فحماية لنفسك يجب الاحتفاظ :
أولا : صورة من محضر الشرطة بالواقعة رقم وتاريخه
ثانيا صورة من محضر تحقيق النيابة العامة رقم وتاريخه
ثالثا : صورة من الخطاب المرسل لقسم التطوير رقم وتاريخه
صورة من الخطابات المرسلة لقسم النطوير بين الفينة والفينة تستفسر منهم عن
الاجراء الذى سوف يتبع ومصير العهدة المسروقة
فهذا ردك لمن يسألك

استاذي الفاضل \ تحية طيبه و بعد
تعينت علي وظيفة مدرس ابتدائي عام 2003 و تم ندبي الي المرحله الاعدادية منذ هذا التاريخ مباشرة و حتي عام 2008 ثم انتقلت الي اداره اخري في نفس العام و بعد اطلاع الموجه علي جوابات الانتداب قام بندبي الي المرحلة الثانويه منذ هذا التاريخ و حتي الان علما بان مؤهلي هو ليسانس اداب و تربية تعليم اساسي لغه انجليزية فهل يمكنني تغيير المسمي الوظيفي الي مدرس اعدادي او ثانوي حتي استقر و ما هي الخطوات من اجل ذلك و اذا كان لا ما هو المؤهل المطلوب الذي يمكنني دراسته من اجل ذلك عذرا للاطاله و جزاك الله كل الخير

طب بعيد عن الموجه ايه الدراسة اللى ممكن ادرسها عشان ادرس اعدادى واعادل التربية العام

حضرتك انا مدرسه منتدبه من مدرستى الاساسيه يومين بره المدرسه مع العلم ان مدرستى دى بركبلها تلت مواصلات على مااروحها وكنت كتبت لحضرتك قبل كدا انى بعمل دبلوم خاص وسالتك ان كان ممكن انى اتفرغ يوم عشان اتابع الدبلومه حضرتك قلت يومها ان مينفعش والمهم عدى النص الاول على خير لحد فتره الامتحانات للدبلومه كان عندى اربع ايام امتحانات فى مدرستى الاساسيه وطبعا المدير عندى غير مرن فقفل عليا الاربع ايام فى شهر واحد اللى هو شهر يناير فى امتحانات نص السنه وحطنى بعدها فى البلاك لست بسبب مشكله حصلت مع حد فى المدرسه مع ان هو اصلا مالوش علاقه بالموضوع لكن الشخص دا من النوع اللى بيوقع وللاسف بوشين والمدير بيسمعله جدا والله اعلم قاله ايه خلاه يحطنى فى البلاك لست المشكله بقى ان الاسبوع اللى فات كان عندى ظروف ومكنش حد بيروح المدرسه الا قليل لانه اجازه للطلبه وكان فيه انتخابات ظروفى دى امتدت للنهارده ومعرفتش اروح النهارده ففكرت ان الاسبوع اللى فات خلاص خلص وقفله لكن زميلتى لقيتها بتكلمنى قالتلى انه مضى لكل المدرسه ماعدا انا وهى مع العلم ان اغلب المدرسه مرحتش هى كمان ومضى لزميلتى الاسبوع اللى فات كمان وقلها انه هيقفل عليا التلت الايام اللى عنده الاسبوع اللى فات على الرغم انه مضاه للمدرسه كلها بالاضافه للنهارده وهيبعتلى انذار مع العلم ان ايامى هناك حد وتلات واربع يعنى مش متصلين وماضيه فى المدرسه التانيه اتنين وخميس فياريت حضرتك تقولى رايك القانونى ويعنى ايه انذار وممكن يحصل ايه يعنى

وهتقل على حضرتك شويه واسالك سؤال تانى
انا قلت لحضرتك انى بشتغل فى مدرسه بعيده عنى بتلت مواصلات وياريت كمان ليها مواصلات انا ممكن اخد ساعه ونص فى الطريق وفى الشتا بقى ممكن يبقوا 3 ساعات ودا من خمس سنين واتثبت من سنه واحده هناك وبعد محاولات كتير جدا مع التوجيه انتدبت بره يومين من مكان قريب منى وبقالى كتير بحاول انى اتنقل مكان قريب منى لكن مفيش فايده للاسف واللى يضايق بقى ان غيرى كان فى نفس ظروفى واتنقل جمب بيتهم بعد ست شهور او انتدب كليا واخيرا عرفت ان فيه مدرسه لسه تعيين جديد جت بلدى وهى من البلد اللى جمبنا
وبجد اضايقت انى بحاول بقالى سنين ومفيش فايده وفى نفس الوقت حد يجى بلدى ومن البلد اللى جمبها يعنى مواصله واحده فياريت تقولى لو حضرتك مكانى ممكن تعمل ايه

بالنسبةللسؤال الأول :
ينذر بالفصل كل من انقطع عن عمله ثلاثة أيام بدون عذر قانونى بخطاب موصى عليه باتخاذ إجراء الفصل إذا لم يحضر إلى العمل ويحال المذكور للتحقيق
وبالنسبة لحالتك فسوف تحضرين خطابا من المدرسة الثانية بالذهاب إليها وسوف تتحملين عدم ذهابك الثلاثة أيام
ومن حقك شكوى المدير فى عدام عدالته ومحاباته وبالتلاعب بدفتر الحضور والانصراف إن أردت ذلك

بالنسبة للسؤال الثانى لو مكانك اتقدم بشوى للمحافط لنقلك أسوة بالغير وتقدم أمثلة لمنقلوا حديثا وأنت أحق

من دخل الكادر وتم تسكينة فى 11/2011 ودخل المرحلة الرابعة من الترقيات ما موقفة من الاقدمية فى الترقية مع العلم تاريخ الدرجة 2003