|
بصراحة انا تايه خالص مش عارف ارد على مين
ياريت حد يقولى انهى مشكلة الى شغالة دلوقتى رقم 77 ولا رقم 94 فى رعاية الله |
السلام عليكم ورحمة الله وبركاته عارفة اني هتطفل ودخل ع مواضيع ناس تانية بس بصراحة مشكلتي مش قادرة استني عليها اكثر من كدا:bosyht9: http://4.bp.blogspot.com/_XSqrwZpUZQ...ncil2+copy.jpg بما ان المنتدي معظمه من طلاب الثانوية العامة انا واحدة منهم بصراحة انا اتخنقت من الثانوية العامة واللي بيدخلها وخلاص مش قادرة بجد حاسه اني مش طايقة امسك كتاب ولو حتي طقت بقي عايز بعد خمس دقايق اقوم وطبعا الامتحانات مش فاضل عليها غير شهر واحد حاسه اني فعلا فاشلة ونفسي وربنا اجيب مجموع يعوض السنه اللي فاتت انا كنت السنة اللي فاتت بذاكر جامد ومش جبت مجموع بس الحمدلله مش معترضه خاص انا السنة ادي بقي مكبره وهتشل من التكبير بتاع نفسي دا ومش عايزة اخرج من بتنا ومش عايزة اشوف حد ولا اكلم حد وعايز افضل طول النهار ع المنتدي انا بحبه وكل حاجة بس مستقبلي كل اللي اقول من هدخل بلاقي نفسي بقول هم خمس دقايق الخمس دقايق دول بقدره قادر كدا يبقوا 5 ساعات تخلف بجد بجد انا نفسي حد يقول لي اعمل ايه انا هضيع بجد خالص كدا:o:o وكمان بقالي يومين مش بروح دروس وقاعدة في البيت بقي تقول لي خلصت ايه مذاكرة ولا شيء وكل اللي في بيت شالوا ايديهم من ناحيتي ولو مش ذاكرة مفيش حد بيسأل اصلا السنة اللي فاتت كانوا مهتمين بيه اوي السنة دي "لالا"خالص انا مش بلمهم انا بلوم نفسي ع العموم ميرسي ع الموضوع |
استعيني بالله و حطي قدامك هدف و اكيد هيبقي فيه تغير ان شاء الله
|
ممكن ارد على حضرتك دلوقتى بتقولى فاضل شهر علىالامتحانات وبتقولى لسة المواد مخلصتش وعايزة تتذاكر وعايزة تعوضى السنة اللى فاتت فالحل موجود انك تذاكرى اتعبى الشهر دا مش مشكلة تعالى على نفسك شوية استعينى بربنا افتحى الكتاب وذاكرى اللى تقدرى عليه مش هنقوللك موتى نفسك مش هنقوللك الثانوية صعبة والكلام الفاضى ده لما تدخلى الكلية هتحسى ان الثانوية دى تافهة مثلا عندك كام مادة من اول السنة بتفضلى تذاكريها طول السنة انما فى الكلية الكتاب بيجيلك قبل امتحانات التيرم باسبوعين واللا حاجة الواحد بيفتح الكتاب بيكون خلصان فى يومين تلاتة انتى بس معقدة نفسك من الثانوية وعاملالها حساب كبير غير كلام الناس اللى بيقولولك ان الثاوية صعبة فكلدا مأثر عليكى هقوللك حاجة بس استعينى بربنا وافتحى الكتاب وذاكى وان شاء الله ربنا هيوفقك علشان فى النهاية محدش يشمت فيكى علشان تحققى حلمك اللى قربتى تفقديه علشان ترضى نفسك واهلك علشان هما تعبو معاكى دروس وفلوس ومتابعة ربنا يوفقك ان شاء الله بس سيبك من حكاية تكبير الدماغ فى الوقت دا مش هتنفعك باى حاجة هتخسرى بسببها كتير ربنا يوفقك دمتى فى رعاية الله |
طيب السلام عليكم مرة رابعة باين حالياً أنا عندي وجهه نظر لمشكلة ( سري جداً .. 114 ) عنوان المشكلة : مش عايزة أذاكر طبعاً الحالة اللي انتِ بتقابليها حالة ممكن تحصل لناس كتيرة جداً والكلام فيها بقي معتاد كمشكلة عصرية بتواجه ناس كتير .. رؤيتي لمشكلتك انك مصابة ( بالملل ) أو بمعني آخر ( الفتور ) وده هيكون بسبب صراع جواكِ او ضغوط نفسية او حالة من القلق وطبعاً نفسك البشرية بتعبر عن الحالات اللي بتعيشها بالملل لانها معندهاش القدرة القوية انها تتعامل مع المشاكل النفسية دي .. فبتلجأ لحالة من حالات السلبية والخمول زي ما يكون واحد كدا بيزق حجرة كبييييرة وبيحاول بكل قوته والحجرة مش بتتحرك تلاقيه نزل اكتافه كدا وعينه انطفت ونشاطه ضاع وبقي قاعد مش بيعمل حاجة .. وعلي فكرة ممكن يكون لكثرة الهوايات والاهتمامات فبتضيعي من نفسك الأولويات اللي هيا أهم .. وده حصل معايا كتير علي فكرة وبكدا نبقي عرفنا جانب من جوانب المشكلة ... تعالي بقي نعرف ممكن نتغلب علي كدا ازاي :- أولا : عارفه ايه اللي بي*** السلبية ؟ طبعا الإيجابية أنا بقي عايز حضرتك تعملي أي حاجة ايجابية ولو حتي تغيري الشارع اللي بتروحي منه لدروسك او لمدرستك او تحاولي تجددي في استايل لبسك او تغيري الألوان اللي انتي معتادة عليها .. مهو دي إيجابية بردو .. دي هتساعدك شوية ثانياً : حطي ساعه قدامك وانتي بتذاكري واشتغلي بتقنية الكورسات الدراسية 55 دقيقة مذاكرة .. و 15 دقيقة ريست هتلاقي نفسك نشاطك مش بينتهي علي فكرة ف فترة من الفترات الطريقة دي كانت بتخليني أذاكر عدد كبير جداً من الساعات وكم كبير جداً من الدِيتا العلمية وانا مش تعبان وكنت بحس اني بتقدم وبعمل شئ كويس فحاولي تستخدمي نفس التقنية هتنفعك ان شاء الله ثالثا : في الريست ده اقري مثلا السير الشخصية للأشخاص الناجحين .. مثلا اقري عن زويل اقري عن مجدى يعقوب اقري عن فاروق الباز اقري عن الناس اللي بتفلح دى هتحسي انهم بيدوكي طاقة تحفيزيه تساعدك انك تنجزي في شغلك ودراستك .. رابعاً : كتري من أكل الفواكهه والحاجات اللي تديلك نشاط عشان مش تتعبي بسرعه او تفقدي تركيزك بسرعه خامساً : طبعا قبل كل شئ قوى علاقتك بالله سبحانه وتعالي .. لانه هو اللي هيديكِ القدرة علي اجتياز المرحلة دي وعلي فكرة يا ( سري جداً .. 114 ) لو ربنا مش عارف انك أد الموقف ده مكانش هيخليكي فيه .. قال تعالي " لاَ يُكَلِّفُ اللّهُ نَفْساً إِلاَّ وُسْعَهَا " صدق الله العظيم :) أتمني الإفادة |
اقتباس:
السلام عليكم ورحمة الله وبركاته صراحة ً معنديش رؤية محددة لمشكلتك لاني معنديش الدِيتا العلمية اني اقولهالك وتقدري تواجهي بيها المشكلة دي لكن تعالي نتكلم بالمنطق انتي شايفه ان والدتك ممكن تعمل كدا ليه ؟ علي فكرة يا ( سري جدا ) ممكن تكون لأختك ظروف خاصة والدتك بتعاملها بيها بالشكل ده لانها أدري بيها فخدي بالك من دى كمان عايز أقولك حاجة مفيش ام بيكون قصدها تفرق ما بين أولادها انتي بس يمكن عشان في سن المراهقة بيبقي فيه إنفعالات عندك بتاخد أكتر من حقها يعني الفعل اللي عن الإنسان المظبوط مثلا يبقي قيمته = 2 لاء عند المراهق اللي لسه موصلش لإتزان الإنفعالي = 10 فمش بيقدر يتحكم في الانفعال او الإحساس عشان كدا أنا عايزك أول حاجة تهدى خاااالص .. تخلصي مذاكرتك وتظبطي حياتك وبعد كدا صدقيني اقسملك بربي هتشوفي الحياة مختلفة تماما كل ما يفوت عليكي الوقت ولو كنت عايش - وده مشكوك فيه - هههههههه تعالي وقوليلي كان عندك حق ربنا يبارك فيكي ويعينك يارب ويصلحلك الحال :) |
أ\محمود ///// أ\ أحمد ////// أ/شريف :078111rg3::078111rg3: بجد انا مش عارفه اشكركم ازاي؟؟ بصراحة كلماتكم روعة من جمالها بقالي 15 مرة بقرأ فيها:022yb4: بجد شكرا ربنا يخليكم كلكم:022yb4: |
اقتباس:
هههههههههههههه 15 مرة:d مش للدرجادي كان ممكن تذاكري ف الوقت ده :d بهزر طبعا والله الحمدلله انهم قدرو يفيدوكي وشدي حيلك ياقمر وابقي طمنينا عليكي انا حاسه ان مفيش حد متلخبط غيري يلا مش مشكلة المهم انكو مش متلخبطين :022yb4: اقتباس:
النت مش خيال يااخت ترافل:angry2: والسلام عليكي :P |
اقتباس:
ارجوكي تكملي :( |
اقتباس:
شفتها فين دى قبل كدة :p |
السلام عليكم
بالنسبة للعضو سري جدا اول واحد مش هينفع نساعدك واحنا منعرفش اي حاجة عنك غير ان عندك انفصال ف الشخصية بص انا عاوزة اعرف مين التلات شخصيات ف بعض مين هما يعني فاهمني؟ واح كويس وواحد وحش هكذا عشان نحاو نقضي ع الشخصية الللي مش كويسة مع بعض بس بالتفصيل ياريت وياريت تجاوب ع الاسئلة دي عندك اخوات ؟ عندك اصحاب ؟ وانت قاعد مع اصحابك بييبقى موقفك ايه من القعده ؟ وانت لوحدك بتفكر ف ايه وبتبقى حاسس بايه وبتبقى مبسوط اكتر مع اصحاب ولا وانت لوحدك ؟ ف ذنب مثلا انت بتعمله ومش قايل لحد عليه ؟ وف حاجة زمان انت عملتها وحاسس بالذنب ؟ بتقضي يومك ازاي ؟ وبتروح دروس ولا لا كان في حاجة انت قولت اننا مش هنصدق لو حكيتها تقدر تحكيها ؟ بس ياريت الاجابات تكون بصراحة وبتفصيل عشان تساعدنا اننا نساعدك وبالنسبة لقصة ان ياريت ان يكون عندك اخوات زينا احنا لو مش كنا اخواتك مكنتش هتبقى موجود معانا ف المنتدى ولا ف سري جدا ____________________ بالنسبة للعضوة سري جدا اللي بتششتكي من تفرقة معاملة مامتها ياريت تكملي لان اللخبطة حصلت واحنا مش متلخبطين اوك ؟ مستنينك ياقمر _______________ بالنسبة للورد بقى:d اقتباس:
تلاقيك شوفتها ف منتدى تعليمي تاني ولا حاجة:p والسلام عليك:d |
السلام عليكم و رحمة الله و بركاته
الفكرة جميله جدا يا دريم جزاكى الله خيرا عليها انا فقط لى رأى بخصوص موضوع اللخبطه انا كل عضو او عضوة ( سرى جدا ) يرقم اسمه يعنى يكتب سرى جدا 1 و اللى بعده سرى جدا 2 و هكذا و يعمل عنوان لمشكلته او مشكلتها و تبدأى باذن الله من العضو/ة القادم /ة فقط مجرد رأى و لكم الرؤيا و جزاكى الله خيرا و بارك الله فيكم |
اقتباس:
يخربيت رخامتك جننتينى بجد بالجملة دى لا النت بالنسبالى خيال دنيا خيالية انتى مش عارفة حاجة اجرى العبى بعيد وعليكى السلام ورحمة الله وبركاته يا مستفذة :angry2:[/CENTER] |
يااااه يازَيّنب
يامستفزة مش دي أغنية كاظم الساهر بردو :p الشكر لله ياسري جداً معرفش مين بالظبط بس كلكم يعني ويارب نكون ساعدنا في حل المشاكل دى :) |
اقتباس:
منهم لله اللي لغوها بدري:d |
............ نقط نقط نقط بدل الرخامه اللى كنت فيها :006et4: |
اقتباس:
يعني دلوقت عادي بقول المشاكل وحزين انما في المنتدي العكس تماما تلاقي تفائل وامل وسعادة ومواضيع متفائلة مش هقول ان انا ضدها لكن انا بحاول دي بالظبط شكل النار اللي محطوط عليها تراب لكن لسة بتولع * .................................................. .................................................. .................................................. .... اصعب حاجة انك تكون عارف اية اللي عندك وعارف اية اللي هيحصل لك ويوديك فين في النهاية ولكن انت مش قدامك تعمل حاجة .................................................. ................................... |
السلام عليكم ممكن اتكلم ولا لسة فيه تكملة للى قبلى |
اقتباس:
اتفضل حضرتك اتكلم كلنا مع حضرتك منتظرينك فى رعاية الله |
اقتباس:
متشكرة يا محمد السلام عليكم مش عارفة انا المفروض رقم كام بس هى المشاركة 130 مشكلتى ببساطة ان جوايا انسانة ضعيفة مع انى باحاول دايما ابين عكس ده اى كلمة بتحطمنى بس بابين انى جامدة ومش بيهمنى حاجة مثلا مع اصحابى لو حد اتريق عليا بتهريج عادى باهزر معاهم واتريق انا على نفسى مفيش مشاكل ومش بازعل ولا باحط ف دماغى لمجرد ان دول اصحابى وباقبل منهم اى حاجة بس لو حد تانى انتقدنى وماعرفتش ارد باتخنق اوى وباتغاظ دايما حاسة ان ماعنديش اى ثقة ف نفسى ممكن دلوقتى بقيت احسن من قبل كدة كتير لانى كنت كارهة نفسى ومش متقبلة شخصيتى وكنت انسانة انطوائية جداا دلوقتى بقى ليا اصحاب كتير وبقيت انسى كتير الكلام ده واحاول ابقى الانسانة اللى دايما بابينها للناس نجحت ف ده جزئيا بس برضو كل فترة بتحصل مواقف تحسسنى تانى انى ضعيفة ومش قد انى اعمل اى حاجة ومن كتر التفكير باحس بصداع رهيب ومش باعرف انام غير وقت قليل وده مأثر على تركيزى وعلى المذاكرة وكل حاجة تقريبا برضو هاقول تانى ان ده بيحصلى لما اتعرض لمواقف معينة بتبقى بايخة شوية وبتاخد وقتها وتعدى حاجة تانية اى حد بيعمل معايا اى حاجة باعديهاله وباحاول اقنع نفسى انى مش متضايقة حتى لو فعلا حاجة ضايقتنى وباجى ف وقت ابقى مش طايقة حد يكلمنى وبابقى عصبية من كتر ما باضغط على نفسى بييجى وقت واطلع نرفزتى ف اى حد غالبا بتكون صاحبتى ومش بتتضايق لانها فاهمانى حاجة تالتة مش عارفة اعمل اللى بانصح الناس بيه لما باتكلم مع حد ممكن يحس انى شخصية مثالية وعقلانية جدا وعارفة الصح ف كل حاجة بس لما باتصرف مش باعرف اعمل اللى انا شايفاه صح ده مش عارفة امشى على نصيحتى حاجة رابعة على طول باخبى مشاعرى عن اللى حواليا ممكن اكون متضايقة ومخنوقة وعندى حاجات كتير تاعبانى بس على طول باضحك واهزر باهرب من المشاكل دى بالهزار والضحك ولو بان عليا انى متضايقة مش باتكلم مع حد بسهولة اووووووف لو كملت من هنا لبكرة مش هاخلص لكن ده بيبقى العادى معايا لما تحصل حاجة تضايقنى لفترة معينة عموما انا كدة ارتحت انى اتكلمت وفيه حد هايسمعنى مع ان الكلام ده من الحاجات اللى دايما اهرب منها ومش باصارح نفسى بيها غير كل فين وفين بس مرتاحة انى اتكلمت ولو على سبيل الفضفضة عارفة ان فيه ناس ممكن تعرفنى وعايزة منهم طلب واحد انهم ينسوا اصلا ان الكلام ده طلع منى عشان انا كارهة الجزء ده من شخصيتى |
بجد يا سري انا شايفاة نفسي فيكي
فا سوري مش هاعرف ارد عليكي وليا عوده ان شاء الله ... |
انا قرات المشكلة كلها مرتين
بس مش لاحق ارد هروح اصلى واجى اعلق عليها ان شاء الله فى رعاية الله |
نفسى افضفض بقا
|
الاول سوري ياجماعة اني اتأخرت عن الموضوع ده كام يوم
بس مش عارفة ليه بصراحة اقتباس:
وده اللي انا اقصده بالظبط الفضفضة :friendsxs3: انا بجد مش عارفة اقولك ايه اكتر من اللي قولتهولك انك متجيش ع نفسك اوي يعني خدي شخصية من الاتنين يااما قوية من جوة ومن بره وميهمكيش حد ونفضي للدنيا كلها وده اللي انا عاملاه اليومين دول وبجد مريحه دماغي اوي يااما العكس لو انتي بجد من جوة مش قوية يبقى متتغطيش ع نفسك لان زي ماقولتلك قبل كده مش وحش ان البنت تكون ضعيفه مش انتي بردو اللي صاحبتها اتوفت ؟ بصراحة ده كل اللي اقدر اساعدك بيه ولو افتكرت حاجة تاني هقولهالك ان شاء الله و ع فكرة انا مش عرفتك :d مش عارفة ده غباء مني ولا ايه ع العموم بجد انا مش بحاول اخمن الشخصية لو في اي حاجة عاوزة تقوليها تاني اتفضلي ياقمر من غير ماتستأذني كلنا عيون مفنجلة:d |
اقتباس:
كل ده بتصلي يامحمد ايه التقوى دي شكلها قلبت اعتكاف :d بهزر والله:romarioxp6: هو انت زووم يامحمد:stickjo4:؟ اقتباس:
كلنا مستنينك عشان نسمعلك :) |
اقتباس:
|
انا كل مشاكلى فى وحدتى فعلى الرغم من ان ليا اصحاب كتيييييييييييييير انا دايما حاسه بالوحده يعنى انا بعيده عن اهلى قوى وهما كمان عمرهم ما بيحاولو يقربو منى ابدااااا
وصاحبتى الوحيده اللى كنت بموت فيها راحت فى حادثه قدامى خلاااااااااااااص انا كده بقيت لوحدى تماما والمشكله الاكبر انى عمرى ما حاولت ابين ضعفى او زعلى قدام اى حد دايما بضحك واهزر حتى لو جوايا بنهار مش بحب اضايق اى حد معايا واول مره احس انى هلاقى حد افضفض معاه من غير ما يعرفنى الكل بيحسدنى على التفاؤل والضحك والتكبير والروشنه زى ما بيقولو ومش عارفين ان ده مجرد قناع بيخفى وراه حزن العالم كله بحس ان حزنى ضعف وانا مش بحب اكون ضعيفه دايما بمثل القوه والصبر على الكل حتى اهلى عمرهم ما حسو انى مضايقه ودايما يقولو انى دايما بضحك واهزر يلا مش مهم انا مكتوب عليا دايما الوحده مش عارفه ليه اتكلمت بس يلا مجرد فضفضه |
أنا كل ما انوى اتكلم الاقى حد سبقنى وعرض مشكلته
الظاهر مفيش حد مرتاح فى الدنيا دى |
اقتباس:
هههههههههههههههه والله يا ايمان كنت متاكد من الرد دة من قبل ما تقولية بس عارفة لية انا مردتش على المشكلة دى لانى بصراحة مش عارف ارد ولا بكلمة اغلب المشكلة دى فيا مش كلها طبعا بس اغلبها دا الى مخلينى مش عارف ارد عليها وعلى فكرة هيا مش فيا بس او فى صاحبة المشكلة بس لا طبعا دى فى اغلب الناس الى موجودة عموما ربنا يسهلها ونلاقى حل لينا كلنا يلا عالبركة اقتباس:
بسم الله انتى حضرتك مجاولتيش تقربى من اهلك قبل كدة ؟ حضرتك عندك مشاكل عائلية تفرض عليكى انك تبقى بعيدة عن اهلك ؟؟ ولا انتى بعيدة بطبعك وهما بطبعهم ؟ حضرتك ليكى اصدقاء بتثقى فيهم ؟؟ حضرتك بطبعم منعزلة عن الناس ولا حصل حاجة خليتك كدة ؟؟ حضرتك بتدرسى ؟ متفوقة دراسيا ؟ نقطة مش بتحبى تضايقى حد فية ناس كتير كدة كتير قوى كمان المهم فعلا مينفعش تظهرى لاى حد مشكلتك مع انها مش ضعف ابدا كلنا عندنا مشاكل بس مش اى حد تكلمى معاة يعنى حاولى تبقى اجتماعية شوية حاولى تخلى حد يحل محل صاحبتك الله يرحمها تفضفضى معاة هترتاحى قوى والله لو مش هتقدرى كلنا هنا اخواتك تقدرى تفضفضى معانا وكلنا هنسمعك والله عمر الحزن ما كان ضعف لان مفيش مخلوق فرحان على طول ومفيش مخلوق حزين على طول مهما كانت الاسباب ؤاجع تانى وتالت ان شاء الله لحد ما ترتاحى خالص فى رعاية الله |
اقتباس:
السلام عليكم ورحمة الله وبركاته أهلا وسهلا ( سري جداً .. 132 ) أجمل شئ إنك حسيتي بالراحة لما اتكلمتي ومادام حسيتي بالراحة بعد ما اتكلمتي استبشري خير مشكلتك مشكلة تراكُمات مش مُشكلة مُزمنة يعني حلها سهل جداً إن شاء الله ولو مش حلها سهل جداً فهيبقي تأثيرها عليكي ضعيف جداً جداً لحد تحسي فيه انها مش مشكلة أصلاً بصي يا ( سري جداً .. 132 ) .. الحكاية معاكي إن انتي عملتي لنفسك صورة مثالية مُتكاملة عقلانية بترفض المشاعر طالما غير موجه .. والصورة العقلية لما بتزيد بتعمل حاجز بين الإنسان وبين اللي بيتعامل معاهم يمكن أحيانا كانت بتحصلي فترة لغاية ما نجحت اني احاول أعمل توازن بين شخصيتي وعقلانيتي ومشاعري وأحاسيسي .. انتي محتاجه كدا بالظبط .. انتي قطعتي شوط كبير في انك تظهري نفسك بعقلانية ومميزة بين الغلط والصح وده أثر علي طبيعيتك إنك اهملتي جانب من جوانب نفسك وهو المشاعر والأحاسيس .. ربنا يبارك فيكي يارب الرد مختصر لان يعتبر مش فيه مشكلة وانا حاسك انك حد كويس وعاقل هيقدر يقدر الامور ويصلح حياته :) أتمني الإفادة |
اقتباس:
السلام عليكم ورحمة الله وبركاته سراب مشكلتك نفس مشكلة اللي قبل اللي قبلك علي ما اعتقد وأفتكر ان مشكلة الإنطواء والبُعد عن الاهل هي مرحلة عُمرية معينة او بمعني أدق مشكلة نفسية وإحساس معين في مرحلة عُمرية معينة بيكون الإنسان مكتملتش مراحل نموه ونضجه الإنفعالي فمبيكونش قادر يعقل الحدث الصح بالإحساس الصح وبيبقي الرِهاب عنده ( الخوف ) عالي بيبقي عنده قناعة تامة إنه مهما يتكلم محدش هيفهمه بالرغم من انه لو حاول يفهم الناس هيفهموه لان كلهم عدهم مشاكل أصلا حاولي تعبري عن مشاعرك من خلال كتابات يا سراب حاولي تعبري من خلال خواطر المهم لازم تعبري متراكميش احاسيسك في نفسك عشان متتعبكيش وصدقيني فترة وهتعدي وهتلاقي نفسك أقوي بكتير بعد كدا بس لازم تحاولي تخرجي نفسك منها وربنا هيعينك ربنا يبارك فيكي اتمني الإفادة :) |
عارفين يا سري جداً من اول ما بدأتم
مش فاكر إن كنت حكيت الموقف ده قبل كدا ولا لاء المهم هحكيه تاني عشان الظهايمر بتاعي كان فيه واحد عنده مشكلة عويصة جداً فراح لحكيم الحكيم ده كان بيحل مشاكل ناس كتيرة جداً فكان عنده اوضة كدا كل اللي بيجي بيكتب مشكلته ويرميها في الأوضة وبيجي ياخدها بعد ما بتتحل المهم الراجل ده راح للحكيم وقاله انا عندي مشكلة لا اتخيل انك تقدر تحلها وانا متاكد انك مش تحلها انا بس بدي نفسي فرصة أخيرة قاله كويس اكتب مشكلتك وارميها في الأوضة وتعالي بعد يومين المهم كتبها وجالو بعد يومين فبيقوله فين حل مشكلتي قاله ياااه اتصدق نسيت احلهالك أدخل هاتهالي وانا احلهالك دلوقتي دخل يمسك الورق ويقرأ يقول اعوذ بالله يمسك ورقة تانيه يلاقي مصيبة .. يمسك ورقة تانيه يلاقي كارثة خرج وقاله مش لاقي مشكلتي .. قاله مفيش مشكلة خد أي مشكلة من المشاكل دي قاله لالالالالالالا عايز مشكلتي وبدون حل كمان :) |
اقتباس:
ده بيستخدم للاستفزاز بس :d اقتباس:
انتوا اللى يعرفكوا يجرالوا خير :angry2: اقتباس:
:slap1qk6: وعليكم السلام ورحمة الله وبركاته :slap1qk6: اقتباس:
غلطة كيبوردية فيها ايش :d |
اقتباس:
ف انتظارك ع فكرة اول ماتدخل الموضوع تكتب ع طول مش لازم تستنى لما اللي قبلك يخلص اوك;) اقتباس:
هههههههههه خلاص يبقى ندخل الكيبوردات مدارس ونعلمهم املا بس مش يلغوها بدري بقى:d اقتباس:
|
السلام عليكم
انا مش عارفه فى مشاكل لسه مستنيه تتحل ولا لا بس انا عموما هتكلم لان الكلام فى حد ذاته بيريحنى ولو حد حابب يعرض مشكلته برضه فى نفس الوقت يتفضل برضه هو انا مش عارفه ابدأ منين يعنى حاسه ان عليا تراكمات كتير اوى مع ان محدش اما بيشوفنى بيفكر انى عندى مشاكل ومضايقه او اى حاجه من دى انا على طول بهزر وبدخل اى لمه مع اصحابى اقلبها ضحك وهزار انا حتى مش عارفه احدد مشكلتى ايه بالظبط عشان احلها من الاخر انا حاسه انى تايهه جداا وقراراتى كلها مضطربه كده وثقتى فى نفسى مش كبيره الناس كلها فاكرانى ملاك ومثال للبنت الملتزمه اللى بتعمل كل حاجه صح انا يمكن كده فعلا بس انا حاسه او هو فعلا ظاهريا بس او مش فى كله يعنى انا مثلا لبسى واسع وطرحتى كبيره ومش بكلم ولاد خالص فى الكليه الا فى اضيق الحدود ده حتى هما اللى بيبقوا بيسألوا على حاجه مثلا فبتالى برد لكن انا اهو بقالى سنه فى الكليه مش فاكره ولا مره انى بادرت ان انا اللى اكلمهم او اقف معاهم زى معظم البنات والكلام ده بيبقى انا وصحبات يعنى مش ببقى لوحدى يعنى وده اللى انا فعلا مقتنعه انه غلط لكذا سبب يعنى يعنى مش بعمل كده تمثيل او عشان اظهر ملتزمه ادام الناس بس عالقيض مثلا كنت لحد فتره قريبه بكلم شباب عالنت مع انى كنت بطلت من فتره كبيره بس للاسف رجعت تانى اكلم بس هما مش شباب بقى كتير وهيصه كده لا هما تقريبا اتنين ومش بتكلم معاهم عشان انا عايزه اكلمهم او اسمع منهم كلام او كده لا انا بكلمهم عشان فعلا كنت برتاح جدا انى احكيلهم مشاكلى يعنى كنت بحكيلهم زى ما بحكيلكوا كده تمام وهما كان كانوا بيحكيولى مشاكلهم يعنى تقدروا تقولوا كلام اخوات مع بعضهم ولو ان كلمه اخوات دى بحس انها بنذوق بيها الطريقه اللى بنكلم بيها يعنى لان اننا فعلا مش اخوات ولان اى حاجه بتحصل فى الضلمه تبقى غلط ولانى واثقه انى مقدرش اقول لاهلى فى البيت انى بكلمهم فبتالى تبقى دى حاجه غلط وانا فعلا كذا مره قلتلهم هما الاتنين على وجهه نظرى دى وهما اقتنعوا بيها وكنا بنبطل كلام فتره وغيرت الميل كذا مره عشان حتى ما لقيش حد فيهم ويسلم عليا مثلا والسلام يجيب كلام وكده بس برضه احيانا من وقت للتانى بلاقى حد فاتتح وبيقى فيه كلام المشكه انى حاسه انى منافقه مع اصحابى يعنى اما بعرف ان واحده من صاحباتى بتكلم ولاد عالنت وكده بفضل اكلمها واقولها تبطل وهى طبعا مش متخيله ولا يجى فى بالها اصلا انى بكلم بس ده للاسف اللى بيحصل ولو انى عارفه الفرق بين كلامها وكلامى بس برضه فى النهايه بنتساوى اننا بنتكلم !! المشكله التانيه بقى او قولوا المصيبه انى للاسف بقيت بقطع فى الصلاه او مش بقيت بصراحه انا من زمان وانا بقطع فى الصلاه يعنى بلتزم فتره وكده وبواظب وبعد كده اقطع تانى وافضل كتيييييير لحد ما ارجع اصلى تانى ودى بجد حاجه مسببالى رعب جدا خايفه اموت وانا مش بصلى حاسه ان الموت قريب اوى اصلا فى اقل من شهر مات تقريبا 5 اشخاص اعرفهم وسنهم مش كبير منهم اتنين عندهم 17 سنه يعنى من سنى يعنى كان ممكن جدا اكون مكانهم مش عارفه هقابل ربنا اقوله ايه انا حتى اما بصلى مش بحس بالصلاه حتى لو اتحفزت شويه كده وصليت فتره برجه اقطع تانى المشكله ان عالرغم من ان اهلى معروفين بالتدين وكده الا انهم مهتموش يعلمونى اواظب عالصلاه زى ما اهتموا يعلموا اخويا اللى اكبر منى بسنتين فللاسف دى اثر عليا كتير مهم لو كانوا عودونى كنت زمانى بصلى على طول بس برضه دلوقتى الغلط مش عليهم الغلط عليا انا انا مش عارفه بجد اصلح من نفسى ازاى نفسى مبقاش حاجه من برا وحاجه تانيه من جوا انا خايفه جدا من فكره ان الموت قريب منى انا حتى بفكر انى ممكن اموت بعد ما اكتب الرد ده على طول وانا لسه مصليتش العصر انا عموما هقوم اصلى العصر وكل اللى طالباه من منم اكتر حتى من الرد عليا انكوا تدعول بظهر الغيب ان ربنا يهدينى واسفه انى طولت بس انا حبيت اوصلكم صوره كامله وحاسه انى ناسيه حاجات برضه وشكرا عالفرصه دى بجد جزاكم الله خيرا والسلام عليكم ورحمه الله وبركاته |
اقتباس:
بالنسبة لكلام الولاد ع الميل طول مانتي مقتنعة ان اللي بتعمليه مش غلط اعتقد انها هتبقى حاجة سهلة انك تقنعي اي حد بيها عندكو ف البيت لان وجهه نظرك ان دول فعلا اخواتك ممكن تقولي لمامتك مثلا فهميها انه مش غلط ممكن كمان تخليها تقعد جنبك مرة وانتي بتكلمي حد مرة واحده بس بس ده هيختلف ع حسب شخصية مامتك هل هي هتتقبل كده ولا لاء لو مش هتتقبل كده ممكن تقولي لحد من اخواتك مثلا بس ك ده لو انتي مقتنعة ان اللي بتعمليه ده صح لو مش مقتنعة بقى متحاوليش تكابري مع نفسك والبنات مش قليلة ويعرفو يكلموكي زي الولاد بردو مش عارفة بقى بالنسبة لاحساسك انك منافقة ده تعملي ايه المشكلة ان اللي بتعمليه ده فعلا رياء بالنسبة للبس وكلام الولاد ف اجامعة انتي قولتي انك عارفة انه غلط تبقي مش بتنافقي حد بالنسبة لصحابك وصورتك قدامهم ممكن يبقى في حلين من وجهه نظري الاول وده الاحسن ممكن تخلي انك مش قايلة لاصحابك انك بتعملي غلط فرصة كويسة انك تصلحي من نفسك يعني تحطي ف اعتبارك انك لو مش هتبطلي الذنوب دي عشان هي ذنوب فعلا هتبطليها عشان متبقيش منافقة وواحده واحده اكيد هتتصلحي بس بالتدريج الحل التاني لو مش قادرة انك تبطلي الذنوب ممكن بردو تبينيلهم بالتدريج انك بتعملي كده هيبقى غلط اخف من غلط لاني مرة سمعت ان الرياء ده اسمه الشرك الاصغر حطي ف اعتبارك كده بالنسبة بقى لحكاية الصلاه فانا بجد هدعيلك من كل قلبي ان ربنا يهديكي بس ف حل بينفع مع ناس كتير انك اول ماتسمعي الاذان تقومي تصلي ع طول متتأخريش لحظة ده قولته لكذا حد ونفع معاهم ربنا يهديكي ياحببتي و ان شاء الل حد تاني هيجي يرد عليكي |
اقتباس:
بصى انا مش فاهمه انتى وصللتك فكره انى بكلم ولاد ازاى هو انا مقتنعه ان الكلام فى حد ذاته غلط بس انا تقدرى تقولى انى برر لنفسى ان محتوى الكلام نفسه كويس وكتير بيخفف عنى لكن انا عارفه ان فكره الكلام فى حد ذاته غلط وانا يمكن ملقتش اللى احكيله عشان كده امابلاقيهم هما بحكيلهم ويمكن كمان ان الكتابه فى حد ذاتها بتبقى اريح لما حد يجى يحكى حاجه مضايقاه عن انه يقولها لحد قاعد جنبه او انا كده عن نفسى برتاح فى الكتابه اكتر ومش عارفه فكرهه انى اقول لاصحابى دول يعنى حاسه ان زيى ما يكون ربنا ساترنى وانا هافضح نفسى او بحس ان اللى ادامى مهما شرحتله طبيعه العلاقه مش هيفهم فبسكت والبنات اللى انا غالبا بنصحهم ببقى عارفه مثلا ان الولاد اللى بيكلموهم بيضحكوا عليهم فمقدرش اسكت وانا ان شاء الله اول ما اسمع الاذان هقوم اصلى شكرا عالدعوه الجميله يارب ربنا يتقبلها منى ومنكم جميعا جزاكى الله خيرا |
اقتباس:
بصي يا ستي صلي علي رسول الله انا و الله اعلم حالتي عاملة ازاي دلوقت بس انا هرد عليكي لانك محتاجة ولو مساعدة بسيطة و بجد هتبقي احسن كتير بصي انا هحكيلك حكاية بسيطة كده حدثت واقعيا و الله بجد حقيقة و في عيلتنا كمان بصي اجلنا تليفون من القاهرة قولولنا فولان تعبان جدا و تعالوا زوروه علشان ف العناية و كده المهم روحنا لقيناهم بيعيطوا و كده فكرناه مات هو فعلا كان فيه حد مات بس تعرفي مين ؟ كانت زوجته و علي فكرة كانت سليمة جدا بس روحنا لقيناها هي اللي توفت طبعا كلنا مش مصدقين او مزهولين بجد من الموقف يعني رايحين علي اساس واحد تعبان جدا نلقي حد تاني مات و الراجل ده حي يرزق دلوقت مع انه كان لا حول و لا قوة الا بالله العلي العظيم الموت مش هيقولك انتي هتموتي توبي بقا لا طبعا هياخدك كده علي بعضك من غير حتي ما تستعدي وبعدين كفي بالموت واعظا يعني خلاص اللي مش هيتعظ من الموت خلاص الف سلامة عليه هيموت كده خلاص هيعرف انه هيموت كده لان اللي قلبه ميتعظش من الموت يبقي مش هيتعظ من حاجة تانية و بعدين حاجة تانية سيبك بقا من موضوع ان والدك ووالدتك معلموكيش الصلاة لا بجد سيبك من الكلام ده انا اللي علمني مش والدي او والدتي لا اللي علمني مدرسة في ابتدائي الله يكرمها و بعدين انتي هتفضلي طول العمر تقولي والدي ووالدتي طيب حتي لو نفرض ده ليه متحاوليش تعملي زي اخوكي الكبير ؟ و حتي لا اطيل عليكي ربنا يهديكي و يهدينا اجمعين ان شاء الله هدعيلك بظهر الغيب في امان الله |
اقتباس:
|
اقتباس:
معلش مش هعرف ارد على المشكلة التانية لسبب بسيط ان انا يعتبر فيا جزء من المشكلة دى فمش هقدر انصحك بحاجة انا اصلا مبعملهاش وان شاء الله حد تانى يرد على المشكلة دى وربنا يهديكى لما فية الخير يارب ويوفقك فى كل دنيتك ودينك وعاقبة امرك امين يارب العالمين اتمنى من الله ان اكون قدرت اريحك شوية فى رعاية الله |
تم تثبيت الموضوع تصدقو انا كنت ناسى اعرفى الجمايل دى يا ايمان مفيش عمولة بقى :bosyht9: :d:d فى رعاية الله |
السلام عليكم انا عضوة جديده يعنى انا بصراحه كنت عايزة ادخل من زمان بس معرفش كنت متردده وخايفه وهى دى مشكلتى انى بخاف وبخاف جدااااااا لدرجه انى بخسر كل حاجه بسبب خوفى وخوفى هنا مش ع نفسى لا على اى حاجه ملكى او عندى ده بيسبب ليا مشاكل كتير لدرجه انى بدأت احس انى مش طبيعيه نهائيا ومتقلبه الموضوع ده خسرنى ناس كتيررررررر حبيتهم جدا بس من كتر حبى فيهم وخوفى عليهم ضيعتهم من ايدى زى القطه اللى اكلت ولادها من خوفها عليهم انا مكنتش كده ابدا معرفش من سنتين والمشكله دى ظهرت عندى طبعا بقى ده غير الاثار الجانبيه اللى كانت معاها ثقتى بنفسى بقت تحت الصفر وكلامى ناشف جداااااااااا ببقى كويسه ومرة واحده اقلب صحابى وبدات اقاطعم مع انى علاقتى مع ربنا يعنى بتتحسن الحمد لله الصلاة مش بتتقطع نهائيا وقيام الليل وقراءه قرآن وحفظه الحمد لله يعنى ولبسى محترم الحمدلله بس بجد المشكله دى تعبانى انا حاليا نفسيتى مدمرة خالص ومش عارفه اذاكر وخايفه افضل كده وانا داخله ع امتحانات ثانويه عامه بجد مش عارفه اعمل ايه |
اقتباس:
استهدى بالله واستيذى بالله من الشيطان الرجيم وزودى ثقتك فى نفسك شوية وخالى الحديث دة فى دماغك على طول هترتاحى قوى "احفظ الله يحفظك احفظ الله تجده تجاهك اذا سالت فاسال الله واذا استعنت فاستعن بالله واعلم ان الامة لو اجتمعت على ان ينفعوك لن ينفعوك الا بشئ قد كتبه الله لك وان اجتمعت على ان يضروك لن يضروك الا بشئ قد كتبه الله عليك رفعث الاقلام وجفت الصحف صدق رسول الله صلى الله عليه وعلى اله وصحبه وسلم" ان شاء الله هرجع تانى فى رعاية الله |
انا سرى جدا بتاعه المشاركه 147
هى فكره انى اروح اقلهم انى مش ملاك زى ما هما متخيلين دى مش عارفه حاساهاغريبه شويه يعنى مش هروح من نفسى كده من غير سبب اقول على نفسى انى مش ملتزمه بس يمكن لو لقيت موقف كده ممكن اقول بس على فكره انا مش بمثل عشان هما يفتكرونى ملتزمه انا بتصرف على طبيعيتى جدا بس يمكن انا الناس اللى بتاعمل معاهم معايا من واحنا واطفال ويمكن وانا اصغر من كده شويه كنت اعتبر افضل من كده فهما اخدوا الفكره دى بالنسبه لموضوع انى بنصح صاحباتى وكده انا اكيد فعلا مش هخاف عليها اكتر من نفسى زى ما بتقول بس هى اما بتحكيلى عالكلام اللى بيتقال بلاقى ان هى بيضحك عليها فعلا فبتالى بقولها يعنى اما يكون حد مفهمها انه بيحبها ومعيشها الدور لازم انبهها لما تكون بتكلمه فى التلفون من ورا اهلها مقدرش مقولهاش واكيد ده بيختلف 180 درجه عن الكلام اللى انا بتكلمه معاهم اقتباس:
والله بتمنى انى ربنا يهدينى واواظب عليها على طول ومتبقاش مشكله بالنسبه لى بجد مش عارفه اشكرك ازاى على ردك ده وانا اسفه لو كنت عطلتك عن مزاكرتك ربنا يوفقك ويكرمك يارب اقتباس:
واكيد ريحتنى كتييير بحلولك جزاك الله خيرا بجد وربنا يوفقك فى دراستك وامتحاناتك وحياتك شكرا ليكم جميعا ساعدوتنى كتير ربنا يكرمكم كلكم |
اقتباس:
اولا مفيش شكر ولا حاجة دا واجب علينا كلنا لان احنا هنا كلنا اخوات ولازم نقف مع بعض والحمد لله ان ربنا قدرنى واقدرت اريحك ولو جزء بسيط وجزاكى مثلة ان شاء الله ويوفقك ويهديكى ويهدينا جميعا يارب ربنا يريح بالك ويريحك ويهديكى يارب فى رعاية الله |
انا سرى بتاع مشاركه154 شكرا لورد ع متابعتك لمشكلتى ردا على انتى اتعرضتى لمشاكل نفسية قبل كدة فى السنتين دول ؟ افتقدتى حاجة عزيزة عليكى قبل السنيتن دول ؟ اه افتقدت وكنت انا السبب برضه بسبب خوفى من الحاجه دى وخوفى عليها وحاليا برضه افتقدت حاجه اكبر منها بكتير جدااا بسبب غبائى وخوفى عليها وعدم تقديرى للظروف ولنفسيه اللى قدامى انا مخنوقه من نفسى بس برضه زعلانه من الحاجه دى لانها مصبرتش عليا وع امتحاناتى جرحتنى بدون اسباب وعتاب بس والله احساسى بالخوف عليها هو اللى خلانى اضيعا من ايدى هى مو فهمت كده المشكله الوقتى ان الحاجه دى مأثرة جدا ع درستى وانى مش عارفه اذاكر خالص بسببها وبسبب خوفى وحزنى عليها مش عارفه بجد مالى |
اقتباس:
الحاجة دى ينفع تقوليها لينا ؟؟ يمكن نقدر نريحك فيها لو حاجة متقدريش تقوليها لينا هنا عندك ايمان ابعتى لها على الخاص وقولى لها اية الحاجة دى وان شاء الله لكل مشكلة حل ومشكلتك بسيطة وحلولك كتيرة بفضل الله بس الحل كلة يتوقف فى اننا نعرف اية الحاجة الى ماثرة عليكى دى دمتى فى رعاية الله |
اقتباس:
فاحنا كلنا عندك اهو مش ورانا غير الرغي:bosyht9: رغاين اوي وربنا وهنعجبك يعني :d ضيفي ايميل اي واحده فينا او ايميلاتنا كلنا اوك:friendsxs3: اقتباس:
انتي بتقولي انك بتشوفيهم بيضحكو عليهم ليه بقى تقوليليها ان فلان ده بيلعب بيكي ومش تكلميه تاني تقوليلها برو ان غلط الكلام ف التليفون مش تقوليلها مش تكلمي ولاد خالص اقتباس:
وقامو يصلو هتقومي تصلي بردو العصر معاهم ولا هتصي صبح وضهر الاول اكيد عدى عليكي موقف زي ده او هيعدي وتصرفك انك هتصلي العصر عشان مش معقول يعرفو انك مش صليتي وانك مش بتصلي صح ولا غلط ؟ بصي اهم حاجة انك واجهتي نفسك في ناس مش بتعترف بكده مش عارفة اقواك ايه ف حكاية الصلاة بجد غير انك مش ينفع غير انك تصلي مفيش اي ح غير انك تحطي الصلاه ف دماغك وتبقى هي شغلك الشاغل اول مايدن الادان تقومي تصلي بجد تبقي عارفة ان اللي بتفوته صلاه ف الدنيا بيصليها ف جهنم والعياذ بالله الحته دي بتنفع مع واحده صحبتي والله لما تكسل تقوم تصلي تقول انا اصليها دلوقت وانا بصحتي احسن مما اصليها ف جهنم لانك كده كده هتصليها قوليلي عملتي ايه ف الصلاه اليومين اللي فاتو اقتباس:
افتكر الكلمتين دول انا اعرف واحد والله مش طان بيصلي ويكسل دايما اول ماحط دماغه ف الصلاة واول مايدن الفرض ينزل ع طول ف الجامع حتى مش يستني الاقامة بينزل يتوضى ويقعد هناك عشان مش يكسل اتعود من ساعتها والصلاه بقت اهم حاجة ف حياته الاذان عنده حاجة كبيره اعمل كده يامحمد و ف الجامع صدقني هيكون اسهل ف الاول واحسن من الصلاه ف البيت بسبع وعشرين مرة وكل خطوة بحسنه وافتكر كده كده هتصليها يااما وانت بصحتك ف الدنيا يااما ف جهنم والعياذ بالله وافتكر كمان لما ربنا يجي يسألك مصلتش فرضي ليه معملتش الشرط اللي شرطته عليك عشان تبقى مسم ليه هتقوله كنت قاعد ف المنتدى :o ف ايه ف الدنيا اهم من ربنا انا اسفه يامحمد لو كنت اتكلكت ف حاجة انت مطلبتش رأيي فيها واسفه ياسري لو كنت خوفتك بس ترك الصلاه دي اصعب حاجة ربنا يهدينا ويهديكم يارب |
:abdoog8: اقتباس:
اقتباس:
اقتباس:
تاني هيقولي عمولة:slap1qk6: يابني انا نااااااااااكرة للجميل :d لازم تاخد بالك من النقطة دي وبعدين حد قالك ثبته :p بص عشان خاطر ربنا وعشان بطلت الضحكة اللي بترنفزني دي شكرا يامحمد :d |
اقتباس:
بصي انتي عندك رهاب بنتعلم بسرعة اهو^_^ مش عارفة اقولك تعملي ايه احمد هيجي يقولك انا كفاية شخصتله :cool: اقتباس:
بصي ياستي ايا كانت الحاجة اللي عندك سواء عاوزة تقوليها او مش تقوليها انتي بتقولي انها مأثرة ع دراستك وانك مش عارفة تذاكري منها انا جتلي فترة ف حياتي كده عارفة كنت بعمل ايه كنت بجيب كشكول كبير واكتب عليه بالخط العريض مفيش حاجة ولا حد ف الدنيا يستاهل اني اضيع مستقبلي عشانه وكنت بكتب من فوق هدفي انا عاوزة ايه وهيتحقق ازاي ولازم اذاكر عشانه و ف ورقة تانية كنت بكتب ايه اللي هيحصل لو مش ذاكرت والحاجة او الحد دول هيفيدوني باايه وكنت بحط الورقتين ادامي ف درج المكتب واول مااسرح ببص فيهم لا ارادي برجع للكتاب والله اهم حاجة ان مفيش حاجة تأثر ع دراستك وانتي بتقولي ان الحد ده مقدرش خوفك عليه يبقى مايستاهلش تفكيرك فيه بصي لو عاوزة تقولي الحاجة قولي لو عاوزة تقوليهالي انا ممكن بس صدقيني انا مش هقدر افيدك زي ماكلنا هنا هنفيدك وبعدين انتي ف سري جدا يعني كده كده محدش يعرفك مستنياكي تاني بس مش عارفة اقولك ايه ف حكاية الخوف كل اللي اقدر اقولهولك ان ربنا كات كل حاجه وكل خطواتك واللي عاوزة ربنا هيكون يبقى مش ليه اي لازمة الخوف مش فاهمة انتي بتخافي ازاي او ليه يعني مش قادرة اوصل لاحساسك مستنياكي عشان تقولي تفاصيل اكتر |
| جميع الأوقات بتوقيت GMT +2. الساعة الآن 12:04 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.