خدى بالك يا منى انا قولت لو غرضها النصيحة يعنى هى لو شايفة الى بنعمله غلط كانت قالت بس بذوق فى رسايل

واظن كمان ان خالد مصطفى رد عليكى والامام الشافعى ال قال

صدقت يا رسول الله .. بس مقلش ان الواحد لما يلاقي نفسه مخنوق و عايز يروح عن قلبه شوية يروح يكلم البنت او تروح تكلم الولد .. دا حتي أحر النساء ابعدهن عن الرجال و احر الرجال ابعدهم عن النساء .. و دي حتة هوي نفس و اني لسا قيد الرق فيا و نفسي بتقودني ف حين ان الاسلام جه عشان يحررنا من كدا .. يعني انا اروح اتكلم مع ولاد الشارع كلهم عشان اعرف اعامل زوجي ازاي؟؟ مرضهاش لنفسي و لا لأي بنت .. الطيبون للطيبات .. و الشخص طول ما هو بيرضي ربنا ربنا هيرزقه بالشخص الصالح و هيلهمه ازاي يتعامل معاه عشان ربنا هيفضل جمبه دايما .. و من ترك شيئا لله عوضه خيراً منه .. يعني ازاي الواحد يخشع ف الصلاة و هو بيعمل كدا؟؟ .. و بالنسبة للملتحين او المنتقبات انا مليش دعوة كل واحد و هو حر و انا مش متشددة انا بحاول ديني و الحمد لله اني مسلمة .. و مفيش بني ادم كامل الكمال لله وحده جل في علاه و تبارك .. و كمانانا مش مقطعة نفسي ف العبادة و انت نفسك قولت روحوا عن القلوب

وبرده حضرتك مردتيش عليا يامناجاة النجاة
هو حضرتك مبتعمليش كومنتات تعليق يعنى على توبيك ومواضيع الاولاد

جربتها قبل كدا و منفعتش يا خالد و كلامك صحيح 100% و ربما انا تسرعت لكن لمحت للموضوع قبل كدا من غير ما اتكلم مع حد و الناس و لا كأنها سمعت
خلاص ما هم بيقولوا مفيش حاجة غلط ..

خلاص اوك يامناجاة النجاة
اظن ان العنوان مكتوب على الموضوع وفيما معناه انه دردشة ممكن اعرف حضرتك دخلتى ليه

بالله عليكِ بلاش كلمة " حضرتك " انا ادكوا مش جاية من كوكب تاني .. و الكلام بدأ يشد و كأن ف نبرة حزن جاية ف الطريق
لالالالا طبعا انا برد ع اللي بستفاد منه .. و لو رديت بشوف ردي هيتحط ف اي ميزان يا مني .. و زي ما قال عمر مفيش حد ملاك و انه ممكن يغلط .. و ساعات ممكن اتهور و ارد رد اندم عليه و خصوصا لو كان فيه لين او اي حاجة تشجع الولد انه يهزر معايا

اه بنقول مفيش حد غلط
واظن كل واحد عارف هو بيعمل ايه ولو غلط او صح

يعني اللعب مش بيكون تضييع للوقت اللي هنتسأل عليه ضيعته ف ايه؟؟
ازاي هيجتمع اللعب بين بنات و اولاد و يكون فيه ذكر لله .. اه مثلا واحد يقول " هههههه ربنا يسامحِك " او واحدة تقول " ههههه ربنا يسامحك" ... يا إلهي

اظن ان كل الولاد ال على المنتدى هنا محترمين جدا
زى ما كل البنات محترمين
والانسان المحترم بيتعرف من كلامه

ع فكرة انا فهمت قصد عمر من الدروس غلط
انا افتكرت انا هيحضّر " بتشديد الضاد " مش هيحضر بمعني انه يروح للاستفادة .. اعتذر

تصبحوا على خير يا شباب ويا بنات عشان انا هناام

والرسول محددش نطاق الترويح وانا قولتلك اني كنت ممكن اصاحب بنات من الشارع وامشي معاهم كان ممكن برضو بس انا بتكلم في نطاق الادب والاحترام وعلى النت منزلتش الشارع واتكلمت مع بنات الشارع كلهم علشان افهم طريقة التفكير والمفروض قبل ما انصح الناس اشوف عيوبي واصلحها الاول مش كده مفيش مانع من النصح بس ممكن يكون بطريقة كويسة وبعدين انا مش شايف اني بعصي ربنا كده وطبعا مفيش بني ادم كامل بس الواحد بيحاول يوصل لافضل صورة وانا عايزك كده تحاولي تسالي عيلتك ازاي اتجوزوا وبعدين انا مخترتش الموضوع ده بالذات علشان ادخله وعلشان فيه بنات هو الموضوع جيه كده وانا حتى مش شايف اني طالما متعدتش حدود الادب اني اجرمت

هو حد قال انهم مش كدا؟؟
هتحسسيني اني بقول كلام انا و نايمة .. انا مش من حقي اقول ع فلان محترم او لا .. ليه هو انا مين عشان احكم ع الناس .. انا منهم و زي ما هقول عليهم الكون هيدور و يتقال عليا و الله المستعان

اظن ان خالد مصطفى مغلطش عشان حضرتك تتتريأى عليه
وهو مش غلطان ولا حد فينا غلطان

طبعاً هيتسأل ؛ لگن لو الواحد محافظ ع الصلاة ومؤدي حقّ الله وحقّ الناس ونيته خالصة لله وگان بيلعب ف بعض الأوقات ف آن شاء الله ربنا مش هيعذبه

ونآ قصدت ب ذگر الله أي الصلاة ونحوها

انا متريقتش ع كلام اي شخص فيكوا .. انا بقول اللي بيحصل
و انا مقولتش انه غلطان

طيب اوك بس حضرتك اول مادخلتى قولتى للكنج ازاى تروح دروس وانت بتشيت مع بنات
دا ايه بقا
ممكن افهم معناه ايه

بس المفروض يصحح نيته .. يعني ازاي لو شاء الله ان الرسول جه و قعد جمب شخص بيهزر و بيتكلم مع بنات و الرسول سأله ؟ بتعمل ايه يا عبد الله و بسمة الرسول ع وجهه ؟ هيبصله و اقوله دانا بهزر مع فلانة يا رسول الله تعالي شوف بهزر اهو و بنضحك .. بسمته هتفضل ع وجهه؟ ازاي
التعاون ضروري بين الشباب و البنات لما يكونوا بيعملوا حاجة مفيدة و هادفة للدنيا .. لكن طريقتنا دي ملهاش معني الا اللهو

انا افتكرت ان هو اللي هيدي الدرس للناس و المفروض اللي بيدي الدرس يكون قدوة صالحة في كل حاجة " و انا مش برمي كلام ع حد " .. الرسول قال حرام الراجل يحفظ امرأة القرءان
انتوا بتفكروا ف ايه؟

يعنى ايه بنفكر فى ايه؟

يعني ف الاخر الولد او البنت اللي مسكت نفسها و جاهدت انها متهزرش مع فلان او تتكلم معاه كلام ملوش لازمة و هي نفسها تتكلم بس قالت " لا عيش الا عيش الاخرة" " الجنة غالية"" رضالك يا رب اولي" هتتساوي مع اتبعت هواها و هزرت وضحكت و قالت انا برضي ربنا؟؟ فين العدل؟

بصى يامناجاة النجاة لعاشر مرة هقولك احنا مش غلطانين ولا غلطنا فى حاجة
وال بنعمله مش عيب ولا حرام
ومش بنعمل حاجة غلط
ولو حضرتك شايفة انه غلط كان ممكن حضرتك متسجليش خالص على المنتدى وتقرأى المواضيع المفيدة وتستفيدى وبس

الله ورسوله - صلّى الله عليه وسلّم - أعلم ..

الأولى طبعاً نجاهد نفسنا ومش نقعد نلعب و و و ... بس ده للي عايز يڤوز وينچو ف الآخرة

لگن بردو الحديث مع البنات والهزار ف حدود الدين مش حرام ؛ لگنّه مباح بس مگروه

ومن أتّقى الشُبُهات فقد إستبرئ لدينه وعرضه گما قال الصادق الأمين - صلّى الله عليه وسلّم -

يعني هي دي الاجابة ؟ هو دا العدل؟
أنا هنا من زمان و مش هااجي ف الاخر اقول يا ريتني ما سجلت عشان كلامي مش عاجب اي شخص فيكم
بس ليه لو دخلنا منتدي ديني مش بتلاقي هزار بين البنات و الولاد؟

جاوبيني يا مني ع دول

هههههههههههه
لا بجد حاجة غريبة جدا
مظنش ان حضرتك تقدرى تقولى دا حرام ولا حلال
سورى يعنى انتى مين عشان تقولى حرام ولا حلال
حضرتك برده بتصلى وتقرأى قرأن زينا وبس

هو في حد مش عايز ينجو ف الاخرة؟؟

كلامك صح ع فكرة
و برضو هسأل تاني اللي مسك نفسه و مهزرش هيتساوي ف الاخر مع اللي هزر " ف النقطة دي مش ف كل الحاجات"؟

لا عادى على فكرة بيبقى فيه
هو سؤال بس
هو احنا بنهزر ازاى يعنى
على فكرة انا مش سامحة لحضرتك ان حضرتك تتدخلى اكتر من كدا وتقولى ال بتعملوه غلط او صح

http://www.twbh.com/index.php/site/consult/consult997/
اولا الينك دة بيرد على حكم الاختلاط فى المنتديات

ثانيا كلمة لمناجاة حببيتى قد تكون فعلا نيتك كويسة ولكن طريقة الدعوة التى تتبيعها اظن انها بتوضح غير الى بتقصدى خالص لان اول كلمة ودة شئ طبيى اتلك لما انتى عارفة ان الاختلاط على المنتديات حتى لو بكلام حرام يبقى بتشاركى ليه
اتامورن الناس بالبر وتنسون انفسكم وانتم تتلون الكتاب افلا تعقلون
على الاقل لو معرضة انشرى مواضيع بتتحدث عن اثر الاختلاط وحطى الينات المواضيع على توقعيك ادعى اى حد يشاركك حنملة لتقليل او تهدذيب الاختلاط بين بنات وشباب المنتدى طريقة فعالة فعلا مش تكونى بتشركيعهم لسة بتكلمى معاهم وترجعى تقولى حرام وانتى عارفة كويس ان العبة مش للبنات بس دول لاتنين انا اسفة لو كان كلامى جامد بس والله العظيم انا بحبك علشان كدة مش عايزة الايمان والنية الجميلة دى تبان غلط

ثالثا انا من الناس الى ن عارفة ان الكلام والاختلاط على الاقل لو مش حرام فهو مكروه مرة بجاهد نفسى وببع ومرة بقول لا انا حكلم بحترام بس ومرة غصب عنى ممكن احس ان كلامى طول شوية بس بحاول ولله الحمد اكون فى حدود ادبى فلما انصح الناس بشئ زى زى دة انشرو للجميع يعنى كانى بنصحهم وبنصح نفسى فى نفس الوقت

وعموما اسفة لتدخلى وربنا يهدينا جميعا

انتوا شايفني متشددة؟

احنا مش حاجة عشان نقول هيتساوى ولا لا
دى حاجة بتاعة ربنا
هو انتى بتصلى يعنى وعارفة ربنا هيقبل صلاتك ولالا
مظنش
واظن ان ممكن حضرتك تكونى بتعملى غلطات اكتر من كدا بس مش باينة هنا
ف مفيش حد ملاك
ولاخر مرة بقول لحضرتك ان معدتش سامحة ان حضرتك تتدخلى اكتر من كدا فى حاجة تخصنا

انا قولت انا بدخل ااخد اللي يفيدني .. انا برد ع مواضيع شباب و بسأل ع اللي مش فاهماه و بتكلم مش بعمل فيها " دي يستحيل تهوب ناحية اي حاجة فيها شباب " انا عندي قرايب شباب و بكلمهم و بحترمهم و بيحترموني .. فهموا انا ماشية ازاي و قالولي محترمين وجهة نظرك مش قالوا انتي من طريق و احنا من طرييييييييق

گلنا عايزين ننچو ف الآخرة لگن قصدي اللي يگسب الفردوس واللي خايف آووي من ربنا

الرسول - صلّى الله عليه وسلّم - وأصحابه - رضي الله عنهم - ؛ گانوا بيهزروا بس هزار لا يؤدي لضرر

بصي ي مناچاة مش حضرتگ قولتي اللي عايزاه

طيب خلآص ( وما جعلناكَ عليهم حفيظاً ) ..

وهو حضرتگ متشددة فعلاً ؛ بعد گده محدش هيقبل منگ گلام

انا مش بحب الانسان ال يدعو وهو اصلا بيعمل نفس الغلط وبيدعو عشان يبان ويظهر بس ادام الناس

انا مش بعمل اي حاجة كويسة ف دنيتي دي اصلا .. حتي لما جيت اتكلم معاكم برضو معرفتش
و قولتلك فضلا لا امرا بلاش كلمة حضرتك " فعلا بتحسسيني انك مش طايقاني"
كل واحد لابس ماسك او قناع و بيبان زي ما هو عاوز لكن ف الاخر هيروح من ربنا فيييين؟
بنعمل حاجات كتييييييييييير و بننساها و مش بنفكر دي صح و لا لا دي حرام ولا حلال لكن " الله " لا ينسي "وَكُلّ إِنْسَانٍ أَلْزَمْنَاهُ طَآئِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَاباً يَلْقَاهُ مَنْشُوراً"
" اِقْرَأْ كِتَابك كَفَى بِنَفْسِك الْيَوْم عَلَيْك حَسِيبًا " .. انا مجتش انكد عليكوا عشان اكيد ربنا هيبعتلي حد ينكد عليا .. كل واحد شايف الصح ازاي و بيعبر عنه .. و يا ريت بعد اذنكم لأني حاسة انكوا مش عايزين تتكلموا تاني تشهدوا الله انكوا مش شايلين ف قلوبكوا حاجة مني و أشهد الله اني مش زعلانة من حد و أني حاولت اغير حاجة ف نفوسنا شايفاها غلط و الحمد لله كلامنا كله متسجل عند الواحد الديان :)

ميرسى طبعا يامريم
وكلامك كله صح 100 فى المية

لا ي بشمهندسهْ مينفعش نتهم حد بالنفاق ..

وگلنا بنعصي الله ؛ بس مش معنى گده إني مش أأمر بالمعروف وأنهى عن المنگر

لا طبعا لوقولت انى مش زعلانة ابقى كدابة
وابقى كدا فعلا بقا غلطانة

و أنا قابلة كلامك يا خالد .. بوركت علي النصيحة
و بحترم رأيك فيا .. و ربنا يصلح عيوبي و عيوبنا أجمعين
أسفة لو كان اي شخص زعل عشان فهم كلامي غلط

لا انا مش قولت حاجة عن النفاق
انتى ال دخلتى من الاول واتكلمتى بطريقة مش كويسة خالص

عايز اقول حاجة
انتي ممكن تكون نيتك سليمة وانا عارف الشعور الي بيجي للشخص لما بيشوف غلط ويبقى نفسه يغيره بس ممكن تكوني بتبالغي في تقدير الموقف وانتي بتكلمي قرايبك الشباب وبتحترميهم وبيحترموكي طيب بتكلميهم ليه طب ازاي مش بتكلميهم في حدود الادب ومن غير تجاوز صح وده الي احنا بنعمله بنتكلم من غير تجاوز انا عارف ان ممكن يكون فيه كلام خارج النطاق شوية لكن مثلا لما بسال سؤال واقول ايه الحاجة الي حاسس انك مقصر فيها ممكن الي بساله السؤال يبفتكر انه مقصر في العبادات ويحسن من نفسه لما اسال ايه الحاجة الي عايز تتعلمها او تنميها هيفتكر وممكن ياخد خطوة ايجابية ويغير ويبقى كده استفدنا انتي لما دخلتي وقولتيلنا امبارح قولوا الاذكار وصلوا على سيدنا محمد عليه افضل الصلاة والسلام فكرتينا وعملنا الي انتي قولتي عليه وخدناها بصدر رحب جدا وانتي كدها افدتيني وافدتي نفسك وده برضو ممكن يحصل من خلال الكلام وعلى فكرة فيه فوائد كتير للكلام مش هاقدر احصرها دلوقتي لكن بجد صدقيني احنا نيتنا سليمة و بنتكلم باحترام ومفيش تعدي للحدود ومفيش حد مننا هيبقل ان التاني يتعدى حدوده وانا عايز اقولك ان نفسي اتجوز واحدة كويسة زي اي حد وبحترم المنتقبات او الي بيلبسوا لبس واسع او شرعي اشد الاحترام بس شوفت مواقف من انواع منهم غريبة خلتني احب اعرف الشخص الي ادامي قبل ما اخد اي خطوة وخلتني عايز اعرف وافهم التعامل ازاي ولان ده جواز وعايز لما اختار اختار الصح والشرع محلل اربعة بس الزوجة بتكون مكرهة ومش حابة الموضوع ده ولو فرضنا اني اتجوزت كده ممكن ميحصلش توافق ومش هرضى اني اطلقها يبقى اتجوز واحدة تانية وليه ما انا افهم واحاول اختار صح من الاول

بس ال احنا بنعمله مش منكر

جزاكي الله خيراً علي النصيحة .. ايوة انا فاهماكي .. بس حقيقي انا مش بعرف اوصل للي ادامي انا عاوزة اقول ايه .. شكرا عشان بتحاولي تساعدين :)

آمين ي ربّ

هو ف ناس زعلت ؛ لگن نحسبكِ والله حسيبكْ أنّكِ م أردتِ إلا الخير


وي بشمهندسهٰ خلاص إحنا ف رمضان ؛ سامحيهآ :)

و ازاي دا يتحب؟ .. بارك الله فيكِ ع رأيك فيا .. و بالنسبة لقرايبي انا بتكلم معاهم لما اشوفهم "ازيك انت عامل ايه و ازي فلان و كدا " عشان ياما والدتي زعلت مني و قرايبي بيقولوها هي مش بتسلم علينا ليه؟؟ .. و بيبقا نفسي اهزر معاهم بالكلام و بالايد زي ما كنا صغيرين لكن اللي عاوزاه ف الاخر ميستاهلش اني اعمل كدا

انا عارفة انها متقصدش حاجة وحش بس هى اول مادخلت جرحت فينا
وهى لما دخلت امبارح وخرجت
الكنج سألها انتى خرجتى ليه
قالتله عشان الكهربا قطعت لحد الضهر
اظن انها اشاتت اهه برده

هي شكلها قفلت خلاص