|
بكل صراحة ووصدق الحملة جميلة جداً وأنا مستعد لعمل أي شيء تطلبه مني الحملة للتواصل معي من خلال صفحة محافظة المنيا - مركز مطاى
صديقكم / عمرو |
حمله (رمضان هيغيرنا ) حمله متخصصه بشهر رمضان ياترى كام رمضان ضاع من بين ايدينا ؟ كام رمضان اشتغلنا فى اوله وبعد كده كسل ؟ كام رمضان نشتغل فيه كويس وبعد لما يخلص (كما كنت )؟ طيب كام رمضان غيّر فينا بجد؟ كام رمضان علّم فين واتعلمنا منه وطلعنا منه بحاجه اكيد قليل او ممكن يكون مفيش =========== خلاص هات صفحه تانيه ايه رأيك يكون رمضان السنه دى رمضان مش عادى؟ ايه رأيك يكون رمضان المره دى له علامه فى حياتنا يعنى نقعد فاكرينه طول حياتنا ان فى رمضان ده انا بطلت المعصيه دى او بدأت اعمل الطاعه الفلانيه ايه رأيك ؟ :022yb4: موافق !! طيب كمل معانا يلا نبدأ :friendsxs3: انتظرنا فى الحلقه الاولى من (رمضان هيغيرنا ) |
جزاك الله كل خير على جهودك معنا لكى توصل لنا هذا العمل الرائع
فى رعاية الله |
بجد الموضوع اكتر من رائع
وربنا يجزيك الجنة على هذا العمل اللى مفيش كلمة ممكن توصفه أبدا معلش يمكن وصلت متأخرة شوية بس بإذن الله متابعة |
اللهم اجعل هذا العمل فى ميزان حسنات كل من ساهم فى هذا الموضوع
|
جزاك الله كل الخير
معلشي .. انا عارفة اني متأخرة جدا .. بس ملحوقة متابعة معاكوا باذن الله |
جميل جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااجدااااااااااااااااااااااااااااااااااااااااا اااااااااااا
وأنا طبعا معاكم |
اولا انا بشكر جدا صاحب هذا الموضوع الرائع وان كنت قليل الكلام لكنني اشعر ان لدي الكثير لاقوله فالتغير واجب ولكن في اي اتجاه تغير في اسلوب التدريس ام في اسلوب معاماملة الاهل والناس ام في اسلو العباده واعتقد ان افضل تغيير هو الذي يجعلنا راضين عن انفسنا وان كان هذا ايضا ممكن يكون علي حساب رضا الغير انا معكم لاستفيد
|
الشكر الجزيل ومعا سوف نقول (نريد ان نؤثر فى الحياه كما اثر فيها العلماء)
|
مع محمود ومع كل من يدعو الى(التفاؤل)
|
ممتاااز جدا والله
ربنا يبارك فيك (( اللهم اهدي امة الاسلام الى طريق الحق والصواب ..)) |
موضوع جميل جدا انا نفسى فعلا اتقرب من ربنا بجد انا كان بيجى علية وقت بتكسف اطلب طلب من ربنا لانى كنت بحس انى مقصرة فى حقة فبقول ازاى ابقى مقصرة فى حق حد و بعدين اطلب منة طلب بعد كدة بس طبعا ربنا غفور رحيم ربنا يهدينا جميعا انشاء الله
|
انا مستعد لحملة رمضان معاكم
|
الله يبارك لك وجعله الله في ميزان حسناتك
|
سامحونى انا اسفه اوى انى انقطعت عن الموضوع فجأه
وسامحنى يا استاذ محمد على تقصيرى مع الفريق بس والله العظيم كان عندى ظروف صعبه جدا ولسه لحد دلوقتى ويعلم ربنا بمدى حزنى على تركى للحمله ولكن قريبا ان شاء الله لى عوده ولكن أسألكم بالله تدعولى // انا دخلت بس اطمئن ع الموضوع واسجل متابعتى واسلم عليكم جزاكم الله خير الجزاء |
وعليكم السلام ياعبقرى ومع السلامة وبارك الله فيك
|
بسم الله ماشاء الله على هذا الطرح الرائع مجهود طيب جدا وأسأل الله أن يجعله فى ميزان حسناتك يوم القيامه أكرمك الله
|
بسم الله ماشاء الله
الحمله جميله جدااا وكل مره بتبقى اجمل على فكره انا ضيفت ايميل الحمله ومش عارفه محدش قالى اى حاجه من ساعتها |
جزاكم الله كل الخير وبارك الله فيك ونفع بكم الاسلام وحمله رمضان نزلت فى موضوع منفصل ولكن هنقلها لكم هنا وياريت تنشروها ولكم من الله الاجر |
حمله (رمضان هيغيرنا ) حمله متخصصه بشهر رمضان ياترى كام رمضان ضاع من بين ايدينا ؟ كام رمضان اشتغلنا فى اوله وبعد كده كسل ؟ كام رمضان نشتغل فيه كويس وبعد لما يخلص (كما كنت )؟ طيب كام رمضان غيّر فينا بجد؟ كام رمضان علّم فين واتعلمنا منه وطلعنا منه بحاجه اكيد قليل او ممكن يكون مفيش =========== خلاص هات صفحه تانيه ايه رأيك يكون رمضان السنه دى رمضان مش عادى؟ ايه رأيك يكون رمضان المره دى له علامه فى حياتنا يعنى نقعد فاكرينه طول حياتنا ان فى رمضان ده انا بطلت المعصيه دى او بدأت اعمل الطاعه الفلانيه ايه رأيك ؟ :022yb4: موافق !! طيب كمل معانا يلا نبدأ :friendsxs3: انتظرنا فى الحلقه الاولى من (رمضان هيغيرنا ) |
الحلقه الاولى (اوكازيون ؟) +السلام عليكم ورحمه الله وبركاته =وعليكم السلام ورحمه الله وبركاته +احوالك عامله ايه ؟ =تمام بخير +والحياه معاك عامله ايه ؟ =ماشيه بس مش اوى +طيب فرصه علشان نشتغل صح =ازاى ؟ +رمضان جاى كمان شهر تقربيا =طيب كويس .. +لاء مش كويس ده راااائع لاننا بعون الله هنعمل شغل جامد جدا علشان نتغير بجد وهنرفع شعارنا رمضان السنه دى ...له علامه فى حياتى =يعنى ايه ؟ +يعنى مش عاوزين ننسى رمضان السنه دى خالص من حياتنا =..http://us.i1.yimg.com/us.yimg.com/i/...mileys2/06.gif.!!! +من غير ماتسأل هقولك ازاى لما يكون فى حاجه معينه مش عارف تعملها يعنى مثلا واحد بيشرب سجاير ومش قادر يبطل واحد مدمن للعاده السيئه واحد مش قادر يبطل اغانى واحد الناس بتكرهه جدا واحد مش قادره تتحجب صح كل حاجه كل حاجه هنتكلم عنها ولما نبطل ونقف عن الشئ ده السنه كلها والعمر كله هنفتكر رمضان السنه دى ان بسببه بطلت كذا وكذا وبدأ اعمل كذا وكذا =يعنى ممكن بجد نعمل كل ده +طبعا ممكن نبطل كلنا ولكن هل انت عاوز تبطل ؟ =طبعا ... +جميل جدا وكل بيقول الخطوه الاولى هى الصعبه وان شاء الله علشان كلنا هنشتغل مع بعض وكمان رمضان هيساعدنا بعد ربنا =طيب بسرعه هنبدأ امتى ؟؟ +احن...... =لسه هنستنى لرمضان كتييييير اوى +استن...... =طيب نبدأ دلوقتى +(انا حطيت ايدى على فم صاحبنا ) http://us.i1.yimg.com/us.yimg.com/i/...mileys2/27.gif عاوز اتكلم =اتفضل ... +ده انت كائن غريب لوك لوك اقفل التسجيل ده شويه ودانى وجعتنى http://www.roro44.com/smilies/sad/051.gif =خلاص ماتزعلش بس انا فرحان اوى لانى مش مصدق انى ممكن ابطل المعاصى دى كلها +طيب ايه رأيك نبدئ دلوقتى =ياريت +يعنى مستعد =طبعا بس معلش عندى سؤال صغنن +اتفضل =ليه اخترنا رمضان بالذات ؟؟ +لان تفرق لما تروح تشترى حاجه بذاتها وتمشى عن لما تشترى حاجه عليها هديه زياده 10 % لاقل واحد عن لما تشترى حاجه عليها اوكازيون الضعف او اكتر بكتييير =مش فاهم +بص العرض الاول مش عندنا فى الاسلام بتاع ابو جنيه بجنيه لاء فى الاسلام اقل حاجه لما تدفع جنيه واحد هتاخد 10 جنيه فورا وده على طول لكن فى رمضان هتدفع جنيه هتاخد 70 جنيه على طول ده اقل حاجه =يااااااااااااا اه بجد +طبعا بجد رمضان اوكازيون جامد حبيبك النبى قال (رمضان سوق قام ثم انفض ) يعنى رمضان سوق هيقوم وهيخلص بس ياترى مين اللى هيكسب =ان شاء الله نكون كسبانين +يارب بس الاهم اننا نتعب شويه صغيرين ونعترف بكل عيوبنا ومش هنتغير غير لما كل واحد يقول اللى جواه بصراحه = طيب معلش كنا عاوزين نخرج مع بعض ندردش شويه علشان بجد انا محتاج اتكلم معاك +طبعا موافق =ربنا يخليك بس ياريت فى اقرب وقت +طيب ايه رأيك نخرج نتمشى شويه على البحر ونتكلم =ماشى +طيب يلا دلوقتى بس عاوزك بالليل تقول كل اللى عندك علشان رمضان نستعد له من دلوقتى =ماشى انا هقعد مع نفسى علشان اعرف هنقول ايه +لاء اوعى عاوزك تتكلم بتلقائيه تقول اللى فى قلبك مش عاوز تجهيز =ماشى +السلام عليكم ورحمه الله وبركاته =وعليكم السلام ورحمه الله وبركاته |
تنويه : حاولنا بقدر الامكان اننا نخلى صاحبنا يعمل كل الذنوب المتعلقه بالشباب علشان نعرف نتعامل مع كل الناس وبالنسبه للمشكلات الخاصه بالبنات فى حلقه مخصوصه وفى بعض الذنوب والطرق حدثت بالفعل مع بعض اصدقائى علشان كده الحلقه دى هديه ليهم ولكل واحد عاوز يتغير بجد =================================== ( بصراحه) "انا بكلم صاحبنا على الموبيل علشان نتفق هنتقابل فين وكده " +السلام عليكم ازيك ياباشا ؟ =الحمد لله بخير وانت ايه اخبارك ؟ +الحمد لله بخير ايه مش هتخرج النهارده =يلا ده انا مستنى اتصالك انت فاضى دلوقتى +انا مفضّى نفسى علشانك =طيب يلا بينا دلوقتى +يلا بينا 5 دقايق وتلاقينى تحت بيتك =لاء طبعا انت اللى تجى ليا ازاى ماينفعش ؟ +ليه فيها ايه يعنى ؟ =فيها كتير ..ماينفعش وخلاص ازاى انت تيجى +انت عندك مشكله !! =لاء بس الاحترام يقول انا اللى اجى لك +الاحترام على عينى وراسى بس كلنا بشر مفيش فرق بيننا كلنا عباد لله انا جاى لك =ماشى مستنيك "المهم اتقابلنا وطلعنا على البحر نتمشى ووصلنا ووكنا رايحين نقعد فى كافيتريا لكن صاحبنا رفض علشان عاوزنا نتعزل عن العالم علشان نتكلم برحتنا ورحنا قعدنا على صخره قدّام البحر " +يلا يا سيدى عاوزك تطلع كل اللى عندك = بس ممكن طلب +اتفضل =انا هتكلم بصراحه جدا بس مش عاوزك تتكلم الا لما اخلّص +ماشى يا سيدى اتفضل وعاوزك تعيش محدش سامعنا خالص وعاوز تطلع كل اللى جواك =بص يا سيدى انا بقى يوم قريب من ربنا وشهر بعيد تماما عن ربنا وطبعا طالما انا بعيد الشيطان ربنا يلعنه بيستلمنى وبيخلينى ابعد اكتر واعمل كل الذنوب اللى ممكن تتخيلها عملت ذنوب محدش عملها كنت بأخترع ذنوب ومعاصى لانى زهقت من الذنوب التقليديه عملت كل حاجه +زى ايه ؟ =دخلت واتفرجت على مواقع اباحيه ويمكن كل المواقع تقريبا لحد ما ادمنتها وادمنت العاده السريه لدرجه انى كنت بعملها فى اليوم الواحد اكتر من مره مش بغض بصرى خالص شربت سجاير ومشيت مع بنات وكنت بسلّم عليهم جدا وكنت بتعمّد اشترى بنطلونات معينه علشان اسقطّها ولبست حظّاظه وسلسله وادمنت سماع الاغانى كلها لكل الناس حتى الاغانى الدينيه قلت كل الالفاظ الزباله وكنت بجيب فى سيره اصحابى فى غيابهم وكنت مغرور بنفسى اوى ومش بسمع كلام ابويا وامى مطنشهم خالص وكان بيعدّى عليا ايام مش بركع فيها ورغم كل ده ربنا بيسترنى ومش بيفضحنى ياااااااااااااااااااااااااااااه بجد مش عارف اعمل ايه بجد مخنووووووووووووووووووووق جامد حاسس ان الشيطان ربنا يلعنه مكتفنى جدا مش قادر اتحرّك كذا مره اقول هصلى وهبقى راجل وبفشل كذا مره اقول لربنا يارب سامحنى مش هعمل كده تانى واوعده بس كما كنت ارجع اكتر من الاول بجد اتخنقت مش عارف اعمل ايه حاسس ان الدنيا اسودت فى وشى "يقطع الحديث بكاء صاحبنا " +اهدا كده ووحد الله =لا اله الا الله مش عارف بجد عاوز ارجع بس هل هيقبلنى ولا هيقولى انت جيت ليه وبرفضنى بجد خايف اوى +طيب انت دلوقتى قلت مين انت سؤال بقى مين ربك ؟ =هو الغفور الرحيم العزيز +انا عارف وانت عارف بس هل انت حاسس ="صاحبنا يبكى " +تعرف ان ربنا اسمه المؤمن =عارف +طيب يعنى ايه ؟ =مش عارف بصراحه +المؤمن يعنى اللى ديما عارف احنا مين مش مهم الدموع لما تتوب المهم انك عاوز تتوب بجد عاوز ترجع عرفت غلطتك عرفت انت مين قدامه عرفت انه ممكن يسحب منك اى نعمه على الاقل لانك استخدمتها غلط وسعتها لو عملت ايه خلاص ممكن يسحب منك حياتك وساعتها اعمل اللى انت عاوزه لو عملت ايه خلاص كل شئ انتهى للاسف احنا لحد دلوقتى لسه مش عارفين ربنا كويس مش عارفين يعنى ايه الغفووووووووووووور يااااااه لو نحس على دمنا يااااه لو نعرف معنى التواب ليه مش التائب لانه كان هيتوب عليك بس لو عملت نفس المعصيه تانى خلاص مش هيتوب عليك لانه تاب عليك مره وخلاص وانت مصمم على فكره بص انت عملت ايه ورغم كل ده ربنا بيحبك =ايه !!! بيحب مين ...مستحيل بعد كل ده يحبنى +بيحبك .. =صعب دلوقتى صدقنى +بص لو والدك زعق لك علشان عملت حاجه غلط هل معنى كده انه مش بيحبك =لاء طبعا بيحبنى بس هو زعلان منى شويه علشان عاوز لى الخير +طيب ربك حبيبك بيحبك بس زعلان منك شويتين علشان عاوز لك الخير كله = وانا والله بحبه اوى + وهو بحبك اكتر بيقولك عيش حياتك صح واضمن اخرتك بيقولك الدين سهل تصدق ممكن وانت نايم تاخد ثواب وانت بتلعب تاخد ثواب بس من جواك خلى نيتك خير علشان تريح نفسك شويه وتفوق تكمل يوم الطاعه بانك رايح تلعب كوره وتقعد على الكمبيوتر صدقنى افهم حياتك صح مره حياتك كلها هتتغير =نفسى بس مش عارف +ليه ...مش صعبه =طيب ازاى ؟ +شايف كل الحاجات اللى انت عملتها كلها تخيل معايا كل ده اتمسح من حياتك وكمان ذنوبها اتمسحت وكمان تخبل كده انت بتلعب كوره ولما الحكم يظلمك فى كوره تعذره بأنه ما اخدش باله ومش قصده وتبتسم فى وشه ولما الصلاه تأذن تسيب الكوره وتروح تصلى وترجع تكمل كوره ولما تروح تاخد دش بنيه النظافه من الايمان وان الله جميل يحب الجمال وتدخل تريح لك شويه بنيه انك تريح جسمك من التعب علشان تعرف تكمل يومك وتصلى بقلب وخشوع مش تبقى عاوز تنام ولما مامتك تجى تصحيك تصحى وتبتسم فى وشها بنيه بر الوالدين وكمان نيه ان الابتسامه صدقه وتدلعها وتقول لها حاضر يا جميل وايه القمر ده وكتير عليا اصحى من النوم على الحلاوه دى وتقوم تقعد على الكمبيوتر شويه بنيه الاتصال بالعالم لان ربنا قال وجعلناكم شعوب وقبائل لتعارفوا بس طبعا مش مع البنات اه فى حدود وكمان تشوف اخبار العالم وتدخل على المنتديات وتحط مواضيع علشان تفيد الناس واثناء جلوسك بتسمع اناشيد او قرآن او حتى اغانى هادفه دينيه ولما الاذان يأذن تقوم وتسيب الكمبيوتر وتروح تصلى واثنا ما انت ماشى تقول لكام واحد السلام عليكم يلا 60 حسنه وراسم ابتسامه حلوه زى ماقلنا ابتسامه بصدقه وترجع تلاقى ماتش تتفرج عليه وتتفاعل معاه وتهزر وتضحك وتهزر شويه مع اخواتك ومع اصحابك وتخرج =ياااااااااااااه لو اعيش يوم واحد بس كده +طيب ايه رأيك لو تعيش كل حياتك كده =.ياريت نفسى ايدى على ايدك +طيب يلا بينا نبدأ =يلا بينا ان شاء الله كل حلقه حتى نصف شعبان نحل كام مشكله ونبطل كام معصيه نهائى يلا نبدأ كلنا مع بعض يلا هات ايدك نبدأ مع بعض نبدأ بجد نلعن ونكسب الشيطان مره واحده ونضربه الضربه القاضيه ونبقى رجاله صح وبنات صح يلا بينا كلنا عاوزين نعيش حياتنا صح لو عاوز تعيشها معانا يبقى انتظرنا |
السلام عليكم ورحمة الله وبركاته عاوز اطلب منك طلب يا اخ محمود ياريت تعمل حلقات رمضان في موضوع لوحده ونكمل فيه و نفك تثبيت الموضوع ده ونكمل في التاني لغاية رمضان وبعدين هنرجع الموضوع ده تاني في انتظار رايك
|
منتظرين
بسم الله ما شاء الله موضوع اكثر من الرائع ولكن اين موضوع الفريق ؟؟؟؟؟؟؟؟؟؟؟؟؟ |
|
اقتباس:
اسمى محمد وحضرتك الموضوع موجود بالفعل http://www.thanwya.com/vb/showthread.php?t=138989 وياريت ماتفكش موضوع الحمله علشان ماتضيعش فى وسط المواضيع وغير كده الحمله بفضل من الله لها زائرين وقارئين يوميا |
طبعا الحمد لله
انا بدخل الحملة يوميا وباستمرار ربنا يكرم يا رب (تنشيط) |
بجد الحملة أكثر من رائعة
جزاك الله خيرا وجعله الله في ميزان حسناتك |
الله يبارك فيكم انتم رجال الله
|
يلا يا جماعة
فعاليات الحملة ابتدأت وبشراهة انتو قعدين تعملو ايه |
بسم الله الرحمن الرحيم
السلام عليكم و رحمة الله و بركاته بجد مش لاقية كلمة اقولها عن النشاط ده..... انا بقالي ساعتين و نص بقرأ كل اللي اتكتب عن الموضوع ده.. و فعلا بجد اعجبت بيه.. و حضرتك يا صاحب الموضوع ستكون ممن ادعو لهم في الصلاة.. كفاية ان انا دلوقتي فتحت صفحة جديدة مع ربنا سبحانه و تعالي... بارك الله في حضرتك و رزقك الجنة و نفع بك الامة و وفقك في حياتك و ادخلك الجنة من اوسع ابوابها و اعطاك ما تتمناه و لا رد لك دعاء ابدا....امين يارب العالمين بس هو في معلش سؤال اجابته بسيطة اه.. او لا انا لو عايزة اشترك.. اسجل الايميل بتاع بنات التغيير و اقول اسمي و سني و مدينتي و هواياتي و رقم التليفون و الايميل و يعملولي كارنيه...صح؟ بس هل فعلا في امان بالنسبة للتليفون و الايميل.. و التليفون تحديدا.. في معلش حضرتك كمان حاجة .. انا عايزة اشترك في مجموعة الاعلام الهادف و مجموعة تانية اسمها كتاب الله ..و بجد فعلا جزاك الله كل الخير و السلام مسك الختام و السلام عليكم و رحمة الله و بركاته |
ازيكم كيف حالكم
معايا مفاجأة :- حصريا ولاول مرة http://www.thanwya.com/vb/showthread.php?t=142487 سلام عليكم ورحمة الله وبركاته فريق الاعلام الهادف بدء عمله على هدا الرابط http://www.thanwya.com/vb/showthread...=1#post1470327 بانتظار تفاعلكم معنا :049gc0::049gc0::049gc0: والله الموفق |
اقتباس:
ربنا يكرمك ويبارك فيكى على حسن ظنك بجد من افضل المشاركات اللى قريتها اخد منها دفعه جامده جدا وبالنسبه للاشتراك فى الفريق دلوقتى مفتوح ولكن ماتسبيش اى بيانات لاى حد الا لما نقول لكى فى رساله خاصه لاننا بنحضر لموسم رابع طبعا الثالث ما اخدش وقته ولكن الرابع هينزل فى فتره قريبه ان شاء الله وده هيكون كالعاده فى شغل جديد تماما وهيبقى مفاجأه جدا حاجه جديده خالص والبيانات دى مش هتكون كلام وخلاص لاء علشان هيكون فى زيارات لدار ايتام وحاجات زى كده وبيناتك هتكون مع واحده امينه بجد واحده قد المسؤليه وتستحمل المهمه بجد وحاليا بنختار لان فى كذا واحده اخدت المهمه ولكن انسحبت وبندور دلوقتى على واحده قد المسؤليه ولو اى واحده عاوزه ترشح نفسها تقول واحنا هنشوف الانسب ونختار لان دى مسؤليه جامده وكله بثوابه ولكن سجلى ايميل بنات التغيير عندك |
الموضوع الجامد ده بجد يجنن وتحفه واكتر من رائع فعلا لازم نتغير انا لسه مكملتش باقي الحلقات بس حبيت اشكرك
|
|
ما شاء الله
أنا من اعجابي بالحملة سأحاول كمعلمة تنفيذها بالاستعانة بمشاهدها كاسكتشات وحلقات في اذاعة المدرسة مع عمل الدعاية اللازمة لها جزاك الله خيرا وأعز بك الاسلام |
زاي ما قولت قبل كده الموضوع حلو جداً وفي ميزان حسناتكم واسمحولي
يا باغي الخير أقبل وشارك علشان الثواب والأجر والثواب من الله تقوم لجنة زكاة الرحمن بمطاى التابعة لبنك ناصر الاجتماعي والتي رقم حسابها 3067 في هذه الأيام الطيبة في تجهيز بما يسمى بشنطة رمضان لتوزيعها على الفقراء والمحتاجين في شهر رمضان المعظم وكل عام وانتم بخير للتواصل من خلال السيد أمين الصندوق على الهاتف المحمول 0181221652 أو من خلال رقم التلفون الأرضي 0863920285 |
انتظرونا فى الموسم الرابع لحمله هنتغير بجد وفريق هنتغير بجد عذرا لا مكان بيننا للكسالى الشغل هيبقى بجد وجارى الاعداد له حى نتفادى اخطائنا فى السابق |
معاك ان شاء الله وكلنا معاك
مش صح ولا اية يا جماعة؟ |
معااااااااك كلنا يامحمد
بس مش عاوزين كسل ولا هنقبل الكسل |
جزاكم الله خيرا
ومتابعة باذن الله معاكم |
متابعه معاكوا ان شاء الله
ومفيش كسل ان شاء الله وجزاكم الله خيراااا |
وانا معاكم ان شاء الله ويا رب كلنا نتغير للاحسن
|
السلام عليكم ورحمة الله وبركاته أولا أنا فعلا مش عارفه أعبر عن إعجابي بالحمله دي ولو عبرت مش هوفي أنا بجد يامحمد بدعيلك وربنا عالم أنا بدعيلك قد إيه عاجباني فكرتها وهدفها وإسمها يدي حماس للتغير فعلا الكل نفسه يتغير بجد بجد ربنا يبارك فيك ويجعلك ممن يقال لهم (أبشروا بروح وريحان) يارب الحمله فعلا نشاطها يزيد ونغير ناس كثير أنانفسي أساعدكم فيها بس سامحوني أنا مش بدخل كثير في رمضان لكن بإذن الله بعد رمضان هدخل ويارب يكون ليا فيها بصمه مش عارفه أقول إيه أكثر من كده بس كل اللي ممكن يوفي أنار الله قلبك وبشرك بالجنه متأسفه على الإطاله وتقبلوا مروري أختكم الزاهــــــــدة.. |
مشكور على مرور الكل فى الموضوع وتقبل بدا الموسم الرابع بدون كسل وان شاء الله هتنتشر الحملة فى اكثر من 200 منتدى فى الموسم الرابع ونريد اقتراحاتكم فى نشر الحملة باكبر قدر ننتظر الاقتراحات منكم ومن يريد اى شئ عن الاستفسار او طلب انا ومحمد تحت امركم على الرسائل الخاصة واحب ان اعلن ان سوف يتم فتح الموسم الرابع فى بداية الدراسة يلاااااااااااا الموسم الرابع مش عاوز كسل :abdoog8::abdoog8::abdoog8::abdoog8: |
تنبيه الى كل اعضاء فريق هنتغير بجد الحمله دلوقتى بفضل الله وحده ثم مجهوداتكم وصلت الى 230 منتدى وده طبعا عدد كبير ولكن برده عاوزين الخير يعم اكثر على الناس وهدفنا ان شاء الله يوصل العدد الى 500 منتدى بعدما كان هدفنا 100 منتدى وتعديناه بسهوله ويسر من الله والموسم الثالث قد سينتهى بأنتهاء شهر رمضان حبينا نختم الموسم الثالث ختام رائع وهذا ما جعلنا ننقطع فتره عنكم لنهجهز لكم ما يسركم واظن ان هذا ما ظهر لكم مع بدايه الشهر الكريم عندما شرعنا فى تقديم حمله رمضان هيغيرنى و حمله رمضان علمنى وان الموسم الرابع سيبدأ مع بدايه العام الدراسى وعاوزين اقتراحتكم وملاحظاتكم ونقدكم ونستقبلها منكم على الخاص وايميل الحمله hantghirbegad ونحن فى خدمتكم MAHAMAD & عبد القادر محمد |
(عاوز اتوب بجد) +السلام عليكم ورحمه الله وبركاته =وعليكم السلام ورحمه الله وبركاته +عامل ايه ؟ =والله مخنوق حبتين +تانى ليه يا حبي =حاسس ان ذنوبى كتير اوى وان ربنا مش هيرضى عنى مهما اعمل +خلصت ولا لسه =انت بتهزر +انا بتكلم بجد انا مش عارف ازاى تشيل نفسك كل الهموم دى ولك رب اسمه الرحيم الكريم العفو التواب =..... +يا مسلم انت لسه هتفكر روح له بجد وقوله انا آسف انا غلطان فى حقك انا عاوزك انا محتاجلك يا حبيبى لا تتركنى مهما اعمل من ذنوب برضه برجعلك وهرجعلك لا تردنى خائب ذليل لانك لو تركتنى هروح لمين غيرك ولو فيه غيرك انا مش عاوز غيرك انا بحبك مهما اعصيك بحبك =يعنى ربنا ممكن يسامحنى +طب طز فيا اسمع كلام حبيبك سبحانه وتعالى (ومن يعمل سوءا او يظلم نفسه ثم يستغفر يجد الله غفورا رحيما) =يعنى ممكن .... +انت لسه هتفكر روح لحبيبك وهتلاقيه يفرح بيك روح وانت متأكد انه مش هيردك وهيقبلك واستنى حلقتنا فى (ازاى اتوب بجد ) =بس ما تتأخرش +ماشى السلام عليكم ورحمه الله وبركاته =وعليكم السلام ورحمه الله وبركاته |
( انا عاوز اتوب ) 2 ((ازاى اهد السور؟)) __________ +السلام عليكم ورحمه الله وبركاته =وعليكم السلام ورحمه الله وبركاته +ايه الاخبار دلوقتى ؟ =الحمد لله +ايه اخبار ذنوبك ؟ =يا عم ما تفكرنيش +انا قصدى لسه كبيييييره =من ناحيه كبيرة فهى كبيره ولكن مش اكبر من ربى حبيبى +الله ينور عليك =وعليك +طبعا احنا متفقين من الحلقه اللى فاتت ان الحلقه بتاعتنا النهارده عن ازاى اتوب بجد ؟ =ماشى +فى البدايه كنت عاوز اقولك على حاجه =اتفضل +تخيل نفسك واقف فى منطقه معينه =http://hantghirbegad.ahlablog.com/im...lies/385_4.gifليه يعنى !! +يا حبى تخيل =ماشى +وانت واقف جنبك حائط ووراء الحائط على طول فى فى شنطه فلوس مش بتاعه حد وطبعا لو اخدتها هتحل بيها مشاكل كتيييرة اوى =ده لو الفلوس من حقى طبعا +اه الفلوس دى اعتبرها بتاعتك =ماشى كمل +عاوز اسألك كام سؤال =اتفضل +هل الشنطه قريبه منك ؟ =مش عارف +http://hantghirbegad.ahlablog.com/im...milies/361.gif امال مين اللى هيعرف!! =وانت بتزعق لى ليه هو انا اللى حطيتها يعنى ؟ +ماتزعلش يا جميل انا آسف ركز وفوق من الغيبوبه اللى انت عايش فيها دى =ماشى الشنطه قريبه منى بس الفرق الحائط +رائع طب لو انا ما قلتش لك ان الشنطه موجوده كنت هتعرف هى قريبه ولا بعيده =لاءه +بس خلى بالك انها فى الواقع قريبه منك =ماشى بس انجز علشان انا عاوز الشنطه دى +طب ما تستعجلش انا دلوقتى قلتلك ان الشنطه قريبه منك جدا يبقى انت علشان تجيب الشنطه هتعمل ايه ؟ =هكسر السور اللى بيننا +حلو اوى اوى انت كده بدأت تفهم =طب انجز علشان انا بتعب من التفكير +ماشى انا عارف ان التفكير صعب عليك بس حاول =ماشى +طبعا انت لما تاخد الشنطه هتاخد الفلوس وهتحل بيها مشاكلك =طبعا +هو ده اللى انا عاوز اوصلك ليه ان احنا قاعدين حاطين ايدينا على خدنا ومستنين النصر من ربنا فى كل حاجه وربنا بلغنا ان النصر قريب =استنى والله فهمت يبقى احنا علشان نوصل للنصر يبقى نهد السور اللى بيننا وبين النصر +الله عليك بس قول بقى ايه هو السور ده =http://hantghirbegad.ahlablog.com/im...lies/385_4.gif http://hantghirbegad.ahlablog.com/im...lies/72_72.gif يعنى انت لازم تحرجنى +ليه يا حبى ركز السور ده هو الذنوب بتاعتنا =ده كبير اوى السور ده واحنا مش هنقدر نهده او نفجره حتى +طب ما انا عارف انت استحاله تهده لواحدك ومافيش غير حل واحد بس هو ايه؟؟؟ =ربنا سبحانه وتعالى +بجد راااائع انت النهارده =بس بلاش تحرجنى بكام سؤال تانى +ماشى يبقى احنا لازم نهدم السور ده بس بالاستعانه بالله +قولى بقى ازاى هنستعين بربنا =هنتوب +لا ..لا.. بجد راااائع انا خايف عليك من الحسد =ماتخافش انا هستعين بربنا وهو وحده اللى هيحمينى من الحسد +يا جامد ايه الكلام الحلو ده =ربنا يرضى عنا +آميين ندخل فى موضوعنا احنا قلنا هنستعين بربنا عن طريق التوبه =صح +ازاى نتوب بقى =اتوب بأنى اروح لربنا وادعى ربنا بأنه يسامحنى +جميل وايه تانى ؟ =مش عارف ..كمل انت بقى هو انت جاى ليه ؟ +ماشى رقم واحد نعترف بذنبنا ومانتكبرش ونقول مثلا كله بيعمل كده لان لو دخل النار ماحدش هيعرفه والتانيه انك تروح لربنا وده اللى اتكلمنا عنه الحلقه اللى فاتت والتالته انك بجد تكون ناوى انك ما ترجعش للذنب ده تانى والرابعه لو كان الذنب ده فى حق حد لازم تعتذر له وماتقولش انا كنت بهزر لان هو لو اخد الموقف ده بجد هيكتب عليك =فهمت وبعدين +لا وبعدين دى الحلقه الجايه =هوايتك انك تعلقنى +يا حبى ما ينفعش كله مرة واحده =مشى السلام عليكم ورحمه الله وبركاته +وعليكم السلام ورحمه الله وبركاته _______________ _ ((هنتغير بجد )) |
حلوة اوي
منتظرين الباقي ان شاء الله جزاااكم الله خير الجزاااء |
السلام عليكم ورحمة الله وبركاته
كيف حالكم؟؟ ورمضان عامل ايه معاكم والله والله لاتستطيع الكلمات ان تعبر عن مدى روعتكم وروعة حملتكم وانا اعتذر عن غيابى وغيابى عن الفريق ولكن انا مش بدخل فى رمضان خالص والله عشان بس الوقت بيضيع منى ممكن طلب يا أستاذ محمد ممكن عضويتى فى فريق الحمله تبقى كما هى لحد بعد رمضان؟؟؟ وان شاء الله هتابعكم من وقت لأخر ومع اول أيام العيد إن شاء هارجع بقوه للفريق ممكن؟؟؟؟ جزاك الله خيرا وبارك الله فيك وفي من معك |
| جميع الأوقات بتوقيت GMT +2. الساعة الآن 05:17 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.