|
كماان بتقولوكو بلاااااش تستهيفو المادة .. لانها مش سهله
انا اطمنت خالص دا كله هبتعمل في الجولوجيا امال باقى المواد هنعمل ايه ادعى بايه عليك |
تمااااام .. دة كدة الجزء الخاص ب Salma mohamed .. هنزلكو الجزء الخاص ب Donia sayed ف مشاركة تانية .. على فكرة .. دنيا جايبة 50 ف الجيولوجيا ف استنو كلامها و ركزو فيييييييه اووووى
نصايح استاذة سلمى حلوة اوووى عجبتنى بس المادة فعلا كنت مستسهلاها دى طلعت .... مستنية استاذة دنيا ان شاء الله متابعة معاكى يادكتورة ربنا يجعله في ميزان حسناتك يارب |
شعار طالب هندسه ليله إمتحان الفاينال :_ أماااااااانه عليك يا ليل طوّل .... وهااااااااات التيرم مـ الأوّل
|
السﻻم عليكم ورحمه الله وبركاته
فى وقفه امام وزاره التربيه والتعليم يوم التﻻت الجاى هنطالب فيها بالغاء الماده السابعه الجديده سواء علمى او ادبى منين هيخففوا الاعباء على اولياء الامور وبيضيفوا ماده كمان يا جماعه احنا كده هنتعب جامد. ..كل يوم عليك درس ومتﻻقيش يوم تراجع فيه السنه اللى فاتت لما عملنا وقفه قدام الوزاره اعتراضا على ال8 مواد اللى كانت مقرره علينا السنادى فحصل استجابه وخلوهم 6 مواد بس الكﻻم ده للطلبه الثانويه بجميع مراحلها ها ايه رايكوا. ...؟..؟ |
اقتباس:
قوليلي ليه بقى :) |
اقتباس:
صحابي دول كانو ادبي .. و كانت الماده الاساسية عندهم ف تالتة هى الجيولوجيا .. لان باقي موادهم كانت سهله اووووى و صغيرة .. ف طبيعى ان كلهم يقولولك انها مش سهله .. الفكرة بس ف ان انتو ما تستهونوش بيها و ماتعاملوهاش على انها كماله عدد او ماده ملهاش لزمة .. لا حطوها زيها زى الفيزيا و الاحياء كده :) ربنا يعينكو بقى |
اقتباس:
ياااارب يكون الكلام ده ببجاوب على اسئلتكو و تكونو بتستفيدو منه :) |
|
اقتباس:
الدراسه فاضل عليها تقريبا 3 اسابيع .. يعنى زمان الكتب بتطبع دلوقتى .. ما يتهياليش ان هيبقى فى استجابه دلوقتى .. ربنا يعينكو :) |
أنا مش عارف أعمل أيه الكيمياء هى سهلة جدا :cool: بس مش عارف أذاكرها أزاى وممكن تقولولى أيه أفضل كتاب فى الكيمياء :022yb4: |
اقتباس:
تذاكرها ازاى بقى .. شوف يا سيدى .. انت مثلا النهاردة اخدت درس الكيميا بتاعك .. هتروح تمسك الجزء اللى انت هتذاكره ده .. تتاكد الاول ان اامصدر اللى انت هتذاكر منه مطاااابق لكتاب المدرسه .. و تمسك بقى الجزء ده تفصصه حتة حتة ..و معاك ورقه و قلم .. تقرا الفقرة دى مثلا او الجزئيه دى و تطلع كل المعلومات اللى فيها ف الورق بتاعك ده .. يعنى مثلا انت قريت كام سطر كده .. تقول ااه .. ممكن يجيب سؤال على الجزئيه دى بيقول علل كذا كذا كذا .. و تكتبه ف الورق .. ف هتبقى الاجابه كذا كذا كذا و تكتب الاجابه دى تحت السؤال كده .. و تقوم قاريهم تانى على بعضهم السؤال بالاجابه ..و اهم حاجة انك تكون فاهم اللى بتكتبه ده .. و كذلك التعريفات .. تكتبها كل بايدك ف الورق ده ..و تجمع مثلا القوانين بتاعة المسائل كلها ورا بعض .. بحيث انها تبقى كلها قدام عينيك .. و تحاول تعمل اشكل او اشارات تفكرك بالقانون عشان يثبت ف دماغك .. و تحل الامثله المحلولة بنفسك .. يعنى تقرا المثال و تخبي اجابته و تحاول تحله بنفسك باستخدام القوانين دى و بعدين تراجع اجابتك و تتاكد انها صح .. كده خلصت المذاكرة ندخل بقى ف المهم .. اللى هو الحل .. لو ذاكرت و محلتش يبقى و لااااااا اكنك عملت حاجة .. تمسك التمرين من اوله لاخره تحله .. بما فيه اسئله العلل كلها ان شالله تكون 100 سؤال .. حتى لو فى اكتر من سؤال ليهم نفس الاجابه .. اكتب الاجابه ف كل مرة من اول و جديد .. خد بالك الحاجات دى تتحل تحريري عشان فى ناس بتحلها شفوى .. لا لازم بالكتابة .. و تمسك بقى كل الاسئله حتى لو كانت معاقه او غبية برضه حاول فيها .. و بص ف ملحق الاجابات مش عيب .. بس لو مثلا انت راجعت اسئلة الاختياري من الملحق بعد ما حلتها كلها و لقيت عندك كام واحده غاط تعمل ايه .. تحط علامة ع السؤال الغلط دة و تعديه .. لحد ما تخلص مراجعه اجابات الاختياري كله .. تمسك بقى الاسئلة اللى انت حليتها غلط دى و تقرا سؤال سؤال تانى و تشوف .. هل انت مثلا قريت السؤال اول مرة غلط .. او عينك خدعتك ..تقوم مصلحه على طول و تتاكد انك صلحته للاجابة الصح .. طب لا شايف ان الاجابة اللى انت عاملها دى هى الصح و مش شايف فيها حاجة غلط .. تشوف بقى من الملحق ايه الاجابه اللى هو مجاوبها و تفتح كتاب الشرح ع الجزئية اللى فيها السؤال دة و تدور على الاجابه .. لقيتها و اقتنعت انها فعلا صح و انك غلط .. يبقى اديك اتعلمت نقطة مهمة مكنتش واخد بالك منها .. مالقتهاش و مش مقتنع بالاجابة اللى ف الملحق دى تنقل السؤال ف ورقه و تروح توديه للمستر و تفهم منه ليه السؤال متجاوب كده .. اووووووعى تطنش اى اسئله من النوع ده .. بمجرد ما تخلص التمرين كله هتلاقي نفسك ايديك اتكسرت من الكتابه طبعااا :) بس معلش .. هتلاقى ف الاخر ان الجزء اللى انت ذاكرته انت كتبته بايدك يجى ستيييين مرة .. و دة هيساعدك ع الحفظ و تثبيت المعلومة ..و بس كده كتب الكيميا اللى انا جربتها .. الامتحان " لا يعلى عليه طبعا" .. و مندليف " شغال يعنى مش وحش ".. و الوسام " كبر دماغك من الشرح اللى فيه عشان ساعات بيزود حاجات من عنده .. ادخل على الاسئله على طول اسفه ع الاطاله :) |
اقتباس:
شكرااااااااااااااااا جزيلاااااااااااااا حضرتك أنا متبعك دايما وربنا يخليكى لينا :) طيب حضرتك فى الفيزياء بيبقى فى أفكار جديدة وأنا مش عارف أيه الكتاب اللى فيه الأفكار دى لو حضرتك ممكن تفيدينى وشكرااااااااااااااااا :078111rg3: |
اقتباس:
بص كتاب الامتحان فيه معظم الافكار تقريبا ان مكنش كلها .. بقيتها ممكن تلاقى شوية مثلا ف كتاب الوسام الاصفر .. لان كتاب الوسام الاصفر ده مساااائل بس ف بيبقى فيه كم كبيييير من المسائل .. بص عموما .. افكار الفيزيا هتتلم بكترة الحل على مدار السنة .. يعنى ماتمسكش مثلا الدرس تحل عليه من كل الكتب ف اسبوع واحد .. و تقعد باقى الشهر ما تعبرش الدرس دة لانك كدة خلاص حليت كل اللى عليه .. لا .. المفروض انك مثلا اخدت درس النهاردة .. تثبت كتاب معين " الامتحان مثلا " دة تبقى بتحله اول باول ورا المدرس.. تمسك كل تمرين تحله للاخر .. و بعدين تستنى 3 او 4 ايام كدة و تحل مثلا بتاع صفحة من كتاب الوسام ده مثلا من المسائل .. و بعدين يومين تلاتة كمان و تاخدلك كمان صفحة .. و هكذا لحد ما تخلص التمرين .. هتلاقى نفسك فى الدرس انت ممكن تكون عديت الدرس ده بمراااحل .. عادى .. تكمل على كدة و تبقى منك بتذاكر و تحل الجديد اول باول .. و منك بتراجع على القديم ;) |
تاااابع الجيـــولـــوجـــيــــا
دلوقتى هحطلكو كلام Donia sayed اللى جابت 50 جيولوجيا السنة اللى فاتت .. هى دلوقتى داخلة ان شاء الله سياسةو اقتصاد .. ادعوووولها بقى - اول حاجة بالنسبة للكتب .. هى قالت انها بتفضل كتاب الامتحان .. تجيبوه من اول السنة و معاه الملحق بتاعه .. الملحق ده فيه اسئله علل و بم تفسر و ما النتائج و الكلام ده .. و على حد كلامها ان اسئله امتحان اخر السنة جت من الملحق ده بالنص .. هى مكنتش بتفتح ملازم المدرسين بتوعها خاااالص .. بالرغم من ان المدرسين كانو بيقولوهم يذاكرو من الملازم .. لكنها كانت معتمده على كتاب الامتحان شرح ده .. و ف اخر السنة بعد ما خلصت المنهج .. جابت كتاب اسمه كشكول الاول فيه اسئله على كل باب .. و معاه كتاب منفصل كدة اللى هو بتاع الامتحانات ... * ملحوظة : لما سالتها ان فى ناس بتقول ان كشكول الاول ده وحش و ان اسئلته عقيمة و كدة " زى ما Salma mohamed قالت " .. قالتلى لا لالالالالالا خاااالص و انه كويس جدااااا .. كدة الاتنين اختلفو ف نقطة كشكول الاول دى :) - تانى حاجة بتقولكو انكو لازم تتعودو ع الحل الكتييير لان الجيولوجيا بتتنسي بسرعه - بعدين .. عن طريقة المذاكرة بقى .. قالتلى لو هم مثلا اخدو الدرس يوم السبت .. تفضلو تقروا الدرس ده على مدار الاسبوع لحد ما توصلو لوقت الدرس تانى " اللى هو السبت اللى بعده يعنى :) " .. لان الجيولوجيا مش سهل انها تتحفظ او تتفهم بسهوله من اول مرة .. ف انتو بقى تقسمو الدرس دة بحيث انكو تاخدوه على مدار الاسبوع - لما سالتها عن كتاب المدرسة .. قالتلى ان كتاب الامتحان بيبقى فيه كل حاااجة .. بس بتلفت نظركو لحاجة .. ان هى مثلا ملازم المدرسين دى مكنتش بتفتحها و لسه عندها اكنها جديدة .. و كانت معتمده على كتاب الامتحان زى ما قلنا .. لكن صاحبتها مثلا كانت مابتفتحش كتاب الامتحان دة و كانت معتمده على الملازم .. ف دى حاجة ترجع للراحه النفسية " بمعنى انكو نقوالمصدر اللى يريحكو ف المذاكرة .. بشرط ان تكون معلوماته كلها كاملة و مايكونش موقع حاجة كدة و لا كدة - سالتها ان ازاى انتو ماتدوش للجيولوجيا وقت كبيير ف المذاكرة و ف نفس الوقت تلموها لان انتو عندكو مواد كتير و زحمة و كدة .. ف ايه الطريقة المثاليه يعنى للمذاكرة .. قالتلى انها كانت بتذاكرها يوم واحد بس ف الاسبوع .. و مستواها فيها مكنش كويس خااالص طول السنة .. و لمستر بتاعها كتييير كان بيعمل امتحانات بس هى مكنتش بتروح .. اللى انجز معاها الموضوع ايه بقى .. انها جت اخر شهر بالظبط و مكنتش عارفة تلم المنهج .. ف كانت بتعمل ايه ..تجيب امتحان مثلا 2012 .. و تشوف سؤال سؤال فيه .. و تشوف الاجابة بتاعته بس مش من ملحق الاجابات .. لاا .. من المصدر اللى ذاكرت منهف الاول خاااالص " اللى هو كتاب الشرح " .. لانه هو دة اللى متخزن ف الذاكرة .. و تحفظ الاجابة دى تانى من اول و جديد .. و هكذا ف السؤال التانى و التالت و الرابع .. لحد ما تخلص الامتحان .. و لو معاها وقت بتدخل على الامتحان اللى بعده تعمل فيه نفس الكلام .. و بعدكدة تجيب كشكول فاضى و تحل فيه اللى هى حفظته ده .. " يعنى هى مثلا حفظت بتاع 5 اسئلة علل .. تكتبهم ف الكشكول ده اكنهاا بتسمع لنفسها تانى .. و هكذا ف كل الاسئله " ... و بتقولوكو ان الاسئلة مكررة ف الامتحانات .. ف بمجرد انك تجاوب على سؤال ف الامتحان هتلاقى نفسك بتكتب الاجابة من نفسك لما يتكرر ف الامتحان اللى بعده .. مش هتضطر تحفظ تانى يعنى - شددت على نقطة مهمة اووووى بقى .. انكو ماتغيروش المصدر اللى بتذاكرو منه .. يعنى اللى تبداوا فيه ف اول السنة هو اللى تشتغلو منه ف المراجعه و ف كل وقت - بتقولكو لو هتذاكرو من كتاب الامتحان يبقى لازم تحلو الملحق بتاعه بتاع الاسئله .. لان الاسئلة بتيجي منه ف الامتحان بالنص " على حد حلفانها :) " .. و حتى لو هتذاكرو من ملازم المدرس او من اى مصدر .. برضه لازم تحلو الملحق بتاع الامتحان ده - لما سالتها على اسلوب الاجابة ف امتحان اخر السنة .. يعنى لازم تحفظو صم الاجابات بالنص و لا ممكن تعبرو باسلوبكو .. قالتلى لا ان المدرس قالهم انهم لو هيحفظو مش هيعرفو يحلو كلمه ف الامتحان .. لكن هم المفروض يفهمو و بعدين يحفظو .. لان الامتحان بيجى منه فهم و منه حفظ .. و الفهم كمان ساعات بيكون اكتر .. بس برضه لازم تراعو انكو حتى لو هتكتبو بطريقتكو لازم ماتبقوش نشاذ عن الكتاب خاالص .. لازم تكتبو المضمون يعنى بتاع الاجابة - هى كمان كانت بتعمل حاجة حلوة .. انها بتعمل مذكرات ليها هى خاصة بيها .. مكتوب فيها التعريفات زى ما هى فاهماها .. عشان لما تحب تراجع ماتضطرش تحفظ تانى - شددت اووى على نقطة الحل الكتيييير - كمان بتديكو نصيحة حلوة .. انكو ما تيأسوش من المادة من اول و لا تانى حصة .. لانها ماده جديدة عليكو خاااالص .. شم زى مثلا الفيزيا و الاحياء و الكلام ده اللى انتو اخدتو عنه فكرة ف اولى و تانية ثانوى - بتقولوكو ان بالمذاكرة الكتير و القراية الكتير هتلاقوها سهله ان شاء الله :d كدة خلاااااااص ..دة كل اللى هى قالتهولى .. شوفو بقى لو حد عنده اسئله تانى يقولها و انا هسالها وابلغكو .. يا ربيكون الموضوع افدكو و حللكو مشكلة كنتو عاملينها ازمة :) ربنا يعينكو انشاء الله و يحققلكو امانيكو :d |
اقتباس:
شكراااا جداا على المعلومات ديه، بس كنت عايز أسأل سؤال، هى الجيلوجيا فيه إنجليش و فيه عربى ؟ أصل أنا لغات و فيه صحابى بيقولوى إننا هناخدها إنجليش |
انا دخلت عشان حبيت اشكرك على مجهودك معانا و نصايحك بجد ربنا يوفقك و تبقى معيده فى الجامعه
انا السنادى للاسف مش هقدر اخد دروس عشان ظروفى الماديه مش كويسه كده انا مش هعرف اجيب مجموع كويس ؟! وكمان كلامك عن فايده الدروس الخصوصيه قلقنى جامد بصراحه :) و حكاية تصحيح الامتحان و ازاى اجاوب كده انا مش هعرفها |
اقتباس:
ليه مابصتش انك هتتجنب العيوب اللى انا قولتها ؟؟ ليه مابصتش للعضوة اللى مكنتش بتاخد دروس و تفوقت على نفسها و قدرت تحقق حلمها ؟؟ .. :) انت ممكن من نفس المشاركة بتاعت السؤال دى تستفيد من الطريقه اللى العضوة سالت انها ناويه تعملها ان كانت صح و لا لا .. دى طريقه ممتازة جداااا على فكرة .. بص بقى .. انا قلت كتييييير قبل كده ان الثانويه العامة دى نصيييييب و توفيق من ربنا من الدرجة الاولى .. يعنى على اد اجتهادك هتلاااقي و الله .. لا المقياس فيها هو انت بتاخد دروس و لا لا .. و لو بتاخد ف بتاخد مع فلان و لا علان .. مش ده المقياس .. المقياس شغلك انت و اجتهادك و تعبك .. ردى على العضوة دى بانها تاخد دروس كان من باب الاخذ بالاسباب .. لانها مخيرة .. ممكن تاخد و ممكن ماتاخدش .. ف من الاخذ بالاسباب انها تاخد عشان تحقق المنافع اللى قلتها دى .. لكن انت وضعك مختلف .. انت مجبر انك ماتاخددهاش فاكيييييييد انا واثقه انك لو عملت اللى عليك و اجتهدت هتحقق اللى بتتمناه كله و هتجيب اللى انت عايزه .. بصو يا شباب .. انا قلت قبل كده .. توفيق ربنا ده هتحسو بيه جوة اللجنه و انتو بتكتبو .. انت قلقان تنك مش هتبقى عارف ايه اسلوب الاجابه النموذجيه .. بس لو ربنا وفقك زى ما بقلك هتلاقي نفسك انت بتكتب الاجابه النموذجيه دى من نفسك .. من غير ما تكون بتكتبها و انت عارف ان هو دة المطلوب .. لاا .. انت بتكتبها عشان دى المعلومات اللى انت عارفها و دى الصياغه اللى لقيت نفسك بتكتبها جوة اللجنة .. ممكن تلاقي نفسك بتراعى حاجات و انت بترسم مثلا او بتكتب الاجابات ف الامتحان عشان انت متعود تعملها كده .. عااااادى يعنى .. انت اصلا ماتعرفش هى نموذجيه و لا لا .. هو دة توفيق ربنا اللى انا بكلمك عليه . هو ده اللى انت محتاجه اكتر من الدروس .. انا و الله العظيم اعرف ناس شاطرة و مجتهده و كل حاجة .. و اخدو دروس و ذاكرو و كل حاجة .. بس دخلو جوة اللجنة نسيو كل حاجة .. و دماغهم وقفت عن التفكير .. ده ليه ؟؟ .. لان ربنا ماوفقهمش ف اللحظة دى .. انا عندى واحده صحبتى جايبة 25 من 25 ف الاقتصاد .. و 9 من 25 ف الاحصا !!!! مع ان الاتنين امتحناهم ف نفس اليوم و الاتنين كانت مدتهم ساعه و نص .. بس ربنا وفقها ف ماده و ماوفقهاش ف التانيه .. فهمتو ؟؟ دورو على توفيق ربنا و اتعبو و اخلصو ف الاجتهاد .. و خدو بكل الاسباب و ماتسيبوش طريق الا لما تمشو فيه .. توفيق ربنا هو اللى هيوصلكو للى بتتمنوه .. و ربنا اعدل من انه يوفق حد ماتعبش .. و ارحم من انه مايوفقش حد اجتهد و تعب و عمل كل اللى يقدر عليه .. خد بالك من " يقدر عليه" دى ..:) اعمل اللى تقدر عليه كله و سيب النتائج على ربنا :) .. ربنا يوفقكو :) |
ربنا يوفقك يا دكتورة وبجد جزاكى الله خير على نصايحك الجامدة دى انا بدخل باستمرار وبتابعك
شدى حيلك بقى ف الكلية :) |
اقتباس:
بالنسبة لموضوع الحسد انا عن نفسى مش بخاف اقول لحد انا بذاكر او مبذاكرش بس ماما بتزن على دماغى مقولش لحد حاجه عن المذاكره واكدب وانا ضد انى اكدب انتى رايك ايه ؟ |
اقتباس:
ربنا يوفقكو انتو كمان و اشوفكو ف احسن حااااال باذن الله |
اقتباس:
بص هقولك على حاجة .. نفس الموضوع ده عندى و برضه من طرف ماما " الامهات كلهم واااااحد :cool: " الحسد مذكور ف القران و محدش يقدر ينكر وجوده او يتجاهله .. لكن الكدب ده اثم و ذنب كبيييييييير اووى .. ماتتعودش تبقى كداب و خبيث و لا تتعود تبقى طيب اووووى و على نياتك و تقول كل حاجة .. خليك ف الوسط .. اسلامنا دين الوسطية .. بمعنى ان لو حد سالك انت بتذاكر و لا ايه ؟؟ قول ااه الحمد لله .. لو حد قالك عامل ايه ف المذاكرة قول الحمد لله ماشي الحال .. ما تقولش ده انا بحل من كتاب كذا و كذا و كذا .. و هشتري كذا و بعمل كذا عشان تبقى كدة مابتكدبش و بتقول الحقيقة .. لو حد قعد يشكيلك و يقولك ده انا مش فاهم كذا و كذا واقع منى و مش عارف ايه .. قوله و الله كلنا تعبانين بس هنعمل ايه .. ربنا يعينا .. ماتقعدش تقول دة انا هضيع و مش عارف ايه عشان ماتتحسدش .. فاهم ازاى .. رد بالاجابات اللى لا تبقى بتتخابث بيها على الناس و تكدب .. و لا باللى تكشف بيها كل ورقك قدام كل الناس و تعرض نفسك للحسد .. لا تقول اه ده انا بعمل و بعمل و بعمل .. و لا تقول لا ده انا ضايع و مابعملش و مش عارف ايه .. بس لازم تاخد بالك من نقطة مهمة اووووووى .. اوعى اوعى اوعى حد يسالك على حاجة و ماتجاوبوش .. او تقوله معرفش و انت عارف .. او تكون قادر تساعده و تبخل بالمساعده .. اووووووعى .. بص لربنا ف كل تعاملاتك .. و خد نية انك بتفرج كربة مؤمن ف الدنيا .. عشان ربنا يفرج عنك كرباتك يوم القيامة و ف الدنيا كمان .. و حط حاجة ف دماااغك كويس اوووعى .. انت لازم تخاف من ربنا اكتر ما تخاف من الناس .. يعنى ماينفعش تكدب عشان خايف فلان يحسدك ..كانك خايف من شر فلان ده اكتر من خوفك من ربنا و غضبه عليك لانك بترتكب اثم كبيييير عند ربنا .. و حط ف دماغك .. ان ربنا هو اللى قادر انه يحفظ و يحميك من شر الحسد .. و انه يشغل اللى ممكن يحسدك دة بنفسه و يبعده عنك .. يبقى انت لازم تتقى ربنا و تخشاه اكتر من البشر .. لان هو بس اللى هيسلمك من كل مكروه .. عامل ربنا بس ماتعاملش الناس :rolleyes: ربنا يحففظكو و يعينكو :cool: |
اقتباس:
لكن انا اظن برضه انها بالعربي بس مفيش فيها انجلش بس برضه هحاول اتاكدلك تانى :) |
لو عندكم اى اسئلة تعالوا هنا https://www.facebook.com/groups/148656128660435/
لن ندع سؤالاً _ ان شاء الله _ الا ونساعد صاحبه ^__^ |
سؤال بس كده
انا لما بقراء تجارب الناس زي مبيكتبوها كده بسم الله ما شاء الله يعني عليهم بحس اني مش هقدر اعمل كده واني مش هخش الي انا عايزه و اني مش هحقق حلمي يعني الناس الي كانت بتذاكر مثلا في كتب كذا وكذا وكذا وكذا .. وانا يدوب بخلص كتاب الامتحان الواحد بيحبط .. نعمل ايه |
اقتباس:
لان الاحباط معناه عدم الثقة ف ربنا .. يعنى انا اه واااثق ف ربنا و كل حاجة بس خاايف .. انا واثق ف ربنا بس قلقان .. بس ممكن مانجحش .. ال " بس " دى هى اللى هتدمر ثقتك ف ربنا .. لحد ما توصل " بعد الشر " لحد ان ثقتك دى تتشال و ماتبقاش شايف قدامك غير خوفك و قلقك و بس .. احنا كلنااااا كنا زيك و يمكن العن .. كلنا كنا بنتحرك و احنا عندنا دايما ذرة شك ف اننا ممكن نكون بنتحرك ف الطريق الغلط .. بس ايماننا بان ربنا مابيسبش عبيده و مابيخذلش عبد مدله ايده خلانا نتغلب على كل ده لحد ما وصلنا للى احنا فيه دة بفضل ربنا.. بص هقولك على حاجة شخصية اوووى .. انا عندى من 6 ابتدائي واحده صحبتى اوووى .. دخلت بيتها و دخلت بيتي و كنا سوا ف المدرسة ف اعدادى .. و حتى لما ف ثانوى انا كنت ف مدرسة و هى ف مدرسة فضلت علاقتنا ببعض قووووية جداا الحمد لله .. و مازلنا .. انا من زمان و انا مابخدش دروس " ما اخدتهاش غير ف ثانويه عامة " لكن هى كانت بتاخد عادى ف اعدادى .. انا من زمان و انا بحب اجيب كتابين و تلاتة ف المادة .. لكن هى لا كتاب واحد كفاية بس اخلصه .. لما طلعنا ثانوية عامة .. انا كنت بعمل اللى انا متعودة عليه ف حوار المذاكرة و الكتب و الكلام ده و هى برضه كانت بتعمل اللى هى متعودة عليه .. انا كنت باخد الدروس ف البيت لوحدى .. لكن هى كانت بتنزل السناتر و بتتبهدل و تقعد ف وسط 30 ..40 طالب .. انا طوووول اليوم قاعده ف البيت حياتى متلخصه ف المذاكرة .. لكن هى نزول و طلوع الدروس بيديها متنفس شوية .. تروح تشتري حاجة تعمل حاجة .. كدة يعنى طول عمرنا كنت انا مثلا اطلع الاولى و هى التانية .. انا الاولى و هى التالتة .. كدة يعنى .. الفروق ما بينا بتكون بسيطة جدااا .. عمرها ما تعدت الدرجة او النص درجة لما كنت اقعد مع نفسي كدة .. و اقول يا ترى ايه الفرق بيني و بينها .. كنت اقول انا مجتهده و بتعب احسن منها .. لكن هى بتحصل و تفهم اسرع منى و احسن منى ذكاء .. لاناللى انا بوصلهمن الحل ف 3 كتب هى بتوصله من الحل ف كتاب واحد .. اللى انا بحصله ف يوم كامل من غير دروس هى ممكن تحصله ف يوم نزلت فيه الدرس و رجعت .. على فكرة البنوتة دى معايا ف الكلية ان شاء الله :av4056bb7jp3: و انا كنت اعلى منها بنص درجة بس :rolleyes: اللى انا عايزة اقولهولك من الكلامدة كله .. ان زى ما رديت على " هتلر " كده .. اجرى ورا توفيق ربنا .. ماتجريش ورا انى لازم اعمل كذا عشان فلان اللى دخل طب كان بيعمل كده .. و انا لازم اخد دروس مع المدرس الفلانى عشان فلان اللى دخل اسنان كان بياخد عنده .. لااااا .. اعرف حاجة .. تجربة كل شخص ف الثانوية العامة بالذات تختلف عن التانى حتى لو النتايج ف الاخير كانت واحدة .. يعنى ممكن اتنين دخلو طب ف الاخر .. بس واحد ماسبش كتاب ف السوق الا لما جابه و حله .. و التانى اشتغل من كتاب واحد بس و كان الله يحب المحسنين .. اعمل كل اللى انت تقدر عليه و بس .. ماتحملش نفسك فوق طاقتها .. لو انت مقدرتك انك تحل كتاب واحد بس حلوووو مفيش مشكلة .. حله بس بضميير و اتقان و تركيز .. ماتحملش نفسك عبء يمكن تكون مش قداه بانك تجيب 5 كتب تحل منها لمجرد ان فلان قال و علانعمل .. هات كتاب واحد و ركز جداااا ف المذاكرة فيه و اجتهد و ماتبخلش باى جهد هتبقى احسن من اللى جاب 5 كتب و حل ورقتين من الكتاب ده و سابه اوكروت ف الكتاب ده او مفتحش ده ... و نصيحة منى بقى ليكو كلكوووو .. ادخلو على الجروب بتاعنا بتاع السنة اللى فاتت هو لسه مثبت اهوو .. و اقرو كل كلامنا ..و شوفو احنا حالنا كان عامل ازاى من اول السنة لحد نهاية الامتحانات .. و اضحكو علينا بقى ;) .. زى ما هتضحكو على نفسكو السنة الجاية ان شاء الله لما تقروا كلامكو ده :022yb4: |
اقتباس:
و عرفت من هنا ف المنتدى .. فى قسم لمواد اللغات هتلاقيه ف الاخر خاااالص .. من ضمن المواد المكتوبه فيه هى ال geology .. ربنا يقويكو |
على العموم أنا لسه هبتدى الأسبوع الجاى، لما نشوف و فيه كتير قالولى إنها سهله جدااً، أنا مقلق من الفيزيا بس لأن سمعت إنها رخمه شويه، إنما الأحياء مبشره جداً الكيميا الجزء إلى بندرسو ده كلو مسائل الحمدلله مفيش حفظ معادلات ، الحمدلله أنا متفائل يعنى و على قد ما هتعب هجيب مجموع و إلى دخلو طب مش أحسن منى فى حاجه يعنى، أدعيلنا بقى |
[][]
اقتباس:
ربنا يقويكو و يحققلكو احلامكو كلها .. ابقو طمنونى عليكو :)[/indent][/indent] |
مساعدة ونصيحة
بصراحة الواحد مش عارف يقول لحضرتك ايه يادكتورة بجد نصايح حضرتك هايلة وربنا يجعلها فى ميزان حسناتك باذن الله ياررب ونشوفك دكتورة قد الدنيا بس بصراحة انا عندى مشكلة فى الفيزياء انا باخد فيها درس والمستر بصراحة شرحه 10/10 بس عندى حاجة كده مقلقانى جامد ومخليانى مش عارف اذاكر هى ان المستر بيشرح قدامنا فى ورق وبيقولنا نذاكر منه وبيدينا ملازم اسئلة وقالنا مش لازم نجيب كتب خارجية بس انا ماقتنعتش بكده وجبت كتاب الامتحان وذاكرت فصل التبريد من ورق المستر بس مستريحتلوش لانى قارنته بكتاب المدرسة فلقيته كاتب باسلوب مختلف عن الكتاب وفى بعض الحاجات مش كاتبها ومختصرها جامد ومش هعرف ازودها للورق لانى بصراحة مبحبش كده ومش هبقى مستريح لان الاسلوب اصلا مش عاجبنى ومقلقنى والكلام ده اتاكدلى اكتر لما جيت احل من كتاب الامتحان ولقيت الاجابات فى كتاب المدرسة اللى مستحيل طبعا اذاكر منه بصراحة بحسه كتاب شكله غريب فى حاجة غلط والامتحان مزود حاجات من عنده وكاتب شرح مطول لكنه ملتزم بالاسلوب بشكل كبير فانا مش عارف اعمل ايه واذاكر منين لانه لازم اثبت مصدر واحد للمذاكرة وبالشكل ده هوقع نفسى فى مشكلة هتبان فى المراجعة غير كده انا بصراحة عمرى ماذاكرت من ورق دروس دايما كنت بذاكر من الكتاب الخارجى فحكاية ورق الدروس مش مطمن لها لانى مجربتهاش قبل كده وخصوصا انى دى فيزياء يعنى مش اى حاجة الغلطة يعنى تساوى بره العلمية فياريت حد يصحنى اذاكر منين ولو فى اى كتب انا مستعد اشتريها بس هى ايه لانى بجد متوتر من حكاية الفيزياء ولحد دلوقتى مش عارف اذاكر منين ودخلنا فى الكهربية والمشكلة لسه موجودة وياريت بردو تنصحونى اذاكر الكيمياء منين من كتاب المدرسة ولا فى كتب خارجية كاتبه بنفس الاسلوب وبشكل اكتر تنظيم لانى جبت الامتحان اسئلة بس وعموما الكيمياء اسهل من الفيزياء نسبيا وكتاب المدرسة يفتح النفس للمذاكره مش زى كتاب الفيزياء فياريت اصحاب الخبرة يساعدونا فى الموضوع ده
|
اها صحبتى لابسة الاسدال من اولى اعدادى كنت بفكر البس ملحفة بس بتراجع كل مرة جيت في تالتة اعدادى انا وواحدة صحبتى كنا عاوزين نلبس نقاب وحتى جبته بس بابا مش رضى وعرفت دلوقتى ان بابا كان شايف اللى مش شيفاه كنت هتعب زى عبق الماضى في المدرسة والدروس وتبقى في مشاكل والحمد لله انا لبسى كويس يعنى جيب على تونيك طويل جيت في تانية ثانوى لبست خمار وروحت الدرس البنات الف مبروك وكدا جيت المدرسة طبعا لبسته في نص الترم وكانت بدلة مدرسة عادية بس كويسة كل اللى يكلمنى فين الخمار اقولهم لسة مش فصلت حاجة وكنت بصراحة ناوية اكمل بالبدلة لان المصاريف بتاعة الدروس مش مساعدة اقول لماما عايزة درل وخمار روحت قالعة الخمار مش عارفة اللى عملته صح ولا غلط بس حاسة نفسى الشيطان شغال زى الفل معايا رياء اقول انا احسن من دى - تانى حاجة خايفة يخدونى مثل للفتاة المحجبة وهمن علموا كدا وانا مكنتش مدية اهتمام لمذكرتى فانا عايزة ابقى مثل بجد للفتاة الملتزمة بدينها انا صحباتى اللى بيكونوا معايا في المدرسة وبقعد جنبهم وليا علاقة معاهم لابسين خمارات بس انا خايفة اخد القرار دا عشان زى مقولتلك وكمان الدروس بتدخلى كأنك حاجة جديدة كدا غريبة انا دلوقتى لما بروح الدروس عشان الوقت بلبس عباية واحدة هههههههههههههههه وطرحة صغيرة قولت هقرفهم السنة دى بس شوفتى حكايتى ربنا يهدى |
ازيك يا دكتورة انا دلوقت جبت كتاب الاضواء اهو بصراحة فى حتة المعانى هو ممتاز جدا بس خايف اتشتت ما بينه وبين مذكرة المستر الكل بيفضل المذاكرة من مصدر واحد بفكر اذاكر كله من الاضواء وبعد اماا اخلص مذاكره اشوف المذكرة لو فى معلومة مش موجودة فى الكتاب كدة واحل من كتاب الامتحان لان اسئلة الاضواء مش كويسة اوى مش عارف كدة هيكون صح ولا غلط :( :(
|
انا قريت كل النصايح يادكتورة
في بعض النقط عايزة اسألك عليها بس عشان جاية من درس فيزيا ومذكرتش هذاكر واجى اسألك اسئلة كتير كتير المهم انتى عاملة ايه ؟؟ وايه اخبار الكلية الجديدة ؟؟ شيفاكى بتنامى بدرى عشان تروحى ليه بدرى كدا الكلية انتحار دا ؟؟ ربنا يعينكوا والله ويعيننا ياااااااااارب |
بجد الف شكر ليكي يا دكتورة ,, تاعبينك معانا معلش بأه كان ليا طلب رخم كمان أولا ازاي كنتي بتزاكري العربي عمومام بفروعه كلها ومن كتاب واحد ولا اكثر يعني انا مثلا جبت الأضواء بذاكر منه النصوص وكل حجاة بس الأدب بذاكره من كتاب المدرسه لكن المشكلة ان كل ملخص بيكون فيه حاجة زيادة عن التاني فقررت اني اذاكر من اكتر من ملخص بس اصحابي رجعوا قالولي لازم تذاكري من حاجة واحدة عشان متبرجلش واتلخبط وكدا يعني وانا دلوقتي محتارة جدا ومش عارفة اعمل ايه فممكن تقوليلي كل فرع في العربي اذاكره ازاي ومن ايه ؟ مع الاخذ في الاعتبار ان المستر مش عاملنا ملزمة ولا اي حاجة يعني معتمدين ع الكتب الخارجية ثانيا :واستحمليني معلش الفيزياء والكيمياء والمواد ال بتحتاج حل دي انا بذاكر من مذكرات المستر وبحل ال الأسئلة فيها ومش عارفة اعمل ايه تاني مع العلم ان انا معايا كتاب الامتحان في المادتين بس مش عارفة احل مثلا كل ما اخد درس ولا استنى واحل شوية كتير على بعض ولا ايه ؟ وكتر الف خيرك والله بدعيلك من كل قلبي ان ربنا يوفقك دايما لانك تستاهلي بجد |
اقتباس:
شوف يا سيدى .. مشكلة الفيزيا دى مشكلة كبيرة و مهمة بجد و انا كنت بنبهكو منها على طوووول ف اكتر من مشاركة .. ف برافو عليك بجد انك اكتشفتها على طول كدة .. هقولك على رأى الله اعلم ان كان صح و لا لا .. المدرس دة يتهيالى بلاش تكمل معاه مهما كنت شايفه شاطر .. هو ممكن يكون فعلا فاهم مادته و بيعرضها بطريقه مبسطة و لذيذة بالنسبة لك و الماده العلمية عنده كووووويسة جدداااا من كلامك عليه .. بس اللى واضح كدة انه ينقصه عامل الخبرة .. و على فكرة دى حاجة مهمة جدااا .. دة بدليل انه بيشرحلكو من ورق جوة الحصة .. يعنى لو افترضنا مثلا انه كان ف يوم تعبان او مش مركز و فى نقطة و لو صغيرة نسي ينبهكو ليها .. لو حد من زمايلك مش متابع زيك من كتاب المدرسة او غيره مش هياخد باله من ان النقطة دى ماتقالتش .. و يمكن مايكتشفش ان النقطة دى ف المنهج اصلا الا ف الامتحان.. الدليل على كدة كمان انه قالكو ماتجيبوش كتب خارجية .. بالعكس بقى .. الفيزيا بالذااات محتاجة انك تحل من كل المصادر الممكنة و كل المسائل الممكنة المنطقى منها و المش منطقى .. مش يقولوكو خليكو ف الملزمة و خلاص .. و الدليل الاوضح على كدة بقى هو فكرة ان الكلام مختصر و مش كامل ف الملزمة و الاسلوب مختلف عن كتاب المدرسة .. انا معرفش هو بينزل تصحيح و لا لا .. بس اظن كدة انه مابينزلش .. لانه لو كان بينزل كان عرف اد ايه بيتلككو ف التصحيح على اى حاااجة مش مطابقة لكتاب المدرسة .. رأيي الشخصى انك تحاول تجرب مدرس تانى و لو على سبيل التجربة من غير ما تسيب المدرس ده .. يمكن المشكلة دى تتحل .. اما عن تذاكر منين ف اديني شوية كدة بس هنزلك ملزمة كنت محملاها من هنا ف المنتدى كانت حلووووووة جدددددااااا .. منظمة و مرتبة و زى الفل .. و مطااااابقة لكتاب المدرسة حتى نفس الاسلوب .. لو مش كدة يبقى كتاب الامتحان هو افضل خيار بالنسبة لك مدام انت قافل من كتاب المدرسة كدة :) .. اما عن الكيميا .. لو ملزمة مدرسك مش مريحاك شوف كتاب المدرسة .. انت بتقول اهوو ان حاله افضل شوية من كتاب الفيزيا ربنا يقويكو و اسفه على التاخير ف الرد :) |
اقتباس:
عشان مانخرجش من موضوع التوبيك هنا .. هنبقى نتكلم سواا ان شاء الله ف الموضوع ده ف اى حتة تانية .. لو عندك فيس تمام .. معندكيش يبقى نتكلم هنا ان شاء الله على الرسايل او باى وسيلة تانية .. بس لااازم نتكلم باذن الله :) |
اقتباس:
لو انت قلقان لحسن يكون فى حاجة ف الملزمةمش موجودة ف الاضواء ممكن تعمل زى ما قلنا بالنسبة لكتاب المدرسة .. قبل ما تبدا مثلا تحفظ المعانى تمسك الملزمة تشوف المعانى دى موجودة كلها ف الاضواء و لا لا .. بالجمع و المفرد و المضاد و كله .. مش هتاخد معاك اكتر من 10 دقايق ان شاء الله .. تتاكد ان كل حاجة موجودة و بعدين تمسك المعانى دى كلها تحفظها مرة واحده ... بلاش انك تحفظ الاول و بعدين تكمل الناقص .. لان كدة الناقص ده مش هيتحفظ .. كمل الناقص الاول و احفظ مرة واحدة .. كذلك ف المذاكرة نفسها .. يعنى لو لقيت مثلا فى مظاهر جمال او ملاحظات موجودة ف الملزمة مش موجودة ف الاضواء .. زودها انت ف الاضواء .. بحيث ان الاضواء دة يبقى فى كل المعلومات اللى موجودة ف كل المصادر اللى عندك .. انا و الله لو كان ينفع اصورلكوكتاب الفيزيا بتاع المراجعه النهائية بتاعى شكله كان عامل ازاى من كتر الورق اللى كنت مدبساه فيه عشان بزود الحاجات الناقصه .. هتضحكو على منظره و الله :) امابالنسبة للحل فبرااحتك طبعااا .. حل من الكتاب اللى يعجبك .. مفيهاش مشكلة دى.. المذاكرة بس هى اللى لازم تبقى من مكان واحد :) ربنا يوفقكو :) |
اقتباس:
انا كويسة الحمد لله .. و الكليه كويسة الحمد لله بس اتبهدلت فيها اليومين اللى فاتو دول :) ههههههه ..لا مش انتحار دة انا كنت بروح عشان التقديم .. كان لسه فاتح يوم الاحد اللى فات دة :) ياااااارب يعينا لحسن ده احنا داخلين على ايام بمبي :) |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
اقتباس:
بصى يا ستى .. بالنسبة للعربيف انا كنت بذاكر القراءة و النصوص و القصة من الاضواء .. عشان هو حاطط الدروس زى ما هى فكتاب المدرسة .. البلاغه و النحو كنت بقضيها حل من اى حتة .. لانك معندكيش منهج جديد السنة دى ف الاتنين .. هو درس واحد بس جديد ف البلاغه اسمه التجربة الشعرية .. غير كدة مفييش .. الادب .. زىما قلتلك قبل كدة كنت بذاكره من المذكرة بتاعت المستر لانه كان عاملهولنا على هيئة سؤال و جواب فده كان اسهل بالنسبة لى .. اما بما ان انتى معندكيش ملزمة كدة ف فى حل من الاتنين .. يا اما تمسكى كتاب المدرسة تذاكرى الادب منه بطريقة السؤال و الجواب دى بس انتى تعمليها لنفسك ..بمعنى ايه .. تجيبي مثلا كتاب زى الامتحان لو عندك او اى كتاب فيه اسئلة .. و تمسكى الاسئلة اللى على كل درس ادب .. تكتبي السؤال ف نوتة مثلا او كراسة خاصه بيكي .. و تحاولى تطلعى الاجابه بتاعته من كتاب المدرسة .. بعد ما تعملى كدة ف كل الاسئلة اللى عندك .. و تكونى كتبتى تقريبا الدرس كله ف صورة اجابات على الاسئلة دى و ماعدتيش حاجة فيه الا ما كتابتبيها .. تمسكى بقى اللى انتى كتبتيه ده تذاكريه او تحفظيه ..و تبقى تحلى نفس الاسئلة دى تانى من الكتاب كانك اول مرة تحليها عااادى .. بس دة مشكلته الوحيده انه هيستهلك منك وقت كبييييير جداااا .. الحل التانى بقى انك تدورى هنا ف المنتدى على ملزمة تكون ملخصالك الادب بالطريقة دى او حتى على شكل نقط سهل مذاكرتها و تنزليها و تطبعيها و تبقى تذاكرى منها " بس طبعااااااا تقارنيها الاول بكتاب المدرسة عشان تتاكدى ان كل حاجة موجوده ;) " لكن صحابك كانو صح ف فكرة انك توحدى مصدر المذاكرة .. حاولى تخلى كتاب واحد بس هو اللى انتى بتبصي فيه .. لسبب بسيط .. على اخر السنة كدة ان شاء الله .. لما تلاقى سؤال قدامك هتفتكرى شكل الصفحة اللى اجابته فيها .. هتحسي ان كأن الصفحة محطوطة قدام عينك و انتى شايفة الاجابة و بتقريها ..دة مش هيحصل الا اذاكنتى بتذاكرى من مصدر واحد بس هو اللى عينك حفظته .. جمعى كل المعلومات اللى محتااجاها ف كتاب واحد و ذاكريها على بعضها مرة واحدة .. حتى دة يبقى اسهلك لما تحبي ترجعى لمعلومة مرة تانية و لا حاجة .. مش هتضطرى تبصى ف كل الكتب و تدوخى على ماتلاقيها .. زى ما قلت انا كنت بكتب الحاجات الزياده ف ورق و ادبسه الكتاب مكان الدرس اللى المعلومات دى خاصه بيه .. بالنسبة بقى لمشكلة ان كل كتاب بيبقى مزود حاجة من عنده .. انتى امسكى كتاب المدرسةشوفى الكلام دة موجود فيه و لا لا .. موجود كان بها مش موجود اقريه بس مش اكتر من كدة .. اهو من باب حب الاستطلاع مش اكتر .. لكن ماتلزميش نفسك بحاجة غير الموجودة ف كتاب المدرسة .. كل كتاب بيحب يحط التاتش بتاعه .. عشان يعنىيبقى عنده معلومة مش موجوده ف باقى الكتب .. و احنا اللى بنشرب ف الاخر .. سييييييبك من ده كله و خليكي ف كتاب المدرسة و دليل التقويم بعد كدة .. هم دول اللى اجابات الامتحان بتيجي منهم .. و لو واضع الامتحان حب يحط حاجة من برة بتتشال ف التصحيح و بتلاقى ستين واحد ماسك ف رقبته .. اما بالنسبة للكيميا و الفيزيا .. ف انتى ذاكرى عادى من المكان اللى تحبيه مدام مطابق لكتاب المدرسة زى ما قلنا .. بس حلى من كل المصادر الممكنة .. يعنى مثلا خلى كتاب الامتحان ثااااابت معاكى داااااايما .. اول باول ورا المدرس تحلى فيه .. هو مقسم الدروس كمان ف دة هيساعدك اكتر .. اول ما تاخدى اى درس تذاكريه و تحلى كل الاسئلة اللى عليه من كتاب الامتحان .. اى كتاب تانى بقى هو اللى ممكن تخليه للمراجعه .. يعنى مثلا المدرس جه ف مرة يقولوكو انا هعملكو امتحان شامل من اول المنهج .. تقومى انتى لما تراجعى من اول المنهج تحلى ف الكتاب التانى دة عشان تفتكرى كل الجزئيات .. مثلا فى حتة ف الكيميا حاسة انك مش متمكنة منها اوووى او بتتوهى فيها .. تقومى بعد ما تخلصى كتاب الامتحان تمسكى الكتاب التانى دة تحلى الاسئلة بتاعته على الجزئية دى .. بس ضروووووري تثبتى كتاب اول باول ورا المدرس .. لان هو دة اللى هيثبتلك المعلومات اللى ذاكرتيها اول مرة .. و انا عن نفسي ارشحلك كتاب الامتحان ف ال3 مواد " كيميا فيزيا احياء " اى حااجة تانى انا تحت امرك :) .. كفاية عليا الدعوتين الحلوين دول :) |
اقتباس:
|
اقتباس:
|
اقتباس:
|
اقتباس:
|
اقتباس:
ربنا معاك :rolleyes: |
اقتباس:
http://www.thanwya.com/vb/showthread.php?t=291299 .. شوف كدة دة ف الفيزيا .. قارن بكتاب المدرسة عندك لو هو هو اتوكل على الله و ذاكر منه و حل كمان .. ان شاء الله يعجبك |
اقتباس:
|
اقتباس:
شوفى اللينكات دى كدة و قارنيها بالكلام الموجود ف كتاب المدرسة لانى مش فاكرة اوى صراحة .. اللى تلاقيه مطابق لكتاب المدرسه اطبعيه و ذاكرى منه ;) http://www.thanwya.com/vb/showthread.php?t=237106 http://www.thanwya.com/vb/showthread.php?t=237796 ..اظن ده احسن من اللى فوق :) و لو مفيش حاجة من دول عجبتك ادخلى على قسم الادب هنا ف المنتدى و دورى بقى .. و اللى تلاقيه مطابق بلكتاب المدرسة الى حد كبير نزليه و اطبعيه و اتكلى على الله :) |
منورانا يا دكتورة :)
وانتوا يا جماعة إيه اخباركوا ف المزاكرة واقفين لحد فين ف الدروس وجبتوا كتب إيه انا جبت الكتب دى قولولى ايه رأيكوا أجيب حاجة كمان ولا إيه العربى الأضواء والامتحان الانجليزى سنيور وسربرايز وذا بست الفرنساوى برافو الاحياء الامتحان الكيميا الامتحان والوسام ومندليف الفيزيا الامتحان والوسام ونيوتن |
دكتورة عندى استفسار كدا
انا دلوقتى ف الانجليزى جبت 3 كتب سنيور وسربرايز وذا بست ولسا هجيب جيم وتوب ستيودنت كدا هيكون معايا خمس كتب واحنا ف الدرس بنحل من سنيور أنظم الحل بتاعى بين الأربعة الباقيين ازاى يعنى مثلا لما ازاكر كل واحدة احل عليها من لأربع كتب ولا إيه النظام |
اقتباس:
والله يادكتورة الواحد مش عارف يقول لحضرتك ايه بجد حضرتك مسيبتيش حاجة الا وشرحتيها ومفيش مشكلة الا وحلتيها وباذن الله ربنا هيكرمك ويوفقك فى كليتك الجديدة ويجعل الاشياء ديه فى ميزان حسناتك لانك بصراحة تستاهلى كل خير ومفيش حد طلب حاجة ومساعدتهوش وانا باذن الله هاخد بكلام حضرتك وهحاول اجرب مدرس تانى ومش هخرج من المدرس الاول لحد ماقتنع بواحد غيره وحتة الخبرة وانه مبينزلش تصحيح ديه ممكن يكون كلام حضرتك صح بنسبة كبيرة اينعم المدرس باين سنه كبير بس ده مش شرط ومش عارف اشكر حضرتك ازاى نبهتينى لحاجة زى ديه فانا ان شاء الله هذاكر من الملازم اللى حضرتك نزلتيها لانها كويسة جدا وملتزمة بكتاب المدرسة لحد ما الوضع يتغير ولو متغيرش هلتزم بيها لانها فعلا ممتازة بس ساعتها ممكن يبقى فى مشكلة انى هكتب باسلوب الملازم اللى انا بذاكر منها وساعتها المستر هيعرف انى مش بذاكر من ورقه وممكن يطالبنى انى التزم باللى هو بيكتبه بس ربنا يسهل باذن الله والاقى مدرس احسن اما الكيمياء لسه مشوفتش ملازم المستر بس حاسس انها هتكون كويسة لان المستر بيلتزم بكلام كتاب المدرسة وهو بيشرح واكيد هيلتزم بكده فى ملازمه فان شاء الله مفيهاش مشكلة ولعله خير ان شاء الله وبجد بجد ربنا يقويكى علينا ويجعل ده فى ميزان حسناتك يارررررررررب |
| جميع الأوقات بتوقيت GMT +2. الساعة الآن 07:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.