so wake me up when it's all over
when i'm wiser an' i'm older

افلام ورا افلام
فاقعين ميتين امنا
و اللى يفكر يشوفهم
هيجيله انتفاخ للابد
:(

لسان حالى و انا بشوف اعلانات افلام السبكى :( :(

..................

انا ملاحظ المغنيين كلهم مهتمين بالبنات زى سعاد حسنى البنات البنات و نانسى عجرم يا بنات يا بنات اللى مخلفش بنات وسايبين الولاد خالص مع اننا جادعين جداً و بنساعد و اوفياء و بنقف مع الناس فى الازمات و بنتعب ونشقى عشان خاطرهم

when i'm gone
when i'm gone
when i'm goooone
you're gonna miss me when i'm gone

اوقات لما بحس بيأس بقنع نفسى بحاجات وهميه عشان استريح و خلاص

انا كان نفسى احس انى مميز بجد و قادر اعمل حاجه كبيره تخلينى احس انى شرفت اللى بيجبونى بجد
بس كل يوم بحس انى قليل اوى و قدراتى محدوده اوى و شاطر اوى فى وهم نفسى
اكتشفت انى بصبر نفسى باوهام و بعدين اصدقها عشان افرح فرحة مزيفه و ملهاش معنى و لا طعم
انا زعلان اوى انى هفضل عادى و تعبان و مجرد نسخه من ملايين النسخ و مش هسيب اى بصمه كويسه
مش حاسس انى ليا لازمه دلوقتى و لا فارق مع حد حتى بابا وماما انا شايف انهم باصين ليا بشفقه ووقعو فى كلامهم ادامى و قالو عيوبى بشفقه كده تخلى الواحد يكره نفسه
حاولت افكر كتير لاقيت احلى افكارى ناس قالتلها قبل كده و اكنها افكار عاديه و بصراحه حاجه توجع اوى لما تعرف ان افكارك اللى فاكرها واو عاديه اوى بالنسبه لناس تانيه
كان نفسى اعمل حاجه بس واضح انى ولا حاجه و ربنا مش كاتبلى اثبت نفسى
عمرى ما فكرت فى حاجه الا وبعدين اكتشفت ان كان فيه احسن من كده و انى كنت معتوه عشان فكرت كده
انا اللى عرفته طول حياتى انى صغير اوى اوى اوى و جاهل جداً جدا و عندى قدرة عجيبه على خداع الذات
حاولت اتغير بقالى كتير اوى و لسه زى ما انا و نفس الشخصيه ونفس طريقة التفكير و كل حاجه
ندمان اوى على كلام كتير قلته و على تصرفات كتير عملتها و بستحقر نفسى اوى لما افكر انى عملت كده
حتى القرب من ربنا حاسس انى مقصر فيه تماماً و كل ما اقرب محسش بطعم الراحه اللى حاسس بيها الناس المؤمنه اوى
هرجع تانى زى المعاتيه اكتب حاجات عن الامل و الاجتهاد و و وو و فى الاخر ارجع تانى اكتئب و اتخنق و ارجع تانى اكتب كلام حلو و ارجع تانى اكره نفسى
دورة ممله و مقززه :(

كل مشاكلنا في الحياه بتبقي نتيجه عن بعدنا عن ربنا

ناس كتيره اوي عرفتها من ع النت

بس فعلا طلعو اجدع مليون مره من اللي اعرفهم بره النت

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هكذا حياتنا تملئها كثيرا من علامات الاستفهام

على فكره انا شبهك فحاجات كتيره اوى ...
فحبيت اقولك انتا مش وحيد :)
الموضوع جميل وبيعبر عن ناس كتيره فنفس مراحل عمرنا
الى الامام
بعدين هى الفضفضه لهتلر بس ولا ينفع اى حد يفضفض

اولا شكرا على نصحتك
ثانيا مفتحتش لييييييييه النهارده كنت داخله متشوه انى اقره كلامك ملتش حاجه
اتمنى تكون كويس

بابا وانا صغير كان بيقولى غلط تعمل كذا و مكانش بيقولى السبب عشان كانت دماغى صغيره اوى فكان بيمنعنى من حاجات كتير انا كنت فاكرها بعقلى البسيط صح مش غلط
قالى على حاجات معينه امشى عليها عشان متعبش و انا بكون مٌصر انى اعرف السبب و انى هفهم كل حاجه و عمال اسال يمين وشمال عشان هفهم يعنى هفهم

بس لما كبرت عرفت انى عقلى فعلاً وقتها عمره ما كان هيستوعب غير لما ينضج اكتر



نفس الكلام ولله المثل الاعلى طبعاً

ربنا حطلك قوانين معينه تمشى عليها و بينلك شوية معجزات عقلك يقدر يستوعبها عشان تقتنع و تبقى مطمئن نفسياً
لكن فيه ناس عامله زى الطفل الصغير اللى عاوز يعافر و يفهم حاجات بعيده كل البعد عن قدرات عقله


انا اكتشفت ان اى موضوع او مساله ليها اكتر من مبرر و كله يقبله العقل
الفكره كلها فى المزاج و مدى اتباعك لهواك

لو عاوز مثلاً تذاكر و حاسس ان المذاكره هتوصلك لحاجات حلوه عقلك هيتقبلها و هتبقى احلى حاجه
انما لو بتذاكر عشان خاطر تبقى احسن من اى حد و الناس كلها تصقفلك و تتفشخر هتبقى المذاكره زى الهم لانك عاوز منها فشخره مش فهم و علم او انك توصل لحاجه كويسه محترمه

قبل ما تفكر ظبط نفسيتك و عشان تظبط نفسيتك قرب من ربك و عشان تقرب من ربك شوف ناس صالحه قرب منهم و عشان تلاقى ناس صالحه نضف شخصيتك و عشان تنضف شخصيتك اقرا و عشان تقرا اسال حد خبير فى الكتب يقترحلك حاجات مناسبه لعقلك عشان فيه كتب مدمره لو انت معندكش خلفيه كبيره

الطبيعة هى من علمت الانسان

الانسان خد كل صفاته و افعاله من الطبيعه
اتعلم من الغراب ازاى يدفن
اتعلم من الجمل الصبر
اتعلم من النبات العطاء
اتعلم من المحيط العمق فى التفكير
اتعلم من التعلب المكر
اتعلم من الاسد عزة النفس
اتعلم من الصقر التركيز
اتعلم من البومه الركوز

كل حاجه عملها الانسان كانت من تاثره بالطبيعه او بحاجه موجوده اصلاً

والفرق بين الانسان و بين اى حاجه تانيه غير عاقل ان الانسان صفاته قابله للتغير انما اى حاجه تانيه صفاتها ثابته وقليله