الثلاثاء : اجازة
الاربعاء : فيزياء الساعة 2 ونصف لحد 4 ونصف وكيمياء الساعة 8 مساء
الخميس : رياضيات 12 وe الساعة 4 ونصف وعربي الساعة 7 ونصف
الجمعة : فيزياء الساعة 5 وألماني الساعة 8

يعني الدرس الوحيد الي حصة واحدة هو الالماني ;)

اامسحى رسايل من عندك ع اعرف ابعتلك .:mad:..انتى غبتى كتير وعاوزة اكلمك ..افتقدتك كثيرا ^^

بصي بعد ما بترسمي المسار سواء كان عكس عقارب الساعة او معاها
تبصي علي التيار لما بيخرج لما يعدي في المقاومة بترسمي سهم عكس التيار ولما بتاجي بتعوضي بتعوضي بالسالب لانع عكس التيار
علي العيد كدا هنزل طريقة حلوة جدا لكيرشوف

أوجد المقاومة المكافئة
http://i.imgur.com/3MkV9q7.jpg

المقاومة 10 اوم مش هيمر فيها تيار صح ؟
المقاومة المكافئه طلعت ب 7 اوم ..يارب يارب تكون صح ..ولو سمحت حضرتك المساله اللي حضرتك عرضتها قبل هذى صح ولا غلط الناتج بتاعها ..كان طلع ب5 اوم ..ياريت حضرتك تقول صح ولا غلط وشكرا على مسائل حضرتك الممتعة ^^

كل عام وانتم بخير ..اعاد الله هذى الايام الجميله علينا جميعا بالخير ,وكل مننا قد حقق هدفه وطموحه الذى يصبو اليه ...^^

ممكن يامصطفى تظبط لنفسك جدول وتكتبه وتصوره وتنزله لينا هنا عشان نستفاد منه عشان انا محتاره جداااااااااااااااااااااااااااااا ومش عارف اظبط وقتى ازاااااى بس قبل الاسبوع الجديد ياريييييييييت :confused::confused:

http://i.imgur.com/nbkKXTv.jpg

تم الحل :d
وفعلا المقاومة المكافئة ب 7 أوم
وايضا التيار مش هيمر في المقاومة 10 أوم
لان التيار بالعربي كدا لو لقي سلك فاضي هيمر فيه احسن ما يمر في المقاومة :d

عادي هحاول بقدر الامكان هذاكر كل الي اخدته ولو فيه وقت هحل

هيا فعلا فيها جمل صعبة خالص
بس والله الامتحان بيكون ابسط من كدا بكتير
بس المذكرة دي بغرض الافادة في حياتنا مش في امتحاناتنا بس
انما لو عاوزة تذاكري وتتحسني في الترجمة
انا نشرت بعد عيد الفطر حوالي 4 مذكرات حلوين خالص معملوين علي هيئة كورسات ابقي شوفيهم

انا صراحة
مش هعمل جدول او زي ما تقولي كدا انا مش ماشي بجدول
انا إن شاء الله نويت الحمد لله واتوكلت علي الله اني لازم اذاكر المواد كلها
انتي ممكن مثلا اول يوم العيد تذاكري كل الي فاتك من العربي مثلا وتحلي بعد كدا مثلا تقلبي علي الكيمياء تحلي عليها وهكذا لحد ما تخلصي خالص

حاضر ان شاء الله هنزلهم دلوقتى ويارب اوصل للصفحة الموجودة فيهم بسرعة ^^

الحل ل ب
ب_1-f1f1,f2f2;كلاهما فالق عادى
2-الكتله اليمنى ل f1f1الحائط العلوى والكتله اليسر لf2f2 الحائط العلوى
3-فالق بارز
4-توجد تراكيب ثانوية اخري ـثنيه مقعرة
5-محور الثنيه

العفو...حسب التعريف ; لانهم يشتركوا ف الحائط السفلي ‏‎

صباح الخير ^^ ... العيد خلاص على الأبواب، افرحوا وانبسطوا وخرجوا كل الضغط اللى جواكم بس استنوا لحظة !! .
إجازة العيد أنسب فرصة انك تظبط أمورك كلها فيها ، افرح وأخرج أول يوم واشترى بلالين ‏‎grin‎‏ رمز تعبيري وياريت تشتروا لى معاكم ‏‎grin‎‏ رمز تعبيري
شوف بقى بعدها ايه اللى ناقصك وابتدى حسن اخطاءك :
العربى مثلا : راجع النص أو درس القراءة أو أى جزء انت حاسس انك نسيته .
الإنجليزى : راجع الكلمات وشوف غلطاتك كانت فين وركز عليها .
الفرنساوى زى الانجليزى .
الفيزياء : كتير اشتكوا من مسائل المقاومة .. حل كتير مسائل تانى وشوف الأفكار اللى كنت بتغلط فيها وحاول تحلها تانى وتالت من غير اى غلط وراجع النظرى اللى نسيته .
الكيمياء : راجع معدلاتك بالورقة والقلم .
الجولوجيا : راجعها من أولها كلها عشان بتتنسي بسرعة .
الأحياء : شوف الأسئلة والأجزاء اللى مكنتش حافظها كويس واحفظها تانى .
الجغرافيا : راجع التعريفات والخرائط .
التاريخ : راجع التواريخ واربط الأحداث ببعض .
الفلسفة وعلم النفس : شوف نقط ضعفك فين وذاكرهم تانى .
الرياضة بكل فروعها : دور على المسائل اللى فكرتها كانت صعبة بالنسبالك وحلها تانى .
**باختصار اى حاجة متأخرة عليك انجزها فى أيام العيد دى فرصة ليك انت .... افرح اول يوم ... ومن بداية اليوم التانى قسم نفسك مثلا مادتين أو 3 مواد فى اليوم ... بلاش مواد تقيلة مع بعضها يعنى بلاش فيزيا وكيميا مع بعض ... وبلاش فرنساوي وأنجليزى ورا بعض ... انت اكتر واحد تعرف تنظم هتذاكر ازاى ‏‎kiki‎‏ رمز تعبيري
#‏العيد_فرصة

#‏للطموحين_فقط ‏‎grin‎‏ رمز تعبيري

ده بوست من الفيس
يارب يفيدكم

تسلمي ياأختي ونفع الله بكي^^،لسه فيه فعلا ناس حلوة قلوبها جميله<3،،،اظن دي خطه كل انسان طموح/انسانةطموحه هيستغل فعلا فرصه مش راح تتعوض ينظم الوقت ويبتدي من جديد^^،ده من وجهة نظري واللي هنفذه باذن الله*_* بس من غير جداول^^

ربنا يخليكى احنا كلنا هنا اخوات وهدفنا افادت بعض عشان احنا ف نفس ظرووووف بعض :):wub::wub:

طيب الحمد لله انك عرفتيها :)

قولنا بقى انت هتعمل ازاى اكيد حطيت التاتش بتاعتك
انا حددت كل الى ناقصنى وهبدا من يوم الاحد باذن الله

http://im45.gulfup.com/lux0O0.jpg

إستفسار بعد إذنك يا دكتور

إحن بنعرف الفالق الساتر أو البارز : فالق تتأثر فيه الصخور بفالقين عادين يتحدانفى صخور الحائط السفلى

وحضرتك قلت إن
2-الكتله اليمنى ل f1f1الحائط العلوى والكتله اليسر لf2f2 الحائط العلوى

فلماذا لم نقل أنها صخور الحائط السفلى طبقا للتعريف للفالق البارز

انا إن شاء الله هبدأ من يوم الوقفة يعني يوم الاربعاء
لاني طبعا مش هيكون فيه دروس
وهبدأ بالعربي ان شاء الله

اولا : شكرا لحضرتك على لفظ دكتور بس دكتور"ة" ان شاء الله .ربنا يستجيب ان شاء الله يا دكتور ^^
ثانيا:تعريف حضرتك مظبوط تماما ..اذا الكتله المحصورة بين F1F1,F2F2 هى الحائط السفلى "منطقه الاتحاد بينهم"..وليست الكتله اليمنى ل f1f1ا اوالكتله اليسر لf2f2
ليسو مشتركين بها
هقول لحضرتك على طريقة تعرف بيها نوع الفالق والحائط العلوى او السفلى اذا لم تكن تعرف :
-ضع القلم منطبقا على مستوى الفالق ثم تحرك بحركة موازىة على احد جانبي الفالق اذا القلم طلع لاعلى ده بيكون حائط علوى والعكس لو وجدت انك تنزل بيكون سفلى ..ثم تحرك بنفس الحركة الموازىه لمستوى الفالق على الجانب الاخر للفالق اذا تحرك لاسفل بيكون حائط سفلى والعكس
-كده حددنا اذا كان حائط علوى او سفلى ...لنوع الفالق بقي : اذا كان الحائط علوى ووجدت كتل الصخور اسفل بالنسبه للاخرى =>فالق عادى .....واذا كانت كتله الصخور اعلى بالنسبه للاخرى =>فالق معكوس
ــــــــــــــــــــــــــ
يارب اكون وصلت اى حاجة لحضرتك ..تنفيذها عملى من احد امامك هيكون افضل

تمام وصلتلها وقراتهم جميعا بس فيه جملة Satellite navigation system help to reduce the number of rood accidents

هل هى helps or help ?

اظنها helps لان الفاعل مفرد صحيح ؟

There should be a governmental organization which are specialized in solving problems efficiently
are=>is ?...اظنها خطا مطبعى صح ^^
بس ماشاء الله تنسيق ممتاز وثروت حضرتك فى الانجلش جميله ماشاء الله ربنا يحميك