بناء على التعليمات الوارده من الاكاديمية المهنية للمعلم بالقاهرة والمركز الرئيسى والتنظيم والادارة يتم التنبيه على جميع الادارات التعليمية بتسجيل جميع المعلمين والاخصائين المساعدين بما فيهم من سبق لهم التقدم لإختبارات الكادر من قبل ولم يجتازوا يليهم المتعاقدين حتى 30/6/2011 ثم المتعاقدين فى 30/9/2011 حيث سيتم تجميع كشوف موضحا بها البيانات التاليه ( كود المعلم - الاسم - التخصص المتعاقد عليها - المرحلة - تاريخ التعاقد ) على ان ترسل لفرع الاكاديمية التابع للمحافظة وعند استكمال المعلم المساعد لجميع متطلبات التعيين عليه ان يتقدم بملفه لشئون العاملين الاداره التعليمية وهى :
1- بيان حالة وظيفية الكترونى معتمد ومختوم
2- اصل شهادة icdl
3- صورة شهادة الدبلومة العامة لغير التربويين ( معتمدة صورة طبق الاصل من شئون العاملين )
4- صورة شهادة المؤهل الدراسى ( معتمدة صورة طبق الاصل من شئون العاملين )
5- اصل التعاقد موضحا به مادة التخصص وتاريخ التعاقد والمرحلة الدراسية المتعاقد عليها .
6- بطاقات تقييم الاداء من الموجة
7 - بطاقات تقييم الاداء من مدير المدرسة
8 - خطاب تقدم معتمد من مدير المدرسة
علما بأنه قد تم التنبيه على جميع الادارات التعليمية اليوم بالتسجيل لجميع التعاقدات حتى 20/9/2011 لابقسم الاحصاء التابع للإدارة التعليمية وسيتم استقبال الطلبات بداية من الغد ان شاء الله بشئون العاملين الادارة التعليمية والله الموفق للجميع

ياجماعةاناتعاقد3/9ومعاياicdlومش عارفةاسال فين عن التدريب ولااستنالمايبعتولي ف المدرسةعشن عندناالمدرسةعايشين ف ميةاللفت حدفيكم بعتولواف المدرسة

يااخواناحديريحني روحت ادارةديروط التعليميةعشن اسجل اسمي عشن التدريب الاستازالهناك قال مفيش تسجيل ومفيش تدريب دلوقت لوحديعرف اي حاجةياريت ميبخلش علينابيها نفسي اتدرب واخلص

على فكره انا رحت عشان اسلم الورق قالى لا لازم شهاده الاكاديميه مش اخلاء الطرف

مع العلم انى اخدت التدريب من شهر 11 ولسه الشهاده مطلعتش مش عارف ايه الحل ياريت حد يفيدنا

انا كمان كل ورقى مظبوط مش ناقص الا شهادة التطبيقات و انا تدريب اغسطس 2012 و لحد دلوقتى الشهاده لسه مجاتش شهادات تدريب شهور 4 و 6 بس اللى وصلت من اسبوعين و احنا فى الانتظار و لما سألنا عن سبب التأخير قالوا ان الشهادات بتيجى من قنا !!!!!!!!!!!!!
ادارة البدارى 18 مدرس بس اللى ورقهم جاهز و سلموه .

السلام عليكم . ازيكم يا جماعة . معلش سؤال مش فاهمة .
دلوقتى احنا اسمنا اتسجل على قاعدة البيانات فى الادارة . موضوع الكود والرقم السرى . لينا فية ولا ملناش .. ولو مش لينا ازاى هنطبع صحيفة احوال ألكترونية .... ولا احنا نروح نطلبة من الاكاديمية . ولا اية بالظبط ... واية موضوع حطاب موجه من مدير المدرسة ..... ولو حد عملة اية الصيغة .....

و عليكم السلام و رحمة الله و بركاته .
اولا بالنسبة لصحيفة الاحوال الاليكترونية قدام حضرتك اكتر من حل 1- انك تجيب الكود و الرقم السرى من الادادارة التعليمية التابع لها .2- من خلال المدرسة المسجل فيها بيكون معاهم كود و رقم سرى خاص بالمدرسة و بيدخلوا العاملين بالمدرسة و بتطبع الصحيفة ببساطة .
ثانيا بالنسبه لخطاب مدير المدرسة الصيغة كالتالى : -
محافظة اسيوط
مديرية التربية و التعليم اسيوط
ادارة ....................
مدرسة ..................
السيد الاستاذ / مدير الاكاديمية المهنية للمعلمين باسيوط .
تحية طيبة و بعد
قادم لسيادتكم السيد / ............................ معلم مساعد مادة ....................... تعاقد ................ يعمل بالمدرسة و هو قائم على رأس العمل حتى تاريخه .
و تفضلوا بقبول فائق الاحترام
سكرتير المدرسة شئون العاملين مدير المدرسة

ياترى ينفع نقدم باخلاء الطرف ولا لاء فى بعض المحافظات ينفع فيها مع العلم ان الشهاده بتاخد حوالى 7 شهور عشان تطلع مش عارفين ايه الحل

شاكر لحضرتك جداااااااا ... وجزاك الله خير
سؤال تانى معلش ........
دلوقتى انا مستوفى الشروط كلها . بس مش معايا الشهادة بتاعة التدريب ومعايا اخلاء الطرف...... لو قدرت اجيب الشهادة . أقدم الورق فى الأكاديمية ولا أسلمها فى الادارة عندنا . مع انى شايف ان مفيش حد بيجمع ورق فى الأدارة . ولا شايف اى تحرك منهم .......

ياجماعه هو اخلاء الطرف ينفع بقولوا ان ينفع لو حد يفيدنا او ممكن نتكلم مع المحاافظ عشان يوافق على الاخلاء

الاخلاء ماينفعش :mad:لازم الشهاده و تسليم الملف عند موظف الملفات الخاص بالتعاقدات اللى استلم منك شهادة ICDL

حضرتك انا فى ادارة القوصية . ومحدش طلب شهادة icdl مفيش غير شهادة الدبلومة . وطلبوها من الناس من حوالى 3 شهور ... روحت سألت طب عاوزين ورق تانى غير الدبلومة . لانى تربية .. قالوا لا مش عاوزين غير الدبلومة ....