![]() |
بصي يا ستي بالنسبة لشغل ارشاد
انتي بتقدمي السي في بتاعك لكذا شركة مش بترتبطي بشركة واحدة ولما شركة بتحتاجك بتتصل بيكي وهي اللي بتكون متحكمة في البرنامج بتاعك والاماكن اللي هتروحيها مع الفوج |
اوك
طيب سؤال اخير بقى معل هو حضرتك تعرف سياحة اسكندرية فيها لغات ايه ؟؟؟ و مثلا لو انا عايزة ادرس روسى تفتكر الكورسات لوحدها ممكن تمكنى انى اتقن اللغة دى يعنى مثلا ابقى زى اللى متخرجين من كليات متخصصة فى اللغات طبعا مش بالظبط بس اقصد فى كورسات تخلينى انفع فى الارشاد كويس ؟؟ |
بصي كليات السياحة مش بتديكي لغة
انتي كده كده لازم تاخدي كورسات والكورسات لوحدها هي اللي هتخليكي متقنة للغة اما بالنسبة للروسي الكورس بتاعه بعد ما تخلصيه بتاخدي لفل ارشاد وده بيمكنك تكوني مرشدة ومن اللغات النادرة في الوقت ده تشيكي و بولاندي وبالنسبة لموضوع اسكندرية لو امكن حضرتك كلميني على الايميل هديكي ايميلات ناس في سياحة اسكندرية اي اسئلة تانية ؟ |
لا مش مشكلة خلاص انا حبقى اشوف الموضوع ده
انا كان اهم عندى انى اتطمن من موضوع الكورسات ده شكراااااااااااااااااااا كتير لحضرتك طولت عليك |
لا عادي ولا يهمك تحت امرك في اي وقت
|
تماااام جدا
|
انا اشتركت علشان عندى سوال مهم
انا معايا دبلوم تجاره من سنة2007وعايز اقدم سياحه وفنادق ارشاد سياحيى مش مشكله الفلوس بس ميكنش اكيد غالى اووى بس ارجو الرد فى الحال:bosyht9::bosyht9::bosyht9::bosyht9::bosyht9::bosy ht9::bosyht9::bosyht9::bosyht9::bosyht9::bosyht9:: bosyht9:
|
اول حاجة هتقدم على تنسيق السنة بتاعتك
ثانيا بقى عندك كزا جامعة فيها سياحة وفنادق شوف الاقرب ليك انما لو مش عايز حاجة غالية ابعد عن حلوان لانها 3000 في السنة ثالثا ممكن تقدم دبلومة ارشاد وريح دماغك ;) |
اقدم فين الدبلومه بتاعت الارشاد ارجو الرد مع مرعاة انى مخلص سنة 2007
|
وشكرااااااااا كتير ليك طارق
|
بص بالنسبة لسياحة وفنادق حلوان ده النظام
دبلوم الدراسات العليا فى أحد تخصصات الكلية· شـــروط القيــد : · أن يكون الطالب حاصلاً على مؤهل عال من إحدى جامعات جمهورية مصر العربية أو على درجة معادلة من معهد علمى أو معهد عالى آخر معترف به من الجامعة· · يفضل من يعملون فى مجال السياحة والفندقة والإرشاد السياحى· · أن يجتاز بنجاح الاختبارات المقررة التى تجريها الكلية للتأكد من صلاحيته لهذه الدراسة· مــدة الدراسـة : مدة الدراسة لنيل أى من دبلومات الدراسات العليا سنتان جامعيتان· نظام الدراسة والامتحان : · يكون الامتحان تحريرياً فى جميع المقررات عدا قاعة البحث· · يشترط لدخول الطالب الامتحان المقرر أن يكون مستوفياً نسبة حضور لا تقل عن 80% وإلا حرم من دخول الامتحان· · يخصص 30 % من الدرجة النهائية لأعمال السنة التى تتضمن بحوثاً واختبارات دولية واشتراكاً فى المناقشات· · يقدر نجاح الطالب فى المقررات وفى التقدير العام بأحد التقديرات الآتية : - ممتاز من 90 % فأكثر من مجموع الدرجات· - جيد جداً من 85 % إلى أقل من 90 % من مجموع الدرجات - جيد من 65 % إلى أقل من 85 % من مجموع الدرجات - مقبول من 60 % إلى أقل من 65 % من مجموع الدرجات أما رسوب الطالب فيقدر بأحد التقديرين الآتيين : ضعيف من 35 % إلى أقل من 60 % من مجموع الدرجات ضعيف جدا أقل من 35 % من مجموع الدرجات يمنح الراسب فى أى مقرر فرصة واحدة لإعادة الامتحان فى جميع المقررات· |
وده بالنسبة لجامعة الاسكندرية
دبلوم الدراسات العليا: شروط قيد الطالب لدبلوم الدراسات العليا: 1- أن يكون حاصلاً على مؤهل عال من إحدى جامعات جمهورية مصر العربية أو درجة معادلة من معهد عال معترف به. 2- يفضل من يعملون فى مجال السياحة والفندقة. 3- أن يجتاز بنجاح الإختبارات المقررة التى يقررها مجلس الكلية للتأكد من صلاحيته للدراسة. 4- مدة الدراسة لنيل أى دبلوم دراسات عليا سنتان جامعيتان. 5- تقدم الطلبات في الموعد المحدد من كل عام. - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - الأوراق المطلوبة (الأصول من المستندات) (للطلاب المصريين):1- الشهادات الجامعية التى تؤهله للإلتحاق بالدراسات طبقاً لقوانين جامعات مصر. 2- شهادة (إفادة) مدة الدراسة (بيان نجاح الأربع سنوات). 3- شهادة الميلاد أو مستخرج رسمي. 4- عدد (4) صور شخصية. 5- صورة البطاقة. المصروفات المقررة لدبلوم الدراسات العليا: 50 جنيه للساعة طبقا لعدد الساعات المقررة لكل فصل 32.25 جنيه رسوم دراسية 750 جنيه رسوم تحصل لحساب صندوق الخدمة التعليمية بالجامعة. |
والشكر لله يا صاحبي
وعلى فكرة انا اسمي محمود واسم الشهرة هنا تريكة واسم الشهرة في الكلية مامو :) |
اوكى يا عم محمود ممكن ايميلك علشان انا فى حاجات اكتر عايز استفسر فيها ومعلش تقبل رخمتى بليزززززززززززززززززززززززززز انا اسف لتعبك بس فعلا محتاج معلومات كتير ولك جزيل اللشكر
|
هتلاقيه في معلومات الاتصال في صفحتي
http://www.thanwya.com/vb/member.php?u=58532 |
هو في تخصص في ادارة الفنادق اسمه خاص بالحفبلا والمؤتمرات وهل التخصص ده في الفنادق حلو وليه مرتبات عاليه وشغله حلو ولا اي كلام
|
ياريت حد يرد بسرعه
|
على فكره انت حقتك تعملك كتاب والله كلامك زى العسل او تروح تمسك فندق اصلك فاهم كل حاجه ^_^ ., على فكره انا فى مدرسه الأورمان الثانويه الفندقيه ونفسى اخش كليه سياحه وفنادق وان شاء الله اجيب مجموعها اللى انا مش عارف هى من كام اصلا بس هجيبوا بإذن الله انا عندى الأنجليزى كويس بس انا عايز اتعلمه اكتر وافهم اكتر وشكرا على الموضوع الجميل ده تسمل ايدك :039uw8: |
ربنا معاك يا تووب وان شاء الله تنجح وتدخل كلية السياحة والفنادق اللي نفسك فيها
وظبط الانجلش بتاعك وشوف معاه لغة تانية وانت ان شاء الله تبقى توووب بالتوفيق |
السلام عليكم . استاذ اسلام بما انك مشرف القسم ممكن استفسر منك على حاجة . من خلال قراتى لمشاركاتك فهمت ان حضرتك فى جامعة المنصورة . هل حضرتك على اتصال باى طلبة من سياحة و فنادق خريجى 2009|2010 . ياريت ترد على بسرعة من فضلك.
|
اقتباس:
بس ليه السؤال ده يعنى ؟؟ |
انا عايز اعرف حاجة فى سياحة وفنادق خاص فى مصر ولا لا عشان انا مجموعى قليل جدا عن التنسيق ومش عارف اعمل ايه ياريت حد يجاوبننى بعد ازنكم انا تعبت ونفسى ادخل سياحة وفنادق بس محصلش نصيب انى اجيب المجموع بتاع التنسيق لكن عايز اعرف ينفع اقدم خاص ولا لا لو حد عرف ياريت يجاوبنى ويقولى المصاريف كم بعد ازنكم
|
شوف جامعة 6 اكتوبر و ان شاء الله تقبل
|
شكرا لك جزيلا يجازيك خيرا
|
جزاك الله خيرا
|
شكررررررررررررررررا جزيرا استاذ اسلام انا فى تالتة ثانوى السنادى وعاوز موت اخش الكلية دى بس المشكلة انى جايب فى الأنجليزى السنة الى فاتت 10 من 25 ممك اخش ولا لأ بس المجاميع الى معايا كلها كده نادرا لما تلاقى حد جايب اعلى من كده ممكن تقبلنى ولا ايه
|
لو سمحت
الثانوية السياحية الفندقية تقبل من كام فى المية |
شكرا على المعلومات الجميله دي بس انا عندي استفسار وهو ايه طبيعيه عمل الtour leader و ايه الفرق بينه و بين المرشد السياحي و هل في قسم معين بيدرس الشغلانه دي؟
وشكرا مره تانيه على الموضوع |
شكرا لك علي المعلومات دي
|
انا عايز اعرف ايه موضوع يوم السبت 16/7
بتاع بطاقات اختبار القدرات يا ريت اللى عارف حاجة عن الموضوع ده يفهمنى وحدة وحدة |
انا طالب في سياحه وفنادق حلوان
لسه يا جماعه الانترفيو مش دلوقتي لسه لما النتيجه تطلع والتنسيق يبان بتروح تعمل انتر فيو وتحدد القسم الليب انت عاوزه
|
topic gameeeel
thanxxx |
اقتباس:
امال امتحان القدرات ده ايه الى من 16/7 الى 21/7 هوا فى امتحان دلوقتى وانترفيو بعدين ارجو التوضيح |
اقتباس:
|
طيب يا جماعة يا ريت بما انكم فتحتوا الموضوع
انا خلاص عملت اختبار قدرات والحمد لله عملت كويس النهردة 20/7/2011 يا ريت اللي جه النهردة يقول انا علمي رياضة جايب 88.5 مش عارف هل دة يدخلني توقعاتكم ايه ؟ انا منتظر ردودكم بفارغ الصبر |
انا عايز اعرف كلية السياحة والفنادق ليا مستقبل اليومين دول خاصة بعد 25 يناير مع العلم ان السياحة مضروبة اليومين دول علشان كدة انا خايف اكتب في التنسيق كلية السياحة و الفنادق.
ارجو الرد السريع لاني لازم اكتب الرغبات اليومين دول |
السلام عليكم انا اسمى مصطفى ومجموعى 91.58 ادبى ومجموع الإنجليزى 39.5 من مدينة ميت غمر دقهلية ومكنتش اعرف موضوع القدرات ده واللى اعرفه ان فى سياحة وفنادق فى المنصورة وسمعت ان فى بكره آخر يوم اختبار قدرات ومش عارف اعمل ايه واروح مكتب تنسيق ايه ولا اروح الكلية على طول علشان مفيش وقت وايه الخطوات وكده وهل ممكن اقدم فى حلوان وهل مجموع الانجليزى ممكن يبقى عائق ؟؟؟ ياريت تجاوبونى بسرعة لو سمحتم مفيش وقت وشكرا |
اعتقد خلاص كدة لان اخر يوم للانترفيو بكرة وانت كنت محتاج يوم تجيب فيه الاستمارة
|
اقتباس:
شكرا على ردك يا محمد بس ياريت تأكيد ولو حد يعرف اى وسيلة علشان الحق لو سمحتم |
اقتباس:
وعايزك تعرف ان السياحة مجالاتها كتير : تذاكر طيران - نقل سياحى - ضيافة سواء ارضية فى الفنادق او جوية فى الطائرات - مؤتمرات - رحلات داخلية وخارجية وغيرها . |
اقتباس:
مستنى ردك يا اسلام ضرورى |
اقتباس:
واتصل بالكلية من الرقم ده : 2218138 ، 2217896 (050) |
اقتباس:
|
اقتباس:
ألف شكر لردك يا إسلام بس كده بقى اروح بكره ولا لاء ؟؟؟ وهل الإنجليزى بتاعى 39.5 ممكن يعملى عائق ؟؟؟ |
لالالالالالالالالا الانجليزى مش عائق لانك المفروض تجيب 35 من 50 يعنى مجموعك تمام الحمدلله
|
اقتباس:
بجد شكرا جدا على ردك وإهتمامك يا إيمان واعذرينى ما عرفتش ارد على رسالتك لإن مشاركاتى لسه اقل من 50 اسمحيلى اسألك انت وإسلام وكل اللى يعرف .... انا هتصل بكره ان شاء الله زى ما إسلام قال على الكلية فى المنصورة واشوف ينفع اروح اعمل الاختبار ولا لاء تمام ؟؟؟ السؤال بقى ايه العمل لو قالوا ما ينفعش ؟؟؟ هل لو جالى ترشيح ممكن بعدها اعمل الاختبار والمقابلة ولا لاء كده راحت عليا ؟؟؟ ولو دخلت المنصورة ينفع احول لحلوان ؟؟ والف شكر ليكم يا احلى منتدى |
انا مش متمكنة لانى طالبة زيك وجوبت على حسب مااعرف بس انا اظن انهم هيختبروك ولو لا هيرشحوك عموما كان فى طلبة كتير مش عاملة الاختبار مش لوحدك دكتور اسلام يفيدك لانى مش عارفا وراحة اجب النتيجة بتاعت الانترفيو انهاردة ادعولى بقا
|
سؤال بسيط
هو الاسئل بتاعت الهوايات وعواصم الدول و العملات عربى ولا انجلش |
يا ريت الرد بسرعه
|
الهوايات انجلاش العواصم والعملات عربى
|
جميع الأوقات بتوقيت GMT +2. الساعة الآن 04:00 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.