|
اقتباس:
|
يا جماعه اى حد اداب انجليزى محاضرات ماده تاريخ انجلترا بتاعه د/ رياض
بليييييييييييييييييييييييييييييييييييييييييييييييي يييييييييييييييييييييييييييييز ز |
انا عندى سؤال مهم بالنسبة لكلية اداب هيه كام يوم فى الاسبوع؟ هل فية اقسام مرتبطة بمجموع الثانوية العامة ولا دخول الكلية فقط هو اللى بمجموع الثانوية؟ والاقسام تبع شروط التنسيق الداخلى بس ؟يعنى لو كلية اداب اخدت من 83 وانا جيبة المجموع ده ودحلتها ممكن ادخل قسم فرنساوى و انا جابية فية 47.5 والا القسم ياحد اعلى من مجموع الثانوية ؟ ارجو الرد سريعا جددددددددددا
|
ارجو الرد ضروررررررررررررررررررررررررررررى
|
بجد نفسى فى مساعده
انا فى اولى اداب المنصورة قسم لغات شرقيه عندنا فى ماده اللغه عاوزة اى مساعده زى امتحانات سابقه اى حاجه مهمه انا واقعه اوووى فى اللغه
|
شروط كلية اداب عين شمس قسم انجليزى
انا طالبة فى الثانوية العامة ونفسى ادخل اداب انجليزى او فرنساوى جامعة عين شمس وعايزة اعرف شروط الالتحاق بالكامل فى هذه الكلية وتبقوا عملتو معروف فيا:(
|
ازيك يا مستر مينا
لو سمحت انا عاوزة ال semiotics فى قصة the enemy of the people وشكرا ليك |
السلام عليكم ...... ممكن اعرف شروط القبول باقسام كلية الاداب جامعة القاهرة وجامعة حلوان وجامعة عين شمس ..... واقسام الانتساب بكلية الاداب في هذه الجامعات الثلاثة .... ارجو الرد علي قد ماتسطيعوا في اقصي سرعة ..... وشكرا ......
|
عايز اعرف الطالبة هدير احمد ابراهيم محمود فى اى قسم فى كلية الاداب الاسكندريةانتساب موجة
|
اقتباس:
هو فيه اقسام مش ليها شروط زى جغرافيا اعتقد دى بتكون بمجمع الكليه وخلاص انما اقسام انجليزى وفرنساوى واعلام لها شروط لوحدها عندنا فى المنصوره اداب انجليزى من 88 وفرنساوى 84 |
اقتباس:
|
شكرا على ردك ولكن ياريت توضح اكثر يعنى لو كلية اداب اسكندرية اخدت من 82 وانا جبت 82 ممكن مادخلش قسم فرنساوى ازاى يعنى مش الاقسام دى تنسيق داخلى وكل قسم يكون على حسب شروطة المهم اكون جابية مجموع الكلية لكن الاقسام تنبقفى على حسب درجة مادة معينة فى المادة الخاصة بالقسم اللى انا غاوزة ادخلة اية ارتباط الاقسام بمجمع الثانوية العامة مش المهم مجموعى دخلنى الكلية وحلاص ياريت الاجابة بسرعة
|
اقتباس:
بيكون ليها تنسيق لوحدها بعيد خالص عن الثانويه العامه زي مقولتي وفي اقسام ليها شروط وبتختلف من كليه لكليه مثلا قسم فرنساوي شورطه في كليه اداب اسكندريه السنه اللي فاتت كان شروط القبول:
مجموعه الثانويه العامه انت دخلتي بيه الكليه لكن بعد كده بيكون تنسيق الكليه لوحده وبتختلف من انتساب لانتظام كل حاجه منهم ليها شروط يعني مثلا قسم الاجتماع بياخد من انتساب كذا ومن انتظام كذا |
اقتباس:
بصى يا قمر أولاً ربنا يوفقك إن شاء الله فى الإمتحانات تانى حاجة بقى نيجى لشروط الأقسام قسم إنجليزى : لازم يكون الانجليزى لغة أولى فى ثانوى و تكونى أخدتى المستوى الرفيع إنجليزى برده بالنسبة لمجموع اللغات التلاتة مايقلش عن 85% و مجموع الانجليزى 90% قسم فرنساوى : لازم يكون الفرنساوى لغة أولى فى ثانوى .. و تكونى جايبة على الأقل 45 فى الفرنساوى ده اللى أعرفه فى الشروط الخاصة بالقسمين فى عين شمس و ربنا يوفقك |
ياجماعه حد يقولي علي جدول الامتحانات قسم لغات شرقيه اولي ضروري اوي اوي الواد اخويا بساله امتحانتك امتا مش عارف ياريت بسرعه اصل انا منزلتش الكليه من زماااااان وشكرا
|
اقتباس:
جدول الامتحانات .. دلوقتى؟!! طيب جامعة إيه؟؟ |
انا عندى سوال مهم جددددددددددددا ما هى شروط الالتحاق بكلية الاداب قيسم فرنساوى بجامعة كفر الشيخ وانا جايبة فى الفرنساوى 47 ارجو الرد سريعااااااااااااااا
|
بصراحة معرفش شروط القسم فى كفر الشيخ لكن عندنا فى عين شمس كانوا شرطوا لازم الفرنساوى فى ثانوى لغة أولى بدل الانجليزى يعنى عموما هحاول اشوف شروط كفر الشيخ و لو لاقتها هقولهالك ده منتدى لكلية الاداب كفر الشيخ بس محتاج تسجيل ممكن تسجلى و تشوفى إذا كان موجود فيه شروط القسم ولا لأ منتدى كليه الاداب جامعة كفر الشيخ وربنا يوفقك |
شكرا ليك بس ياريت تسالى وتردى عليا بسرعة
|
أنا طالبة فى الصف الثالث الثانوى وعايزة أعرف أقسام علم النفس فى كلية أداب
|
يعنى إيه أقسام علم نفس؟؟ هو قسم واحد مش متقسم |
يا جماعه ياريت اى حد يعرف ايه الجامعات اللى فيها قسم ارشاد سياحى غير عين شمس لانى جايب فى الانجليزى 45 وشورطها لازم مش اقل من 46
|
السلام عليكم
انا طلبة في ثانوية كفر الشيخ ونفسي اعرف التنسيق الداخلي لكلية الاداب يعني الاقسام ودرجات المواد الي بيشترط عليها القسم انا مجموعي يدخلني الكلية الحمد للة بس مش عارفة الاقسام المتاحة لية بس ياريت تكون درجات المواد للانتظام وليس الانتساب في اي كلية اي في اي مكان يعني محافة اي حتة بس نفسي ادخل اداب |
السلام عليكم
يا جماعة أنا خريجة كلية تجارة دفعة 2003 اسكندرية ونفسي أدخل آداب لغات شرقية يا ريت حد يقولي الشروط للقبول في الكلية والأوراق المطلوبة ويا ترى حتكون المصروفات في الانتساب العادي كتير وهل ممكن أحول من انتساب إلى انتظام إذا حصلت على تقدير ولا ممكن أدخل انتظام على طول؟؟ أنا حموت وأدخل القسم دة يا ريت حد يساعدني في الاجابة على أسئلتي وشكرا لكم على هذا الموقع الرائع |
1 مرفق
اقتباس:
|
انا كنت عاوزة اعرف فى كلية اداب قسم هندسة
لو فية بنشتغل اية وشكرا |
انا نفسى اعرف كليه الاداب بتاخد مجموع كام علشان يدخلها وانا عايز ادخل كليه اداب قسم جغرافيا عايز اعرف ايه شروطها علشان التحق بيها
|
اقتباس:
لا مفيش أقسام بالاسم ده الشكر لله |
اقتباس:
مجموع دخول الكلية بيكون على حسب تنسيق الثانوية العامة وحسب إحتياج الكلية لعدد الطلبة و طبعاً المجموع بيختلف كل سنة على السنة اللى قبلها يعنى السنة اللى فاتت آداب عين شمس أخدت من 81% تقريباً و برده كل قسم بتتغير شروطه كل سنة على حسب إحتياج القسم لعدد الطلبة بس فى عين شمس تقريباً معظم الأقسام بيكون فيها شرط مجموع اللغتين ( عربى و إنجليزى ) عموماً قسم الجغرافيا شروطه سهلة و بسيطة و فى ناس كتير بيقدروا يدخلوا القسم ده و ربنا يوفقك |
عاوز بس اعرف اداب e بتاخد كام مجموع فى مادة الe
انا عارف انها بتختلف لكن فى المتوسظ |
اولا شكرا بجد على المجهود الرائع ده بجد المنتدى والاعضاء كلهم متعاونين يارب دايما
ثانيا انا عايزة موقع كلية اداب الاسكندرية |
اقتباس:
والله هيا بتختلف من جامعة لجامعة بس علشان تدخل أى قسم لغات سواء عربى / انجليزى /فرنسى بيجمعوا درجات اللغات وعلى أساسة بيتم دخوللك القسم بس بشرط قبل ما يجمعوا الدرجات دى لازم تكون جايب الدرجة إللى هما محددينها فى الإنجليزى. |
اقتباس:
موقع كلية الأداب جامعة الإسكندرية http://www.foa.edu.eg/ |
بليييييييييز عايزة اعرف كل حاجة عن قسم فرينش
|
جامعة المنصورة
|
اقتباس:
اولاً قسم اللغة الفرنسية بتختلف شروطة من كلية التربية لى كلية الأداب فالبنسبة لكلية التربية لابد وأن تكوني حاصلة على مجموع فوق ال90% فى الثانوية العامة وبعدبن بيتم دخوللك القسم على أساس جمع درجات اللغة الانجليزية والعربية والفرنسية وبتتعملهم نسبة وعلى أساس النسبة دى بيتم إختيارك فى القسم مع العلم ان النسبة تختلف من كلية لكلية وكمان التنسيق بيختلف من سنة لسنة .............................. أما بالنسبة لكلية الأداب لابد وأن تكونى أولا حاصلة على مجموع ما بين 81% و 85% وبعدين بيتم إختيارك فى القسم على أساس النسبة برضة زى ما اتكلمت عن كلية التربية ...................................... |
عايزه اعرف احلى قسم فى كليه الاداب اشتغل بعد التخرج ومعلومات عن قسم الجغرافيا والاثار
|
اقتباس:
اولا نبدأ بأرقى بل وأحسن أقسام كلية الأداب وهما ما فيش غيرهم قسمين (1) قسم اللغة الإنجليزية. (2) قسم اللغة الفرنسية. وحضرتك تقدر تسأل عن أحسن وأرقي أقسام لية الأداب مع إحترامي لباقي أقسام كلية الأداب. وبالنسبة للأقسام إللى بعد ما تتخرج تلاقي إن شاء الله ليها وظائف هما قسم اللغة الإنجليزية وقسم اللغة الفرنسية. لانك موش هتتعب كتيير لما تيجى تبحث عن وظيفة بعد التخرج موش زى ما تدخل قسم تانى ممكن تقابللك مشاكل فى الحصول على وظيفة. |
انا متشكره جدا على الرد بس كنت عايزه اعرف بالنسبه لاثار وقسم الجغرافيا الاقسام العربى يعنى مين احلى قسم
|
اقتباس:
لأ هوا قسم آثار أحسن بكتييييييييييير اوووووووووووووى من قسم جغرافيا وده لأنة له مستقبل هايل فى الشغل فى الأثار والسياحة لكن قسم جغرافيا أعتقد انة دلوقتى بقى مالوش أى لازمة مع احترامي لكل اللى داخلين قسم جغرافيا. وأى سؤال أنا وكل أعضاء المنتدى موجودين. |
لو سمحت انا عندى سوال انا مجموع السنة ممكن يتراوح بين 81و82 انا كدة ممكن ادخل كلية اداب ولا لا لان دى امنية حياتى ونفسى ادخل قسة فرنساوى وانا جابية فى الفرنساوى 47 بس انا من مدرسة حكومى والفرنساوى عندنا كان لغة اجنبية ثانية بس درجة الانجليزى بتاعتى كانت وحشة اوىىىىىىىى انا كدة ممكن ادخل قسم فرنساوى والا اية ارجو الرد سريعا من حضرتك وانا عايزة ادخل جامعة كفر الشيخ ولو خضرتك تعرف تجيب موقع الجامعة ياريت تحطة هنا وانا اسفة لكثرة الاسئلة
|
واية شروط قسم اثار
|
اقتباس:
أولاً بالنسبة للمجموع إللى إنتى جايباه هتدخلى بيه إن شاء الله كلية الأداب ثانياً بالنسبة لشروط دخولك قسم اللغة الفرنسية بكلية الأداب فالدرجة إللى حضرتك جايباها تدخلك على طول قسم اللغة الفرنسية ولكن تحديد دخولك أى قسم من أقسام اللغات فدة بيخضع لعوامل تانية أولها إنهم بيشوفوا درجتك فى القسم إللى حضرتك عاوزة تدخليه وإذا لقيوا إنها مرتفعة تتم المرحلة الثانية وهيا بيتم جمع مجموع اللغات الثلاثة العربية والإنجليزية والفرنسية وبيتم عمل نسبة ليهم وإذا لقيوا إن النسبة متوافقة مع النسبة إللى هما محددينها بيتم دخولك القسم على الأساس ده. مع العلم أن التنسيق بيختلف من كلية لكلية ومن سنة لسنة والسنة إللى فاتت اداب كفر الشيخ قبلت من مجموع 342.5 ............................... الطلب رقم 3 هههههههههههه موقع شروط القبول فى كلية الأداب جامعة كفر الشيخ لجميع الأقسام http://www.kfs.edu.eg/arts/display.aspx?topic=206 ودة الموقع الأساسى لجامعة كفر الشيخ http://195.246.54.56/kfs/index_56.html .................................................. ...... ولا تترددى فى إرسال أي إستفسار فنحن موجودون هنا جميعا لخدمتكم وراحتكم. |
اقتباس:
شروط قسم الأثار انهم بيجمعوا درجة الإنجليزىوالفرنساوى وبيعملولهم نسبة وعلى أساسة بيتم دخولك القسم وكل حاجة موجودة هلى هذا الرابط تفضلى بالضغط على هذا الرابط http://www.kfs.edu.eg/arts/display.aspx?topic=206 |
انا ولله مش عارفة اشكر حضرنك ازاى يعنى مجموعى لو اعلى من80 كدة ادخل اداب انتظام لان انا مش عايزة ادخل انتساب وممكن خضرتك تقول لى اية الفرق بين انتظام وانتساب وطلاب انتساب مبيروحوش الكلية وانا عارفة انى تقلت على حضرتك بالاسئلة بس انا نفسى اطمن
|
بس انا ااستحاله ادخل قسم اثار لانى جايبه 34فى الفرنساوى لانى مش كنت بحبه
|
اقتباس:
اولاً لا شكر على واجب ثانيا بالنسبة لسؤال حضرتك انى الفرق بين كلية الأداب سواء كانت انتظام أو انتساب فدة بيرجع لعوامل كتيير أهمها (1) إنى أداب انتظام الدكاترة بيهتموا بالطلاب اللى داخلين اداب انتظام عن أداب انتساب. (2) أداب انتساب مبيروحوشى الجامعة لذلك هما فى نظر الطلبة مهملين وغير جادين. (3) إكرام الدكاترة لطلبة اداب انتظام فى التقديرات عن اداب انتساب. (4) مصاريف الكلية بالنسبة لأدب انتظام أقل بكتييير اوووى عن أداب انتساب اللى بيدفعوا مصاريف الكلية ضعف اداب انتظام فمثلاً لو مصاريف كلية الأداب بالنسبة لأداب انتظام 100 جنية فيبقى بالنسبة لأداب انتساب 500 جنية. (5) ولكن ليس هذا نهاية المطاف بالنسبة للطلبة اللى داخلين أداب انتساب فلو الطالب فى أول سنة حصل على تقدير جيد بالنسبة لأداب انتساب فبيتم تحويلة مباشرة لكلية الأداب انتظام. ......................................... وأى سؤال نحن موجودون جميعاً فى خدمتكم فنحن نعمل لراحتكم ............................. مع أرق امنياتى بدخولكم جميعاً كلية الأداب هذا العام حتى نتفاعل جميعاً داخل قسمنا هذا haisoam |
اقتباس:
دة بيرجع للتنسيق لأن التنسيق بيختلف من سنة لسنة |
يا جماعة انا كنت عايزة اسأل هو ينفع لطلاب الازهر يدخلوا كلية اداب ياريت حد يرد عليا ضروووووورى
|
بعنى اللى يجيب اعلى من 80 ادبى يضمن انة حيدخل اداب ولا اية
|
| جميع الأوقات بتوقيت GMT +2. الساعة الآن 10:05 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.