كلامك يخوف يا بشمهندس يعنى هو ممكن يعمل لنا امتحان بجد ان كنت بحسبه بيهزر وكمان لما دكتور مهنا دخل وسمعه وهو بيقول امتحان قعد يضحك وقاله خليه كمان دواير معاه فى نفس القاعده وكان بيهزر ربنا يستر انا بكره الماده دى كره العماء
حزب المعارضه مره واحده يمكن
رياضه مين ال نخلينا مع نفسنا فيها دى كانت فى الاول جميله وبيضه بدات تغمق مش عارفه ليه والله كهربا دى نحبها تكرهنا نكرها تحبنا
الميكانيكا والله لحد الان مفيش معيدين ولا سكاشن دا الدكتور بيقول ال عايزه تشرح فى السكشن تجيلى وانا اكون مشرف عليها وتشرح عادى يعنى هنطلع مهندسين من نفسنا شوفت ازاى

اكتر من كده اعتمد على نفسى حسبى الله ونعم الوكيل
الله يحرق الكليات على ال اخترعها قولو امين

والله انا مش عارفه اقول ايه اكيد ال عايزه اقوله كلكم عيزين تقولوه بس مش عارفين زيي ربنا يستر هى ال كليه دى بتكرهنا ليه بجد والله نجيلها من هنا تروحلنا من هنا طب نعمل ايه ال يعرف الحل يبعته على ص ب 2545245463463544635463 اكيد حفظتم الرقم ولكم جزيل الشكر
طبعا انتم مستغربين فى ايه بس ده ال طبيعى بعد اولى كهربا الدماغ ملحوسه والفيوزات مضروبه وكله فى التمام وسلام

ربنا يطمنك دائما كده مطمنا يا سلام والله هى مش صعبه ومش سهله ساعات تلاقى الدنيا سوده خالص ومش شايف اى حاجه دا طبعا لما بنكون مش فهمين لكن لما بنفهم ونظبط كده تحس انك ملكت الدنيا وما عليها بس والله كله يهون علشان احس الاحساس ده واكيد لو كنت فهمت من اول مره مكنتش هحس الاحساس الجميل بعد الفهم يا رب كل ال مش فاهم يفهم وال فاهم يفهم اكتر والله كهربا دى حاجه غريبه بس كفايه.
استنو هنا انتم فين صحيح مختفيين ليه ومحدش سامع لحد فيكم صوت بلاش النوم ده بالله عليكم فوقم كده وارغم شويه سلام

واخير وبعد طول انتظار المدينه فتحت بس هنقعد فى رابعه لتانى مره طب لما هم هيقعدونا فى رابعه ما سكننوناش من الاول ليه وتبقى القضيه مفتوحه والسؤال مطروح يا ريت الاجابه على ص ب 24165465324565465435246 اظن الرقم سهل بردو

السلام عليكم جميعا ممكن اشترك معاكم انا طالبه فى هندسه برده بس اعدادى وعاوزه اى حد يقدر يساعدنى لانى حاسه انى تايهه ولسه مش متاءقلمه فى الكليه اوى يعنى واى حد عنده ملازم او مراجعات يقدر ينزلها علشان يكسب فى طلبه اعدادى ثواب وجزاكم الله خيرا اختكم هبه الله

السلام عليكم انا اختكم هبه اللى كنت اشتكيت لكم عن انى حاسيه انى تايهه فى الكليه وعاوزه اخد رايكم فى حوار الكورسات ده وياريت اللى عارف مكان المكتبه يوصفه بالظبط لحسن لو تهت هايبقى زنبى فى رقبتكم وجزاكم الله خيرا

اولا حمد لله على السلامه ان نتم صحيتم
ثانيا اهلا بيكى يا هبه معانا ويا رب فعلا نقدر نساعدك بالنسبه للملازم مش لازم تروح الخليل ولا حاجه انا معايا كل الورق ال ممكن تحتاجيه واعطيته لبنت عندكم فى اعدادى وان شاء الله اخليها تنزله فى الكشك الاحمر ال بره الكليه
بالنسبه للكورسات فدى مش ليها لازمه خالص والله اعدادى ما تستاهلش كورسات خاااااااااااالص

يا بشمهندس الزعيم لو سمحت انا عايزه برنامج كويس لرسم الدوائر ويكون التعامل معاه بسيط ومش صعب ويا ريت ما يكونش دوس لانه بيشلنى وشكرا