|
انا مش خايفة :p ممكن عشان باقرا قصص رعب كتير ف دى بالنسبة لى مجرد قصة ;) ايه يا جماعة هو انتم اللى بتخافوا ولا انا اللى مش باحس :D |
اقتباس:
|
اقتباس:
بس راعو اصلا انا الراج كان متردد يحكي بس اصحابه هما اللي شجعوه وبعدين طب بالله عليكم مين هيسمع اول القصه وهيسيبه ميكملهاش ده انا لو عملت كده ممكن تموتوني فيها متقلقوش لسه للقصه بقيه اقتباس:
ثانيا هحط الحلقه السابعه النهارده او دلوقتي ان شاء الله هيقول يا شيري متقلقيش هو الناس هيسيبوه ميكملش برده |
اقتباس:
هكمل حاضر من عينيا شكرا لمتابعتك يا قمر اقتباس:
اقتباس:
متسبقش الاحداث اقتباس:
بس بالله عليك ماتحلف بغير الله هحط الحلقه السابعه دلوقتي ولو قدرت احط الثامنه بالليل ان شاء الله مرسي لمتابعتك الحلقات |
اقتباس:
والله بصي انا بخاف من خيالي بس لما قريت القصه كان قبل مانام عدل قعدت اقرا قران ونمت بسرعه حلمت شوية احلام مرعبه اني دخلت القصر وكلام من ده بس محصلش حاجه في الحقيقه يعني كملي انتي بس وبعدين ابقي قوليلنا احساسك بعد ما تخلص اقتباس:
انا بحب الرعب بس بخاف منه ;) متسألنيش ازاي:( يعني ابقي عارفه ان دي قصه رعب وبرده اقراها مزاجات بقي:D |
زوزا زوزا هى خلاص كده خلصت:D |
دي مش هعتبرها حلقه عشان عارفه اني لو فكرت واعتبرتها مكن تعملوا فيا حاجه:D دقيقه واحده وتكون عندكم الحلقه السابعه مش الحلقه السابعه:D السلام عليكم ورحمة الله وبركاته،، الفكرة فى الموضوع انى جمعت احداث كتيير حصلت معاى على مدار اكتر من 3 سنين لكن رتبت الاحداث فقط بشكلاافضل تفهمة لما يتعرض لكن بدون اضافات ولا سلاطات هو دة اللى حصل فعلا وممكن لو مش مصدقنى ولو قابلتنى فى الكلية(للمرة التانية)اخليك تقابل الناس اللى حصلهم كدة لما دخلوا معى ولو حد قاللك احداث اكتر او اقل يبقى لك الكلاميعنى مش قصة وبحاول اخليها حقيقة . وبالنسبة لانة كلام عادى ومش بيخوف اكيد لانك قاعد على جهازك مستريح ومش حاسس قوى بالمنظر جوة ...شوفتم اشكال التماثيل هتلاقوا اغلبها شكلة غريبوجوة هتلاقوا على الجدران زخارف بارزة على شكل بوم وخفافيشوهتلاقى دم واشكال النجوم الخماسية وخفافيش طايرة من حواليك عادى شغال ..وكل دة وانت ماشى بعد 11بالليل فى القصر ومش معاك غير واحد بس وعلى ضوء الكشاف يعنى مش عارف اية اللى وراك ؟؟؟بالاضافة الى ان ارضية القصر خشب قديم جدا وبمجرد مشيك علية بيعمل صوت بجد كانك فى فيلم رعب.....ولاننا دخلنا اماكن الحراس نفسهم كانوا بيخافوا يدخلوها فدة خوفنا اكتر ...شوف الصور وتخيل نفسك ماشى بالليل وهتلاقى صورة الجدران عليها دم جنب صورة للسلالم من فوق... فى ناس اكيد حست انى مزودها شوية وعامل جو رعب على الفاضى ...دة اللى كنت باحسة لما كان حد يحكيلى قبل مادخلة لكن بعد المرة دى لاقيت ان مش معنى انك مش مقتنع بحاجة فدة مش معناة انها مش موجودة ..فى احداث كتييييييييييرة مارضيتش اكتبها لان الناس هتختلف معى جامد واعتقد انى مش هاكمل غير لما اعرف راى الناس اللى بتقرى الكلام دة دلوقت دة يعتمد على تقبلكم للموضوع...لان نهاية القصة دى مش فاهمها لحد دلوقت وناس نصحونى انى ابعد عن المكان دة وعن الكلام فية عايز تحس فعلا بالرعب روح القصر ولو عرفت تدخل (ماتسمعش كلامى احسن لك)حاول تقعد جوة فى مكان ومعك واحد بالكتير وخليك بهدوئك لاكتر من ساعة وركز هتحس انك مش لوحدك وان فى اشارات هاتخليك تقوم تروح الكلام دة بجد وحصل كمان مع ناس من الحراس وناس مغامرين تانيين |
اقتباس:
بت يا زوزا متيجى نغامر وانا ويكى:D |
دي بقي الحلقه السابعه اتمني تعجبكم متهيألي كده مش فاضل كتير بس عشان خاطركم هحاول احط الثامنه كمان بالليل يارب الحلقه دي تعجبكم الحلقه السابعه فهد وكريم اكتر اتنين من اصحابى دخلوا معى القصر ..موضوع القصر بالنسبة لنا كان مجرد مغامرة صغيرة بنعملها علشان نغير الموود ..لانها خروجة غير تقليدية ..لكن دة كان اول سنة ..لاقينا ان معظم خروجاتنا بقت هناك ..حتى لو نزلنا نتمشى برضة نروح لهناك ..ارتباط غريب بس فى نفس الوقت كنت كل مرة بروح بحس انى اول مرة ادخلة ..فضلنا على الحال دة 3 سنين ناس كتير قالولنا دة غلط ..مكان مش كويس ..مسكون ,لكن برضة بنروح , لحدما فى يوم خرجت مع فهد .قاللى :اسكت انا متبهدل ..لية مالك يابنى ?? قاللى انا باشوف حاجات غريبة .... زى اية مثلا ؟..قاللى بحس ان فى حد تانى معى فى الشقة (مع انة عايش لوحدة حاليا) قولتلة ازاى برضة ؟ قاللى ساعات الراديو بيتفتح لوحدة واقوم اطفية الاقى انة اشتغل لوحدة بصوت عالى فى نص الليل ...لالالا قديمة قوى دى يافهد .كان فى رايى ان دة ممكن تهيؤ وكمان لان فى 7 الاف فيلم رعب عملوا الحركة دى قبل كدة قاللى ساعات اكون قاعد فى الاوضة والاقى حاجة اتحركت مرة واحدة بسرعة ,,,اكيد بيتهيالك يابنى ..كان بيحلفلى انة فعلا بيشوف حاجات بتجرى لكن مش عارف يدقق فيها .بصراحة مع انة صاحبى بس ماكنتش مصدق خااااالص لحد ماقاللى :بص انا فى حاجة حصلت مش عارف انساها ..كنت نايم ولوحدى وحسيت ان فى حد نايم ورايا وحاسس بنفس سخن قاللى انا خفت ابص ورايا ..فضلت مرعوب ..جيت ابص ورايا لاقيت واحد طالع من اوضتى ولمحت ضهرة بس........ قاللى حاجة غريبة ..انة بيحس انة مش قادر يتحرك ولا عارف يتكلم لما بيشوف او يحس بكدة (ممكن من الرعب)؟؟ قولت اكيد فهد صاحبى بيتخيل او بيشتغلنى لانى صعب جدا اصدق حاجة زى دى ماكنش فى دماغنا خالص ان دة لية اى علاقة بالقصر وفضلنا برضة نروح ولما كنا عايزين ندخل القصر بالليل خالص ونقعد جواة علشاننستكشف براحتنا ..كان نوم الحراس فى الدور الارضى مشكلة لينا فكنا بندخل بالليل قبل مايناموا ونتجول براحتنا ..واحنا خارجين نقلب لهم الفرش وننقل احجار من اماكن لتانية (ظهرى اتقطم من الشيل) ونقلب لهم اى كرسى موجود..مرة والتانية خافوا يناموا لانهم اقتنعوا انة فعلا مسكون واحيانا فى جوالاتنا كنا بندخل الحمام اياة (اللى الحراس بيخافوا يفتحوة) لحد مافى يوم حصل لى انا حاجة غريبة اتهددت لو سمحت ماحدش يسالنى اتهددت ازاى لانى بخاف افتكر ....بجد.. جالى تهديد انى ماروحش القصر ...مش فى القصر ..دة كان فى بيتى ..وحصللى نفس الشعور اللى فهد حكالى عنة قبلها بكذا شهر وماصدقتوش وعلى الرغم من ان حاجة غريبة حصلت معى ...لكن برضة ماكنتش مصدق وقوللت دة اكيد كان بيتهيالى او كنت تعبان شوية مع انى عارف وحاسس انة مش تهيؤ اتصلت بكريم قولتلة اللى حصل ...سكت ...وحسيت فى كلامة انة اخد الوضوع بجد ..قاللى بص .انا مصدقك...قولتلة اذا كان انا نفسى مش مصدق قاللى مادام انت حكيت انا مصدقك لكن كنت حاسس انة خاف ..لان اللى حصل مع فهد حصل معى وماتبقاش غير مييييييين؟؟؟؟؟ بيحكيلى انة كان بيخاف ينام لوحدة فى الفترة دى وكل شوية يقرا قران (كويس جت بفايدة) لحد مافى يوم زهق من كتر الخوف والقلق وقف فى اوضتة وقال بصوت عالى ...لااااا انا مش خايف مامتة قالتلة مالك يابنى ..مافيش مافيش حاجة قوللنا اننا كنا واخدين العملية لعبة ..ندخل اماكن عارفين انها مسكونة علشان اية ..نلعب مع كائنات احنا مش شايفنها وفى يوم قولت انا عايز اخد تذكار من القصر ...طب اخد اية اذا كان كلة اتسرق ؟؟؟ ايوة ..فى مراية مكسورة فى الدور التانى فى الاوضة الللى فيها الدم وكان فيها الحفلات ..هاخد حتة منها .. وبالفعل اخدت قطعة صغيرة من المراية وكان عليها اثار دم (بقايا الحفلات) لكن ماكنتش اعرف ان الدم دة كان طقوس سحر وتحضير جان وللاسف اخدتها وحطيتها فى دولابى حسيت ان اصحابى بداو بالفعل يخافوا واكيد كنت معاهم كان فى واحد صاحبنا قاللى ان والدة بيعرف يتعامل مع الجان وعارف ايات تعالج المس وحاجات من دى ....بغض النظر عن الكلام دة صح او لا قولتلة طب عايز اكلمة ...وبالفعل قابلتة ...قولتلة اللى حصل معى (ولو سمحت لتانى مرة ماحدش يسالنى اية اللى حصل ) لاقيتة ضحك وقاللى ...ثبتوك..وضحك تانى ...قولتلة مين دول اللى ثبتونى ؟؟؟ قاللى اللى هددك دة جايلك من القصر .....بلاش تروح تانى اية الكلام الغريب دة ؟قصر اية ومين اللى جاللى ?هو فى اية ؟؟؟ قاللى بص ..المكان اللى بيكون مهجور بيكون عرضة لان الجن يسكنة ودة يبقى مكانة ?? طب وانا مالى ؟؟ قاللى لاااا ماهو كدة انت دخلت مكان مش مكانك انت بتاذيهم بلاش تروح تانى ...انا حذرتك وحكالى عن ناس وحلات عالجها لناس فى الصعيد كانوا شغالين فى فتح المقابر الفرعونية وشافوا العجب قاللى ان الجان اللى بيحرس شئ ثمين مهجور بيكون اسمة رصد الرصد دة مش بيخلى حد يقرب من اللى بيحرسة قاللى ...احمد انت ممكن تتاذى ...انت ربنا حاميك علشان بتصلى ماحدش منعم عملك حاجة لكن اللى حصل دة كان مجرد قرصة ودن... شئ غريييييب وكلام غير منطقلى وغير مقنع بالمرة ..كنت مستغرب ان ازاى الجان يقدر يتحول من جسم اثيرى لجسم مادى يقدر يخبط ويشد او حتى يظهر لان مجرد ظهورة ومشاهدة اى انسان لة ان الضوء سقط على الجسم دة وانكس لعينك وبالتالى قدرت تشوفة ...لكن ازاى وهو مخلوق من نار ومش حاجة مادية ؟؟؟؟ بصراحة فضلت اكذب اللى بسمعة وماقتنعتش خالص وحكيت لاصحابى فى الكلية لحد ماصاحبى شجعنى وقاللى هانروح وزى ماحكيت لكم قررنا اننا ندخل القصر تانى ..مع اسلام صاحبى وكنت رايح وعايز اشوف ...ورونى هاتعملوا اية ؟؟؟ ودة كان من اكبر الغلطات اللى عملتها ورحت القصر تانى بعد التهديد .......... بالله عليكم ادعولي النتيجه قربت اوي وانا خايفه ادعول يبظهر الغيب بالله عليكم ( اختكم سندريللا) |
يا جماعه علي فكره ناقص حلقتين بس من مغامرات الشخص نفسه في القصر وجزء كمان زي اللي قلت عليه مش حلقه ده في بقي حلقتين لناس دخلوا القصر برده بس مش هو نفسه ده واحد اصحابه هما اللي دخلوا وبيحكي ع الحاجات الغريبه اللي حصلتلهم بعد ما راحوا و اللي هما كانوا بيحكوه وكده لو تحبوا اقولهالكم كمان اوكي مش عايزين براحتكم بس الاهم انه خلاص فاضل حلقتين بس في القصه دي ياللا افرحوا مفيش رعب تاني:D |
اقتباس:
ربنا معاكى يا قمرى بس انتى كده خوفتينى ما احنا بنسمع برضه |
لا يا جماعه
صدقوني انا دلوقتي خايفه خوف ملوش اخر انا قلتلكم ان في حلقتين بس لشخص غير احمد علي دلوقتي وانا عماله اقلب في الموضوع لقيت بتاع 4 حلقات تاني المهم قعدت اقرا ولاول مره كنت بقراهم لاني كنت فاكره الموضوع خلص وباقي الصفحات ردود للي سمعوا القصه المهم اللي الراجل ده حكاه في حاجات غريبه اوي واحمد علي بصدق علي كلامه بجد اول مره احس الاحساس ده خايفه جدا انا قاعده دلوقتي لوحدي والنور كان مطفي ( شفتوا الشجاعه ) قمت فتحت باب الاوضه وفتحت النور وطلعت البلكونه لاني بحس وانا في البلكونه اني مش جوه الشقه يا جماعه ايه رأيكم لو كلكم كده خايفين زيي يبقي بلاش احسن نكمل الموضوع احنا مش ناقصين لو انا بس الي كده يبقي هكمل وادعو ربنا يحميني وخلاص هاه مستنيه رأيكم قبل ما اكمل او اقفل الموضوع ادعولي |
اقتباس:
ربنا معاكى نونونونونونو انتى ال بتقولى حاجة زى كده مش عملتى حاجة يبقى لازم تكمليها:) يا بنتى كملى واحنا معاكى وربنا معانا اكيد;) |
إيه يا عم الجرىء
لا يا قمر كملى بصى أنا أصلاً أخدت القصة دى على إنها قصة وخلاص ;) ومفيش أى حاجة من دى و إقرى قرآن والخوف هيروح خالص بس بصراحة بموت فى أى حاجة مرعبة :D كمل يا قمر |
اقتباس:
هشوف رأي الباقي مكنتش متوقعه اني ممكن ماكملش بس الخوف بقي هعمل ايه والله غصصب عني مستنيه رأيكم بجد |
اقتباس:
لالالالالالالالالالالالا يا عسل اللى بدأ حاجه لازم يخلاصها ويجيب ملحقاتها كمان وبعدين انتى خايفه من ايه؟ فيه احتمال كام فى الميه ان فيه جنى رزل قاعد معاكم وحاطط صوره شجره على شكل وش بنى ادم وبينقل الكلام اللى فى الموضوع ده للسيد رفيع الشأن رصد 8%مش اكتر اه على فكره يا جماعه انتوا بتقولوا زوزو زوزو زوزو (هى مين زوزو دى) |
اقتباس:
ماخلاص الجرأه دي كانت زمان قبل قصر البارون مش عارفه امال لو دخلت ده انا ممكن تجيلي صدمه عصبيه وانا ع الباب هحاول اكمل والله بس برده هستني رأي الباقي |
الموضوع ده جاامد جدا ارجوووووووكى ابداى احكى الحلقات علشان بجد شوقتينا و الصور كمان حلوة اوى اوى.
|
انا والله نفسى موت ادخل القصر ده
اصل انا بحب الرعب اوى و بحب اسمع الحكيات دى بس مبحطش فى دماغى ( قل لن يصيبنا الا ما كتبه الله لنا ) |
..... السلام عليكم ورحمة الله وبركاته .....
بسم الله الرحمن الرحيم ... ( قل لن يصيبنا الا ماكتب الله لنا ) .... صدق الله العظيم.... فانتي ماتخافيش ... واحنا معاكي ياقمر كملي وربنا يقدرنا ان احنا نكمل معاكي وماحدش بيحصله حاجة مش مكتوبه له ..... وبصراحة موضوع حلو .... واللي كاتبه احلي منه .... ربنا معاكي ياعسولة ......... يللا كملي كله واحنا في انتظارك حتي لو كانت 90 حلقة بس ياريت تحطي الموضوع كله ................... اوك ............. واي حد يقولك ماتكمليش سيبك منه ...... . وقوليله ماتكملش انت .................................................. .............................................. والحمد لله علي كل شئ . |
يااااااااااااااا سندريلا ارجووووووووووووووووكى كملى الحلقات و على فكرة انا صدقت كل كلمة من اللى اتقالت.و معلش ارجوكى عايزة اعرف ايه التهديد.
|
ربنا يوفقك يا جميل وتجيبي 100%
|
الموضوع ده اكتر من رائع
ما ينفعش تسيبيه و تمشى لازم تكملى......و مستنيين الحلقى الجاية |
يالا يا سندريلا مش هتحطي الحلقة الجاية
|
لا يا سندريلا اوعى توقفى الحلقات حرام عليكى يعد الرعب والتشويق دة كلو ا ومتكمليش
كملى واحنا معاكى باذن الله خير وربنا يوفققك ويوفقنا بس يلا عايزين كل حاجه متعلقه بالقصر الغريب عارفين دة بيفكرنى بفلم ايه the others نفس الحكايه كده يلا يا سندريلا كملى وربنا معانا |
عاااااايزيييييييييييين البااااااااااااااااقىىىىىىىىىىىىىىىى
|
انا هكمل وامري لله وربنا وحده هو اللي هيحميني دي برده كلام لاحمد علي وبرده مش هعتبره حلقه يعني هحط الحلقه الثامنه دلوقتي حالا مش الحلقه الثامنه بصراحة كنت باحكى عن القصر الاول لمجرد التسلية فقط لاقيت الناس اهتمت ..ولما قولت انى دخلتة ..كلة كان عايز يعرف اية اللى حصل وحكيت اللى حصل معى لكن عموما فدى كانت هوايتى (مش الكتابة اقصد المغامرات وكدة) قصر البارون دة واحد من كذا حاجة ...لكنة كان اكتر حاجة خليتنا نفكر فى ناس افتكرونى مجنون واللى افتكرنى بعيش على الناس علشان يقولوا بص دة بيعمل اية لكن بجد دى حاجة تلقائية انى لو شفت اوضة مظلمة احب اعرف اية اللى جواها .. حتى والدى ووالدتى عارفين انى كدة وناس كتير عارفين انى مجنون لدرجة ان والدى كان يحب يسمع منى اية اللى حصل هناك وخالى كان يقوللى (هاااة احكى لى بقى )ويجيب كباية الشاى ويقعد يسمعنى وهو مبسوط قوى لما كنت ماروحش القصر فترة ماما كانت تقلق (هههههههه) ....تقوللى اية مالك بقالك كتير مش بتروح يعنى (هى دى الامهات اللى تشجع) بن خالتك عايز يروح وعايزاك توديه بس خللى بالك(قشطة عليكى يا مامتى ).. http://www.h3s2011.com/forums/style_...163[1].gif ساعات والدى كان ياخدنا نتمشى فى الاماكن القديمة ولو لاقى مكان شكلة غريب كان ممكن يبعتنى اجيبلة التفاصيل (عرف ان ابنة مجنون ومستعد يدخل اى حتة) لاقيت ان حكاية قصر البارون بتعجب ناس كتييير لما احكيها لكن طبعا مش بكل التفاصيل دى قولت احكيى للناس على المنتدى ...محمد حمزة صاحبى فى قسم عمارة شجعنى قوى وقاللى ان اللى حصل دة ممكن يتعمل قصة قولت احكى جزء على المنتدى واشوف راى الناس ....(ولاقيتكم ماشاء اللة عندكم استعداد هايل تطيروا دماغكم) لما اخلص القصة دى ان شاء اللة (مش عارف مش راضية تخلص لية بس هو فالض اخر جزء خاااالص) اعتقد انى مش هاكتب فى اى موضوع غريب تانى ...حتى لو دخلت اماكن تانية مش عايز حد يقلق منى وخصوصا انكم معى فى نفس الكلية وكلنا شايفين بعض مع انى عارف ان فى ناس لما هاتشوفنى فى الكلية هايتردد فى نفسة (مش دة المجنون اللى بيعمل كذا وكذا ) بس على العموم اذا اردت ان تتجنب النقد فلاتقل شيئا ولا تفعل شيئا ولا تكن شيئا يا جماعه ارجوكم ليا طلب عندكم ياريت كل واحد يحافظ علي كلامه شويه احنا صحيح اخوات وكل حاجه بس برده الكلام ليه حدود لان انا اذا كان مسموح ليا اني ادخل نت وادخل منتديات وكده فده بيكون في حدود الادب والاحترام لا اكثر اكيد كل واحد فاهم كلامي وفاهم انا اقصد ايه ارجوكم محدش يزه\عل مني بس كان لازم انبههكم وانا مش بوجه الاكلام لحد بعينه عشان ماحرجش حد بس لو الموضوع زاد عن حده مش هيبقي في ايدي حاجه اعملها اسفه اني ازعجتكو بكلامي |
كده ناقص حلقه واحده بس هجيبهالكم قريب ان شاء الله ولو حابين اني اكمل مغامرات الشخص التاني هو واصحابه وهي مخيفه اكتر من دي كتييييير والسر يكمن ان مغامرات احمد علي اغلبها كانت جوه القصر يعني لو مرحتش القصر مش هيجرالك حاجه لكن الشخص التاني كل اللي حصلله هو واصحابه كان في بيتهم يعني مواقف انت بتمر بيها كل يوم وده اللي خلاني اخاف واعد اعيط المهم دي الحلقه الثامنه واتمني تستمتعوا بيها الحلقه الثامنه هانروح امتى ؟؟؟ يوم الخميس بالليل ان شاء اللة ...وبكدة اتفقنا اننا هانروح القصر علشان اكملة باقى الحكاية هناك كنت متوقع انة يجى قبل الميعاد ويعتذر ..لكن طلع راجل كويس وجالى فى ميعادة ..كان قلقان وقاللى طب اية اللى حصلك؟؟ واحنا رايحين القصر حكيتلة كل حاجة بالتفصيل....قلق اكتر ...بس هاندخل برضة وصلنا ...لاقينا الجو حوالين القصر غريب ..امن كتير واقفين باسلحة جامدة .(اية دة هم عارفين ان احنا جايين ؟؟؟؟) طلع تقريبا فرح لشخص مهم فى فندق البارون ودى الحراسة ...بس كان شكلة حد مهم قوى طب اية ؟؟؟؟مش هاندخل ولا اية النظام..استنينا يمكن الجو يهدى لكن ظباط مباحث فى كل حتة ..(اية الرخامة دى ) اخدنا اكتر قرار غبى هو اننا نجرى بسرعة وننط من الكان المعتاد لكن كل واحد لوحدة ...يالا ؟؟يالا بسسسسست....اطلعلى برة انت و هو ...دة كان ظابط امن شافنا ..طلعنا ..بطايقكم ..صاحبى طلع بطاقتة وكان معاى بطاقة الترشيح للكلية المفروض انة كان يبعتنا لظابط اعلى ونروح القسم نبات لنا ليلة كويسة ..بصراحة قعدنا نقوللهم اننا فى هندسة عين شمس وقسم عمارة وداخلين نصور علشان محتاجين صور للمشروع .....ودخلت عليهم وسابونا وادولنا البطايق.... اكيد هاتفتكروا اننا قولنا خلااااص كدة لكن لا ....كنا بندور على مكان تانى ننط منة .....تانى قرار غلط وفى نفس الوقت افتكرت تحذير والد صاحبى انى ماروحش القصر تانى .. واحنا بنلف حوالين القصر علشان نلاقى اى مكان هادى ننط منة ...كنا على الناحية اليمين للقصر ..هتلاقى شارع مدخلة ظلمة وطوييل..وهادى لاقينا 3 رجالة واقفين على ناصية الشارع دة شكلهم عادى جدا..لكن باصيين لنا ..اول ما قربنا اتكلموا مع بعض بس من الواضح انهم ناويين يجولنا مالهم دول..اللى جى فى دماغى ان الظابط قال لبتوع المباحث يجيبونا علشان مايمسكوناش ادام الفندق والفرح والمنظر العام ..يمكن احسن حاجة نفلت منهم حتى لو نجرى لاقيت واحد قرب مننا وبيندة ..ياكابتن قولتلة امشى يا سلام ..اسلام وقف يشوفة ... يا كابتن ...لو سمحت يا جماعة حد بيعرف يقرا انجليزى ؟؟؟ قولتلة لاالا مافيش حد ..اسلام وقف قاللى استنى نشوفهم كان ماسك فى ايدة ورقة ....ادى الورقة لاسلام......امشى يا اسلااااااااام لاقيت باقى الناس بيقربوا من صاحبى ..وهو لاقيتة بيقرا ..رجعت اشوف فى اية؟؟ قريت النص العلوى من الورقة واسلام قراالجزء التانى ...الورقة مكتوب فيها بخط كبير بالانجليزى الاتى بالنص : remember that it was your choice good luck ya bashmohandes اسلام بص لى ...بصيت للراجل لاقيتة مبتسم بشكل غريب ..كانة بيقول هااة وصلت؟؟لاقيت الاتنين التانين بيقربوا علينا ...قولتلة امشى بسرعة يا اسلام ....اللى فاكرة اننا فى لحظة كنا معديين الشارع وبنحاول باى شكل ندخل فى اى مكان فى روكسى فية زحمة فى وسط الناس عايزين نهرب من كتر الخوف مش عارفين في اية .....مين دول ؟عايزين اية ؟واية اللى موقفهم الساعة 10 ونص بالليل فى الشتاء على ناصية شارع محدش ماشى فية اصلا ..اية هو (your choice)؟؟...عرفوا منين اننا فى هندسة ؟ومين اللى كتب الورقة ؟؟؟يمكن كان اختيارى انى اروح واشوف هايعملوا اية بعد التهديد؟؟؟ ويعنى اية (good luck)؟؟؟عارف انها حظ سعيد ...بس اية المناسبة ؟؟؟ حاولنا نفسرها ...مالقيناش غير 3 تفاسير للى حصل : 1.انة واحد من المباحث :بس بتوع المباحث ماكنش محتاج يعمل الفيلم دة ..كانوا شالونا اصلا 2.انهم حرامية وعايزين يثبتونا :ماهم ثبتونا بالفعل وكنت ماسك موبايلى فى ايدى ولو عايز يا خدة كان اخدة لانة كان واحد زى الثور ومعاة اتنين كمان 3.انها جت صدفة بحتة لناس بيهرجوا:فى حدينزل من بيتة علشان يهرج مع ناس مايعرفهمش فى عز الثلج بالليل خانة رابعة فاضية .....احنا متفقين اننا نرجع اى حاجة تحصل لانها حاجة طبيعية .....لكن دة مش طبيعى المهم اننا رجعنا بنكلم نفسنا فى اليوم دة حسيت اننا كنا بنهرج لكن العملية ابتدت تقلب ..وان الناس كلها قالت المكان فية سحر والحراس نفسهم قالوا لى ان المكان مسكون ..وانهم بيسمعوا اصوات تخبيط وكان فى حياة جوة القصر يدخلوا مايلاقوش حاجة ماكنتش مصدق ..لكن دلوقت العملية طلعت برة القصر ... روحت احكى لابن خالتى ...هو بيحب يقرا فى الحاجات الرعب الحقيقية والقصص ...,اثناء ماكنت باحكيلة لاقيت وشة اتغير ..ولما قولتلة الجملة اللى قراتها فى الورقة لاقيتة سكت .......... قاللى انا كنت فاكر انها فى القصص بس ...هى اية دى ؟?الجملة دى..بكامل ارادتك الحرة ....الجملة دى قريتها فى قصة لاحمد خالد توفيق لكن كنت فاكرها كدة ..لكن الواضح انها حقيقية ...حصلت مع ناس قبل كدة وادينى صدقت لانها حصلت معاك......دة كلام بن خالتى ..مع العلم انى مش بقرا اى حاجة من قصص الرعب الخيالية ..لكن ماتوقتش فى يوم انى اكون انا اللى بعملها على الحقيقة قاللى اوع تروح القصر دة تانى ...مش بهرج ...حاضر ..مش حاضر اياك تروح تانى روحت حكيت لولد صاحبى ...لاقيتة سكت ....انا مش قولتلك ماتروحش تانى .... مش عارف ارد ...المهم ان حصلت احداث غريبة ...يتصل بناس ماتعرش عنى اى حاجة ولا عرفهم الاقيهم عارفين اللى حصل فى القصر ... هو فى اية بالظبط؟؟؟ بعد لقاءات مع ناس غريبة ....اتفقنا على انى ماروحش القصر تانى لان على حسب مافهمت ..انى ازعجتهم بقراتى القران فى القصر وانا خايف قولت خلاص ...قاللى تمسح صور القصر من على موبايلك وتتخلص من اى حاجة اخدتها منة ....وقرا بعض الايات وقاللى لو رحت القصر تانى ماتجيليش لاخلاص كدة...الغريب انى لما روحت دورت على المراية اللى اخدتها من هناك ...لكن اية دة ?المراية مش موجودة ....طب كان معى اتنين صورة فوتغرافيا كنت مصورها بالكاميرا مش موبايل ....الصور فين ؟؟؟ مش مهم ..المهم انها بعدت عنى ..ازاى ?? برضة مش مهم. بعد فترة طويييلة تررررررررررن ..الو .ممكن اكلم احمد ...ايوة يا كريم ازيك ...الحمد للة ...احمد انا متبهدل ...مالك فى اية ...لا ماينفعش دلوقت لما اشوفك ولما خرجنا ....اية مالك بقى .... كريم:انا سمعت كلام ...تهديد اهلااااااااا ,انت روحت القصر تانى ؟؟؟ ايوة. القصة كدة انتهت ...لكن دة بالنسبة لى ولاصحابى اللى دخلوا معى ...لكن قصص القصر مش بنتنتهى ..لانة كان..ومازال عندة الرغبة فى الاحتفاظ باسرارة .......وغموضة . بالله عليكم ادعولي كتير (اختكم في الله سندريللا) |
اقتباس:
بس انا مش فاهم حاجه من الكلام الى بالاحمر هو حد قالحاجه ؟ |
شكرا يا sendrilla وبالمناسبة انا دعيتلك زي ما طلبتي وربنا يتقبل ان شاء اللة
|
اقتباس:
مش هقدر اوضح اكتر من كده بس اللي انا بقولله الكلام ده اعتقد وصلتله المعلومه وده اللي يهمني ولو حضرتك راجعت الردودكلها اكيد هتلاحظ |
اقتباس:
وربنا يتقبل ان شاء الله |
اقتباس:
اقتباس:
وبعد اذنك لو ينفع تكملى مغامرات الشخص التانى هو اصحابه تبئى كملتى جميلك ويلا مستنين الباقى وبجد موضوع اكثر من رائع وربنا يوقفك ويفقنا باذن الله النتيجه هتكون حلوة |
عدد الأعضاء الحاليين الذين يشاهدون محتوى هذا الموضوع : 10 ( 7 عضو و 3 ضيوف ) SENDRILLA, ีundertaker_2000, anos_45, marioom, moon_light, super hero 1993, _.Mona._
متجمعين ان شاء الله دايما علي الخير |
لا لا لالاااااااااااااا فيييييييييين الباقى؟ارجوووووووووكى كملىىىىىىىىى pls pls pls pls pls اووولى كل حاجة عندك
و هو ايه التهديييد؟ |
اقتباس:
زي ما كتير لاحظوا وقالولي وان شاء الله هكمل الحلقات التانيه هتعجبكوا اوي وهتخوفكوا اكتر بس انا خلاص ايقنت ان ربنا مش هيأذيني مادام انا بعمل اللي عليا ربنا يحمينا يارب |
ارجوووووووووووووكىىى اديني الباقى بسرعة
ارجوكى محتاجة الجرعة |
اقتباس:
ربنا معنا ان شاء الله يلا كملى بجد مغامره رائعه |
اقتباس:
التهديد الاول من والد صاحبه انه قالله متروحش القصر تاني وكده والتاني من الاشخاص اللي كانوا قدام القصر وادوهم الورقه بتاعت تذكر ان هذا اختيارك حظ سعيد يا بشمهندسين اتمني اكون قدرت اوصلك المعلومه يا قمر |
اقتباس:
هجيبلكم اخر حلقه باليل وبكره ابتدي اول حلقه من القصه التانيه اوكي ركزي في دول انتي بس |
لا مش قصدى ده .هو قال فى الاول قبل ميروح لوالد صاحبه(و محدش يسالنى ايه اللى حصل بجد علشان بخاف)
كان يقصد ايه؟ و عموما شكرا على الموضوع ده و ياريييت تكمليه بسرعة جدا |
اقتباس:
في حاجات بتحصل للواحد بيخاف يحكيها لحد احسن تتكرر اكيد دي كانت حاجه هو مش عايز يفتكرها تاني او حاجه شبيهه بذلك بس متهيألي انه قال كل اللي عنده شكرا يا مريوم لمتابعتك الموضوع |
شكرا علي الرد .انتى هتكملي بلييل صح؟مستنية على احر من الجمر
|
طب كملى بقى و قولى حكايات الناس التانية
|
رائع جدا أخيتى سندريلا
بقالى 8 صفحات قراية وعينى ورمت منتظرين .... |
اكيد هتكملى انهارده يا سندريلا
صح مش كده؟ سندريلا بج مغامره رائعه وانتى بتشوقينا جامد يلا مستنين بافى الحلقات وكمان مغامرات الناس التانيه |
اقتباس:
لا كتير اوي مرور حضرتك شرفني هكمل ان شاء الله بالليل |
اقتباس:
ربنا يسهل دعواتكم بقي |
ul; m,ul udh
|
انا بجد عاجباني شجاعتو دي
دا انا لو حصل معايا الموضوع بتاع التلاتة دول اللي جم عليهم انا كنت موت هههههه شكرا ليييكي يا سندي وعشان خاطري كملي ومتوقفيش عايزة اعرف هيحصل لصحابو ايه:eek: |
| جميع الأوقات بتوقيت GMT +2. الساعة الآن 12:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.