|
اقتباس:
هههههههههههههههههههههههههههههههه مش عارفه بيضحك ليه؟؟؟؟ وهو ده سؤال برضو؟!!!!! بقي بعد ما الراجل شايفه قدامه اللي عامله ميك اب والتانيه ام اسبنش واللي بتحب في التليفون لا وايه كمان اسم دلع اكيد في رايه وراي اي واحد مكانه بتدلع حبيبها وبتقوله مودي ماهو مودي ده اسم دلع طبعا ههههههههههههههههه وطبيعي ان الراجل شغال استغفر الله العظيم ومتوقع ان اي واحده فيكم لو اتكلمت مثلا وقالت كلمه تقول كلام تاني خاااااااااالص زي كده مثلا((ها يا سوزي هنقضي اجازة الويك اند فين؟؟ او انا هعمل حتة بارتي الاسبوع اللي جاي يجنن وهعزم فيه مودي بس)) واخر حاجه متوقعه انه يسمع كلام زي كلامك ده((نصلي المغرب)) هههههههههههههههههههههههههههههههههه مش قارد موقف تحفة يابخت السواق قعد يضحك لحد ما وشه ورم ههههههههههههه |
اقتباس:
ماهو كان فاهمنى غلط مودى ده لسه مارحش الحضانه وهو اكيد فاكره كبير وانا بقا بحب فيه هههههههههه اعمل له ايه طويب وبعدين انا معرفش البنات دول أصلا انا لو كنت اعرفهم مكنتش خلتهم يعملوا كده فى التاكس أصلا يلا بقا خير خير الحمد لله شريط الموقف المضحك قرب يسف او هو سف خلاص حقعد اتفرج بقا على مواقفكم بس عايزه اضحك يا بشر مااااااااشى |
انا عندي موقف مش يهمني بقي يضحك ولا لأ
المهم انا عايز اقوله لانه صعب انسااااااه ابدا((موقف مؤثر)) وانا صغير في تقريبا في اولي اعدادي كان عندي عجله الفرامل بتاعتها في البدال كان ابويا جايبهالي من السعودية بس كانت تحفه المهم رحت بيها مشوار وكنت خلاص قربت اطلع ع الطريق الرئيسي وكله طبعا عربيات وموتوسيكلات رايحه جاية مفيش رحمه خالص المهم انا بقي كان لازم طبعا اضرب فرامل واستني لحد ما الشارع يهدي واعرف اعدي عمال اضرب فرامل ((هي موجوده في البدال)) مش راضيه تضرب فرامل احاول مرة واتنين وعشرة استحاله تضرب فرامل وانا قلبي وقف لانه بمجرد وصولي للشارع هبقي حته هريسة المهم من حكمه ربنا وفضله عليا ان فيه قبل الشارع علطول عمود نور وربنا سبحانه وتعالي الهمني فكرة ايه هي رحت داخل في العمود بالعجله عشان هو طبعا هيوقف العجله واللي يحصل يحصل بقي والله دخلت في العمود وانا جاي بسررررعه والحمد لله العجله وقفت وانا كنت عليها ماحصليش اي حاجه وربنا سترها معايا وكان اصعب تاني موقف ليا بعد موقف التعبان ومستحيل انسي اي واحد فيهم ،، تحياتي |
اقتباس:
هههههههههه لا بجد انا مش قادره ابطل ضحك يعنى تخبط فى العمود طيب كنت انزل من العجله أحسن عموما الحمد لله أنها عدت على خير وأن محصلش حاجه هههههههه لا بس حلوه برضه |
موقف تاني مؤثر برضو حصل من يومين
تحديدا يوم الاثنين 23/5/2011 المهم الموقف حصل في لجنه الاعدادية ((عندنا في محافظة مطروح الاعدادية شغاله دلوقتي وهتخلص بكرة الخميس26/5)) انا براقب في مدرسة اعدادية بنات في احدي اللجان المهم في اللجنه اللي جمبي سمعت صوت وطلعت ابص كده لقيت طالبه فاقده للوعي تماما ومغمي عليها والمدرسات بيحاولوا يفوقوا فيها لايمكن ولا هي هنا ومدرسة تمسك ايديها وتحاول تدفيهم لانهم كانوا ساقعين جدا مفيش فايده نحاول نطلب الاسعاف ولاحياة لمن تنادي اكتر من تلت ساعه والاسعاف غير موجود وربنا كرمنا بواحد مدرس يعرف واحد من المستشفي خلاهم يتصلوا بنفسهم بالاسعاف وفعلا حصل وجم بتوع الاسعاف وقبل ماييجوا المدرسات يحاولوا يوقفوا البنت دي عشان ينزلوها تحت الدور الارضي يدوب تقف وترتمي ع الارض علطول لا حول ولا قوة الا بالله بجد كانت صعبانه عليا اووووووي وكمان كانت عايزة تدخل اللجنه وتكمل الامتحان بعد مافوقناها من الاغماءة الاولي وتصر علي كده وهي لا طاقه لها تعمل اي شئ بس الاسعاف جه واخدها ورجعت الحمد لله للجنه من جديد تقريبا ماعداش نص ساعه علي خروجها ودخلت اللجنه وكملت ولما سالت الاستاذه قالت هي شاطرة وكانت حلت اكتر من نص الامتحان قبل ماتمشي .... ربنا ما يكتبها علي اي بنوته من طالباتنا بجد موقف لا تحسد عليه ... معلش نكدت عليكم،، تحياتي |
اقتباس:
ياعزة انا عملت افضل شئ اني خبطت العجله في العامود وماكانش ينفع انزل من العجله بقولك انا جاي بسرررررعه كبيرةةةةةة هنزل منها ازاي بقي فطبعا خبطت العجله نفسها في العامود وانا بعتبره تصرف مثالي في الحاله دي وعايز الكل يستفيد لو لا قدر الله حصل معاه نفس المشكله((من ضمن اهداف الموضوع الاستفاده من المواقف برضو)) تحياتي ليكي |
أكيد طبعا
بس برضه كنت حاول أو خلى حد يشدك هههههههههههههه بس موقف لطيف أوى ههههههههه ---- بالنسبه لموقف البنت (لا حول ولا قوه الا بالله ) طيب هو حصل لها كده ليه عموما الحمد لله انها بقت بخير وعرفت تعدى الامتحان على خير |
اقتباس:
او حاجة زي كده وفي اقاويل بتقول انها فوبيا الخوف من الامتحان ولما الملاحظين طمنوها وبثوا فيها الثقه اتشجعت:d وشدت حيلها وبقت احسن من الاول بس طبعا هي الوحيده اللي ممكن تأكدلنا هي عندها ايه او اي حد من قرايبها هي بباها جه انهارده اللجنه وطمناه بس ماسألناهوش هي عندها ايه خصوصا انه ماقالش حاجه |
اقتباس:
ههههههههههههههههههههه لا بجد يا مستر مواقفك مع العجل صعب .. كان متهيالى بعد موقف الكلاب .. مش هتركب عجل تانى .. عموما الحمد لله انه عدى على خير وربنا سلم .. ( الخط يا مستر صعب ) |
اقتباس:
فعلا موقف صعب وبيتكرر كتير .. والمحزن ان فى بنات شاطرة بتقل فى الدرجات بسبب شئ عارض زى ده .. موقف ربنا يحفظ الجميع منه ويوفقهم .. |
اقتباس:
(انا واخد بالي والله بس اللي موجود دلوقتي الخط بتاعي قد الخط بتاعك يا ميس انا قلت اعمله قد خطك عشان يبقي تمام ده حتي اللون خليته نفس اللون بنفسج) مشكور جدا ع التعقيب الطيب ،، لك مني التحيه والتقدير ولو في حاجه ف الخط تاني قولي عليه انا كتبت توضيح بس |
حلو اوى الموضوع
فى لقاء اخر باذن الله ابقى اكتب موقف شكرا استاذنا على الموضوع الجميل |
اقتباس:
جزاك الله خيرا وبارك الله فيك واشكرك شكرا يفوق الخيال علي هذه الكلمات المادحه لا حرمنا الله من مشاركاتك ولا من موضوعاتك اللهم امين ،، وبانتظار مواقفك ان شاء الله...الموضوع نور بقدومك لك مني خالص التحيات والتقدير:022yb4: |
مش عارف حكايتي مع العجل ايه؟؟
هحكي موقف صغير تاني عن العجل
بس المرة دي بقي كنت اول مرة اركب عجله كنت لسه بتعلم عليها كانت خرافه مفيش زيها في الوقت ده كان والدي جايبها من السعوديه((ياااه قول لزمان ارجع يازمان..الواحد اتظبط اوي في الفترة دي)) طبعا كنت في ابتدائي وقتها اول ما ركبت العجله وكان ماسك فيا وفي العجله ابن خالتي:friendsxs3: عشان ماقعش من علي العجله وانا ببدل وبسوق وهو ماسك فقالي ها هسيب ماشي قلتله استني ولسه ماكملتهاش لقيت نفسي طررراخ:d:bosyht9: داخل في الحيطه مباشرة بدون تفاهم،، يعني موقف صغير بس مستحيل انسااااااه وللاسف اتكسرت منها الاشارة اللي كانت قدام وزعلت اوووي بس كانت حاجه بسيطه والحمد لله ،، تحياتي:022yb4: |
هو موقف حصل مع اختى الكبيرة صراحة مش انا بس فعلا محرج المهم هى كانت بره البيت واخويا جه من السفر هو وصحبه وصحبه دوه شبه جدااااا وهى داخله باب على الباب شافت صاحب اخويا من ظهره وتحسبه هو راحت شدته من التيشرت وضربته على راسه على انه هزار مع اخوايا وبصوت بيرن فى الشقة تقله ازيك ياض يا حودة
كل اللى فكراه ان الولد صاحب اخويا كان هيجله صدمة عصبية اليوم دا ههههههههه |
موقف تاني معايا
طبعاً أنا سبق وقلت اني كنت شقي جداً جداً جداً في يوم كنت بالبيت لوحدي وبالليل واحد صاحبي جالي وقعدنا نتفرج علي التليفزيون وكان فيه واحد صاحبنا وبجوارنا وقلت أتصل بيه ييجي يقعد معانا ويجيب الشلة معاه اتصلت عليه ويظهر التليفون عنده كان السلك بيعلق وهو مش سامع صوتي هو افتكر ان واحدة بتعاكسه وبعد ثواني سلك التليفون اتعدل ولما سمع صوتي معرفنيش وعلشان كدا قعد يخرف في الكلام معايا قلت أشتغله شوية سبته يتكلم شوية وبعدين رحت مزعق فيه جامد وغيرت من صوتي وقلتله انت عارف انت بتكلم مين يا حيوان؟ رد وخرف معايا أكتر زعقت فيه أكتر وقلتله أنت بتتكلم مع فلان الفلاني وكيل النيابة وسألته انت اسمك ايه؟ لقيته فجأة سكت وفضل ساكت شوية وأنا بشخط وأنطر فيه زي ما أنا عايز وطبعاً صاحبي اللي قاعد معايا ماسك نفسه بالعافية كررت السؤال عليه مرة تانية وهو مش عايز يجاوب علي السؤال عمال يتأسف وخلاص وأنا مصر أنه يقول اسمه لكن هو مش راضي خالص قلتله عشر دقايق وأجيب بياناتك كلها عندي لقيته ادي سماعة التليفون لواحد صاحبنا تاني كان قاعد معاه وبردوا معرفش صوتي فضل بس يعتذر ويقول انهم كانوا فاكرين حد بيعاكسهم وأنا مفيش فايدة معايا خالص لازم يقولوا الاسم قلتله انت كمان بتدافع عنه ؟ يبقي أنت معاه في المشوار الجاي وقفلت التليفون وبعد عشر دقايق رجعت اتصلت بيه تاني وقلتله انت اسمك كذا وساكن في شارع كذا واللي قاعدين معاك دلوقتي اسمهم كذا وكذا وكذا قعد يتهته في التليفون ويعتذر ويتأسف ومش قادر يتلم علي نفسه خالص وأنا عايش الدور خالص وقلتله بكرة الصبح الساعة 10 تكون عندي انت والحيوان التاني تيجوا بالذوق بدل ما تيجوا بالبهدلة والمرمطة وقفلت السماعة . وبعت صاحبي اللي قاعد معايا ليهم عنده في البيت وقلتله انت تدخل ولا كأنك تعرف أي حاجة خالص وتقعد معاهم هناك وأكيد هتلاقيهم مش علي بعضهم خالص ومتوترين ومحتاسين ساعتها تسألهم فيه ايه ؟ ولما يقولوا لك علي اسم وكيل النيابة ترد عليهم وتقول انك متعرفوش بس تسمع عنه انه شديد جداً وبالفعل حصل الكلام دا بالظبط ولما سألوه طيب ايه الحل دلوقتي؟ قالوهم عليا أنا اني الوحيد اللي يقدر يحل لهم المشكلة دي وفعلاً لقيت بعد ساعة التليفون بيرن وصاحبي دا عايزني أروح عنده دلوقتي حالاً قلتله مينفعش لأن مفيش حد غيري في البيت وعرضت عليه انه هو اللي ييجي وفعلاً بعد ربع ساعة لقيته عندي واترمي علي الأرض ومش قادر يلم نفسه خالص يا بني قوم واقعد عدل وقولي ايه اللي حصل ؟ مالك فيه ايه؟ هو : مش قادر خالص . لازم تساعدني وتخرجني من الورطة اللي أنا فيها أنا : ورطة ايه ؟ يا ساتر يا رب . خير ايه اللي حصل ؟ حكي ليا كل حاجة . رديت وقلتله ان فعلاً وكيل النيابة دا مفتري واللي يقع تحت ايده يبقي أمه داعية عليه الجدع انهار أكتر وقعد يعيط وانا مفيش فايدة خالص بعد لما هدي شوية قالي لازم تخرجني من الورطة دي بأي شكل وبأي تمن قلتله ربنا يسهل ويقدم اللي فيه الخير أنا خالي يعرف وكيل النيابة دا وهبقي أكلمه لما يرجع بالليل وأقولك علي اللي حصل الصبح صاحبنا كان لوحده في البيت مع أخوه فقط , لكن الباقي كانوا في البلد بتاعتهم طبعاً مفيش نوم جاله خالص وكل ما يسمع حركة في الشارع يفتكر انهم جايين ياخدوه الكلام دا كان في أجازة تانية جامعة وانا بقوم من النوم متأخر بعد لما قمت من النوم اتصل عليا وقالي انه بيتصل من الصبح رديت وقلتله متحملش هم نص ساعة وأجي عندك وأقولك ايه اللي حصل وبعد لما رحت عنده لقيت صاحبنا التاني اللي كلمني بعده موجود هناك كمان وفجأة لقيت الموضوع بدأ يتطور وياخد شكل تاني خالص صاحبنا التاني لما روح امبارح قال لأبوه علي كل حاجة وبيقول لنا ان أبوه دلوقتي قاعد مع محامي علشان لما يستدعوه يبقي المحامي بتاعه جاهز لما سمعت الكلام دا قلت في نفسي الموضوع ممكن يتقلب بجد بس بردوا قلت أشتغلهم شوية كمان زعقت له وقلتله مش فلان قالك اني أنا هتصرف ؟ يبقي المفروض انك متعملش أي حاجة أنا مقلتش لك تعملها خالص انت كدا بتبوظ كل اللي أنا عملته قعدوا الاتنين يعتذروا ليا وخلاص أنا هروح لأبويا دلوقتي وأقوله بلاش محامي خالص وانك انت اللي هتتصرف في الموضوع دا . بس اتصرف بسرعة لأنهم قلقانين في البيت عندنا خالص قلتلهم أتصرف كدا علي طول من غير حتي ما حد فيكم يعزم عليا بسيجارة ؟ ردوا وقالوا خرطوشة سجاير بحالها مش سيجارة واحدة رديت وقلت لا خرطوشة كتير عليكم . كفاية كل واحد يجيب ليا علبة سجاير وفعلاً قاموا وكل واحد فيهم جاب ليا علبة سجاير حطيت العلبتين في جيبي وقلت لهم خلاص الموضوع كدا اتحل خلاص قالولي اتحل ازاي ؟ دا ممكن يبعت لينا في أي وقت قلت هو مين اللي يبعت ليكم ؟ اللي كان عايزكم تروحوا له , هو اللي بيكلمكم دلوقتي ودول مفيش فايدة مش عايزين يصدقوني خالص احكي ليهم علي كل اللي حصل يردوا ويقولوا اني عرفت الكلام دا منهم هما طيب أعمل معاهم ايه ؟ قلت لهم اتصلوا بفلان ( اللي كان قاعد معايا وأنا بتصل عليهم ) واسألوه ان كان كلامي صح ولا غلط وفعلاً اتصلوا عليه وقالوا له تعالي دلوقتي وقعدوا يسألوا فيه وهو يأكد لهم اني أنا اللي اتصلت صاحبنا الأولاني صدق لكن التاني مش عايز يصدق خالص وقعد يقول اذا كان وأنا بتكلم معاه في التليفون سامع العسكري بيضرب له تعظيم سلام وانا لما سمعت الكلام دا منه قعدت أبص لصاحبي اللي كان معايا وأقول عسكري؟ تعظيم سلام؟ فيه ايه يا جماعة لا كان فيه عسكري ولا تعظيم سلام . التليفزيون هو اللي كان شغال ساعتها وحلفت لهم ان اللي اتصل وعمل الفيلم دا كله هو أنا وفي الأخر صدقوا , لكن والدة صاحبنا كانت وصلت البيت وصاحبنا التاني راسه ومليون جزمة قديمة انه يحكي لها كل اللي حصل ومش عايز يسمع كلام حد فينا خالص طبعاً أنا المؤلف والبطل والمخرج للفيلم دا كله وأكيد شكلي قدام والدته هيكون وحش جدا جدا جدا قلت أحسن حاجة اني استأذن وأمشي وأسيبهم يعملوا اللي عايزينه وفعلاً مشيت وفلت بجلدي تاني يوم عرفت ان صاحبنا دا والدته لطشته بالقلم والقلم طرقع جامد قدام صاحبنا التاني وخد كلام في جنابه يكفيه شهر بحاله . بعدها بفترة وأنا ماشي في الشارع والدته قابلتني ونادت عليا أنا قلت بس هي لسه منسيتش وعايزة تاخد بتار ابنها مني أنا لقيتها بتقولي انت فاكر اني زعلانة منك؟ بالعكس أنا مبسوطة من اللي عملته فيهم لأن الواد دا حاله مش عاجبني خالص وشلة الأولاد اللي هو ماشي معاهم دول هما السبب في خيبته وطلبت مني اني اخليني قريب من ابنها وأقنعه انه يسيب الشلة اللي هو ماشي معاها معلش الحكاية طويلة , بس أنا حاولت أختصر فيها قدر الامكان |
اقتباس:
|
هههههههههههههههههههههههههههه حكاااااااااااااايتك فظيعة يا مستر علي .. بجد قريتها كلها ..ههههههههههههههههههههههههههه بس كده تسيب الواد متعلق كام يوم .. تلاقيه خس النص لا بياكل و لا بيشرب ولا بينام ولو نام بيحلم بوكيل النيابة اللى هو انت .. هههههههههههههه فكرتني بموقف برضه نفس الموقف و الله .. ........ انا الحمد لله بعرف اقلد اصوات و لهجات كويس جدا ممكن اقلد ست راجل كبير صغير كده يعنى .. وواحد صحبي من حوالي سنتين .. كان جايب خط جديد و لسه محدش أخده الرقم الجديد بتاعه .. فأنا قولتله ايه رأيك نعمل مقلب فى اى حد بالرقم الجديد ده ؟ قالي ماشي .. روحت مطلع رقم واحد صاحبنا ابوه ليه علاقة بالاخوان :d و اتصلنا بيه .. راح رد و قالنا مين معايا ؟ انا طبعا بصوت ظابط أكيد .. :d معاك العقيد فلان الفلاني ظابط مباحث أمن دولة .... :d لقيت الواد هيعيط فى الموبايل و انا لسه محكيتش حاجة .. قالي خير يا باشا ؟ قولتله انت أسمك ..... كذا ..صح ؟ قالي اه اه يا باشا .. قولتله أبعد عن الجماعات اللى انت بتمشي معاها .. قالي و الله انا معرفش جماعات و لا اى حد و الله .. صاحبي بقى جنبي يقولي .. تمام يا افندم دي بيانات فلان الفلاني و كل حاجة عنه .. و انا الاقي صحبي هيعيط فى التيفون .. فقولتله احنا كده كده هنجيبك قريب و هتشرفنا .. وقفلت .. بس روحت لصاحبنا اللى اتعمل فيه المقلب تاني يوم الصبح راح هو قالي تعرف الرقم ده ؟ قولتله لا .. و لقيته مسجلة باسم " امن دولة " هههههههههه قولتله لا معرفهوش ماله يعنى ؟. قالي ده ظابط امن دولة و عايزين يمسكوني .. ههههههههه قولتله و بعدين .. قالي ده انا قولت لابويا عن االمكالمة و كده .. انا بصراحة خفت قولت الحكاية هتقلب بجد ولا ايه .. بس طمني ان ابوه قاله متخافش ده اكيد حد بيهزر معاك .. و فضلت انا و صاحبي التاني نكلم الواد ده حوالي 3 ايام و نهدده .. و الواد ياعينى لا كان بيخرج ولا كان بيعمل حاجة غير انه عايش حالة رعب .. جه فى يوم اتصلنا بيه و قولناله دلوقتى صلاة العشاء .. مش رايح تصلي و لا ايه فى جامع ... كذا كذا اللى انت قريب منه دلوقتى ؟ قالنا فى ايه و الله انا ماعملت حاجة حاضر حاضر هروح أصلي .. و اانا و صاحبي التاني صاحب الخط روحنا نصلي و لقيناه فى الجامع واقف مرعوب و بيبص حواليه و هيعيط .. و المصيبة ان فى اليوم ده كان فيه حاجة و لقينا ظباط كتير فى الجامع ..ههههههههههههههه و انا وصاحبي التاني قولنا كده يبقى كملت و صاحبنا هيفتكر ان الضباط دول جايين عشانه .. بعد ما خلصنا صلاة و طلعنا من الجامع .. وقفنا معاه .. قولناله مالك ؟ قال هيقبضوا عليا دلوقتى .. قولناله مين هما .. قالنا امن الدولة .. ههههههههههههههه و احنا نضحك .. فى الاخر صحبي بيقوله خد رقمي الجديد قاله 017 و كمل الرقم راح صاحبنا بتاع المقلب بصله و كان هيضربه و قال حرام عليكم و الله و زعل مننا بس صالحناه ساعتها .. بس كان موقف فظيع .. معلش طولت شوية .. ::d |
اقتباس:
|
اقتباس:
|
اقتباس:
ههههههههههههههه مش قادره ابطل ضحك يا مستر حرااااااام ده حضرتك كنت شقى اوووووووووووى اوى ايه حراااااااااام وكمان راح جاب محامى ههههههههههههههههههههههههه لا بجد مش قادره ابطل ضحك كل مواقف حضرتك جميله اوووووووى هههههههههههههههههه |
هههههه مستر محمد مواقف حضرتك ضحكتني اوي كلها مع العجل ، انا لو مكان حضرتك كان زماني اتعقدت :d أ/ فاطمة ههههههههه بصراحة موقف لايحسد عليه جد احراج كبير ، وحمدلله على سلامة صاحب اخوكِ :d وموقف مستر علي فظيع انا صعب عليا صاحب حضرتك عاش فرعب ياعيني ، وفكرني بمقلب اتعمل فيا بس ايه خلاني اكش فجلدي وقلبي يقع فرجلي كنت فتالتة اعدادي ولسة مش عندي ميل وكنت بستخدم ميل بابا عشان اكلم صحبتي فالمدرسة وكنت متعودة اي اضافة تيجي اعملها قبول علطول واي حد يكلمني اقوله بابا مش موجود كلمو كمان شوية كنت عاملة سطو على الايميل :d المهم فيوم الجمعة وتحديدا فوقت الصلاة بكلم صحبتي دي والاقي اضافة جتني قبلتها كالعادة وكملت كلامي كع صحبتي عادي شوية والاقي الميل ال ضفته بيكلمني قولتله كالعادة بابا مش موجود كلمه بعد شوية ، راح قالي لاء انا عاوزك انتي :o انا قولت هو هيشتغلني ؟! روحت قولت مين حضرتك ؟؟ وعاوز مين قالي عاوزك انتي :o روحت قولت انا خالد عاوزني فايه :d قالي لاء انتي بنت مش ولد :o انا قولت لاء انا خالد وخلصني عاوز ايه قالي لاء انتي بنت وانا متأكد قولت يانهار مش فايت المهم عملت نفسي اني روحت وجبت اخويا او بابا وكلمته بلهجة ولد او راجل المهم قالي ماتحاوليش انا عارفك وكمان لو عاوزة اسمك اقوله هقوله :o انا قولت قول وبكل ثقة المصيبة راح قايل اسمي الحقيقي :o:o وقالي اسم بابا كمان انا ساعتها بديت اقول اعوذ بالله من الشيطان الرجيم خوفت يقولي اسم ماما كمان المصيبة جاية بقى فضل يقولي ياحبيبتي وكدا وانا عمالة اشتم فيه واقوله يخرب بيتك انت طلعتلي منين وهو مش بيرد الا ب حبيبتي و مش عارفة ايه انا هنا قولت بس انا هخرج ويحصل ال يحصل بابا هيزعقلي ماشي مش مهم هتمنع من النت احسن المهم افلت بجلدي من المصيبة دي روحت قفلت وخرجت وقعدت على نار لما بابا ييجي من الصلاة ويفتح الميل ويلاقي المصيبة دي وطبعا فالاثناء دي مين ال كان بيكملني ؟ صـــحــــبـــــتـــــي :o وبعد ماقفلت وانا قاعدة خايفة لقيت التلفون بيرن برد بقولها الحقيني دا فيه كذا وكذا لقيتها ضحكت وفضلت تضحك تضحك وبتقولي ..... بيسلم عليك انا شوفوني جسمي برد وفضلت ساكتة شوية مش مصدقة بعدين فوقت وقلتلها ماااااااااااشي اوريكِ بعدين مش هنسهالك :stickjo4::stickjo4: بس بجد فاليوم دا قلبي وقف من الخوف وقولت انا روحت فداهية بس رديت المقلب الدبل ليها وخدت بتاااااري :d |
هههههههههههههههههه مقلب جميل يا نقاء ..
حمدا لله ع السلامة :d |
اقتباس:
ممكن اضحك مش قادر امسك نفسي هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ه |
اقتباس:
ههههههههههه جميل فعلا :slap1qk6: الله يسلمك ، بس الحمدلله اخدت حقي بردو :d بس مقلبك فصحابكم فظييع بجد حرام عليكم ، بس انتو كلكو بتنتحلوا صفة امن الدولة وهبلغ عنكو :p |
اقتباس:
هههههههههههههههههه هو انا كنت أستجري أكتب الموقف ده غير دلوقتي .. ههههههههههههههه بلغي براحتك بقى :D :D :p بس قوليلنا خدتي حقك ازاي ؟؟؟؟؟ |
اقتباس:
هههههههههههههههههههههههههههههههههههههههههههههههههه هههههههه هههههههههههههههههههههههههههههههههههههههه والله مش قادر وكل ما افتكر موقفك مع الملاحظة اموت علي نفسي من كتر الضحك هههههههه لك عظيم تحياتي لقد ادخلت البهجة علي قلوبنا جميعا:av4056bb7jp3::022yb4: |
هههههههههههههههههههههههههههههههههههههههههههههههههه هههههه
لأ لأ كفاية ......حرام عليكو انا هموت من الضحك هههههههههههههههههههههههههه هههههههههههههههههههههههههه ههههههههههههههههههههههه الموضوع دا عايز جايزة نوبل فى الضحك |
ايه ده كله
انا اغيب كام يوم بس الاقى ست سبع صفحات طب انا اقراهم ازاى ده كتير اوى:d |
ههههههههههههههههه فعلا يا هاني ..:d
|
اقتباس:
طبعا طبعا بركات الثورة بئا :d عملت فيها مقلب مشابه بس ياعيني فيه وحدة راحت ضحية :d بس غصب عني هيا ال كانت موجودة ساعتها وكان لازم تدخل اللعبة :d كان بردو يوم جمعة ، يوم الجمعة كان يوم المقالب الاسبوعي :d المهم دخلت بالميل عادي لقيتها ووحدة صحبتي تانية ( الضحية ) مابدأتش المحادثة كالعادة معاهم فهما راحوا باعتين رسالة اني فين ومش بتكلم ليه طنشت ، فضلوا يبعتوا حوالي خمس دقايق وانا مطنشة المهم بعديها روحت رادة وبقولهم معلش انا مش نقاء انا اخوها فهما عارفين ان اخواتي الشباب فمصر وانا فعمان فازاي ؟! فقالولي بطلي هزار احنا عارفينك :d فروحت قولتلهم ماشي براحتكم ممكن اتعرف بيكم :d فهما بيستهبلوا وانا بستهبل وبقولهم انا خلاص قدامي سنتين جامعة وبدور على عروسة :d ونفسي اتعرف عليكم اكتر ، المهم هما ماكدبوش خبر وانا كنت متقنة دور الولد كويس :dواشتغلنا بعض قرب النهاية كدا صحبتي ال انا قصدها وكأنها حست ان الموضوع جد فراحت قالتلي انا حاسة انك ولد فعلا مش نقاء انا هنادي عمي :o:o والتانية قالت انا كمان حاسة كدا وهنادي اخويا :o:o انا قولت وا مصيبتاه شكلهم هيتغدوا بيا قبل ماتعشى بيهم فالمهم قولت انالازم اطلع دلوقتي واني فرحان اني عرفتهم وهبقى اسأل نقاء عليهم اكتر واشوف صورهم واختار عروستي :d وخرجت بسرعة ، وسكت روحت المدرسة تاني يوم وعاملة نفسي بريئة وبقولهم ايه معلش ياجماعة امبارح الميل كان خربان واخويا كان بيصلحوا وهو فمصر ! انا قولت كدا وهما بصوا لبعض وركبهم سابت ووشهم بهت والنفس شوية وينقطع المهم عملت نفسي عادي وبسألهم ايه خير ؟ حصل حاجة بكل استهبال :d وبدأت الحصص عادي وهما مش على بعضهم وخايفين يسألوني المهم فالحصة لقيت ورقة مبعوتالي بتقولي انتي ليك اخ اسمو كذا وفكلية كذا وعمرو كذا ومعلوماتو كذا روحت انا عملت مندهشة :o عرفتو ازاي دا اخويا فعلا المهم هنا شوية ويعيطوا عالكلام ال اتقال امبارح :d وقاعدين يقولوا يالهوي وياربي نعمل ايه بقولهم فيه ايه خير حكولي الحكاية وانا ماسكة نفسي بالعافية :d:d وكنت عاوزة اخليهم كم يوم واشتغلهم من تاني بس كان فترة امتحانات وكنت شايفة انهم مش منتبهين للحصص وخوفت عليهم ، فرحت قولتلهم والروح ردت فيهم اخيييييييرا :d وطبعا ماكنوش مصدقين وان ازاي نقاء الهادية الطيبة يطلع منها دا لكن حقي مش بتنازل عنه :d:d وعملت كتير فيهم ، واتعمل فيا ياه ايام :bosyht9: معلش طولت عليكو :blush:[/CENTER] |
اقتباس:
طب نصيحة قبل ما تشوفى اى حاجة خدى مضاد للضحك الأول :d:d:d إلا هيغمن عليكة من كتر الضحك دى نصيحة من مجرب :p |
موقف حضرتك smsma81
فعلا زي موقفي بالظبط ،، مش عارف البنات مالهم بيضعفوا اوووووي ليه كده وقت الامتحانات بس مش كلهم فيه بنات قوية ممكن هي اللي تخلي اللي حواليها خايفين (هههههه) .................................................. ........ موقف Just User هههههههههههههههههههههههههههههه انتوا كلكم مفتريين كده ولا ايه تمام يا افندم هههههههههههههههههههههههههههههههه موقف جميل جدا .................................................. ........... موقف نقاء الروح ههههههههههههههههههههههههههههههههههههههه بيسلم عليك هههههههههههههههههههههههههههه الله يكون في عونك وقتها موقف اخررررررررررر جنان هههههههههههه بالنسبه لموضوع العجل الحمد لله انا قوي ماتعقدتش ولا حاجه وعلي فكرة المشاركة اللي جايه هحكي اخر موقف ليا مع العجل ههههه |
اقتباس:
لكن معتقدتش ان الضحك ليه مضاد لان من الصعب ان حد يضحك بجد وان يلاقى فرصة يضحك فيها |
بالنسبه لموقف نقاء الروح
ههههههههههههههههههههههههههههههههههههههه والله مش قادر هههههههههههههههههههههههههههههه ده انا علي كده كنت طيب جدااااااااااااااااا ده انا بالنسبه ليكم كنت زي النسمه كنت بلسم بقي اه والله مافتكرش اني عملت مقلب كده في اصحابي هههههههههههههههههههههههههه .................................................. ... .................................................. .... بالنسبه لهاني الشرقاوي ههههههههههههههههههههههههههههههههههههههههه عليك نصايح نفسي اعرف بتجيبها منين ههههههههههههههههههههههههههه بس بجد نصيحه جامده ممكن لو عندك حبايتين من المضاد ده تديهوملي بسرعه عشان اعرف اكمل هههههههههههههههههه |
اقتباس:
ههههههههههههههههههههههههههههههه.. برضو يا مستر ..الحمد لله انك بخيررررررررر.. حقيقى جزاك الله خيراااااااااا على الموضوع الجميل .. بنضحك من قلبنا والله .. |
اقتباس:
ههههههههههه يعني اسكت عالمقلب البشع ال اتعمل فيا :d مايصحش :d:d:d ههههههه خلاص يامستر فكر دلوقتي بيبقى شعور ممتع والله :d هههههههه بحرض انا عالاجراام :d:d وانا كمان حبتين والنبي لاحسن هموت م الضحك هههههههههههههه |
ههههههههههههه
مستر محمد ايه حكايه حضرتك مع العجل؟ |
اقتباس:
ههههههههههههههههههه موقف محرج فعلا .. الحمد لله انه اتصدم بس .. فى ناس بيكون لها رد فعل سريع .. |
اقتباس:
هههههههههههههههههههههههههههههههههه.. انا موت من الضحك يا مستر .. دى شقــــــــــــاوة جامدة خالص ... يعنى خضيته وكمان فى النهاية اضرب .. |
اقتباس:
ههههههههههههههههههههه والله يا نقاء .. مواقفك زى العسل .. وكلها دمها خفيف .. وبراقو عليكى اكيد كان انتقام طبى .. |
ايه يا جماعة
طلعتوني قاسي وشرير وانا مش كدا خالص والله . :(:( المواقف هي اللي بتحكم بكدا . والموقف الأخير دا أنا كنت ناوي يستمر لولا حكاية المحامي دي . امال لو قلت علي الحكايات والمواقف التانية , هتقولوا ايه ؟ :o:o شوفوا انا تقريباً عملت كل حاجة شقية ممكن واحد يعملها ما عدا حاجة واحدة بس وهي اني عاكست أي بنت ( عمري ما عملتها ولا يقدر واحد ماشي معايا انه يعملها ) تحياتي لكل الأعضاء :d:d |
اقتباس:
بصراحه يا مستر انا نفسى اسمع باقى مواقفك بجد صاحب حضرتك صعبان عليــــــــــــــــــــــــــــا اوى هههههههههههههه انا والله مش قادره ابطل ضحك من ساعه من قرأت الموقف |
اقتباس:
صعبان عليكوا ايه بس !! طيب ايه رأيكم ان حاله اتعدل بعد كدا والتفت لدراسته وبعد التخرج ربنا سبحانه وتعالي هداه إلي النقيض مما كان عليه . تعرفوا بقي ايه ؟! والله ربنا أكرمه وبقي شيخ قد الدنيا وبيطلع علي الفضائيات كمان . بس أنا مقدرش أقول اسمه . كل يومين كدا يا عزة أحكي علي موقف علشان الموضوع يستمر وكمان علشان غيري يحكي هو كمان . |
اقتباس:
انا فى انتظار موقف حضرتك الجديد يا مسهل زاليومين دول يعدوا بسرعه |
اقتباس:
وجزاكي باذن الله ،، تحياتي العاطرة المتعطرة:022yb4: اقتباس:
اوعي تسكتي علي حقك ((انا برضو بحرض ع الاجرام ولا ايه:d)) والله دي كلها مواقف لذيذة جدا وتذكرها بتفررررررح صاحبها اوووي تحياتي العاطرة المتعطرة:022yb4: اقتباس:
بس انا قلت للاسف هتنتهي بحكايه ماساوية هقولها ان شاء الله تحياتي العاطرة المتعطرة:022yb4: اقتباس:
الحمد لله ويا بخته ربنا يجعلنا زيه ولا نصه اللهم امين كل يومين طيب انا هستني برضو اليومين دول يعدوا بسرعه يامستر مواقفك كلها تحفه بجد والله...كنت مقطع السمكه وديلها وراسها كمان:d ممكن اقول حاجه يا مستر بعد اذن حضرتك انا سمعت انه لايجوز نقول علي نفسنا شقي لانها كلمه مذكورة في القرأن بالسوء: حيث قال تعالي"فأما الذين شقوا ففي النار لهم فيها زفير وشهيق" انا عارف ان احنا والجميع قصدنا ونيتنا حسنه بس الموضوع مش موضوع نيه الموضوع موضوع اللفظ نفسه ممكن نقول كلمه غيرها زي دؤرم مثلا او مقطع السمكه وديلها او بوروم او اي حاجه غيرها ...اقولها للجميع فقط حتي لا اخذ وزرا لانني كتمت شيئا عليكم من باب الدين النصيحه و بلغوا عني ولو ايه لك مني عظيم التحيات والدعوات بصالح الاعمال :022yb4: |
انا عارف يا جماعه ان المواقف بتاعتي معظمها كانت مع العجل
هم تحديدا 3 مواقف شوفوا بقي ازاي انتهت المواقف بتاعتي مع العجل يعني الموقف ده اللي هو الرابع اخر موقف ليا مع العجل ماكنتش حابب احكيه والله بس اعمل ايه هقوله هو ملخصه في كلمتين مش اكتر حصل السنه اللي فاتت دي الترم الثاني رحت اصلي العشاء وكان يوم جمعه المهم دخلت اصلي العشاء وكنت في الفترة الاخيرة لما بروح اصلي مش بقفل العجله لاني مش بتأخر في الجامع يدوب بالكتير عقبال ما صليت العشاء وكده خد مني وقت تقريبا ربع ساعه او عشر دقايق وكان معايا واحد صاحبي بعجلته برضو مدرس زميلي المهم خرجت واتصدمت بان العجله بتاعتي مش موجودة في مكانها وقعدت ادور عليه يمين شمال فص ملح وداااااااااااااااااابت وكأن الارض اتشقت وابتلعتها وخدت عجلت زميلي عشان ادور عليها وبرضو مفيش فايده ...اللي زعلني ومأثر في نفسيتي جدااا حتي الان مش ان العجله اتسرقت لالالا انما اللي مزعلني اووووووي ومقطع في نفسي ان العجله اتسرقت من قدام بيت ربناااااااا ولا حول ولا قوة الا بالله شوفتوا بقي العجله اخرتها بقي ايه،،، تحياتي للجميع:bosyht9: |
انا هحكليكم على أصعب موقف مريت بيه فى حياتى كلها الصيف اللى قبل اللى فات .. كنت انا وتلاتة من أصحابى بنقضى الصيف فى اسكندرية .. فى العجمى فى الكليو 21 قى قرية اسمها شاطئ النخيل .. كنت متعود انا وأصحابى دايما ندخل فى مسابقات .. واللى يخسر .. ينضف الشاليه وينزل يشترى أكل ويطبخ .. وينفذ طلبات الباقيين كلها المسابقات دى كانت ممكن .. تبقى عبارة عن : سباق جرى على الرملة لمسافات طويلة أو سباق عوم فى منطقة فاضية مفيهاش ناس ..الخ وفى يوم علمنا السباقين دولا مع بعض .. وجه واحد بقا من أصحابى ( الله يسامحه بقا ) .. قال أنا عندى فكرة اجمد .. احنا نلف ونخدها عوم من اول الصخر ونلف ونرجع من الناحية التانية .. فى أخره ( القرية دى كان فيها على بعد 30 ..40 متر من الشط .. صخور .. وبتهيألى الصخور دى موجودة فى كل شواطئ اسكندرية ) .. المهم أقولهم يا جدعان احنا من الصبح بنعوم وبنجرى والواحد ما أكلشى حاجة ومفيهوش نفس للى انتو بتقوله دا .. استفزونى لحد ما وافقتهم .. رحنا بالفعل .. وابتدينا نعوم ..وفجأة لقيت النضارة السباحة وقعت من على عينيا .. والمية بدأت تدخل فى عينيا .. وما بقتشى شايف حاجة خالص .. بخبط يمين وشمال ومش عارف انا رايح فين .. عضل رجلى شد عليا من كتر التخبيط بعصبية .. لحد ما بقتشى قادر أتحرك .. الموجة بدأت تيجى من جوه البحر وتخبط فى الصخر .. وتأخدنى معاها لجوه .. وانا كل ما كل شوية بتوتر أكتر .. مش شايف قدامى حاجة خلاص .. وعايز أصرخ أنادى على العيال .. مش عارف .. ولا شايفهم أصلا .. حاسس إن نفسى مقطوع .. ورجليا ماسكة ومكلبشة فى بعضها زى ما تكون متجبسة .. عمال أخبط بإيدى .. ومفيش فايدة .. الموجة تحدفنى اكتر لجوه .. وصلى إحساس إنى خلاص مت .. والله قلت خلاص انا مت ومفيش فايدة .. لحد ما استسلمت نهائى وشفت الموت بعينيا دولا ... سبت الموجة تحدفنى وتودينى وتجبنى .. وفى اللحظة دى .. قلت العصبية والتوتر ..وبدأت أشوف الصخر ... كان بعيد أوى .. بس لما شفته .. جالى إحساس غير عادى بالرغبة فى الحياة وفى النجاة .. حطيت وشى فى المية وفضلت اعوم ب*** تجاه الصخر .. وبعد مدة وصلت بأعجوبة وبرحمة الله .. ولما وصلت الصخر .. مش أتعلم من خطأى .. مكنش عندى صبر عايز أوصل الشط بأى شكل وبأى تمن .. ما استريحتش ولا خدت نفسى حتى .. وقمت نازل من فوق الصخر فى المية وبدأت أعوم بسرعة وبعشوائية .. لحد ما خلاص وصلت قبل الشط بخطوتين .. فى المنطقة اللى العيال الصغيرة بتعوم فيها .. بس كنت خلاص مفيش نفس خالص .. وكل ما احاول أقف عشان أخد نفسى .. الموجة تيجى وتعدى من فوق منى .. وتمنعنى من إنى اخد نفسى .. لحد ما لاقيت راجل بيلعب مع عياله .. قمت متشعبط فيه ... فهو مش متخيل إنى بغرق ..فيه حد هيغرق على الشط .. لقيت بيقوله إيييه يا كابتن .. قولتلى بصعوبة .. أرجوك .. المهم .. الراجل فضل واقف .. لحد ما سبته وطلعت على الشط ..ومكنتش مصدق نفسى إنى لسه عايش .. وهاتك بقا يا عياط ... عياط هستيرى .. بشكل لا عمرى شفته .. لا منى ولا من غيرى ..وانا مرمى على الأرض وعامل فيها مناحة ... الناس كلها اتلمت حواليا .. وفكروا إنى غرقلى حد .. وأنا مش قادر أقولهم اى حاجة .. ومش قادر أمنع نفسى من العياط ... المهم إنى روحت الشاليه بعد ساعات .. لاقيت العيال ..بكل برود :d.. ملعقين يافطة على الحيط .. هانى إحنا خرجنا .. وبما إنك اللى خسرت يا بمبو .. يبقى تعمل ..1 .. 2 ... 3 ههههههه:blush: رغى كتير أوى .. مش كده ..هههه المهم حمدا الله على سلامتى !! هههههههههه نسيت أقولكم .. إنى من يوم الموضوع دا .. منزلتش البحر تانى !!! .. ومش عارف لو جتلى الفرصة وقابلته .. هسلم عليه ولا :) |
اقتباس:
جزاك الله كل الخير وبارك فيك علي هذه النصيحة . ولكن كلمة شقي لها عدة معاني في اللغة العربية ومنها ما تفضلت وذكرته , ومن ضمنها أيضاً أنها صفة للتعبير عن كثرة الأفعال التي يفعلها الفتيان . ولكن لا بأس من ترك هذا اللفظ واستخدام غيره ( بس بلاش السمكة دي علشان أنا مليش في السمك :(:( ) |
اقتباس:
ههههههههه الله يخليكِ ياقمر ههههه لا انتقام نتي ايميلي :d بس فرحت اوي اني عملت المقلب وريحت ضميري :d اقتباس:
هههههههه فعلا اجمل مافيها اننا بنفتكرها ونضحك :022yb4: اما موقف حضرتك فنهاية مأساوية ودرامية لقصة العجل :d وزي ماحضرتك قولت اسوء شيء انها اتسرقت قدام بين الله ربنا يعوض على حضرتك ان شاء الله وأ/ هاني حمدلله على السلامة وانا بقرأ حسيت بالخوف نفسه بس اصحابك دول ما شاء الله قاموا بالواجب وزيادة :d بس ماتخفش انزل تاني ومش يهمك :022yb4: البحر حلو :p، .. موقف أ/ محمد بتاع سرقة العجلة فكرني بموقف لبابا واحنا فالسعودية كنا فالمدينة ورايحين الروضة نزور قبر الرسول عليه الصلاة والسلام المهم كالعادة كان لابس جلابية بيضا والجلابيات دي عادة بتبقى شفافة بتبين ال فالجيب وكدا فبابا فاليوم دا حط فجيبه مبلغ وقدره بالسعودي ماما تقوله مش مهم انت هتروح تزور الروضة مش هتشتري يقولها لالالا ماضمنش الظروف وفعلا عمل ال فدماغه ، دخل الروضة مع عمو والفلوس فجيبه والروضة زي ماهو معروف زحمة مووووت وهو طالع بيبص عالفلوس طااااااارت طبعا زعل شوية وبئا مش مصدق ان فيه ناس بتسرق هنا لاء وفالروضة كمان ومن ساعتها وهو بيسمع الكلام ومش بياخد فلوس كتير :d |
| جميع الأوقات بتوقيت GMT +2. الساعة الآن 11:35 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.