هي يا جماعه ازيكم ممكن حد يكلمني عن قسم الصوتيات كليه الاداب.....شكرا مسنيه الرد

السلام عليكم

بصراحة يا جماعة عجبنى الموضوع قوى ونفسى حد يكلمنى عن بتوع كلية هندسة اللى بيصمموا ريبوتات وبيدخلو بها مسابقات على مستوى الحمهورية والعالم


وشكرا

انا عايز اعرف ممكن ادخل كلية الاعلام من الازهر وانا قسمى علمى ويا ترى بتاخد من كام فى الازهر من علمى

يؤسفنى اقولك انك ماينفعش تخش كلية الاعلام وانتا ازهر خالص ..

لكن اللي ينفع تخشه .. هوا قسم الصحافة في كلية اللغة العربية تقريبا جوا والله اعلم

بتتاخد من كام .. شوف تنسيق السنة اللي فاتت وانتا تعرف

انا 3 ثانوى وكنت عايزه اعرف هوه فى فى كليه اداب قسم صحافه ولا لأ

السلام عليكم
انا عاوز ادخل تربية رياضية
ممكن اعرف مجموعها ..ونظام اختباراتهاازى .
وشكرا

لا مافيش .. القسم الوحيد اللي ممكن يتصل بصحافة هوا قسم اعلام

لكن غير كدا مافيش .. لإن قسم الصحافة موجود بصفة مستقلة في كلية الاعلام والتخصص فيه بيبقي في سنة تانية ومن خلال امتحان ومقابلة ..

ونفس النظام برده في اداب قسم اعلام .. بس عشان تخشه لازم يكون المجموع الاعتباري بتاع اللغات (عربي-انجليش-لغة تانية) يكون مجموعهم لا يقل عن المجموع اللي بتحدده الكلية في التنسيق .. وممكن تخشي القسم دا وانتي في اي قسم تاني بس اما توصلي لسنة تالته .. بتقدمي عليه .. وبتخشي امتحان وبيسألوكي ولو عديتي فيه بتكملي في القسم ..

دا على حد علمي .. والله اعلم :)

انا فى اولى ثانوى و ان شاء الله هادخل ادبى وامنيتى اداب انجليزى او اداب فرنساوى واريد ان اعرف مواد الاداب ايه ؟؟؟

مواد الاداب ياستي كتير .. ودا طبعا على حسب انتي تخصص ايه

فيه طبعا تخصصات متعددة .. (لغات شرقية / تاريخ / جغرافيا / انجليش / فرنساوي ...)

طبعا التخصص بيبقي من اول سنة ..

بالنسبة لأقسام اللغات .. دي بتعتمد على اساس مجموع لغاتك التلاته > عربي + انجليش + لغة تانية ..

والتلاته دول بيتجمعوا على بعض .. وبيتسموا المجموع الاعتباري ..

وعشان تتقبلي في قسم من اقسام اللغات .. لازم يكون مجموعك الاعتباري دا

يبقي لا يقل عن المجموع الاعتباري اللي هاتحدده الكلية ..

ولاحظي انها بتفرق من جامعة لجامعة

اما بالنسبة للاقسام الاجتماعية زي (علم النفس / الجغرافيا / الفلسفة / التاريخ) فدول بيعتمدوا على اساس

اعلي درجة انتي جيبتيها في المواد دي في الثانوية العامة ايه ..

:av4056bb7jp3:لو سمحتوا ممكن اعرف ايه فايده المستوى الرفيع انجلش يعنى هوه لازم يتاخد فى انهى كليا وبيعمل ايه ولو انا عايزه ادخل تربيه انجلش او اداب انجلش ممكن يفيدنى
ومرسى جداااااااااااااااااااااااااااااااااااااا

ولا حاجة .. زيه زي اي مستوي رفيع انتي بتاخديه سواءا كان (عربي/جغرافيا/فلسفة/ ....)

بس تقدري تقولي ان المستوي دا بيفيد في بعض الكليات اللي بتاخد بالمجاميع الاعتبارية

زي كلية تجارة (قسم انجليش) / كلية آداب (قسم انجليش)

هاتقوليلي يعني ايه مجموع اعتباري ؟

هاقولك المجموع الاعتباري عبارة عن الآتى :

مجموع الثانوية العامة كاملاً + مجموع اللغة الأجنبية الأولى (انجلش يعني)

ولو انتي بقي واخده مستوي رفيع انجليش هايتضاف عليهم ..

فايبقي انتي لو خدتي مستوي رفيع انجليش دا هايبقي في مصلحتك

معا مراعاة انهم اما بيحسبوا .. بياخدوا الدرجات اللي فوق الخمسة

يعني لو انتي جايبه في المستوي 9 .. اللي هايتحطلك في الاعتباري 4 درجات بس

وهيا دي فايدة المستوي الرفيع بالانجلش ..

انا عايز اعرف اي معلومات عن مودرن اكاديمي ومصاريفها كام.. وياريت اللي يعرف حاجه عنها يكتبها .... وشكراااااااااا جدااااااا على الموضوع الجامد ده

كنت عايزة اعرف الكليات الخاصة اللي ممكن ادرس فيها حاجات متعلقة بالجرافيك و هل ممكن ادخلها من ادبي و مصاريف الكلية كام؟

السلام عليكم ورحمه الله

انا دراستى ازهرى لما جيت اقدم تنسيق لقيت نفسى اتاخرت وباب القبول اتقفل

طب انا دلوقتى السنه دى مادخلتش حاجه ينفع السنه الجايه اقدم فى التنسيق تانى

ولا انا بروح للاكاديميه الى انا عايز ادخلها على طول لانى مدخلتش السنه دى حاجه

وانا عايز اعرف الحد الادنى للقبول بالمعاهد العليا للهندسه

ارجو الرد السريع

انا طالب في الصف الثالث الثانوي وجبت ف2 90% وانا علمي علوم وطبعا اريد ادخل كلية خاصة انا اريد صيدلة خاصة بس انا عايز اعرف المصاريف بتاعتها من ادني الي الاعلي من فضلكم وشكرا جزيرا علي اهتمامكم