|
هههههههههههههههههههههه
جميله جدا كمل يادك ادينا فالاجازه قبل ما نبدأ دروس وغم وقرف |
جامد ياااااااااااااد ....فعلا البنات الوحشه دي احنا بنعاني منها
بقولك مش ناوي نخرج ولا هنقضيها نت وخلااااااااااص ؟؟؟ |
التوبيك رائع جدا
في انتظار باقي الحلقات سواء ثانوي او كليه |
الحلقه التالته
الحلقه الثالثه تاني يوم بقي في الكليه ...صحيت كالعاده بالعافيه ....اصحي يابني روح كليتك ...لأ مش هروح النهارده (عكس اول يوم هههه) روحت خابط اي بنطلون علي اي تيشرت ما هي مش هتفرق بقي ههههه وجيت علي نفسي وضربت الجيل ورحت ماشي ....دخلت الكليه اني افتكر حد من اللي اتعرفت عليهم مفـــــــــــــيش ...مش فاكر حد خالص قلت دور تاني يمكن تلاقي حد (فاهمين طبعا قصدي ايه هههههه) برضه مفيش ....هنقضيها كده ولا ايه مش هينفع والله ما هينفع عايزين نعيش حياتنا بقي .....ادور .....اخيرا لقيت واحده ههههههههه ....هي دي ايوه دي هههههههه لقيت واحده لابسه كويس واستايل كويس وميك اب من اللي بيتباع علي الرصيف (مش مشكله ممكن يبقي من بيوتي سنتر ما تظلمهاش ) وجايه ناحيتي ايوه جايه عليا ( شكلها هتلعب يااااااااااااااااااااااااااد ههههه) وبتقولي : كابتييييييييين هو مودارج اولي من فااااااااااااااااان ؟؟؟ (شكلها من بورسعيد ....بترجع وهي بتكلم يعني هههههه) انا : مش عارف انا سنه اولي برضه ( بستهبل ما انا عارف المدرج فين ) هي : اصل انا اول مره اجي ومش عارفه حاجه انا : وانا كمان اول مره (ههههه) خلاص تعالي ندور مع بعض (هههههههههه) هي : لا انا هكلم واحده صاحبتي ميرسي اوي ( وشي جاب الوان الطيف ....وانا اللي كنت جاي علي نفسي ...ده انتي الكلب ما يرضاش يبصلك هههههههههههههه...ده انتي رجعتي عليا وانتي بتكلمي .....مش مشكله خيرها في غيرها ) بس الغريب ان بنات طب عليهم كميه تناكه .....تحس ان مفيش زيهم ( والله بنيجي علي نفسنا واحنا بنكلمهم هههه) مش عارف ليه ؟؟؟ ولا حلوين ؟؟؟ ولا اي حاجه ؟؟؟ ولا يمكن فاكرين نفسهم دكاتره ...طب الكلام ده يعملوه علي حد تاني ما احنا دكاتره برضه.....بس في وجهه نظري ان السبب انهم ما كانوش بيتعاملوا مع ولاد قبل الكليه .....فا مجرد ان ولد يكلمها بتفكر ان فيه حاجه هههههههههههههههههههههههههههههه (ما بتصدق يعني ) مش عارف بقيت بكتب قليل ليه ههههههه كفايه كده دلوقتي ....هكمل بعدين ....سلاااااااااااااام |
mshy ya kaabteeeeen kml we7na m3ak
|
مذكرات جامد جدا بس يا ريت تكمل ثنوي كمان علشان انا داخل علي ثنوي وزيك بالظبط مبذكرش من اول السنه بس باجي في الاخر وبركز وبجيب مجموع كويس الحمد لله بس يا ريت تكمل علشان نستفاد منك علشان نشوف نعمل ايه فيها علشان انا مبقدرش اذاكر من اول السنه
|
ننتظر المزيد
|
مستنين الباقى
|
شكرا جزيلا على الموضوع ده انا بطالب مشرف المنتدى إنه يثبت الموضوع ده لأنني حقيقي ومن القلب للقلب على طول لأن ده واقع يعيشه كل طلبة الثانوي تقريبا
شكرا جزيلا شكرا شكرا |
جميل جدا
انا مستنية الباقي |
جميل قوووووووووووووووووووووووي يا دكتور
الوضوع يموت من الضحك انا قريته كله دلوقتي ومتابعه معاك يا ريت تكمل بجد والله عجبني قوي دمك خفبف فيه خالص وبطل تريقه علي البنات شكللك هتقع وقعه لما نشوف |
علي كدة الواحد يحمد ربنا علي المدرسة والمدرسين الي معاه يمكن عشانن احنا في الوادي عندنل المدرسين بيشرحوا زي الدرس ويمكن اكتر شوية
|
شكرااااااااااااااااااااااااااااااا عالموضوع
الظاهر ان كل الناس مابتذاكرش زيي هههههههههههههههههههههههههه كنت فاكره اني لوحدي مستنيه البااااااااااااااااااااااقي |
معلش يا جماعه انا مش في مووووود ان اكتب حاجه خالص بس فيه حاجه صاحبي كاتبها ...يارب تعجبكو
تعنى كلمه دكتور لى الكثير على الاقل تعطى لى شكل أرضا عنه تماما ولكن ...لا احد يعرف حقيقتىنا الا انا .. لا احد يعرف ما يحدث لنا فى أيام الامتحانات عندما يبدأ الطالب بالركض بأقصى درجه ممكنه ليستطيع الانتهاء من أكبر عدد ممكن من الكتب فى ظل محاولات مستميته للدكاتره بتضييق الجدول الى أضيق شكل ممكن واكتشفت حقيقه مؤكده تحدث فى تلك الايام... ولا اعرف سرها فتجد الرفيع بيرفع أكتر والتخين بيتخن أكتر ... ولا احد يعرف سر امتحانات العملى وما هيى الفكره فى أن يكون الامتحان الساعه عشره ويقوللنا اللى هيجي بعد تمانيه مش هيمتحن ثم يضعونا ف أوضه أشبه بسجن جماعى واخمن انهم يسحبون الاكسوجين بأنبوبه مخفيه لتبدأ أرواحنا بالخروج تدريجيا .. ويظل الشفوى هوا الامتحان الاغرب والذى يهدف فيه الدكتور ان يبهر الطالب بكم المعلومات اللتى لايعرفها ويظل الطالب يردد .... "" الكلام دا مش فالكتاب حضرتك "".. ويأتى الامتحان بما يشتهى الدكاتره والدكتور الذي يضع الامتحان : هوا رجل يريد التأكيد على أنه يفهم أكتر منك ويستطيع وضع أسئله لا تستطيع انت .. يا جاهل حلها بل ويتعمد استفزازك فى نهايه الورقه بكلمه good luck لذلك دائما أردد... سأتحمل ظلم الدكاتره جميعا ولكن عندما يأتى دورى.. لن أرحم احد ــــــــــــــ ,good luck… |
احنا عايزين بااااااااااااااااااااااااااااااااقي المذكراااااااااااااااااااااااااااااااااااااااااات
|
اقتباس:
|
اقتباس:
اه صاحب البيج ده صاحبي كان منزلها النهارده |
ربنا يوفقك يا دكتوووور
ويبقى مزاجك فل ويرجع احسن ان شاء الله |
المذكرات رووووووعة بجد
انا كنت ناوية اخد الثانوية دح ولا حياة لمن ينفض ربنا يستر بس بجد والله يعني م الكلام علي كده الواحد ميذاكرش غير ع الامتحان وزاكر تنجح غش تجيب :022yb4: اول يوم في الكلية بيبقي توهان واحد اعرفه تاه سنة اولي كلها وابتدي ينتظم ع المحاضرات سنة تانية <<< حالة خاصة ربنا معاه :friendsxs3: طب مفروض تبقي عارف ان يعني بنات داخلين طب مش هتلاقي انجلينا جولي ههههههههههه تعالي طب الزقازيق هتلاقي هوليوود كلها >> نوع من الدعاية :av4056bb7jp3: انا ناوية علي صيدلة وكنت خايفة اووي وتراودني افكار السقوط والتجارة >>> كلية الشعب سلام مربع أجدع كلية والله ربنا يوفقك ومستنيه الحلقات الجاية بجد اسلوبك راااائع اوووي بعيد عن الملل روح اشتغل في ميلودي بدل حمزاوي عشان شكله اتشل :wacko: |
مع ان الموووووووود مش تمام بس حاسس اني عايز اكتب اي حاجه بس اكتب ايه ؟؟؟ قولولي اكتب ايه ؟؟
يلاااااااااااااااا هكتب اي حاجه تيجي علي بالي يلااااااااااااااااا يا شباااااااااااااااب مشكلتي في الكليه دي ان عمري ما هكون جنتل (بتعبير البنات) هفأ (بتعبير الرجاله) هههههه ....ايوه اللي البنات بتقول عليه جنتل ده احنا بنقول عليه هفأ .....حد يقولي يعني ايه هفأ دي ؟؟؟ اقوله يعني جركن مان يا خفيف يعني ايه برضه :049gc0:؟؟؟ ماشي هخدك علي قد عقلك واقولك.... يعني رجل يتصرف تصرفات بنت ...يعني واحد بديله محاضره ولا حاجه ....يقف لي بمياعه ويقولي مرسيييييييييييي (ايه يلاااااا مالك؟؟؟ ما تقف عدل وتقولي شكرا زي الرجاله ) البناااااااااااااات بتمووووووووووووووت في النوع ده ههههه اسألوني انا ده انا قديم والقرعه دي مش من فراغ ...اوعوا تطمعوا البنات فيكو ...خليها هي اللي تجري وراك وفي الاخر هتروح لابوها تقوله جوزهولي الواد ملوش تجارب ههههههههه وتلاقي الواد من دول قاعد ليل نهار مع البنات(ما تيجي تقعد مع الرجاله يلااااااا هو انت مش راجل ؟؟؟ يقولك اصل اول ما جيت اتعرفت علي بنات ومعرفش غيرهم هههههههههه والله انا ماسك نفسي ومش عايز اشتم !!! ما تتعرف يا خويا ما عندك 100 واحد وجميع الانواع الغشاش والكداب والمنافق والشرير والطيب والمؤدب وقليل الادب اختاااااااار اللي يعجبك ههههه) بس انا عمري ما هكون كده (لو البنات تستاهل ماشي هههههههههه) يلاااااااااا ان ايه اللي دخلني في الحوار ده ؟؟ بس فيه اكتشاف عظيم اكتشفته في الكليه دي ( اكرف البت تحبك ....حب البت تكرفك ههههههههه) بجد الكلام ده ....هو محصلش معايا بس حصل مع صحابي (انا اصلا مفيش واحده عجباني هبقي اروح اشوف طب الزقازيق يا ايه هههههههههه) وفيه حاجه غريبه حصلت مع واحد صاحبي .....كل ما يحب واحده ...حد يجي ياخدها منه ههههههههه و 3 مرات كمان ....والمره الوحيده اللي نفض ...البنت هي اللي جت كلمته (ما ينفعش احكي دي حاجات خاصه بيه ...بس حبيت اقول للتأكيد فقط هههه) وبرضه من الحاجات اللي تعلمتها انك تبقي طالب التهيييييس في كليه التلخيص ومن الحاجات اللي اتعلمتها برضه اني ما استهبلش زي تامر حسني واقول (هاعيش حياتي ....عايز تعيش ؟؟؟ عيش يا حبيبي براحتك وخد علي دماغك في الامتحانات بعد كده .....اه انا قديم هههه عارف ان الالبوم الجديد نزل ...صايع انا ههههههه) ومن الحاجات اللي اتعلمتها في الكليه دي اني عرفت من اين تؤكل الكتف (لغه عربيه فصحي يا عرب هههه) يعني ليك مصلحه مع ده ألزق فيه ...ليك مصلحه مع دي ارشق معاها ...المهم ما تبقاش اهبل وتسيب مصلحتك دي كليه الدحيحه يا جدعاااااااااااان ....لكوا ان تتخيلوا ان يتجمع 160 طالب جايب فوق 98% ثانويه عامه مع بعض ههههههههه بجد انا زهقااااااان وقرفان اوي (معلش لو المستوي مش قد كده ....مش في المووووووود اني اكتب كوميدي) يتبع .................. |
لالالا المستوي حلو ولو مش حلو هيحلو
بس فكرتك عن البنات عجيبة اوي علي فكرة بس اول مرة اعرف ان في ولاد بيقولوا ميرسي؟؟؟ انا نفسي مبقولش شكرا اصلا يعني لو قلت ماشي يبقي ابواب السما اتفتحت علي مصرعيها >>> مش انت وحدك اللي ليك في الفصحي بس سؤال هو انت دخلت طب بمزاجك ولا صعب عليك المجموع والدح اللي دحيته في ثانوي >>> علي اساس انه كان في دح يعني |
يا جماعه انا مكتبتش الفتره اللي فاتت عشان نتيجه الثانويه (عارف انكوا مشغولين ) اكتب دلوقتي ولا ايه ؟؟؟
|
يلا يا دكتور انت فييييييييييين ؟؟؟؟
|
كمل يا جميييييييييييييييييييل
رائع والله Good Job |
على فكرة مفيش حد فى طب وفاشل والا مش هيطلع منها ولا كان هيدخلها اصلا لازم حضرتك تكون قدوة لغيرك تشجعهم على التفوق مش الاستهتار والفشل مش هتستفيد حااااجة خااالص لكن لو كتبت مذكرات طالب ناجح والطلبة استفادوا يبقى ليك ثواب عند ربنا باذن الله ربنا يهدينا ويثبتنا على الحق ويرزقنا النجاح فى الدنيا والاخرة وجزاكم الله خيرا
|
اقتباس:
|
طالع 3 ثانوى وجبت فى2 98.5 على فكرة دى نصيحة مش نقد وخلاص هى فعلا المذكرات مشوقة جدا لكن ايه هدفها وفايدتها وكمان نهاية المطاف مش دخول كلية الطب بالعكس دى بداية الطريق حضرتك بتشوف برنامج نجوم العلم على قناة الرحمة تقديم د/ امين محمود طالب صيدلى عبقري لازم تشوفه لو قالو الحضرتك مستعد تحرر القدس تقول ايه؟ ؟؟؟؟؟؟؟ حياتنا ماينفعش تبقى كلها ضحك واستهتار لازم نشيل هموم الامة امال مين اللى يشيلها؟؟؟؟؟
|
اقتباس:
ثانيا ... وايه المشكله لو نقد ؟؟؟ ثالثا... اكيد كل الناس اللي في المنتدي بتفهم وبتميز كويس ...يعني واضح اوي ان دي مذكرات كوميديه (يعني انا مش كاتب كده عشان اللي يقراها يعمل زيي ) حضرتك ما بتقراش حاجه لبلال فضل ؟؟؟؟ لو بتقرا ليه ....هتلاقيه بيتكلم عن حال مصر والشعب المصري بكوميديه والنوع ده بنسميه كوميديه ساخره زي فيلم عسل اسود بالظبط ياريت تكون فهمت قصدي رابعا ....للاسف ما بشوفش تلفزيون خالص غير لو فيه ماتش او حاجه رياضيه خامسا ....احب اصحح لحضرتك معلومه : في كل مكان فيه كل الانواع من الناس يعني فيه الفاشل وقليل الادب والمنافق وكل الانواع اللي تتخيلها وبردو عايزك تعرف وتفصل بين التفوق والاحترام لانك هتلاقي كده في الكليه (مش شرط حد متفوق يبقي محترم ) سادسا ....انا مش هكتب اي حاجه تانيه .....ممكن تبقي تقول للاداره تحذف الموضوع سلاااااااااااااااااااام |
انا اللى اسف معلهش انا كان قصدى نصيحة بس لان احنا بناخد طلبة الطب قدوة ولازم تكمل الموضوع لوكان قصدك انه كوميدى بس جزاكم الله خيررا
|
اصل احنا فى الثانوية عايزين حد يشجعنا على المذاكرة والصبر والاجتهاد وطبعا ما فيش الا طلاب الطب اللى ممكن يشجعونا جزاكم الله خيرا ورزقنا واياكم النجاح والغلاح فى الدنيا والاخرة
|
بجد يوميات لذيذة جدااااا
وكل الولاد كده يلعبوا بس بيذاكروا فى الاخر ويجيبوا مجموع جامد (ههههههه ده مش حسد ده نق بس) حسرة علينا يابنات بس ياريت تكمل يادوك مستنين الباقى |
ملاحظات هامه !!! مش اوي يعني (ده ممكن تعتبروه مقال)
في كليه الطب : الولاد : اول نوع : نوع العيال الدحيحه فحت ردم صهد حر برد معتدل شمال شرقي جنوب غربي ....عيال بجد مفيش في حياتهم غير الدح والمذاكره ....ما لهمش في اي حاجه غير دكتور خياره هيجي يدي محاضره بتنجان....ورق كوسه مش عارف مين عامله هيجي منه الامتحان .....والاغلب من العيال دي تلاقيهم يبينوا انهم دحيحه (مش بيداروا ) اصلهم ما يقدروش يداروا اصلهم مكشوفين اوي ..... تلاقي الواد من دول جاي الكليه رافع البنطلون لحد بطنه وضارب القميص التحفه بتاع جده هههههه وممكن تلاقيه لابس جزمه كلاسيك علي جينز (يعني واد كووووووووول اخر حاجه) تلاقيه ما بيستخدمش مصطلحات الشباب العاديييين وعايش في دور عبد الحليم وجايب شعره علي جنب وماسك الكتب كأنه جاي درس في ثانوي ( وبجد الناس دي ما بتفوتش حاجه انا فاكر مره محاضره حقوق انسان ...كانوا بيكتبوا ورا الدكتور ....ده انا ما بعملهاش في المواد الاساسيه ) الناس دي بجد معندهاش حاجه اسمها صحاب الا ما ندر منهم ....انا بتاع مصلحتي...بتاع مصلحتي ...بتاع مصلحتي ...اغنيهالك ....الله!!! يعني ممكن يبيعك عشان ورقه دكتور خياره عاملها ..عشان ما يطلعش محاضرته اي كلاااام تاني نوع : العيال اللي طلع عينهم في ثانوي وجايين يعيشوا حياتهم في الكليه والنوع ده ينطبق عليه محرومييييييييين يا جدعان اعيش حياتي بقي والنبي (النوع ده بيبقي كلاسيك في ثانوي وبيكجول في الكليه بصراااااحه بيبقوا مسخره) تلاقيه اول السنه خد واحد قريبه فاشل (سيس يعني هههه سوري في الكلمه) وقاله تعالي اشتري معايا هدووووم عشان الكليه تلاقي قريبه يقوله خد البنطلون ده .....يسأله بكل جديه هو ده رجالي ههههههههه الله يخربيت الموضه اللي خليت الرجل بقي مان ما علينا ههههه ويبقي شغله الشاغل في الاجازه (يا فضحتي هلبس الهدوم دي ازاي ...هرفع عيني وسط اهل البلد تاني ازاي هههههههههههههههههه) ويجي بقي الكليه يتصاحبلو علي كام واحد زيه (ويفضل ما يكونش يعرفهم قبل كده ..عشان يرسم ملامح شخصيته الجديده) ويعيشو مع بعض الصياعه اللي خفيف خفيف بس بتبقي ممتعه اوي بالنسبه لهم ويجي النوع ده يتفاجأ بدرجات وحشه ما هو مش متعود يا عيني علي الفشل .....منهم االلي يرجع ريمه لعادتها القديمه ومنهم اللي عجبو الفشل اوي ويحاول يخبط اي حاجه ما انا كده كده دكتوووووور ههههه تالت نوع : العيال الكوووووووول اخر حاجه ...شباب تجاره لقي نفسه في طب ( معظمهم بيبقوا شهادات معادله وثانويه امريكيه و ثانويه بريطانيه) والعيال دي بيبقوا معروفين اوي وسهل انك تعرفهم ....تحس بالصياعه في كل حاجه بيعملوها طريقتهم ...كلامهم ...استايل لبسهم ....كل حاجه وياسلام بقي بتوع الثانويه الامريكيه والبريطانيه اللي في اول السنه بيجيبوا احباط للثانويه المصريه بسبب التفوق الكاسح في الانجلش ولكن سرعان ما يفهم اصحاب الثانويه المصريه ان اللي كان بيحصل اول السنه ده هبل وعبط ويكتشفوا ان مستواهم احسن منهم بمراحل وهقولكوا مفاجأه ...كتير منهم مدخنيين .....بس الصراحه تتقال العيال دي مزاجها عالي اوي مش سجاير كليوباترا المعفنه هههههههههه رابع نوع : النوع الخبيث اللي بيبان انهم عيال سيس بس دحيحه موووووووووت (معظم اوائل الدفعه من النوع ده) اكتر نوع بقلق منه بصراحه ...بيبقوا اذكياء جدا .....بس الخبث بتاعهم بيتعرف مع اول نتيجه في الكليه هههههه والعالم دي ماشيه علي المقوله العظيمه (داري علي فرختك تبيض ) ولديهم مبدأ عظيم ان الانسان بدون خبث لايساوي شئ ...لا يساوي شئ...لا يساوي شئ ههههه(الولاد بس اللي هتفهمها الحته دي ) المره الجايه هتكلم عن كل نوع وازاي بيتعامل مع البنات يتبع .............. |
بجد رووووووووووووووووووووووووووعة
انا متابعة على طول بس بكسل ارد:d استمر يا دكتور فى انتظار المزيد من ابداعات حضرتك :078111rg3: |
نكمل انواع الولاد في الكليه
النوع الاول : النوع ده بجد ما بيعرفش يتعامل مع الجنس الاخر ( اللي هو 1\8 المجتمع ) مش 1\2 المجتمع ...عشنا وشفنا البنات هتتساوي بينا كمان هههههههه (عنصريه بقي حد عنده مانع ؟؟؟ ههههه) متهيألي بيقلوله في البيت اوعي تكلم اي بنت .....عيب يا بابا ....متكلمهمش خالص ...ما تستغربوش حتي اني اذكر موقف لواحد صاحبي بنت جت بتقوله انا مش فاهمه الجزء ده ممكن تشرحولي ؟؟؟؟ قالها لا قالولي في البيت متكلمش بنات... عيب!!! ( الكلام ده حصل فعلا ...مش عارف هو قال كده ازاي ؟؟؟ جايز من انه ما بيتعاملش مع بنات !!! مش عارف بجد ) النوع ده في المستقبل بتبقي اللي هيتجوزها مسيطره عليه ( اصل من عدم تعامله مع البنات ....خد فكره ان جنس البنات اسمي من جنس الولاد بكتييير ههههههههههههههههه) النوع التاني : نفسه يتكلم ويصاحب بس مش قادر ....بيتكسفوا هههههه اصلهم ما كانوش بيتعاملوا مع بنات في ثانوي (او لنقل كانوا بيتعاملوا مع بنات بس بنات اكثر رجوله منهم ههههههههه ما علينا سيبكوا من الحته دي ) والنوع ده بيفضل يتكلم من بعيد لبعيد مع صحابه عن البنات ...شفت البت دي وشفت مش عارف مين ...وعمرهم ما اتكلموا معاهم وياسلام بقي لو حد منهم كلم بنت ....جمهوريه مصر العالميه لازم تعرف ....ولو بنت ضحكت لحد فيهم ...يبقي البت دي عايزاني اخطبها هههههه ويروح يقول لصحابه اخطبها ولا انفض؟؟؟؟ هههههههههه بس بصراحه عنده حق : ضحكت= يعني قلبها مال وخلاص الفرق ما بينا اتشال يلا يا قلبي روحلها لحد البيت هههههههههههههههه (عمرو دياب علي ميلودي) النوع التالت : ما قلنا عليهم شباب تجاره اللي لقوا نفسهم في طب ....دول اصلا ما بيصاحبوش ولاد ...قاعدين ليل نهار مع البنات وهنا نلاحظ سياسه الاستخدام غير العادل يعني النوع التاني مش لاقي ودول الواحد معاه ست سبع بنات ههههههههه مينفعش الكلام ده ...يلا معايا ننادي (بنت لكل شاب .....بنت لكل شاب ) هههههههه النوع ده بيعجب البنات ....واد في طب وكوووووووول اخر حاجه وعايش حياته (هتعور ايه تاني ؟؟؟هههههه) النوع الرابع : بيتعامل مع البنات زي النوع التالت بس لازم كل بنت يكلمها يطلع منها بمصلحه (ما انتي عارفه لازم اللي اتجوزها تصرف عليا ...دي وصيه امي قبل ما تموت من الجوع ههههههه) يعني يكلم دي عشان ياخد ورق دكتور بتنجان منها او يصاحب دي عشان بت دحيحه بتعمل ملخصات ....كله اشطه يعني يتبع .........انواع البنات بقي ههههههههه (ممكن احتاج بنت ...تكتب اللي هي شايفاه من وجهه نظر البنت !!!! اللي ممكن تعمل كده تبقي تكتب ده في رد ) فين الردود يا جماعه .....انا عارف انه مش بيعجبكو (قولولي برضو عشان اعرف بكتب حلو ولا وحش!!!!) |
ههههههههه بجد الموضوع ع بعضه روووووووووووعه
هههههههههههه تسلم ايديك بس اتكلم انت برضوا ع البنات لاني احنا مش هنعرف نتكلم علينا لاني معظم البنات واحد وكل واحده ليها وجهه نظر مستنين الباااقي |
اقتباس:
ثانيا انا هكتب انواع البنات برضو(انا قصدي ان انا بتكلم من وجهه نظر الولد .....لو بنت هتكتب اكيد هتكتب عن نفس الانواع بس من وجهه نظر البنت فاهماني ؟؟؟) |
توبيك جمييل جدا
اسجل متابعتي معاكم |
هههههههههههههههههههه
gooooood man |
شكرااااااااااااااااااا لكل الناس اللي كانت متابعه وبتكتب ردود
انا يا جماعه مش هكتب هنا تاني عشان انا بقعد كتير علي ما اكتب الحلقه وفي الاخر الاقي رد او اتنين سلااااااااااااام ....انا هنقلها لموقع تاني وهكملها هناك |
ههههههههههههههههههههههه
يا عم خليك هنا دا انت زى العسل و والموضوع اروع من الروعة |
لا يادكتور بجد احنا معاك وكمل
معلش على الردود انا مش بفتح كتير بس اول مابفتح بتابعك بجد دكتور ديفل كمل |
مجهود رائع ونرجو المزيد
|
اقتباس:
بس عاوز تمشي ليييييييه كده لا خليك وكمل احنا مستنين من بدري ومتشوقين للحلقات القادمه وهنديك الحساب كامل وهنقضي معاك الواجب:) ياريت تكمل الحلقات |
هه يا دك طب عرفنا هتكمل ولا
|
هكمل ان شاء الله (انا دلوقتي مش في البيت وداخل من موبايل ) لما ارجع هكتب حلقتين
|
السلام عليكم
حلقات حلوه كتير كما يا دكتور فين الحلقتين |
بجد حلقات جميلة جدااا يادوك
مستنيين الباقى ومتتأخرش علينا بقى |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كملللللل |
يالا يا دك كمل مستنينك بشوق
|
واالله انا عايز اكتب كتييييييييييييير اوي بس المشكله ان الوقت ده وقت الخروجات العالمي (تقريبا ما بدخلش البيت غير عشان انام ) ولما بدخل وانا بره بدخل من الموبايل
:d:d:d |
| جميع الأوقات بتوقيت GMT +2. الساعة الآن 12:01 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.