|
وعليكم السلام ورحمه الله وبركاته يادكتور عبدالرحمن
يارب تكون الظروف خير انا كنت سألت حضرتك مره انا تربيه نوعيه رياض اطفال جامعه الزقازيق 2008وترتيبي السابعه علي الكليه والسادسه علي الدفعه مع العلم اني معلم مساعد رياض اطفال كنت عاوزه اعرف تعيني ايه مثلا في عشرين الاوائل علي الكليه |
مجلس الوزراء يوافق على تعيين 43 ألفا من أوائل الخريجين المصدر: الأهرام اليومى
بتاريخ : 21 يونيه 2011 القاهرة: وافق مجلس الوزراء على تعيين 43 ألفا من أوائل خريجى الجامعات والحاصلين على الدكتوراة والماجستير فى مختلف الوزارات والمصالح الحكومية والجامعات، وتبحث وزارة التعليم العالى مع وزارة المالية، والجهاز المركزى للتنظيم والإدارة ضوابط التعيين وآليات التنفيذ. وتضمنت مقترحات التشغيل ـ التى عرضها الدكتور عمرو عزت سلامة وزير التعليم العالى والبحث العلمى على مجلس الوزراء ـ تعيين أول كل كلية من خريجى 2010/2009 معيدا باستثناء الكليات التى تم التعيين بها فعلا. كما سيتم توزيع 4640 من خريجى كليات الطب البيطرى والزراعة على هيئة الخدمات البيطرية ومديريات الطب البيطرى والزراعة، وتوزيع 1500 من خريجى كليات التجارة (شعبة محاسبة) على مصلحة الضرائب. أما خريجو كليات الهندسة والعلوم والتخطيط العمرانى والتعليم الصناعى، وعددهم 7800، فسيتم توزيعهم على وزارة الصناعة والشركات للعمل ضمن مجموعات بحثية متخصصة فى تلك الجهات. ويشمل التشغيل عشرة آلاف من خريجى كليات التربية، والتربية النوعية، والآداب، ورياض الأطفال، والتربية الفنية والموسيقية على وزارة التربية والتعليم ومديرياتها بالمحافظات، إلى جانب 6600 خريج فى المراكز البحثية والجامعات. أما باقى الخريجين وعددهم 11 ألفا من مختلف التخصصات فسيتم توزيعهم على مديريات الخدمات بالمحافظات بمعدل 460 خريجا لكل محافظة. |
هل الكلام ده صحيح يا دكتور عبد الرحمن ؟؟؟
يعني هيكون تعيين عادي مش مميز ولا على درجة عالية ؟؟ زي ما قيل قبل كده ؟؟؟ يعني خريجي آداب هيبقى مدرس ؟؟ أمال الوظائف الإدارية اللي فالجامعة والمراكز البحثية هتكون لمين ؟؟ |
الله المستعان
|
اللهم قدر لنا الخير حيث كان
|
والله حرام
يا دكتور عبد الرحمن المنياوي أرجوك دلنا نعمل إيه يعني هو فعلا هيستبعدونا عشان احنا متأمن علينا طيب لو الواحد مش مرتاح في وظيفة هي مش تخصصه وعايز مجال تخصصه يبقى يتحرم من التعيين والله يبقى حرام عليهم كده .
|
خبر هام
أنا قرأت على الفيس بوك الكلام ده : واحد بيقول : خبر هام جدااااااا أنا إتصلت بالأكاديمية النهاردة وسألتهم ثلاث أسئلة :- 1- هو في إستمارة لازم نملاها في الأكاديميه عشان التعيين؟ قالي مفيش الكلام ده خالص2- تعينات الأوائل هتبقى في شهر 7 اللي جاي إن شاء الله؟ قالي لما نخلص الكوشوفات ونعرف الإحتياجات لكن ماأقدرش أجزم أو أوعدك إنه هيكون في شهر 7 الجاي ؟!! 3-هتستبعدو المتأمن عليهم من التعيين ؟ قالي أيوه هيتم إستبعادهم ؟؟!! قولتله طيب ما إنتم المفروض عليكم تبلغونا قبل ماتستبعدوناوإحنا نختار بين التعيين في الحكومه أو الإستمرار في العمل الخاص رد وقال المفروض ده يحصل فعلا"!!!! وإنتهت المكالمة ؟؟ فهل هذا صحيح يعني هيخيرونا بين الوظيفتين حتى لو كان متعين بعقد مؤقت في الحكومة ولا هيخيروا الناس اللي في القطاع الخاص بس دلوني يا جماعة ... |
انا كده قلقت اكتر انت قلتلى يومين يادكتور والنهارده خامس يوم ياريت ترد علينا
وجزاك الله خير ا |
هما أوائل الكليات
المقصود به العشرة الاوائل ولا العشرين الاوائل الموضع بجد ولا كده وكده ارجو التوضيح انا طالع المركز الحادي عشر على مستوى كلية التربية اسيوط 2006 المفروض ليا في التعيين لا ؟؟؟؟ |
لو سمحتم انا كنت عاوزة استفسر عن حاجه وياريت حد يفيدنى
انا دلوقتى خلصت كليه واشتغلت فى الحكومه مدرسة بس بالتعاقد وانا دلوقتى من ال20 الاوائل هل بئه هيستبعدونى عشان انا شغاله ولا هتعين ياريت حد يفيدنى فى الموضوع دة لانها بصراحه حاجه تزعل اوى لو استبعدونا يبقى كدة راح علينا فرصه التعيين يعنى |
ياجماعه الدكتور عبدالرحمن قال قبل كده ف موضوع الاستبعاد ده
قال لو واحده شغاله بالعقد وجالها مثلا تعين ف الجامعه قال هايخيروهم بين الوظيفتين وهي تختار وربنا يوفقك الجميع يارب |
ربنا يوفق الجميع
|
وقالى انا كده قالى بس انا هتأكدلك من الاستاذ/ماجد
واعرفلك ايه النظام وهرد عليك والكلام ده كان من خمس ايام وهو قالى يومين وهرد عليك وعشان كده احنا قالقنيين ويارب الى يكون شاغله خير |
السلام عليكم ورحمة الله وبركاته ..
معلش يا جماعة أنا اتأخرت شوية عليكم بس كان لازم أستوضح بعض الأمور علشان كلامي يكون مصدر ثقة منكم يا أخواني .. وع العموم أنا هاحكي وانتم تحكموا .. شوفوا ياجماعة تم فتح الموضوع مع الدكتور ماجد الشربيني والراجل قال : (كان مقترح ان احنا نعمل كده بس مش هنعمل) .. يعني لو انا بافهم عربي مش هندي متهيالي أنه لا استبعاد للمؤمن عليهم .. ثم قال : (بس ممنوع الجمع بين وظيفتين حكوميتين .. وعلشان كده على الأول أن يختار بين الوظيفتين .. لكن الناس اللي حاصلة على ماجستير ودكتوراة وليسوا كطلاب المنح لازم نستبعد المؤمن عليهم منهم ).. معلش أنا نقلتهالكم بشكل مجمل علشان كل واحد يفسر الكلام زي ماهو فاهم وقولولي رأيكم إيه ؟!!! طيب مالموظفين بيقولوا احنا هنستبعد مش احنا بنستبعد وركز بين اللفظين (هنستبعد) يعني بعد كده مش دلوقت .. طيب الراجل كان قاللنا بالضبط إن أوائل الخريجين عددهم في الحصر حتى الآن 34 ألف وكسور (على فكرة الراجل قال الرقم بالعدد بس انا مش متذكره بالضبط) .. المهم انهارده طلع الخبر وقال ان العدد وصل لما يقرب من 43 ألف خريج وهو ده على فكرة العدد الكلي للخريجين من العشرين الأوائل من دفعة 2003 - 2010 وده العدد اللي كان معلن قبل الحصر منذ حوالي 3 شهور .. يبقى فين استبعاد المؤمن عليهم ؟!!!!!! معلش بقى الناس تريح دماغها وتروق وتستنى التعيين بقى وبلاش قلق يا جماعة .. واللي يتصل بالأكاديمية يبقى يسلملنا على الموظفين اللي هناك ويبقى يسألهم انتم استبعدتم بالضبط كام واحد مؤمن عليه لغاية دلوقت ؟!!!!! |
اقتباس:
|
| جميع الأوقات بتوقيت GMT +2. الساعة الآن 04:07 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.