من رأيي انهم مش هيقدروا يخلوا قسم الكيمياء بفلوس ....عشان مينفعش يبقى فيه طلاب معانا داخلين القسم ده بتقديرهم و ناس دافعه فلوس في القسم ده ....يعني مثلا في تجارة في حد يقدر يتخرج من تجارة انجليزي و هو دافع فلوس و واحد تاني مش دافع ؟؟؟!!
او عندنا في قسم جيولوجيا البترول ..برده لازم كل اللي دخلوا يبقوا دافعين...يعني قصدي ان خرجين كيمياء يبقوا زي بعض ...وبعدين مش كل الناس هتموت على كيميا اوي ...فيه عايزين برمجه و حاسب عندنا ..و فيزياء كمان ..بيولوجي مثلا فيه كيميا حيويه او مايكروبيولوجي ...وان شاء الله خير و كل واحد يدخل القسم اللي عايزه

و بعدين هو مش مبنى طريق الحريه ده مبنى قسم الكيميا .......يعني ايه طيب امكانيات القسم مش هتكفي ؟؟! انا بيتهيألي ان اكتر قسم ممكن يقبل عدد كبير هو الكيميا ...

شكرا يانوجة على اهتمامك بجد انا عاجز عن شكرى ليكى
وفعلا انا ان شاء الله حتوكل على الله وحدخل جيولوجيا
والخير فيما اختاره الله

اوكيه احنا عددنا كبير شوية بس مدام الكلية قبلت العدد ده يبقى معناه ان طاقتها تستحمل.
و بعدين عمالين يقولولنا لما تختار تختار على اساس اللي بتحبه و سوق العمل ما تسيبونا نختار طيب.ولا عايزين تعملو مكتب التنسيق كلاكيت تاني مرة.
و الله يا ريت يكون الكلام ده صح بس انا شايف ان اللي عايزين حاجات غير كيمياء قليلين في كل الشعب..ياريت اكون غلطان عشان الضغط يخف على الكيمياء و لو اني مصمم ان سواء في ضغط او مفيش من حقنا ندخل اللي احنا عايزينه.
بالمناسبة انتي كتبتي اول حاجة ايه؟
صح طب ما دفعتنا السنادي كنا كلنا بناخد كيمياء كل الشعب ما القسم استوعبنا اهو...ممكن بس لو في مشاكل عدد السكاشن و المجموعات يزيد و خلاص.
و السنين اللي فاتت بالنسبة لعلوم طبيعية بالذات كانو و هم داخلين تانية يختاروا بين أ1(فيزيائية رياضية) و أ2(فيزيائية كيميائية)..و كان اللي بيختار حاجة بتجيله من غير كلام يعني اللي يختار أ2 يبقى ضمن يا كيمياء فيزياء يا كيمياء سبيشيال.
و طبعا قسم الكيمياء اكبر قسم و اكبر هيئة تدريس و اكبر ميزانية.
يا رب ندخل كيمياء و كل واحد عايز حاجة يدخلها!!

كتبت كيميا اول حاجه ...صح انا كنت محتارة فالاول و عايزة اروح حاسب ..بس مالقتش نفسي في البرمجه و محبتش دراسة قسم الحاسب ..ده انا حتى طلعت بمادة برمجةالسي

السلام عليكم يارب تكونوا جميعا بخير بالنسبة للسامر كورس انا كان معايا نبات والامتحان مكنش كويس وكان طويل انا شايف ان امتحان الكورس اللي فات كان اسهل ربنا يستر حاسس اني هطلع بيه تاني ادعولي ...........محدش يعرف النتيجة هتكون بعد اد ايه

ايه يا طلبة علوم مفيش اخبار جديدة عن نتيجة التنسيق طيب هى فى محرم بك ولا فى الشاطبى انا حتى مش عارفة اسال فين

السلام عليكم هيا نتيجة الاقسام تقريبا في محرم بيه لان تغير الرغبات بتكون هناك بس مش متاكد

عندى خبر تححححححححححححفة نتيجة الاقسام ظهرت النهاردة فى محرم بك والحمد لله جتلى كيميا وتقريبا اغلب الدفعة كيميا ما شاء الله القسم اخد 800 طالب وتقريبا اخدوها على حسب الرغبات تبع اللايحة اول مرة يطبقوا الشروط بحذافيرها يعنى اى حد كاتب اول رغبة مثلا كيميا تجيله
اول مرة احسن انى فى كلية ديمقراطية
وقسم كيميا حيوية 300 وميكروبيولوجى 40
يارب كله تجيله اللى عايزه ويفرح زى ما انا فرحاااااااااااااانة مبروك علينا كلنا
يلا اى حد يعرف يدخل ويكتب جاتله ايه
ما تنسوش حلاوتى

يارب يكون كلامك صح يا وان واي انا نفسي تجيلي كيمياء حيوية بس سمعت انها بتاخد تقدير عالي فكنت فاقد الامل انا بكرة انشاء الله هروح اشوفها ربنا يستر انا بتمني وعايش ع امل ان كلامك يكون اكيدومبروك ليكي ويارب كل واحد يدخل اللي يتمناه وياريت الكل يبقا يطمنا

ياسلامممممممممممم
تغيبى تغيبى و تظهرى بأحلى اخبار
ماشاء الله
طيب
انا حروح بكرة الصبح ان شاء الله محرم بك انا و اصحابى نشوفها
هى متعلقة فين؟ اروح فين احسن محرم بك دى كبييييييرة اوى

حلاوتك بعد نتيجة كل واحد فينا هههههههههههه
يلا
الف مبروك يا قمر

بس هما كدة مدخلوش السامر كورس و اللا ايه؟ انا مبقتش فهمة اى حاجة
الحمد لله

هو ممكن اغير الرغبات؟
اصل انا كتبة اول حاجة بيولوجيا جزيئية و تانى حاجة كيميا حيوى
و بصراحة فكرت لقيت انى المفروض كنت اعمل العكس و اكتب كيميا حيوى الأول

وان واى هو انتى تقديرك كان كام؟
هو قسم الكيميا اخد من كام؟ و لو تعرفى اى قسم اخد من كام ياريت تقولى
لو كدة يبقى ماخدوش لا بتقدير و اللا غيره
يارب يكون هو ده اللى حصل

عالعموم انا بكرة ان شاء الله رايحة الشاطبى و بعدين محرم بك و اى حاجة حعرفها حقولهالكم بإذن الله

بالنسبة لسؤالك يا nogha عن تقديرى انا جايبة 2.94
والصراحة انا اتصدمت فى حاجة غريبة ان فى ناس صحابى كانوا كاتبين اول رغبة حاجة وجاتلهم حاجة تانية خالص اعتقد برده انهم مدخلين التقدير فى الحسبان انا مش عايزة اقلق حد انا بكره هروح الشاطبى ومحرم بك وهعرفلكم الاخبار
النتيجة اكيد متعلقة فى محرم بك بس مش عارفة فين لانى لغاية دلوقتى مروحتش بس انا عرفت من صحابى وسمعت من واحدة بس انها فى الشاطبى وده مش اكيد
بالنسبة للتحويل انا فى واحدة صحبتى كانت كاتبة اول رغبة كيميا حيوية وجالها كيميا ولما راحت سالت عشان تحول كيميا حيوي قالولها لازم تبدلى مع حد واعتقد ان ده بيكون فى اول اسبوع لان فى ناس كتير بتستصعب الكيميا وفى ناس كمان جاتلهم بالغلط زى صحبتى
بالنسبة للسامر كورس دخلوهم برده فى التنسيق ازاى معرفش يعنى بال gpa بتاع الترم الاول والمواد اللى ناجحين فيها الترم التانى اضافت للكن مواد السامر كورس الصراحة معنديش فكرة

باركوووووووووولى يا جماعة
انا جتلى كيميا انا و اصحابى كلهم رغم ان فيه ناس مننا معدلاتهم كانت قليلة عن الباقى.... انا فرحانة اوووى و نفسى كلكو يجيلكو القسم اللى انتو عايزينه و تفرحوا معايا
النتيجة فعلا ظهرت انهارده ف محرم بيه
ربنا يوفقكو و ابقى طمونى او ل لما تعرفوا ابقوا طمنونى

[quote=Nogha;1576971]هو ممكن اغير الرغبات؟
اصل انا كتبة اول حاجة بيولوجيا جزيئية و تانى حاجة كيميا حيوى
و بصراحة فكرت لقيت انى المفروض كنت اعمل العكس و اكتب كيميا حيوى الأول

ايوة يا نهي في واحد زميلي غير بس الكلام ده كان قبل النتيجة معرفش دلوقتي ينفع ولا