|
تعديل
اقتباس:
كان فيه فاكس طلع أولا بحصر الأوائل العشرين وبس - ساعتها ضمنوا الباحثين معاهم .. ولكن جاء فاكس بتعديل ذلك وعمل حصر للكل بعد حذف المعينين .. لازم حضرتك تتحرك على رئيس جامعتك علشان لا يتم استبعادك يا حبيبي |
اقتباس:
في التعليم العام وزير التعليم العالي ليس له سلطة على الجامعات ورئيس الجامعة ليس له سلطة على الأقسام لكن في الأزهر الوضع مختلف شوية هي جامعة واحده وليها رئيس واحد بالرغم من وجود عدة فروع في أنحاء مصر لكن الرئيس واحد وهو من أخذ القرار وله الحق في ذلك |
السلام عليكم جميعا وللدكتورالمحترم عبد الحمن انا عندى احساس شديد بالظلم وياريت يتسع صدرك لى هل تكون االقوانين الظالمة قبل الثورة يمكن السكوت عنهابعدالثورة لان تنسيق فنون جميلة عمارة لها تنسيق مختلف فى الثانوية العامة واصلا علمى رياضيات لكن الاقسام الاخرىمختلفين عايزة افهم بالعقل والاقناع مش سمعا وطاعة من غير اقناع هل ممكن ارفع قضية عن طريق محامى بس على مين وشكرا جزيلا على الردمن اخ كبير سنا ومقاما
|
حمد الله على سلامتك يادكتور عبدالرحمن
بصراحه والله العظيم الواحد مكنش له نفس اساسا يدخل ويرد ع الموضوع من غير حضرتك ماتكون موجود بجد حضرتك نورتنا والله يادكتور ويارب مايحرمنا من رؤيه حضرتك معانا دائما ربنا يباركلنا فى حضرتك يارب طبعا انا سألت حضرتك بما فيه الكفايه وبجد حضرتك افضت واستفضت فى موضوعى بس يلا باه حصل خير تصدق يادكتور عبد الرحمن اكتر حاجه ضايقتنى ايه لما دخلت على موقع اكاديمية البحث العلمى ودخلت ع الاحتياجات لقيت جامعه كفرالشيخ طالبين كم هائل من التجاره والمؤهلات العليا طبعا كفرالشيخ معملتش غير للأوائل من 2007 ل 2010 يعنى اول 4 فى 20 يعنى 80 طالب ونيجى كمان لطنطا 8 فى 20 يعنى 160 طالب يبقى مجموع الجامعتين 240 والله يادكتور التجاره لوحدها فى قايمه الاحتياجات عاوزين حوالى 200 واحد حرام والله انا اولى اتعين فى جامعتى اى وظيفة اداريه ولا اى حاجه طبعا عارف ان حضرتك هاتقول عليا سلبى ومعرفش ايه والله يادكتور انا يأست من الموضوع ده بس ان شاء الله خلاص بكره رايح لمحافظ كفرالشيخ كتبت صيغة الطلب واخدت معايا الورق بتاعى هاروح الاول احجز معاد علشان اقابل المحافظ وهاسيبلهم الطلب بتاعى علشان يعرضوه على معاليه ادعيلى بس يادكتور يكون خير انا طلبت منه فى الطلب انه يبعت منشور لجامعه كفرالشيخ بحصر اوائل الدفعات من 2003 ل 2007 اظن حضرتك طبعا المحافظ ليه حق فى كده يعنى من ضمن سلطته ولا رايك ايه ؟ هوه حضرتك قريت احتياجات جامعه كفرالشيخ |
بصى يااستاذه ايمان هاقولك حاجه اعملى زى حلاتى
روحى قدمى طلب للمحافظ بتاعكم واحكيله على مشكلتك شوفى رايه ايه ورد فعله ايه لو جاب نتيجه غير وبركه مجبش نتيجه يبقى الحل اللجوء للقضاء انا عارف محامى من طنطا متخصص فى الحاجات ديه بس للاسف لسه مرحتلوش مستنى مقابلتى مع المحافظ هايعمل ايه |
طب لو سمحت يادكتور عبدالرحمن
انا خريجه2008 وطالعه السابعه علي الكليه انا تربيه رياض اطفال هايعينوني ايه مثلا ؟ |
د عبد الرحمن بعد اذنك حضرتك بتقول ان جامعة أسيوط بعتت احتياجها على الاكاديمية طيب ممكن بعد أذنك تشرحلى ازاى اعرف واوصل لأحتياجات جامعة أسيوط ؟؟؟
|
اقتباس:
جزاك الله كل خير لانك طمنتنا لان الموضوع كان شاغلني جدا |
هي الجامعه المفتوحه هايعينو برضو الاوائل
ياريت حد يقولي لو عارف |
احتياجات اسيوط
1 مرفق
احتياجات جامعة أسيوط ..
موجودة في الملف المرفق وبالتوفيق للجميع .. هي الجامعة تقريبا أخدت كل أبنائها من طلاب المنح .. :039uw8: :022yb4::022yb4::022yb4::022yb4::022yb4::022yb4::0 22yb4::022yb4::022yb4::022yb4: |
دكتور عبد الرحمن حمدا لله على سلامتك
اولا بارك الله فيك على ردودك وجعله الله فى ميزان حسناتك ثانيا موضوع المؤمن عليهم دا كان اخر تصريح للوزير بشان التعيين وده كان فى الاهرام تقريبا وكلام العاملين بالاكاديمية عندما سالنا قالو اللى متامن عليهم سيستبعدو وثالثا اختم كلامى بقول المصطفى صلى الله عليه وسلم: (إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة ) |
بالتوفيق للجميع ان شاء الله رب العالمين
أقر مجلس الوزراء فى اجتماعه اليوم الخميس، برئاسة الدكتور عصام شرف، المشروع القومى لتشغيل أوائل خريجى الجامعات المصرية، والذين يقدر عددهم بـ35 ألف خريج، على أن يناقش المجلس فى اجتماعات لاحقة آلية تنفيذ المشروع. كان المجلس قد بدأ اجتماعه صباح اليوم لمناقشة وإقرار بعض مراسيم القوانين التى تتعلق بالتأمينات والمعاشات، وإعادة تنظيم المجلس الأعلى للسياحة، فضلاً عن بعض المقترحات الخاصة بزيادة موارد الموازنة، وإقرار بعض الاتفاقيات الدولية. جريدة اليوم السابع الخميس 16-6-2011 ممكن استفسار بعد اذنكم حاصل علي بكاوريوس تربية نوعية حاسب آلي تقدير ممتاز مع مرتبة الشرف والاسم موجود الحمد لله فى اسماء الاوائل وانا اول واحد بعد تعيين المعيدين ممكن يكون في امل فى التعيين معيد اوالعمل في مكان محترم و وبالتوفيق للجميع وربنا يحفظ مصر |
اقتباس:
جزاك الله خيرا على الاايضاح والافادة بس معلش عندى شوية اسئله؟؟؟؟؟؟؟؟؟؟؟ انا كده فهمت موضوع التعيين غلط ولا ايه؟لانى كنت فاكرة بعد ما اخدوا الدرجات الماليه للكل وبعد الاسماء ما نزلت على الموقع ان الكل هيتعين؟ بس معنى كلام حضرتك ان خطة التعيين هيبقى فيها ناس ملهمش مكان يعنى اللى كليته مش محتاجة؟او محتاجة وفى اكتر من واحد.او اللى تخصصه مالوش مركز بحثى ولا له علاقة بالصناعة هيبقى مالوش وظيفة؟؟؟؟؟؟؟؟؟؟؟ده اللى انا فهمته؟؟؟ والدكتور ماجد فى الاجتماع قال ان اللى اسمائهم بس على النت واخدوا الدرجة هيتعينوا؟ وكمان فى اخر الاجتماع قال ان لازم نساويكم ببتوع جامعة اسيوط وناخدها حجة للتعيين واخيرا قال هنحاول نستصدر قرار سيادى؟؟؟؟؟؟؟؟؟؟؟؟؟ معلش طولت على حضرتك بس ده من عشمنا فى حضرتك ولكم جزيل الشكر |
اقتباس:
ممكن حضرتك تجيبلي رابط للخبر أو أي تصريح للوزير بكده علشان كلام د.ماجد الشربيني لينا كان واضح بهذا الخصوص وهو رئيس الأكاديمية والمسئول عن مشروع التعيين ككل .. لو فيه كلام زي اللي بتقول عليه ياريت تبلغني وتديني الرابط علشان نلحق الموقف واوعدك هانتكلم شخصيا مع الدكتور ماجد وهابعتلكم الرد .. |
اقتباس:
حمداً لله على سلامتك يا استاذنا الفاضل , معلش ممكن بس أسأل حضرتك سؤال مكون من ثلاثة عناصر وأرجو أن لا أسبب لسيادتك إزعاج أو ملل . اولاً : هو في جامعة الأزهر لسه قرار تعيين العشرين الأوائل على الدفعة في وظائف إدارية ساري أم اتلغى بعد صدور قرار بتعيين الأول والثاني معيدين , ثانياً : هل ممكن لأوائل الأقسام الموجودة في الشعب التي اعتبروها شعبة عامة دون أقسام لأن أقسامها مش موجودة غير في مرحلة الدراسات العليا وبالتالي أخدوا الأول والثاني على الشعبة كلها دون الأقسام إنهم يتظلموا او يلجأوا للقضاء , مثل كلية الدراسات الإسلامية والعربية قسم اللغة العربية خلال الأربع سنين دراسة مش بيتقسموا أما في مرحلة الدراسات العليا بينقسموا الى اربع أقسام أدب , وبلاغة , ولغويات , وأصول لغة وطبعا في الكلية الأقسام دي معترف بيها وكل قسم له رئيسه , هذا بالمقارنة بشعبة تانية في نفس الكلية هي شعبة أصول الدين هذه الشعبة بتتقسم خلال سنوات الدراسة الى أقسام حديث وتفسير وعقيدة وبالتالي حيخدوا الأول والثاني من كل قسم منهم , أعتقد كده ان الموضوع ده حيظلم ناس كتير مثلي لأن أولي الأمر وهم يتخذون القرار لم يضعوا في حساباتهم مثل هذه الشعب ذات الأقسام التي توجد فقط في الدراسات العليا وليس في سنوات الدراسة . ثالثاً : هل لو تم تعيين العشرين الأوائل في وظائف إدارية بالجامعة وحصلوا على الماجستير هل سيتم ضمهم إلى هيئة التدريس . معذرة على التطويل يا أستاذنا الكريم , ولكن هذا الموضوع يسبب لي أحساسا بالظلم خاصة أنني من الأوائل وحاصلة على ممتاز في الأربع سنوات وآخر سنة حصلت على ممتاز مع مرتبة الشرف ومن أوائل قسم اللغة العربية ولكن لا زالت لا أعرف ترتيبي ومن العشرين الأوائل على دفعة 2003 وحصلت على التمهيدي في قسم الأدب والنقد , وأوشك عل مناقشة الماجستير . |
| جميع الأوقات بتوقيت GMT +2. الساعة الآن 03:52 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.