|
اقتباس:
ممكن اسألك سؤال... انت حضرتك عملت ترينانج فى اى بنك ولا لسه؟؟ وهو انا ينفع اعمل ترينانج فى الاجازة بتاعه اولى؟؟ ولا ده فى التخصص فى تالته؟؟ |
اقتباس:
طبعا ينفعى تنزلى تريننج فى اجازة اولى واجازة تانية واجازة تالتة بس والتخصص بيبقى فى رابعة ان شاء الله |
بالنسبه للطلاب الفرقه الاولى انجليزى جامعة بنها المجموع الاعتبارى
الادبى 376 العلمى 411 |
mera ahmed
الجدول نزل ممكن تنزل الكليه وتشوفى اسمك فى الكشف |
اقتباس:
طب انزل امتي الكلية؟؟.. خلاص هنزل الاسبوع الجاي وخلاص انا دخلت على الموقع بتاع الكلية.. ملقتش عليه حاجة:mad: |
سيبك من الموقع الموقع مش شغال اساسا
فى موقع جديد http://www.fcom.bu.edu.eg/fcom/ ودا الجدول https://fbcdn-sphotos-g-a.akamaihd.n...98905311_n.jpg |
اقتباس:
المحاضرات من 8 الى 5 .. حرااااااااااام والله.. وحوار السفر كمان دة.. نيل الدنيا اكتر.. مايراعوا الطلبة اللى بتيجي من برا وعشان التعب عليهم.. حرام عليهم.. يالهوي :(:(:( |
اقتباس:
بالنسبة للمواصلات لو انتى من القاهرة او اى محافظة بعيدة فانا هنصحك تعملى اشتراك القطار هيسهل عليكى بس مشكلته انك هتلتزمى بمواعيدة ودى هتعرفيها مع الوقت وربنا معاكى ويوفقك |
القطارات متعطله.. مش مضمونة اليومين دول
المشكله عندي.. انها هتبقي تعب عليا السفر وكدة :( :( :( |
بس صحيح الجدول بتاعكوا عامل كده ليه دا احنا فى الزقازيق
يوم من 10 ل 4 ويوم من 9 ل 12 ويوم من 12 ل3 ويوم من 9 ل3 الجدول 4ايام فى الاسبوع انما انتوا عاملين الجدول يومين وكله فى بعض !!! بس فى استفسار احنا معندناش سكاشن ولا فيه ؟ |
اقتباس:
|
انا لسه منزلتش الجامعة.... لانى مش عارفه انا لسه هحضر فين؟؟
هى الدراسه منتظمه يا منير فى بنها ولا ايه النظام؟؟ اصل عندنا فى الزقازيق لسه الدراسه مش منتظمة |
هه دا الزقازيق كانوا مدينا اسبوع اجازه ولسه بادأين امبارح اول يوم
بس يا اميره مش حضرتك كنتى قايله انك هاتحولى ؟ فى ناس كتير حولت وجت فى الزقازيق |
اقتباس:
وبعدين مش السكاشن للحاجات العملى احنا عندنا ايه عملى فى التجاره ؟! |
السلام عليكم ,,
|
وعليكم السلام اتفضل اعرب ؟؟؟
|
لو سمحت انا محتاره تجاره انجليزى وعلوم
انا بحب الانجليزى جدا وجايبه 47 من 50 وجايبه مجموع الكليه طبعا المشكله بقى انى مش بحب الرياضه ابدا انا عايزه اعرف هو كل المواد رياضه ولا لا ؟ وحضرتك شايف مستقبل الكليه افضل ولا علوم احسن ؟ |
انا جايبة 94.3 وكنت بفكر في تجارة انجليزي بس كنت عايزة اعرف نظام الشغل اية بعد التخرج يعني في فرص عمل للمهنة ده ولا لأ
|
اقتباس:
بالنسبة لتجارة انجلش هى فيها رياضة بس مش كل المواد لان فى ادارة اعمال واقتصاد +الاحصاء والمحاسبة بس لو انتى دخلتى تجارة انجلش هيبقى اختيارك مابين المحاسبة والادارة والاحصاء وخصوصا اول اتنين لان دول اشهر الاقسام وبالتالى هيبقى قدامك ادارة اعمال وفيها جزء حسابات برضو بصى هو انا بصراحة مش عارف انصحك او مينفعش انصحك لانك بتقارنى بين كليتين مختلفيتين بين كلية نظرى وكلية عملى علشان كدا هقولك النصيحة اللى بقولها لاى حد اختارى اللى انتى بتحبيه يعنى لو بتحبى كمياء وفيزياء والمواد العملى يبقى علوم بتحبى الرياضة + الحفظ يبقى تجارة وربنا يقويكى على المعادلة الصعبة دى |
اقتباس:
ولنفترض انك حابه مجال المحاسبة او ادارة الاعمال بالنسبة للشغل هو موجود بس هتحتاجى كام كورس محاسبى (برامج محاسبية - cfa - cma)مش كلهم بس البرامج + اى واحدة من الاتنين التانيين يكفوا انك تشتغلى ان شاء الله وممكن تتجدعنى وتجيبى تقديرا وتعملى الماجستير والدرسات العليا ودا بيساعد فى موضوع الشغل اتمنى انى اكون فدتك وربنا معاكى ويوفقك |
السلام عليكم ورحمة الله وبركاته
الصراحه انا عندي موضوع مهم عايز اعرفه قبل ما ادخل الكليه ان شاء الله .. وهقدم تجاره انجلش باذن الله انا جايب 40 من 50 في الانجليزي لو حصل نصيب اصلا ودخلت تجاره فهل ( الرياضه ) سهله ولا صعبه اصل انا طالب ادبي وجبت 93% والرياضه دي عقبه امامي بس كل زملائي الي في الكليه بيقولوا تافهه جدا وانا اصلا عمري ما فكرت افهم رياضه فمش عارف هسلك فيها ولا لا فا انا مش متاكد فياريت حد يقولي الرياضه اخبارها ايه وتنصحوني بانهي قسم ؟؟ اسف لو كنت طولت بس ده مستقبل خايف اضيع نفسي في الكليه |
مش هتبقى عقبة بس لو ذاكرتها وحضرت المحاضرات
|
بالنسبه للرياضه دى هتبقى سهله جدااا جدااا وهيه شويه rules هتحفظها وهتحل وكله هيبقى تمام وتقريبا هيه ماده رياضه كل سنه يعنى مش كل المواد رياضه....هيه بس سنه اولى رياضتها زى بتاعت ثانوى بس اسهل طبعااا بكتييير جداااا بعد كده هتلاقى رياضه خاصة بحساب فوائد وحاجات كده هتفهمها بعدين ودى هتتحل بقواعد معينه بتتحفظ ويتحل ع اساسها...ومتقلقش خاااالص ...بالتوووفيييق
|
عشان خاطري حد يرد عليا بسرعه
معلش انا عايزه أعرف عدد المواد اللي باللانجليزي في تجاره انجليزي أول سنه ؟
|
عدد المواد ف تجارة عربى زى انجليزى بالظبط
بالنسبة للمنصورة مثلا الترم الاول 6 مواد والترم التانى 6 مواد برده بس ف مادة زيادة كده ف الترم التانى اسمها حقوق انسان بس مش بتضاف للمجموع |
اقتباس:
|
اقتباس:
مبدائيا يا باشا مفيش حاجة اسمها مستقبل بيضيع طول مانت بتعمل اللى عليك وبتذاكر ومنتظم الرياضة زيها زى اى مادة ودى اخر مادة تخاف منها لانها سهلة جدا قواعد خفيفة وبتعدى فيها بسهولة ان شاء الله وملهاش علاقة بادبى وعلمى (انا كنت ادبى) اما بالنسبة للقسم فدا اختيارك انت اللى هتذاكر وتحدد انت ماشى فى ايه احسن وعلى اساسه قرر ومتتاثرش بقرارات حد وربنا يوفقك |
طب لو سمحت انا دلوقتي جبت 91% هدخل تجاره انجلش بني سويف بس ناس كتير قالويلي اوعي تدخلها ملهاش اي لزما يا قاهره يا بلاش وانا فعلا عارف ناس بتشتغل في مصر للطيران تجاره انجلش القاهره بخدوهم علي طوال فا يريت حد ينصحني انا متشتت لاني عاوز ادخل القاهره ب اي شكل و انا من الفيوم
|
اهلا بالوارد الجديد
|
ازيك يا استاذ منير
انا بس كنت عايز اعرف حاجه السنه اللي فاتت صديقي دخل تجاره انجلش و هو جايب 57% و 36 في الانجليزي !!! و قالي انها كانت بتاخد من أي مجموع بس تكون قادر علي مصاريفها ممكن اعرف مدي صحة الكلام ده ؟ في عادي او مفتوح حتي ! ؟ |
اهلا بيك يا باشا
بص انا رديت عليك فى الموضوع اللى انت عامله ودا كان ردى اقتباس:
|
سؤال لو سمحت
ايه مجالات عمل خريج تجارة انجليش بالتفصيل ؟ وهل ممكن الاقي عمل على رغم من ان خريجي تجارة عددهم كبير وما هو قسم ادارة اعمال بالتفصيل ارجو الرد سريعا |
اقتباس:
مجالك بنوك محاسب فى شركة محاسب فى مكتب محاسبة ثم كول سنتر مبيعات وهكذا تلاقى شغل او متلاقيش حاجة بتبقى نصيب انا بقالى سنتين متخرج وبقالى 6 شهور مخلص جيش وانا حاليا كول سنتر موبينيل على الرغم انى خريج تجارة انجلش بتقدير جيد ومعايا فى الشغل خريج هندسة بترول فموضوع الشغل اولا واخير نصييب ادارة الاعمال يعنى مش عارف اوضحلك يعنى ايه لانى كنت محاسبة فمعرفش حاجة عن القسم بس هو بيبقى اغلبية عن تخطيط ودراسات عن التعامل مع مستقبل الشركة من احتياجات وادارة الخطة المستقبلية للشركة (دراسة جدوى) |
معلش بس ممكن اسأل حاجة ! انا جايبة 88 علوم و جايبة 47 انجلش وقدمت تجارة انجلش الزقازيق كده هقبل فيها ولا ايه لاني معرفش مجموعها الاعتباري والحجات دي ؟! هو فعلا بيبقي 410 ف كل الجامعات ولا ايه !؟
|
لو سمحت انا قدمت انجلش وكنت عايزة اعرف عن المصطلحات الانجليزى او الكتب علشان اخد فكرة قبل الدراسة و كده بس مش عارفة اكتب ايه فى السيرش فلو سمحت تساعدنى؟؟
|
اقتباس:
المهم فى الاول والاخر دا نصيب بالنسبة للمجموع الاعتبارى فبصراحة معرفش اذا كان بيبقى واحد على كل الجامعات ولا لا |
اقتباس:
فى كتاب اسمه Intermediate Accounting, 13th edition دا هيفيدك وممكن تدور على جوجل ب القاموس المحاسبى وفى محاسبة انجليزية هتتلاقى حاجات كتيرة وهتفهمك |
اهلا بالوافدين الجدد
|
طيب انا لسة مخلص ثانوية وقبلت خلاص في تجارة طنطا انا جايب 38 انجلش ومجموعى الاعتباري 372 الحق انجلش ولا لا
وهو انا بختار اما بخش تجارة يعنى الاقسام بتاعت ادارة اعمال ومحاسبة وكدا بختار مبنهم ولا كلهم علينا ولا اية :d |
لو سمحت انا كان عندي سؤال عشان بنتي دخله تجارة انجلش ... كنت عايز اعرف يا تري ازاي ممكن بنتي تجيب تقدير كويس ...و نصيحه بالنسبة لاول يوم هتروحه ... و جزاكم الله كل خير
|
| جميع الأوقات بتوقيت GMT +2. الساعة الآن 06:44 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.