|
ههههههههههههه احنا بدأنا
طيب بص يا سيدي بالنسبه للتوقيع فأنا أقصد بتحدثت كثيرا اني كتبت كتير في الحب والعواطف والرومانسيه ودلوقتي وقت التزام الصمت لاني بطلت اكتب في الموضوع ده وتوقفت عن الكتابة نهائي لفترة بس رجعت اكتب مع قصة بعيدة تماما عن الرومانسيه ونشرتها هنا بعنوان " عودة من العالم الاخر " اما عن سبب التزام الصمت فتوقيعي السابق لده كان بيوضح السبب لو كنت قراته اما لو مكنتش اخدت بالك منه فانا جيبته هنا عذرا منتداي الحبيب عذرا منتداي الحبيب فقد جف القلم ... وماتت المشاعر ... وباتت الاحاسيس تلفظ كل الكلمات وسبحت انا خارج بحور اللغة لأرسو علي شاطئ الصمت وأترك قلمي من خلفي دفين الرمال وأمضي وحدي تطاردني الذكريات ولكني سأمضي وأمضي ... وأمضي ... وأمضي ... وبلا توقف .... عذرا منتداي الحبيب تلك هي أخر الكلمات التي قد يخطها القلم قبل أن اتركه وأبدأ وحدي رحلة مطاردة الذكريات ... عذرا منتداي الحبيب بس علشان كده لابد من التزام الصمت |
<div class='quotetop'>إقتباس(msamido @ Dec 15 2005, 10:24 PM) [snapback]58351[/snapback]</div>
اقتباس:
[size=4]اظن انت في الردود بتاعة الخاطرة دي قلت انك و قعت و بتحاول تقوم وقعت ازي و ليه ؟؟؟[/size] |
الاول انا اسف يا اسلام عن الانقطاع المفاجئ بس كان بسبب النت لانه بيفصل عندي
المهم نيجي بقي لسؤالك اللي انت مصمم تفتح موضوعه ماشي يا سيدي بص يا سيدي اما عن وقعت ازاي فانا عن نفسي مش عارف صراحه وقعت ازاي لكن انا وقعت زي اي واحد ما بيقع في الحب وليه بردوه ملهاش اجابه لان الواحد مش بايده يحدد امته يحب وامته لاأ هو كده الواحد بيقع وميعرفش ازاي ولا ليه لكن بيقع بس انا الحمد لله قومت من وقعتي كفاية كده |
بص يا ميدو
من فترة كان في اقتراحات لتطوير قسم الشعر ** ناس قالت يرجع قسم واحد ** و ناس قالت اتنين ** و ناس قالت يستني زي ما هو انت ايه رايك ؟؟ **و ايه افكارك لتطوير القسم ؟؟ |
بص انا بصراحه شايف ان القسم يبقي صفحتين
واحده للشعر وواحده للنثر اما الصفحه التالته فوجودها عامل تشتيت للناس لان في نا س بتنزل كتابتها في صفحة الشعر والخواطر وناس بتنزل في شعراء تحت التمرين ومحدش عارف حاجه طبعا ده مش اعتراض علي نغم لان نغم بجد من الناس الكويسه جدا في المنتدي اما تطوير القسم الادبي فده متوقف علي تطوير الناس اللي فيه نفسها والحمد لله الناس بدأت تتطور فعلا وبدأت ترد بردود كويسه يعني مش بس شكرا والعفو وكده الناس بقت بتنقد وبتتقبل النقد وده تطور في حد ذاته وبإذن الله في تطور قادم ان شاء الله |
<div class='quotetop'>إقتباس(msamido @ Jul 24 2005, 03:02 AM) [snapback]19321[/snapback]</div>
اقتباس:
[size=4]ايه قصة القصيدة دي معاك بصراحة اكتر قصيدة عجبتني من قصائدك[/size] |
بص يا سيدي
انا كل قصيده بكتب لازم بيكون ليها قصة معايا مش شرط تكون حقيقية بعضها بتكون مواقف حقيقية وحاجة بتعبر عن تجربة شخصيه وبعضها بيكون مجرد قصة عشتها في خيالي والنوع التاني ده اكتر والقصيده دي بتندرج تحت النوع التاني وقصتها معايا بالظبط زي ما واضح فيها اني بحب انسانه وببدأ اشرح حبي ليها وهي مش حاسه بده كله وبعدين ببدأ اكلم نفسي واسألها ليه الحب ده وايه اصلا الحب وكده يعني وكان في موقف انا عشته في خيالي خلاني اكتب القصيده دي بس الموقف نفسه مش متذكر لان ده من زمان اوي |
بص يا ميدو
عاوزك تقولي ** اجمل قصيدة قريتها و اجمل قصيدة كتبتها ** و قصيدة حسيت انك مكونتش موفق و انت بتكتبها |
أجمل قصيدة قرأتها أو القصيده اللي بحبها اوي مش شرط تكون أجمل ما قرأت لكن المقربة لي جدا هي قصيده عندما ننتظر القطار لفاروق جويدة
وبدايتها كده قالت: سأرجع ذات يوم عندا يأتي الربيع.. و جلست أنظر نحوها كالطفل يبكي غربة الأبوين كالأمل الوديع تتمزق الأيام في قلبي و يصفعني الصقيع كان الخريف يمد أطياف الظلال و الشمس خلف الأفق تخنقها الروابي.. و الجبال و نسائم الصيف العجوز تدب حيرى.. في السماء و أصابع الأيام تلدغنا و يفزعنا الشتاء و الناس خلف الباب تنتظر القطار أما عن أفضل قصيده كتبتها انا مقدرش اقولك بصراحه حاجة زي كده لان كل قصايدي بيعتبروا حته مني بحبهم كلهم جدا جدا جدا بس ان كان لابد فانا برشح اه وليت اللي انت جبتها دلوقتي وعن اللي حسيت اني مش موفق فيها فهي قصيده كنت كتبتها بعنوان " مسرح الأيام " لكن ما اتنشرتش هنا ولا في اي مكان تاني وكانت بدايتها كلأتي آه يا مسرح الأيام فلتنهي ليالينا فما عادت الأشجان تملؤنا وما عادت الأشواق تحيينا ولسنا سنبقي في الفؤاد هوي أو حبا وليدا قتلته أيدينا نعم قتلته أيدينا فلسنا من أجل وردة الحب نرضي بأشواك الكرامة تحتوينا. نعم يا مسرح الأيام لا تبقي ليالينا . بس مش فاكر بقي بقيتها كانت ايه |
ميدو شوية اشئلة سهلة و متوقعة مع شاعر زيك
** مفهوم الحب عندك .... مرة بالكلمات و مرة بالشعر ** مفهوم الخيانة عندك.. برضه مرة بالكلمات و مرة بالشعر |
مفهوم الحب عندي ؟؟
سؤال صعب جدا لان الكلمات مش ممكن توصف حب فالحب مشاعر تمزج روحين في بوتقة واحدة تمزجهما تماما فيختلطا معا ويصبحا روحا واحدة ومن ثم تقسم الروح الواحدة علي جزأين كل جزء يحمله جسد من الجسدان ولا تعرف بعد هذا المزيج هل عادت روحك إليك خالصة أم أنك تحمل بين ثناياك أجزاءا من روح حبيبك وتركت بين ثناياه أجزاءا من روحك .. ولكن انا أجزم أن القلبان لم يصبحا في نفس مكانهما السابق ولكن تبادلا الأماكن فكل واحد أصبح يحمل قلب الأخر يشعر به ويفرح به ويتألم به .. مما يدفعك للحظات فرح مفاجئة رغم انك قد تكون في حالة لا تسمح بالفرح ولكن لأن قلبك الذي يحمله حبيبك يشعر بالفرح الأن أو ألم مفاجئ قد يصيبك هذا لانك تحمل قلب حبيبك الذي يتألم في هذه اللحظة .... ولكن تلك فقط هي كلمات ولكن الحب احساس لا تصفه الكلمات وما بالي أسأل عن الحب ... وانا حتي الثمالة فيه غارق روحان من دون اللقاء تحابا ... وصرت بلقائها أمير عاشق اما الخيانة فأبشع شعور ممكن تشعر به يخونك انسان بجد صعب جدا الشعور ده مش قادر اوصفه بصراحه لاني مش عايز اتكلم فيه اصلا واعذرني لن أملك أن أكتب عن الخيانة في هذه المرحله وهذا الوقت |
عاوز منك كلة
* لاعضاء المنتدي * لادارة المنتدي و بشكرك علي وجودكط معايا النهارده |
كلمة لأعضاء المنتدي
بجد انتم احسن ناس عرفتها وممكن اعرفها عن طريق النت . بجد انا شاركت في منتديات كتير جدا جدا قبل كده بس كل منتدي كان اخري فيه عشرين مشاركه او بالكتير اوي 100 لكن بجد المنتدي هنا من يوم ما دخلته وانا مش قادر ابعد عنه ده لانكم انتم فيه وبجد انا سعيد جدا اني اخ ليكم وادارة المنتدي المتكونة من استاذ زيزو واستاذ مجدي واستاذ جمعه بجد انا بعتز جدا بيكم وبجد انا شرفتني جدا المعرفة الشخصيه بالاستاذ زيزو والاستاذ مجدي واتمني اتشرف باستاذ جمعة وبجد انا بحبكم جدا في الله اما الادارة المتمثلة في الاستاذ اشرف عبقرينومان أعادك الله لنا بالسلامه ان شاء الله وشافاك الله وعافاك واشكرك بجد لانك عانيت كتير في المنتدي ده بس اتمني منك مزيد من الحضور معنا بإذن الله بعد عودتكك شكرا ليكم كلكم وشكرا ليك يا اسلام علي استضافتك ليا وشرفني وجودي معاك شكرا لكم جميعا |
<div align="center">
ان شاء الله حوار بكره مع الاستاذ الشاعر اكرم المسيري امير شعراء المنتدي الساعة العاشرة مساء انتظرونا</div> |
الموضوع ده حلو اوى
للاسف شوفته متأخر شكرا على الفكرة يا اسلام |
| جميع الأوقات بتوقيت GMT +2. الساعة الآن 10:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.