|
الفنون التطبيقية بتاخذ من كام
|
انا مش فاهمة يعنى هو انا لو علمى وقدمت فنون وامتحنت امتحان فنون مش عمارة وعايزة ادخل ديكور فى اسكندرية مش هينفع ؟؟ لازم ابقى ادبى ولا ايه ؟؟
|
اقتباس:
ادبى بيدخل ديكور من اسكندرية بس |
ماحدش يعرف عموما بتقبل من كام ادبي عارفه انه حسب تنسيق كل سنه بس عموما يعنى
|
انا سحبت ملفي من فنون تطبيقيه دمياط ومش عارف اعمل ايه والاختبارات لسالها اسبوع ارجو الرد
|
اقتباس:
|
طيب انا بدى اعرف فنون جميله قسم ديكور من ادبى جامعه الاسكندريه مجموعها من كام
|
اقتباس:
|
انا علمي علوم وجايبة 94٪ وعايزة ادخل ديكور بس انا محضرتش الامتحان اعمل ايه وهل ممكن لو مفيش امل ادخل كلية تانية والسنة الجاية احول فنون ؟ ارجوووو الرد
|
شكرا :d:d:d
|
انا جايب فى الثانوية العامة 91فى المية وعاوز ادخل فنون جميلة قسم عمارة عايز اعرف هلحق اعمل اختبارات ولا خلاص ارجو الرد بسرعة خلصت
|
السلام عليكم ورحمة اله وبركاته لو سمحتم كنت عايزة أستفسر عن حاجة أنا دفعة 2014 بس قاسمة السنة يعني إن شاء الله السنة ديه لسة هكمل وأمتحن باقي المواد فإذا جبت مجموع فنون جميلة عمارة (حلوان) أقدر أدخلها؟ لإنى سمعت إن حلوان مابتقبلش حد من السنين اللى قبل كدة فهيعتبروني خريجة دفعة 2014 ولا 2015؟ وشكرًا بجد على مجهوداتكم وتعبكم |
اقتباس:
للاسف خلصت من بدرى |
الموضوع دة هيفيدكم جدا برجاء تشييره علما انه متغير كل سنة
|
السلام عليكم ورحمه الله وبركاته.
معلش انا عندي استفسار بسيط .. انا خلصت الثانويه في 2012. وللاسف مكنتش اعرف عن فنون جميله حاجه الا وانا بكتب التنسيق..ولما عرضت الامر علي اهلي رفضو بحجه ان ممكن يكون في شبه في موضوع الرسم:mad: . مع اني والحمد لله مستوايا كويس فس الرسم وعندي الموهبه نوعا ما. ولكني استسلم ساعتها كلامهم لاني كنت بمر بمرحله احباط شويه.. المهم لما طلعت نتيجه التنسيق جاتلي اداب. وبعد كده حولت من اداب لتجاره ..وعرفت ساعتها ان متاح ليا فنون جميله اقاليم (الاقصر ) ولكني للاسف مدخلتش امتحان القدرات.. المهم انا دلوقتي في تجاره ومش لاقي نفسي فيها خالص وكل سنه بقل في التقدير ببساطه لاني مش عندي هدف. اول سنه جبت جيد جدا وتاني سنه جبت جيد.. وسنه 3 الله اعلم احتمال اشيل مواد.. انا دلوقتي بفكر اني احول ل فنون جميله . ده هينفع ولا لأ .. انا مش عندي مشكله خالص اني اضيع 3 سنين من عمري بس ما اضيعش عمري كله . واعرف انا ماشي ازاي .وهدفي ايه.. . عاوز اعرف اجراءات التقديم او التحويل هتم ازاي؟ . هقدم بالتنسيق الجديد ولا القديم.. وعن طريق النت ولا لازم اروح الاقصر... ولو قبلت هل ينفع اعمل تقليل اغتراب؟؟ |
موضوع مفد يارب يعجبكوا
|
لو سمحت ممكن امتحن اختبارات القدرات بعد ظهور النتيجة عشان انا نفسي ادخل كلية
الالسن لو مجبتش مجموعها اقدم فنون جميلة وللعلم اني في الدقهلية يعني مش من السهل اني اروح امتحن قدرات وانا مش ضامنة اني ادخل الكلية وشكرا :078111rg3::078111rg3: |
ممكن حد يفيدني انا لو دخلت فنون جرافيك او ديكووووور مصاريف الكليه وطلبتها كتير وكده عالشان كل الناس مخوفاني يعني ايه المصاريف. بتعتها للادوات واسبوعيا تحتاج كام وسمعت اني لازم يكون معايا لاب وكاميرا وكده ومشروع التخرج ممكن يوصل 8000 الكلام ده ايه نظامه بقي ?
|
بعد اذنك عايز اعرف ازاى اقدم لـامتحان قدرات فنون ( عمارة ) اسكندرية و اذا كان فيه كورسات هناك ولا لأ
|
لو سمحت هو فعلا التقديم في فنون تطبيقيه السنة الجاية هيكون من علمي رياضة بس ؟؟؟!
|
اقتباس:
|
اقتباس:
لكن لو ثانوية عامة مصرية انتهت المواعيد بس لازم تراجع الكلية تانى ومكتب التنسيق احتمال تفتح تانى |
اقتباس:
كل دى شائعات من ناس مبتفهمش حاجة المصاريف الغالية بتبقى ف الحاجات اللى بتستخدميها على مدار الخمس سنين يعنى مش كل شوية هتجيبى شاسيه خشب ب100 جنيه لكن هتجيبيه مرةواحدة اسعار الفرخ مثلا 7 او 10 جنيه والالوان اللون البوستر ب6 جنيه والفرش حوالى 20 30 اكيد مش هتجيبي فرش كل يوم :) مفيش اى كلام ع الحاجات دى فى اول سنة بس بتبقى مصاريف كتير شوية بتعدى الف ونص فى السنة كلها بس بعد كدة بتشترى حاجات لكل سنة مش بتوصل ولا بتخطى العدد دة وكل واحد على حسب مصاريفه فى ادوزات غالية اوى فى لون ب 35 جنيه وفي لون ب6 جنيه وع فكرة انا نفسي شغال بابو 6 وبعمل بيه شغل ممتاز الحمد لله :) ومش لازم لاب توب انا رايح اخر سنة اهو ومش معايا لاب :d الموضوع مرن جدا وتقدرى تتعاملى معاه حتى لو الظروف المادية مش ولا بد :) |
استفسار
لو سمحت هو لسة في تقديم اختبار قدرات النهاردة ولا ايه انا محتارة مجموعي مكنتش متوقعاه خالص و اتأخرت ع الكورسات و الكلام دا كله و نفسي اخش يا فنون جميلة يا تربية نوعية بس مش فاهمه حاجة خالص و محتارة مش عارفة اعمل ايه خايفة اوي ملحقش كلية
|
استفسار
بالله عليكوا اي حد يرد عليا بسرعة عشان لو فيها امل الحق اروح انا مرعوبة بجد حاسة اني مش هوصل لأي كلية مجموعي 78.5 و التنسيق بيقولوا هييجي عالي و كمان ف صدمة من المجموع
انا واخدة اعفاء من اللغة التانية لأني مدرستش هنا معرفش دا هيأثر ف حاجة ولا ايه |
اقتباس:
لالا مفيش اى تاثير |
اقتباس:
|
حضرتك يا بشمندس انا في معهد فني صناعي سنتين وقدامي سنه واخلص وحابه اكمل في فنوان تطبيقية ؟
اعمل ايه وايه المجموع االلي اجيبة عشان ادخل الكليه وانا ليا امتحان قدرات ولا لأ ؟ والامتحان دي هيتم امتى بعد ولا قبل التنسيق ؟؟ وشكرا جدا لحضرتك واسفة للأطاله جزاك الله خير |
اقتباس:
هتستنى لما تخلصى الامتحانات بتاعتكم بتكون فى شهر 8 بعد ما الثانوية العامة تخلص وكله يخلص من دبلومات ووافدين انتوا بتكونوا فى الاخر تابعى بس الجرايد وقتها المجموع مقدرش افيدك لانه متغير كل سنة 100% ليكى طبعا امتحان قدرات لازم تنجحى فيه :) الامتحان ملوش دعوة بس غالبا بيكون قبل التنسيق عشان تعرفى تكتبى الكلية ولا لا :) |
استفسار
السلام عليكم
لو سمحت انا عايزه اعرف هل يوجد كلية تعلم Tv motion graphics انا ابنى فى ثانوى وبيحب يشتغل على برامج الافتر افيكت والسينما فور دى ونفسه يدخل كليه تنميه وتساعده فهل فى قسم فى كليه معينه للموضوع مع جزيل الشكر |
اقتباس:
هو الحقيقة كليات الفنون الجميلة والتطبيقية مش بتوفر دة بشكل مباشر ولكن بتدى اساسيات يدوية يعنى خلفية فنية وتصميمية كويسة اوى والباقى فى الحجات دى بتبقى كورسات ف يمكن تعليمها وقتها بشكل سهل لكن الكلية مش هتقدر تديها بشكل مباشر ولكنها بتدى اساسيات :) |
انا طالب علمي رياضة دخلت حاسبات كان مجموعي يدخلني فنون عمارة بس ممتحنتش القدرات هل اقدر احول بعد سنة اولى و امتحن القدرات و لا لأ و شكرا مقدما
|
اقتباس:
|
اقتباس:
اشكرك جدا على اهتمامك وردك على السؤال يجعله فى ميزان حسناتك ان شاء الله |
اقتباس:
|
ارجو نشر الموضوع لتعم الفائدة وجزاكم الله كل خير
|
بالتوفيق للجميع
|
امتحانات القدرات ل 2016 امتى ؟
فنون جميله |
اقتباس:
الامتحانات لسه لم تحدد وهتكون باذن الله بمواعيد سحب الاستمارات من مكتب التنسيق بعد انتهاء امتحانات الثانوية العامة المصرية باسبوع او اكثر لكن الوافدين والطلبة المغتربين من لخارج امتحانهم للقدرات فى شهر 8 والدبلومات امتحان القدرات بعديهم ف نص 8 |
مشكوووووووووووووور جزاك الله خيراً
|
اقتباس:
|
هى ممكن تاخد ثانوية ازهرية والمجموع كام فى العلمى والادبى ؟؟
|
اقتباس:
|
طب لو سمحت لو انا كلية علوم وعايزة احول فنون همتحن مع الوافدين والشهادات المعدلة ولا ليا امتحان لوحدي؟ وايه الحاجات المطلوبة الورق يعني؟ وانا عايزة ديكور وكنت علمي رياضة وبالتنسيق السنة اللي فاتت ادخلا هتحاسب بيه ولا بتنسيق السنة الجديدة؟
|
اقتباس:
المفروض امتحان لوحدك بس فنون جميلة حلوان قافلة التحويلات عدا من كليات فنون جميلة ف ممكن حضرتك تشوفى فنون المنصورة او اقاليم افضل وبتكون بتنسيق مع ادارة الكلية نفسها هما المسئولين عن كله تنسيق السنة القديمة مش الجديدة |
لو سمحت مش فى قرار من المجلس الاعلى للجامعات بالغاء التوزيع الجغرافى وكمان امتحان القدرات ويكتفى بمقابلة شخصية ؟؟
|
ممكن اعرف اقسام فنون جميلة المنصوره ضروري
|
اقتباس:
|
اقتباس:
|
لوسمحت انا ف تانية عمارة هندسة عين شمس وكنت عايزة اعرف شروط التحويل ايه لفنون جميلة وفنون تطبيقبة
|
| جميع الأوقات بتوقيت GMT +2. الساعة الآن 08:20 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.