|
نسيت اقول حاجة
ربنا بيحبنى انى منزلتش النهارده اصلى مش بحب التذنيب شكرا يا مصطفى على تقرير اليوم بتاع مجموعتى لانى بجد لو كونت روحت وكان فيها تذنيب بسيطة خالص هتنرفز واتعصب واروح بيتنا ومش هحضر المحاضرة مش بحب استنى يلا مش مشكلة مش بقولك ربنا بيحبنى :d |
انا شايف لو فضلت احذف مش هيفضل غير بتاع 30 مشاركه اللي ممكن يبقي فيهم فايده
اوكي من الأفضل انكم تبعدوا عن الشاتنج اللي ملهوش لزمه وملهوش اي قيمه |
انا شايف لو فضلت احذف مش هيفضل غير بتاع 30 مشاركه اللي ممكن يبقي فيهم فايده اوكي من الأفضل انكم تبعدوا عن الشاتنج اللي ملهوش لزمه وملهوش اي قيمه :d |
الله يسلمك يا نور
بس كانت حادثة رخمة اوى كدا حصلتلى ف البيت ويا رب ابقى انزل الجامعه بعد العيد وانا سليمة بدل الحالة المهببة اللى انا فيها دى |
اقتباس:
هنبعد عن الشاتنج ونقضيها يوميات حلو كدا؟؟؟؟؟؟؟؟ |
ههههه
احمدباشا انا عارف الناس الحلوة اللى هنا رغاايين اووى معلش .. عندى انا دى |
طبعا يا ميدو
وبكل فخر انا اول الرغايين هو فى حد يقدر يعيش من غير رغى؟؟؟؟؟؟؟؟؟ |
سلامتك يا علا ان شاء الله تخفى بسرعه وتنزلى تحضرى المحاضرات :)
انا بقى قررت انى هقعد فى البيت لحد بعد العيد اصلى تعبت اوى :d بس فى حاجه غريبه نفسى اعرف د البشبيشى ده مدناش ولا محاضره ليه وكل مره يقول مش قادر اطلع :mad: وسألت عليه قالولى هوه كده بيدخل اخر محضرتين يدى المفيد ;) بس احنا نفهم محاسبه ازاى يا ريت اللى يعرف يقولى ؟ لان اكيد مش هو اللى هيدينا كل السنين والمحاسبه زى مانتوا عارفين اساس التجاره |
انا بروح اتمشى فى الجامعه وبرجع تانى ده اللى بعمله وسعات مبرحش اصلا بلا جامعه بلا وجع دماغ والله ايام الثانوى احسن
|
يا عم فامبير انا بقا هعمل يوميات تجاري مخنوق انا اتخنقت من شوؤن الطلبة والكلية ايه رايك مع تحياتي اخي فامبير
|
بالنسبه للمحاسبة معرفش عنها كتير انا اساسا العطار اللى دخلنا ربنا يكرمة
مفهمتش منه حاجة لحد دلوقتى واحدة واحدة ركزى وهتفهمى لانه مفيش غير هيديك فى الترم الاولانى ممكن يتغير فى الترم التانى وكمان محاسبة الترم التانى اسهل بكتير من الاولانى فمتقلقيش اما بالنسبة لشئون الطلبة هما مقسمنها اصلا ايام اولاد وايام بنات علشان الزحمة واللغبطة اللى بتحصل فانت تكون عامل حسابك فى الاوراق.. مثلا الكارنيه وصل المصاريف وصورتين هما بيخدوا صورة بس خلى معاك واحدة احتياطى اشتراك المترو بتاخد ورقة من المترو بحوالى جنيه وتملى بيناتك بيها وبعدين تروح الشئون ومعاك صورتين بيملو هما بيانات مطلوبة من عندهم وبعدينتروح اخر شباك تختمهم وتجيب دمغات بحوالى 3 جنيه وبعدين تروح تدفع فى شباك المترو اللى فى الجامعه.. الشئون لحد دلوقتى ده كان استخدامى ليها لو فى حاجة تانية خنقاق قول عليهاا اما بالنسبة لاحمد مهو كلام جانبى بقى هنعمل ايه خليك انت الكبير نرجع ليومياتى النهارده... روحت الجامعه وحضرت اول محاضرة كانت رياضة بس ايه محاضرة حلوة مكتبتش حاجة فهمت وركزت الاول معاه ونقلت فى الاخر من اللى جمبى.. اهم حاجة فى الرياضه والمحاسبه انك تفهم مش تكتب ومحاضرة الموارد ملحقتهاش بس لقيت حد من صحابى مسجلها قعدت سمعتها ونقلت المحاضرة من صحبتى وبعدين .... وركبت المترو وروحت :d بس ارخم حاجة االنهاردة اننا رجعنا تانى لمدرج د يعنى مجموعه ز كل محاضراتها فى د مفيش العيوطى تانى :( |
اقتباس:
هوه ده الكلام انا الهنهاردة بردو كان غعندى محاسبة .. وبجد دكتور جامد والله .. كان يشرح ويسألنا ويحل معنا .. مخلينا مصحصين وخدنا محاضرة اقتصاد صغيورة واصحابى الادبى خدو رياضة بحتة .. انا بقى علمى رياضة .. فمش هاخد الا رياضة تطبيقية .. وتقريبا اللى بنعمله فى الكلية هوه كل يوم يعنى بنخلص المحاضرات ونصيع لغاية اما حفظت المجمع بتاعنا مع انى مروحتش غير 4 مرات ولا 5 امال ازاى هاقدى فيه 4 سنين ..! ههههههههه يلا .. اى خودمة .. واتمسو بالخير |
اقتباس:
عشان كدا قولتلك اما يخش ركزي معاه جدا .. وانا قولتها قبل كدا برده بس ممكن تكوني انتي ماتابعتيش المحاسبة من المفترض انها بتتاخد في حوالي 48 ساعة .. هوا ممكن يديها كلها على بعض في 15 ساعة بس !! وهاتفهموا كمان !!! .. ماتستغربيش .. هوا الدكتور دا معروف انه كدا .. وبعدين احمدي ربنا انه اداكوا دا راجل ميه ميه .. وبعدين كفاية انهمن اشهر الدكاترة . كفاية سمعته .. كفاية اني سمعت قبل كدا انه كان ماسك مدير حسابات لبعض الشركات الكبيرة .. عشان كدا مابيبقاش فاضي .. فايدوبك يخش يدي المحاضرة ويخلع .. كمان اللي اعرفه انه كان ماسك رئيس قسم المحاسبة في جامعة القاهرة وقبل كدا كان وكيل الكلية .. بس على الديب مسكها بداله .. اهو المهم .. زي ماقولتلك كدا .. هيا دي سياسة الدكتور .. فماتقلقيش .. هاتفهمي يعني هاتفهمي .. بس المحاضرة اللي يخشها .. ركزي فيها موت .. عشان دي بتبقي تحصيل ل 4 او 5 محاضرات قبل كدا .. اهو المهم .. ارجع بقي لليوميات الرمضانية تاااااني ! بدأ اليوم بإني صحيت الصبح بدري .. وكالعادة .. خناقة معا اخويا عشان نازل متأخر !! وصلت الجامعة على الساعة 7 وربع كدا .. حضرت اول محاضرة كانت بنوك .. ونفضت للتانيين طبعااااااااا روحت قعدت عند الشبابيك شوية .. لغاية ماصحابي جم .. شوية وطلعنا على مدرج د وما ادراك ما مدرج د .. يعني احسن ناس .. يعني ازوق ناس !! طبعا ماحضرتش المحاضرة بتاعة ناشد .. وروحت قعدت عند الشبابيك شوية تاني وبعد كدا روحت .. من الاخر يوم ممل جدااااااا .. ومالوش لازمة ومش رايح تاني الا بعد العيد .. عشان انا اتخنقت اصلا !! |
انا بقي ماشوفتش يوم عدل في الجامعه كل لما اروح تحصل حاجه تضايقني مرة استظرافات ومرة دكاترة رخمه زي بتاع الموارد ربنا ينتقم منه مش فاهمه منه ولا حرف كل اللي بيقوله عناوين وارقام الاراضي ومساحتها شرح لا بس عادي بفضل قاعدة وهو يخلص المحاضرة والحمد لله دايما بتبقي اخر محاضرة بس انهاردة حصلت حاجه ضايقتني جدااااااا تحس ان البنات والصبيان مش جايين يدرسوا لا دول جايين يحبوا في بعض كان في بنت قاعدة جامبي جه واحد ظريف وقعد يحب فيها وانا وصاحبتي كنا فاعدين جمبها والواد اللي معاها دة معندهوش ولا نقطه دم قاعد كل شويه يخبطنا وساند علي كشكول المحاضرات بتاعي روحت اديتله كلمتين كدة وهو ولا هو هنا وش قولتلكم معندهوش نقطه دم روحت سايبالهم البنش كله وقمت قعدت في حته تانيه
يعني يوم ممل جداااا |
مرسى ليك يا فامبير الله يطمنك :d
وانا كمان بيدينى د ناشد بس قالولى عليه غلس وامتحناته صعبه اوى :huh: ولا ايه رايك يا فامبير بس د هشام السيد بتاع الاداره شرحه تحفه واسلوبه فى التعامل لذيذ جدا بس الله اعلم بامتحناته ! يا ريت اللى يعرف اسلوبه فى الامتحانات ايه يقولى علشان اعمل حسابى برده ;) |
ناشد ؟ .. لا هوا دكتور ناشد تحسي انه مغرور شويتين ..
بس كويس .. شرحه شغال يعني .. اهم حاجة اكتبي وراه اول بأول .. ولو مش فاهمة حاجة انزلي واساليه ولا يهمك .. بالنسبة لدكتور هشام .. دا بقي برنس !! .. على رأي عمرو اديب .. راجل موز موز موز موز .. طبعا اكيد اداكوا موشح النصايح اللي في اول محاضرة ! .. شئ طبيعي .. وانا فيه محاضرة من المحاضرات نزلت وكلمته وجها لوجه .. لاقيته راجل متجاوب ومحترم يعني .. اما بالنسبة لامتحاناته .. طالما انتي بتحضري ومتابعة المادة يبقي ماتقلقيش من الامتحانات والكلام دا مطبق على جميع المواد .. يمكن اقدر استثني المواد العملية من التصنيف دا بس المواد النظري كلها اسطامبه واحده .. بس هوا بجد فعلا دكتور هشام راجل محترم جدا يعني .. ومش اوفر زي دكاترة تانيين لا في الهزار ولا في الخنقة ووشه دايما بيبقي بشوش كدا .. احب انا الدكاترة اللي من النوعية دي يالا ربنا معاكوا في مادته بقي .. |
بقولك ايه يا فمبرارا
انت خدت محاضرة محاسبة غير اللى انت كتبتها هنا ولا لأ؟؟؟؟؟؟؟؟ معلش تعباك معايا |
اقتباس:
وبعدين انتوا كان عندكوا محاضرة النهارده للصباغ الصبح تقريبا حتي انا كنت قاعد في مدرج و والعيال صحابي اللي في د كانوا قاعدين في المدرج اللي قدامي .. وبيقولولي عندنا محاسبة دلوقتي عددكوا كان قليل اوي .. بس ماعلينا بقي .. |
طب معلش متعرفش احنا خدنا حاجة مهمة ولا لأ؟؟؟؟؟؟؟
|
مافتكرش انكوا خدتوا حاجة مهمة اوي .. هاتتلاقيه كله نظري زي اللي احنا خدناه
عادي مستعجلة على ايه .. الطحن بعد العيد ان شاء الله !! |
لأ مش مستعجلة ولا حاجة بس مسترخمة انى اكون ناوية احضر السنادى والمحاسبة تفوفتنى من اولها كدا يعنى مش هفهم حاجة بس ما علينا كويس انه نظرى بس واللى انت كتبته هنا انا خلاص ذاكرته وهبقى انزل بعد العيد بقى اشوف المحاسبة دى وميرسى ليك اوى يا فمبرارا تعباك معايا دايما كدا نردهالك ان شاء الله |
اقتباس:
|
خلاص يا عم احمد
هو بس بيوصلى انه مش رايح تانى عشان مسألهوش تانى واقوله اكتبلى هنا المحاضرات عشان انا بصراحه زهقته |
هو احنا مش خلصنا من موضوعك يا عم احمد انت
جاى تعمل مشاكل تانى.. نفسى اعرف مالك بتعلق على اى حد كده ليه ارحم نفسك مش كده .. وكل سنه وانت طيب عيد سعيد علينا ويا ريت يكون عليك كمان :d |
يا حبيبتى اسكتى
احسن ده ما بيصدق حد يكتب اى حاجة ويحاول ينرفزه بأى طريقة ويبقى قاصد يدخل مواضيعه او مشاركاته عشان يضايقه وكلمة انت جاى تعمل مشاكل تانى ليه دى هيفتكرها شتيمة ويمكن يجى يزعق تانى وهتشوفى انه هيدخل تانى وهيرد رد مش كويس ما علينا انتى رحتى انهاردة ولا لأ عشان مشفتش يومياتك انهاردة |
مروحتش اجازة اصلا وبعدين هو بعد العيد هروح
وهو لو عايز يقول كلام يتفضل هو حر بس مش حر يتعدى على حرية الغير.. ده منتدى وله قوانينه وانتى شكلك مروحتيش مشوفتلكيش يومية واحدة :d |
قاعدين شغالين رغي انتوا الاتنين وناسيين ان فيه بني ادم في النص قاعد عمال يتفرج
هاااااااا ؟؟؟ كلامي مفهوم ولا تحبوا اوضح ؟! |
كان نفسى انزل بس مقدرتش
وكل يوم امى تتحايل عليا انزل وانا ابدا حالفه ما انزل تانى قبل العيد صحتى اهم هما يومين وتعبت ومستحملتش انزل تانى قبل الفطار لكن بعد العيد ان شاء الله انزل ومش هفوت يوم دى ايام الجامعه اصلا مبتتعوضش |
حذف مستنى ايه اللى فية شات ده احذفه
اقولك احسن حاجة انك تعمل حاجة حلوة خالص تقفل الموضوع لحد بعد العيد ابقى افتحة تانى واحذف الكام مشاركة بتوع الرغى دول :d |
على فكرة يا فمبرارا انا واخدة بالى
بس كنت ناوية اعمل حاجة بس مش عارفه اعملها ولا لأ شكلى كدا مش هعملها يا عم خليه يتفرج ده لو دخل هيتقطع انت وراك رجالة ولو انه دلوقتى انا حاسة انه هيدخل يرد وينتهز الفرصة ويقولك انت سايب البنات تتكلم وانت مش عارف ترد يلا انا هسبقه واقوله انك انت يا فامباير بتعرف ترد بس احنا معاك برده اى خدمة القسم كله معاك يا فمبرارا |
انا عاوزه اسال سؤال بسيط هو ليه دكتور المحاسبه مش بيدخل ويشرح المفروض انه كان يدخل 3 محاضرات لكن ولا محاضره دخل وشرح وانا خايفه قوي عشان بتقولوا المحاسبه صعبه وكده وهو لو مدخلش ممكن نضيع فيها طيب نعمل ايه هل عادي اني احضر مع مجموعات تانيه لاي دكتور ولا ايه فيها حاجه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
نزلت يومبن وحرمت
انا تجاره المنوفيه نزلت الجامعه يومين بس كرهت نفسى فى اليومين دول بسبب السفر والصيام بس ناوى باذن الله انزل بعد العيد كمان عشان تحن علينا الدكاتره ويجوا الجامعه عشان بيلطعونا كتير فى الجامعه ود عيب
|
اقتباس:
معروف الدكتور بتاع مجموعه و ده دكتور بيدخل اخر محاضرتين يدى المفيد وخلاص يعنى ربنا بيحبكوا والله شكلكوا هتتحسدوا ان ربنا وقعكوا فى دكتور زى ده وفامبير رد قبل كده فى صفحات فاتت:) المحاسبه مش صعبه سيبك من الكلام بتاع برة ده اهم حاجة لما يدخل ويشرح ركزى وافهمى منه متحوليش تكتبى وتنفضى للشرح افهمى الاول ولو مقدرتيش تكتبى كله فى مكتبات بتبيع المحاضرات كاملة وانا شوفتها بنفسى:d ومينفعش تحضرى مع اى دكتور تانى لان رغم ان المنهج واحد بس كل دكتور بيحذ ويلغى حاجات من المقرر غير التانى وكل مجموعة ليها امتحان مختلف عن المجموعات التانيه خدى الكتاب بعد العيد واقرى فيه لحد ميدخلكوا ومتقلقيش خالص:) |
اقتباس:
وللاسف مش كل الدكاترة دخلولنا بتاع السلوكية جة سلم علينا ومورناش وشة تانى وبتاع المحاسبة ماخدناش لسه حاجة جامدة اووى والرياضة شرحوة والموراد شرح بصراحة من اول يوم دخل فيه بس اوحش حاجة اننا كونا صايمين ومش قادرين مع الحر علشان كده الواحد تعب بس بعد العيد كل حاجة هتبقى احلى وكل سنه وانتم طيبين |
قشطة عليكي يا واندا !! ..
طب كويس يا جماعة .. واندا بقت خليفتي في المنتدي .. مابقتش قلقان عليكوا الحمدلله .. ورايا ناس بترد اهي !!!!!!!! |
اقتباس:
|
تلميذتك يا اونكل فامبير
وولا يعنى انا كونت اعرف ده منين ..؟؟!! |
يا ردااالة ويا بنات
عيد سعيد عليكم وكل سنة وانتم طيبين وان شاء الله تبدأو بقى بعد العيد فى المذاكرة عيزين حراااااااايق .. عايزين الكل يرتب عالدفعة يااااااااارب اطلع الاول على دفعتى .. والتانى يبقى بعدى كده بعشرين تلاتين فى المية ...^_^ يارب قولو امين ...^_^ |
واللة انا حضرت اول اسبوع وكان اسبوع مش قد كدة يعنى ومهونش عليا الخنقة هناك الا صحبى زيكاس ومشعارف كل اما اخش على النت احاول اتعرف على ناس من مدرج ج ملاقيش حد واقلاقى ناس كتير اوى فى مدرج د اكن الدنيا كلها اتجمعت فى مدرج د اون مدرج ج دة مافيهوش حد خالص
|
انا بقة حضرت كل الايام ما عدا يومين طلع عينى فيهم وبرده فى الاخر ان الايام اللى روحتها مكملتش المحاضرات لحد الاخر
اقصى حاجة محاضرتين او محاضرة من 3 محاضرات انما ان شاء الله بعد العيد ناوى انتظم يلا ربنا يسهل للكل |
اقتباس:
علي فكره انا كنت زيك وخايف مفهمش المحاسبه عشان الوقت هيبقي قليل بس عرفت ان البشبيشي شرحه جميل جدا وهيفهم وربنا يستر من بتاع الموارد والسلوك والاداره دول اللي يتخاف منهم بجد مع ان شكلهم طيبين بس مش متطمن النهارده بقي انا صدقت وامنت ان الكلية كانت في رحمة في رمضان من اللي شوفته النهارده :giljotiiniug3: اكيد اللي شفتهم النهارده دول مجوش في رمضان عشان انا في رمضان لما كنت بنزل الكلية كنت بعرف اصوم بالعافية :av4056bb7jp3: انما دلوقتي انا نفسي اصوم السته البيض بس للاسف مش هقدر اخلصهم ورا بعض لاني هضطر اصومهم في ايام الاجازه :( ربونا يستر صحيح يا فامبير باشا احنا دخلنا الدكتور محمد المحمدي يوم التلات اللي قبل اللي فات وكان عندنا محضرتين سلوكيه واداره والغريبه انه كان معانا المحضرتين يا ترا دا عادي ولا ايه ؟ وعلي كدا بقي ايه نظامه؟ وفي دكتور تاني اسمه عبد العزيز عبد الغني الراجل بصراحه داخل معانا دغري ومعرفنا انه هو اللي بايده انه يسقطنا وينجحنا وقالها لينا : انا اللي في ايدي نجاحكوا وسقوطكوا بعد ربنا :stickjo4: بس بردو بيقولنا لو كنا كويسين مع بعض هنيجي في الاخر ممكن احذفلك الكاتب كله وادخلك الامتحان بفصل واحد او اقل سمعت عنه حاجه دا ؟ سؤال اخير انت اسمك ايه ؟ اصلي مش هينفع افضل اقولك يا فامبير يا فامبير حاسس ان لساني متكتف:slap1qk6: |
هااااااااااااااااااااااااااااااااااااااااااااااااا ااااااااااااااااااااااااااااااااي
|
احنا دخلنا الدكتور محمد المحمدي يوم التلات اللي قبل اللي فات وكان عندنا محضرتين سلوكيه واداره والغريبه انه كان معانا المحضرتين
يا ترا دا عادي ولا ايه ؟ وعلي كدا بقي ايه نظامه؟ على فكره دكتور محمد المحمدى بيدى اداره وسلوكيه هو بيدى لمجموعتنا (ب) اداره وقالنا انه بيدى سلوكيه لمجموعه(و) بس هو دكتور كويس بجد |
طب ايه رايكم فى دكتور عوض سالم
هو بيدلنا موارد انا حضرت مره ونويت محضرش تانى والحمد لله لانى بجد مااستفدتش حاجه خااااااااالص بس ولغايه دلوقتى مش عارفه هتصرف ازاى فى الماده دى |
اقتباس:
انتا بتتكلم عن المحمدي تقريبا .. بص انا اتكلمت عنه قبل كدا .. هوا من الاخر راجل كويس .. بس رغاي جدا .. واللي عمله معاكوا دا عااااااادي جدا هوا من النوع اللي بيحب مادته جدا لدرجة انه بيسرح ومابيبصش للوقت بتاع المحاضرة .. ياراجل دا في مرة دخلنا السنة الي فاتت ووالله العظيم قعد حوالي ساعتين وربع . اما كنا على اخرنا وانا واحد من الناس سيبته ونمت !! .. وزي ماقولتلك هوا دايما رغاي وبيشرد كتير في المواضيع الجانبية .. ربنا يقدركوا على مابتلاكوا بيه بقي .. اقتباس:
اقتباس:
اقتباس:
اما بالنسبالك يا Queen_dona انا مش عارف هوا اداكوا كل محاضرة لوحدها ولا ضم المحاضرتين في محاضرة واحدة تحت مسمي مادة واحده .. هوا لو اداكوا المحاضرتين بس في كل محاضرة مادة مختلفة ممكن يبقي عادي .. لكن لو محاضرتين في مادة واحده ماعتقدش .. دا غلط اصلا .. بس مش بعيد عليه .. اذا ذكر المحمدي ذكر الملل والوقت الطويل !!! اقتباس:
بصي من الاخر .. احلي حاجة في كليتنا دي ان الفيصل النهائي في التقديرات .. ورقة الاجابة .. غير كدا سوري في اللفظ (طز) وات ايفر بقي كان مين .. طلبة / دكاترة / عميد كلية .. ان شالله رئيس الجامعة نفسه .. فهمتي ؟ فانتي عيشي حياتك بس المهم تعرفي الدكتور لغي ايه وشرح ايه وبعد كدا بقي ذاكري من اي حتة تعجبك .. |
قضيتوها انتوا اسألة وسيبتوا يومياتنا ..
انا كل اللي حصل اني روحت بدري .. كان ورايا 3 محاضرات .. بنوك وتسويق وكمبيوتر .. حضرت اول واحده ونفضت للباقي طبعااااااااااااا .. طلعت قضيتها برا شوية .. فطرت وظبطت نفسي .. وولاد اللذينة بتوع العمدة خلوا ساندوتيتش البطاطس الفرنساوي ب 2.5 جنيه .. وكوباية البيبسي ب 2.5 برده !! .. يعني اللي عايز يفطر يدفع 5 جنيه .. انتوا تعترفوا انا بفكر اروح افطر من عند كنتاكي .. والله اوفرلي !!!!!!!!! اهو المهم .. شوية واتلاقيت صحابي جايين .. قضينا اليوم كالعادة .. منهم اللي روح ومنهم اللي قعد .. اللي قعدوا كانوا عايدين سنة اولي للاسف .. وخلوني احضر معاهم بالعافية .. روحت وحضرت وياريتني ماحضرت ! .. امة لا اله الا الله كانت هناك في المدرج .. والدكتور اصلا سئيل والطلبةو يخنقوا وحاجة نيلة خالص .. خلصت المحاضرة وقضيتها بره تاني .. وروحت .. نمت وصحيت تاني يوم الصبح !!! |
اقتباس:
ههههههههههههههههههه |
السلام عليكم ورحمة الله وبركاته
انا نزلت يوم السبت وصحابى ماحدش رضى ينزل عملت انا بقى ست المجتهدة وروحت كان فيه ناس يعنى مش قليلين كان عندى 3 محاضرات طلعت كشكولى واحدة نقلت منه حاجات المهم اول دكتور اعتزر هو اصلا شكله بيبى خالص كدا ومش فاضى قعدت استنين ساعة ونص فى مكانى وكنت عطشانة وجعانة كسلت انزل اشترى مش مهم الساعة ونص فاتوا طلعت كشكولى عشان انقل قولت الدكتور التانى هيجى ولا عبرنا قعنا ساعة ونص كمان راح المعاون دخل قالنا التالت مش جى شكلنا هنستنى ساعات ونص كتير السنة ادى قومت عشان اروح ماكنتش لاقيه مواصلات بس بعد عذاب لاقيت يعنى اتبهدلت بدون داعى حسبى الله ونعم الوكيل |
هاى يا جماعه ازيكو انا سنه اوله انتساب جامعه القاهره اول يوم ليه مكانش حلو خالص حسيت انى مخنوقه و معرفش حد هناك بس فى نفس الوقت حسيت ان الحياه تبقى احلى لو اتعرفت على اصدقاء و بقوا صحابى فى الكليه ياريت يا جماعه لو حد معايا فى جامعه القاهره سنه اولى يقولىو انا فى مجموعه ز مدرج د :)
|
احنا لسه سته اوله ادامنا مشوار طويل و عايزين نكون صداقات و لا ايه رأيكم
|
| جميع الأوقات بتوقيت GMT +2. الساعة الآن 11:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.