|
بالطبع عندى استعداد لعمل اعتصام فى حالة عدم التعين . ولكن اذا تأخرت النتيجة للتيرم الثانى فأنا ضد الاعتصام فى هذه الحالة وأطلب من الجميع الصبر والتروى حتى يتبين لنا ما يجرى وراء الستائر .
فالدكتور بدر لن يقبل الاعتصام لمجرد تأخر النتيجة , وهو صاحب القرارات الحازمة . بالطبع أنا لا أدعو للتخاذل ولكنى أدعو للتعقل وعدم التسرع . معا للوصول الى حقوقنا .ولن نسمح بمزيد من التجاهل والاستخفاف بنا . |
السلام عليكم ورحمة الله وبركاتة
يا جماعة يا رجال يا إخوان يا أخوات يا عمد يا بكوات يا بشاوات كلام كلالالالالالالالالالالالالالالالالالالام وليس فيه فعل بصوا وشوفوا بالله عليكم كم وحجم المنتدى ولم يكن هناك نتيجة واحدة كفاكم تهريج وإهدار للوقت قد ناديت بالحل من قبل ولازم يكون متحدثين لنا يقابلون الوزير ودا بالمندوبين الرجال ذو العزم وعدم الخوف ياريت تفهموا وتعقلوا مستقبلنا بأيد الله وبأيدينا !!!!!!!!!!!!!!!!!!!!!!!!!! |
وفقكم الله ....حددو انتو بتعملو ايه وانا معاكم
|
الكلام خلص وكل مشاركة تبقى فعل من خلال الاطلاع على بعض المواقع والاقسام التى تتحدث عن المتعاقدين وجدت من خلال مشاركات الاعضاء - اجماع على رفض الوضع الحالى - اجماع على أن التعيين لن ياتى الا بالاعتصام - اجماع على الموافقة على الاعتصام باقى ايه ؟؟؟ - 1- مطالب المتعاقدين؟ - 2- موعد الاعتصام ؟ :excl:لكن ما ننساش ان الحكومة دائما تتخذ مبدأ التفرقة لاضعاف الصوت الواحد يعنى دلوقتى انقسم المتعاقدين تربوى / غير تربوى / حاصل على icdl / غير حاصل متعاقد قديم (اكثر من سنة) / متعاقد حديث متعاقد امتحن كادر / متعاقد لم يمتحن كادر يبقى مطالبنا ايه :(((((((((( ده اقتراحى )))))) 1- كلنا واحد يعنى التعيين للجميع 2- ضم مدة التعاقد بعد التعيين وضع ضوابط للحصول على دبلومة او icdl او.....بعد التعيين وليست شرطا للتعيين ثم نتفق على الموعد ... |
السلام عليكم ورحمة الله وبركاتة
إلى جميع الرجال والسيدات في المنتدى والجادين الشجعان فقط .. أرجو اللقاء معهم والمحادثات فيما يتعلق بحملتنا وأنا من سكان شمال سيناء وعملي أيضا هناك وسوف يكون لي طلب في القاهرة غدا الإثنين فإذا كان لدكم الرغبة في اللقاء معي غدا لأقص عليكم ما في رأسي ونحدد خطوات عملية وليست نطرية لكي نسلك طريق محدد وأنا ضد الاعتصامات بمفهومها الحالي لكن هناك وسائل ضغط أفضل لكن إذا إتفقنا على إعتصام اليوم الواحد سوف نأخذ مواقفة الأمن ودا مش ضعف لكن شجاعة ... أرجوا التفكير في كلامي وأرجو من الأخ هشام إذا كان من سكان القاهرة يقابلني المعروف بـ إساوي وأي صديق من المنتدى يريد مقابلتي أتشرف به .. أنا سوف أكون إن شاء الله في العتبة حوالي الساعة الثانية عشر ظهرا ورقمي هو 0111612280 ... وفي النهاية ياجماعة نحن لسنا ضد الأمن ولا الأمن ضدنا ويا ريت ننسى المثل خليك حنب الحيط و عيش جبان تموت مستور ... ليس شيئ بعد الكرامة ... بالمناسبة يكفينا أربعة أشخاص فقط وسوف ننشر ما توصلنا إلية على المنتدى إن شاء الله وقدر لنا المقابلة .. وشكرا للجميع |
اسيوط المطيعة
:039uw8: تهانينا الحارة لكل المعلمين المساعدين باعتماد معالى الوزير لنتيجة الكادر واتمنى لكم من الله التثبيت العاجل بلا تسويف ولا تعطيل والحمد لله أولا وأخرا فلا يحمد غيره ولا يشكر سواه |
اللهم صلى على سيدنا محمد فى الاولين وصلى على سيدنا محمد فى الاخرين وصلى على سيدنا محمد فى الملأ الاعلى الى يوم الدين (يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا. |
معالى السيد الاستاذ الدكتور وزير التربية والتعليم
تحية طيبة وبعد ؛ نحيط علم سعادتكم بأننى متعاقد بالتربية والتعليم عقدا مميزا كمدرس فصل بالمرحلة الإبتدائية مع العلم بأننى حاصل على ليسانس الآداب فى اللغه الفرنسيه بتقدير عام جيد جدا وكنت الأول فى الترتيب على دفعتى وقد تم نشر اسمى ضمن أوائل كلية الآداب لعام 2007م بجريدة الجمهوريه العدد رقم 19592 بالصفحه رقم 12 تحت باب عقول تتفتح وكذلك حاصل على دبلوم تربوى بتقدير عام جيد جدا . وقد تم هذا التعاقد لأن كل التعاقدات التى كانت بالإدارة كانت للتعليم الإبتدائى وقد وعدنى المسؤلون انا بالإدارة انه سيتم ندبى للثانويه العامه لممارسة تخصصى كمدرس لغه فرنسيه بعودة الصف الثانى الثانوى ولأننى أحق بذلك من واقع تقديرى وبعد عودة الصف الثانى الثانوى ووجود عجز فى مدرسى اللغه الفرنسيه بإدارة بلطيم التعليميه قدره 19 مدرساَ وذلك من واقع توجيه اللغه الفرنسيه تركنا المسئولون واستقدموا مدرسين أخرين للعمل بنظام الأجر كمدرسى لغه فرنسيه ومنهم من هو من خارج المركز وتركونا بالتعليم الابتدائى والآن تم التعاقد معهم اتوجه الى سيادتكم مناشدا اياكم بالله ان تتفضلوا بقرار للمسؤلين لدرج اسماء المتعاقدين كمدرسى فصل بالمرحله الابتدائيه مع زملائنا المتعاقدين مدرس لغه فرنسية واختيار الأعلى فى التقدير لأنه لايرضى الله تعالى ولا الناس ايضا ان يعمل بالثانويه العامه من هو حاصل على تقدير مقبول وأن أعمل انا مدرس فصل وانا الأول على الدفعة ؛ ونسأل الله أن يجعلكم دائما عوناَ على نصرة الحق وأهله |
|
قرأتم الخبر اللى فى موضوع ( وماذا بعد فرحة النجاح )؟؟؟؟؟
تعليق الأخ smart وقع علي كالصاعقة . أرجو منه التأكد من هذا الأمر . كما أرجو الاتصال بمصدر الخبر ( رئيس أكاديمية الزقازيق ) للتأكد ... وربنا يستر |
و النبى حد يرد علية الى بيحب ربنا يرد انا خد icdl عربى معترف بية ممكن اقدمة فى الاكاديمية الى بيحب ربنا يرد علية و انا هدعى لة
|
معترف به ياعم
والف مبروك للنجحين ونحمد الله تعالى |
بس متحلفش
بغير الله |
كان الله ف عون كل معلم يريد حقا من داخله ان يرفع راية العلم والعلماء ...........ويحمل على عاتقه هذه الرسالة الرفيعة ( رسالة العلم ) بكل أسف فى دولة لاتعرف للعلم ولا للعلماء قدرا.
|
انا عقدى هينتهى ف شهر 4 ولسة مقدم فى الدبلومة سنتين السنة دى والله حد يرد عليا و يقولى هيعملوا اية فى ورق نقدمة لتجديد العقد
|
ومازلنا فى مسلسل التربيه والتعليم اللذى لا نعلم متى تكون الحلقه الاخيره
ممكن عند 60 سنه يتم تكريم المعلم وأعطائه حقه ولا علشان ياخد المعاش يعملوا امتحان كادر امتى يسترد المعلم كرامته المهانه من الداخل لا اعتلرض على الوضع الحالى من تطور لاكن اعترض على الاسلوب اللذى يهان به المعلم لو الامتحان علشان الترقيه نقول ماشى لاكن علشان اجر زياده اطلب منك شروط ومفيش نظام فى الترتيب والى اشتغل بالحصه سنتين بدون تعاقد وناس كتير اتعاقدت وهوه الاولى بالتعاقد وصبر لغاية لما اتعاقد بس بعد ايه لما الناس الى قبله بقت اقدم منه وياريت اقدم منه حتى فى سنة التخرج وامتحنوا كمان كادر اقول ايه ربنا يهديهم معرفش انا بكتب رد لقيت نفسى سرحت فى الكتابه وكتبت كل ده |
ومالك ياساره فرحانة وانتى جايبة ارقام احمد درويش
دا افشل وزير خلقه ربنا وهو سبب البلاوى اللى احنا فيها الله يخرب بيته اللهم امين |
يا حبيبى احنا فى معركة مع اسرائيل واللى احنا فيه دا اسرار حربية واحنا العدو خاييفين نعرف اى معلومة عن وضعنا الحالى هنتثبت ولا هنتنيل احسن نحتلهم ون*** كام تلميذ وناخد كام تلميذ رهائن
ذالذمة دى حكومة ولا دى بلد الواحد يشعر بالانتماء ليها ولا يتمنى ان اولاده يعيشوا فيها ويتعذبوا زينا كده منهم لله اللى سرقوها وكرهونا فيها |
انا كمان سألت فى الاكادمية وانا باقدم افادة icdl ولا اى حد عارف اى حاجة لما احمد درويش باشا يتكرم ويقول لهم هيعملوا ايه
|
السلام عليكم ورحمة الله وبركاته
انا داخل اتساءل احنا هنتثبت ولا لاء دلوقتي انا بكالوريوس تربية يعني مليش تربوي وامتحانت ونجحت ومعايا الicdl من سنة واكتر ومقدم كل الاصول ايه الي ناقص بقى وكل يوم نسمع تصريح جديد وحاجة جديدة وفي الاخر محدش عارف حاجة يعني سمعت ان في محافظات سكنت الناس على الوظائف الجديدة انا من السويس وانهاردة سمعت انهم هيجددو لسة سنة كمان طب بناء على ايه العقد بيقول انه يجوز التجديد في حالة اني مخدتش التربوي او الترخيص يببقى ليه يجدد وانا مخلص كل ده رجاء يا جماعة الي عندوه معلومات يقولها ولو فعلا في محافظات سكنت يدخلو ويقوله والي ظروفه زي ظروفي يعني نجح ومخلص كل حاجة هيوافق انه يجدد تاني لسة امال بقى ازاي نبقى معلم واحنا هنعمل عقد تاني على معلم مساعد احنا تايهين ونفسنا نعرف اي حاجة معلش طولت عليكم بس نفسي الاقي رد وجزاكم الله خيراً |
نظراً لما تبين للأكاديمية من وجود بعض الصعوبات أمام بعض المعلمين المساعدين لتقديم أصول مستنداتهم التي دخلوا بها امتحانات نوفمبر 2009 ، فقد تقرر إعطاء فرصة أخيرة تنتهي في يوم الأحد الموافق 15 / 3 / 20010 الساعة الثالثة مساءً.
فعلى المعلمين المساعدين الذين تنبطق عليهم الشروط السابقة سرعة تسليم المستندات المطلوبة لفرع الأكاديمية التابع لها حتى يتسنى الكشف عن النتائج، ومن الأهمية التأكيد على أن من لا يقم بتسليم المستندات في الفترة المذكورة سيتم إلغاء نتيجته بالكامل. |
لقد ضاعت هيبة المدرس بسبب المدرسين المتعاقدين بالحصة او بالعقد وكذلك الظروف الاقتصادية التي يعيشها الشباب اليوم . انا خريج جامعة المنيا عام 1997 بتقدير عام جيد كلية الاداب لغة عربية وعملت مدرس بالحصة عام 97 -98 في مدرسة ابتدائي والله كنا بندفع من جيوبنا مصاريف التنقل الي المدرسة من غير ان نقبض بالثلاث او بالاربع شهور في حين كان المدرسين خريجي تربية تعليم اساسي دفعة 97 متعينين اساسي علي العلم ان تنسيق كلية الاداب اعلي من تنسيق تعليم اساسي المهم حدثت مسابقة وقدمت فيها وكتبت رغباتي بورسعيد او الاقصر مع العلم انني من محافظة المنيا علي امل ان تكون تلك المحافظات في احتياج لمدرسين وبعض زملائي والاقل مني تقديرا كتبوا المنيا وني سويف هم جائهم التعيين لمحافظة بني سويف وانا لا طبعا الله اعلم انا لأ ليه مش عارف مع العلم انني لا انتمي الي اي تيار ديني غير انني محافظ جدا علي الصلوات الحمد لله بعد ذلك سافرت للعمل في السعودية واتعلمت الكمبيوتر وصيانة الشبكات واخذت قرصات مكثفة في الشبكات والحمد لله رب العالمين اشتريت قطعة ارض 350 م في بلدي وبنيت منزلي علي مساحة 175 م وتزوجت وتكاليف الزواج ممكن يكون اكثر من 75 او ما يقارب 100 الف جنيه والحمد لله عايش انا وزوجتي واولادي في جده السعودية وزوجتي خريجة كلية التربية 2005 جامعة المنيا رياضيات بتقدير عام جيد جدا مع مرتبة الشرف وايضا لم تجد فرصة مدرس الشاهد في الكلام هذا كله ان من اضاع هيبة المدرس هم الشباب المدرسين الذين يعملون بالحصة او بالعقد الآن وانا ادعوهم من هنا ان يتركوا العمل بوظيفة مدرس بالعقد لمده شهر واحد شوف الوزارة ها تعمل ايه طبعا انا ابشركم ان التعيينات ان شاء الله ها تبدأ في او عام 2011 طبعا عام انتخابات الرئاسة القادمة واللي ها يعين الشباب هو السيد جمال مبارك لانه ها يكون متقدم للرئاسة حتي يكسب ود الشعب يعني شوف السياسة الخاطئة للحكومة المصرية وقف التعينات وضياع العملية التعليمية وانا اناشد جميع خريجي التربية والتعليم بان لا يتقدموا الي العمل بهذه الطريقة المهينة
|
يا جماعة الموضوع فيه مماطلة وشكلها كدة مفيش تعيين ولا اى حاجة عاوزين نشوف هنعمل ايه
يا ريت يا جماعة نتحرك بسرعة؟ |
اقتباس:
|
يا جماعه لالالالالالالالالالالالالالالالالالالالالالالالالا لالالالالالالالازم نتحرك ارجوووووووووووووووووكم
ومن جميع المحاااااااااااااااااااافظات احنا كلنا ومعظمنا اوائل دفع ومتفوقين ليه بننذل كده لالالالالالالالالالالالالالالالالالالالالالالالالا لالالالالالازم نتحررررررررررررررررررررررررررررك |
السلام عليكم
يعنى حضرتك بتتكلم عن مين الى لازم نتحرك ؟؟ المتعاقدين الى امتحنوا ولا الى لسه ولا الى مش اشتغلوا اصلا |
اقتباس:
كلام منطقى :mad:>>>>>وجهة نظر :stickjo4: |
و بعدين و بعد الكلام الجميل دا كله حد بصلنا
حد اهتم بينا طيب لو رضينا بلعقد ايه رايكم في بنود العقد ؟ |
يا جماعة مش عاوزين نعمل زى النعامة اللى تدفن راسها فى الرمال ظنا منها ان احدا لن يراها
ايوة احنا بنعمل كدة يا جماعة مفيش تثبيت انا مش باحبطكم بس نفكر شوية اغلبنا بقالة اكتر من 3 سنين بالتعاقد وكل سنة يقولوا فى شهر 7 والغريب انه يزود شروط والغريب اننا كمان نجتازها زى ما يكون المسئولين مش عارفين يعملو امعانا ايه غير انهم يقرفونا مع ان الحل بسيط لازم وقفة جادة يا جماعة احنا مش قليلى العدد واعتقد اننا اللى شايلين الوزارة ومن غيرنا الوزارة هتفضى على الناس الكبيرة اللى مش بتدخل حصص اصلا بداعى انها كبيرة يا جماعة يا ريت نهتم شوية ونفكر دا مستقبلنا وحياتنا كل اللى احنا عاوزينه حقنا حقنا اننا نعيش بدون خوف حقنا لما المدير يطلب منك طلب على الاقل تحس انك انسان مش عبد عندة لازم تنفذ تعليماته حقنا انك لما تدخل اى مكان تقدر تقول انا معلم |
مستعد للاجابة عن تساؤلاتكم
|
| جميع الأوقات بتوقيت GMT +2. الساعة الآن 10:46 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.