انااداب بنها وعايزه احول اداب القاهره او عين شمس فانا عايزه اعرف ايه نظام التحويل وامتى هيبدا التحويل

التقديم فى تجارة انجليزى أمتى

27/8 ان شاء الله

لأ مش بفلوس .. مصاريفه هيا نفس مصاريف تجارة انتظام

تخشي من على موقع التنسيق

http://www.tansik.egypt.gov.eg/application/

وتستني لما التحويلات بتاعة تقليل الاغتراب تبدأ وتحولي

مع العلم انك لو حولتي لعين شمس .. يبقي هاتخشيها انتساب مش انتظام

اه .. القاعدة العامة بتقول ان اللي يجيب تقدير جيد على الاقل

ويكون صافي في المواد (يعني ناجح في كله مش ساقط في ولا مادة) يقدر يحول لانتظام

مع مراعاة ان ممكن يفضل في انتساب .. على حسب رغبته

الجيد من 130 بنسميه جيد بس .. لكن الجيد من 159 دا بنسميه جيد مرتفع

وغالباً مافيش حاجة اسمها 159 وجيد .. لإن الـ 159 بيتضاف عليها درجة رأفة وبتبقي 160

يعني بتخش في شريحة الجيد جدا

في شهادة التخرج بيتكتبلك المجموع التراكمي (من 800) والتقدير معاه

أكيد طبعا ينفع .. بس هاتحول للزقازيق وانتا تجارة انتساب مش انتظام

والتحويل من المتوقع انه يبدأ نهاية الاسبوع دا .. تابع موقع التنسيق وربنا يجيب اللي فيه الخير

ان شاء الله ممكن .. طالما معدية الـ 90 فرصتك في الالتحاق هاتزيد

ولكن كله بيتوقف على التنسيق الداخلي والمجاميع اللي مقدمة معاكي

كل ما المجاميع قلت كل ما فرصتك زادت .. لإن التنسيق بيقل

المعهود والمتعارف عليه ان مافيش انترفيو في تجارة انجليش

لكن مؤخراً والله اعلم في كفر الشيخ فيه انتر فيو .. لكن انا ماعنديش معلومات عنه صراحة

من المفترض انه يكون بدأ .. يستحسن تروحي الجامعة وتسألى بنفسك

كله طبقاً للتوزيع الجغرافي .. بمعني ..

اذا نطاقك الجغرافي كان تابع لجامعة بنها .. يبقي مش هاتقدري تحولي

اذا نطاقك الجغرافي في نطاق جامعة القاهرة او عين شمس .. تقدري تحولي من بنها لأي من الجامعتين

(دا باعتبار ان القاهرة وعين شمس وحلوان نطاق جغرافي واحد)

ولكن اذا حولتى من بنها لأي من الجامعتين (قاهرة او عين شمس) هاتحولي وانتي انتساب مش انتظام

التحويل بيبقي من خلال موقع التنسيق http://www.tansik.egypt.gov.eg/application/

دا بنسميه التحويل المختص بتقليل الاغتراب ..

المفروض انه بيبدأ بعد ظهور نتيجة المرحلة التانية من التنسيق ..

لكن هوا من المتوقع انه يبدأ في نهاية الاسبوع دا ..

ودا انا قريته في جريدة الاخبار عشان ماتقوليش اني بتوقع من دماغي

عموما تابعى موقع التنسيق اول بأول عشان الميعاد مايفوتكيش

-انا عايزة أعرف ميعاد التقديم فى تجارة انجليزى فى جامعة بنها . و أنا جيبة المجموع الكلى من غير المستوى346والانجليش 44والانجليش المستوى8.5واناكدة ممكن اتقبل فى القسم الانجليزى ببنها

هو انا ممكن لو متقبلتش فى القسم الانجليزى ببنها احول اداب انجليزى

[quote=vampire1188;1478192]الجيد من 130 بنسميه جيد بس .. لكن الجيد من 159 دا بنسميه جيد مرتفع

وغالباً مافيش حاجة اسمها 159 وجيد .. لإن الـ 159 بيتضاف عليها درجة رأفة وبتبقي 160

يعني بتخش في شريحة الجيد جدا


بص ياسيدى الفاضل
اولا مفيش حاجة اسمها حيد مرتفع لأن دة يبقى مسميات بس عند الطلبة علشان يعنى اللى جايب فوق ال70 اما فى الكلية اسمهاجيد بس

ثانيا ممكن واحد يجيب 159 فعلا فى حالة استخامة لدرجات الرأفة فى اى مادة

ثالثا اية الفرق فى الشغل بتفرق فى اية بس هو دة سؤالى

يا جدعاااااان حد من اسيوط فى كلية تجارة
انا سنة اولى فين الاسيطة يا جدعان

يا مستر ميرو او مارميرو انت ولد ولا بنت واسمك ايه
المهم انا دخلت تجاره بنها وناوى اقدم تجاره انجلش ان شاء الله انا روحت امبارح وقالولى يوم الاحد هيفتحوا باب التقديم فى تجاره انتظام فانتى عشان تضمنى انك هتقدمى روحى يوم الاتنين وخلاص عشان مترجعيش تانى اما بالنسبه للانجلش انا سالتهم قالوا انك تعملى حسابك على فلوس الاستماره وانتى جايه تقدمى تجاره انتظام وهى تقريبا لا 130 لا 150 زى القاهره هاتى 150 وريحى دماغك والا يخدوه يخدوه وقالوا لاما ندفع الفلوس دى ونملى الاستماره فى نفس يوم تقديم الانتظام لاما هنروح بعد يومين او تلاته من التقديم وبرده معانا فلوس الاستماره عشان نملاها وعلى فكره مصاريف تجاره انتظام من غير انجلش 95 او 75 مش فاكر انا قراتها كام؟

يعني هوا حضرتك بتعرفني ؟! .. طب مانا عارف الكلام دا اكيد يعني

كمسمي اكاديمي او مسمي قانوني .. مافيش كلمة جيد مرتفع طبعا .. لكن دا مسمي لينا احنا كطلبة

ياااااااه يا اخي .. دانتا معقدها اوي !!

هوا اه ينفع .. بس بالعقل كدا يعني .. واحد طالب شاطر وبيجب جيد جدا وامتياز في كل المواد

هاييجي في مادة يقوم واقع فيها ؟! .. نادرة اوي انها تحصل الحكاية دي

لا بتفرق طبعا ..

قولتلك في الاول جيد مرتفع .. قولتلي مافيش حاجة اسمها جيد مرتفع ومش عارف ايه !

ياسيدي الفاضل .. انا دلوقتي ممكن ابقي جايب 130 من 200 .. ويبقي اسمي جيد

وفي نفس الوقت واحد غيري جايب 155 .. وبرده جيد !!

يبقي ايه معيار التفرقة ؟؟ .. انهم بيبصوا للرقم ..

بيشوفوا انتا في اول الجيد ولا في اخره ولا في نصه

واهم حتى لو مابصوش .. اهو يبقي اسمك جايب جيد بس درجة عالية

يعني لو فيه 2 جايبين جيد .. بياخدوا اللي جايب درجات اعلي .. دا طبعا المفروض

لكن الطبيعي انك لو ليك واسطة او مندرج تحت أبناء العاملين او الكلام دا ..

يبقي عادي مافيش مشاكل .. انتا في مصر مش في بلد غريبة !!

[quote=عمرو ع;1481240]


ana AMIRA
thank you for your answer

thank you amira

i prefer to be friends in the benha university

انا جاتلى تجارة الزقازيق وعاوز احول تجارة المنصورة انا من ميت غمر يعنى الزقازيق والمنصورة منطقة (أ)
مجموع المنصورة 359.5 وانا جايب 355
هل ينفع
ممكن اعرف موعد التقديم سواء للزقازيق او المنصورة

بص يا سيدى والله انا معرفش حاجه عن انك تحول من كليه لكليه مناظره وانت مش جايب حدها الادنى هى ممكن بس لو جاتلك خارج النطاق لكن داخل النطاق مينفعش واسئل برده؟ اما عن موعد التحويلات فهى مكتوب فى الموقع ترقبوا فتح التحويلات وهما بيقولوا يوم الاتنين 10/8 وهينتهى السبت 15/8

السلام عليكم انا شيرين ممكن حضرتك تساعدنى انا مجموعى341بالمستوى ومن غير المستوى339والمستوى بتاعى مش انجلش ومجموعى فى الانجلش43ونصف وجالى تجارة السادات ياترى اجيب شعبة انجلش ولالأ

انا اقصد موعد التقديم للكلية وليس موعد التحول

على ما اعتقد يا شيرين انك مش هتلحقى ولكن ممكن تلحقى فى بنها مش عارف بقا اسئلى فامبير انا زيك عاوز ادخل تجاره انجلش وجايب 357 من غير مستوى لان المستوى مش انجلش وجايب 42.5 فى الانجلش ودخلت تجاره بنها ويا رب اقبل انجلش يا رب

ana da5el tegara englsi h sohagg...w ana men el qaheraa...yenfa3 tany sana a7awel le tegara english el qahera??plzz 7ad yerod 3alayaa!!

ana da5el tegara englsi h sohagg...w ana men el qaheraa...yenfa3 tany sana a7awel le tegara english el qahera??plzz 7ad yerod 3alayaa!!

vampire
انا قبلت فى كلية سياحه الفيوم وهى واخده من 345
هل ممكن احول تجاره انتظام القاهره وهى واخده من 347
وانا اصلا محموعى 348
ولو قبلت كنت عايزه اعرف ايه مميزات قسم اكتوارى ومجالات الشغل فيه

اكيد ينفع بدام مجموعك جايبها
قسم الاكتوارى دة موجود فى القاهرة والتقديم فية بيبقى فى اجازة سنة اولى هو قسم مميز طبعا وبيقبلو فية عدد قليل قوى الدفعة كلها ممكن تكون عشرة عشرين واحد بيشترطو تكونى مش شايلة مواد من سنة اولى وبتدخلى امتحانات انجليزى ورياضىة 2 ولازم تعديها طبعا بالنسبة للشغل فبيبقى فى شركات التأمين غالبا وهيئات تانى كتير انا اعرف واحد منهم اشتغل فى قناة السويس والى باسمعة ان الناس دى بتشتغل بعد التخرج على طول على اساس ان عددهم قليل ممكن تلاقى معلومات اكتر على الموقع دة
http://commerce.cu.edu.eg/

السلام عليكم ورحمة الله وبركاته انا محمد عندى سؤال ياريت تجوبلى عليه انا جبت 85.24 لحقت تجارة عين شمس انتظام وجايب فى الانجلش 46.5 ومجموع الانجلش بتاعى يقبل بس فى ناس بتقولى انى لازم اكون جايب 90 فى الميه فى المجموع الاعتبارى هو الكلام دة صح ولا غلط ولكم منا جزيل الشكر

تجارة السادات مش بتفرق عن تجارة انجليش في كليات التجارة العادية

اذن فقواعد القبول في كليات التجارة انجليش العادية هيا هيا في اكاديمية السادات

لا طبعا ماينفعش ..

التحويل من كلية تجارة انجليش في جامعة معينة لكلية تجارة انجليش في جامعة تانية ..

ممنوع بقرار من المجلس الاعلى للجامعات

القاعدة العامة بتقول .. طالما انتا جايب مجموع كلية معينة .. يحق ليك انك تخشها مهما كان

ودا من خلال ترتيب الرغبات والكلام المعروف دا ..

لكن انتا في حالتك دي انتا دخلت كلية سياحة وماعجبتكش ورجعت في رأيك وقولت اخش تجارة احسن

يبقى كدا هاتضطر انك تعمل تحويل من خلال مكتب التنسيق للكلية اللي انتا عايز تخشها

كلمة لو قبلت دي يا ريس متوقفة على نطاقك الجغرافي اللي انتا فيه

يعني مش تبقي انتا مثلا في الفيوم وتيجي تقولي انا عايز اخش القاهرة ..

لإن ساعتها بنى سويف اقربلك

ماتبقاش مثلا في جامعة اسكندرية .. وتيجي تقولي انا عايز اروح دمياط !

أهم ما فى الموضوع ان جامعة القاهرة تكون فى نطاق سكنك الجغرافى

القسم فيه مميزات كتيرة

1- عددهم قليل .. حوالي 20 طالب .. والسنة اللي فاتت كانوا قابلين 17 بس (وانا عاددهم بنفسي!)

2- مكان الدراسة بيبقي فى قاعات الدراسة في مبنى تجارة انجليش ..

يعني تكييف - راحة - فهم - مزاج رايق

3- بيتم اختيار صفوة الدكاترة طبعاً .. ودا لإن القسم دراسته صعبة ومعتمدة اعتماد كلى على الرياضة ..

عشان كدا هايقابلك كتير اوي من دكاترة قسم الاحصاء بالذات

4- التخصص بيبقي من سنة تانية .. ودا طبعا احسن .. لإن باقي الاقسام بيتم التخصص فيها في سنة رابعة

شركات التأمين - الاستثمار - البنوك - التحليل المالى - البورصة

يدخلك ان شاء الله .. مجموعك تمام جدا جدا يعني والحمدلله

للأسف التحويل مش هاينفع .. عشان التحويل الثلاثى دا ممنوع

هاتقوليلي يعني ايه تحويل ثلاثى ؟؟؟

هاقولك التحويل الثلاثى دا يعني انك تحولى من كلية لكلية لكلية تالته

في حالتك دي .. انتي كنتى علوم عين شمس .. يبقى دا رقم 1

بعد كدا حولتى لعلوم اليكس .. يبقى دا رقم 2

بعد كدا عايزة تحولى لتجارة اليكس .. يبقى دا رقم 3 (ودا ممنوع بقرار من مجلس الجامعات)

عشان انا كان فيه واحده اعرفها برده كانت في المنوفية وجايبه مجموع عالى يدخلها سياسة واقتصاد

وهيا كانت عايزة تيجي تجارة القاهرة عشان تبقى معايا .. فا حبت تعمل حركة ذكاء

انها تخش سياسة واقتصاد القاهرة .. ومنها تعمل تحويل داخلى وتحول لتجارة القاهرة

بس طبعا فوجئت بانه مش نافع .. وللأسف ماكانش قدامها غير اختيارين

انها تفضل في سياسة واقتصاد القاهرة .. او انها تحول لتجارة شبين الكوم (عشان التوزيع الجغرافى)

يعني من الاخر موضوع التحويل الثلاثى دا ممنوع

موضوع غلط وغير صحيح

التحويل لا يصح الا فى حالتين فقط :

1- انك تقعدى سنة كاملة في الكلية اللي انتى فيها عادي جدا ..

وتيجي السنة اللي بعدها تحولي للكلية اللي انتي عايزاها .. بشرطين :

أ - ان الكلية اللي انتي عايزة تحولي ليها يكون مجموع الثانوية العامة بتاعك

جايبها في سنة حصولك على الثانوية العامة

ب - انك تكونى طالعة صافي في السنة اللي انتي كنتي فيها في كليتك .. يعني مش شايلة مواد

2- انك في سنة اولي في الكلية اللي انتى فيها تسقطى وتعيدي السنة فيها مرتين ورا بعض خبط لزق

عشان ساعتها مش هايكونلك حق الاستمرار فيها ..

وساعتها هايتم رجوعك تاني لنقطة الصفر بتاعة الثانوية العامة

وساعتها هاتشوفي مجموعك كان كام في الثانوية العامة

وتشوفي ايه الكليات اللي كانت متاحه ليكي في سنة حصولك على الثانوية العامة ..

وعلى هذا الاساس هاتحولي ان شاء الله

غالباً ان شاء الله هايجيلك اسكندرية عشان دا معروف انه تحويل مش بمزاجك ..

دا تحويل لتقليل الاغتراب .. يعني لازم يوافقوا عليه (طالما كان في نطاقك الجغرافى)

انا تحويلى اتقبل والحمد لله لتجاره القاهره امتى نروح نقدم الورق ممكن تردعليا يا فامبير لو سمحت

هاى بليز كنت عاوزة اعرف ..... مصاريف الاكتوارى زي تجارة العادية ولا اكتر ؟ المواد بالعربي ولا انجلش ؟ انا جبت جيد الحمد لله وكنت علمي رياضة بس لسة مش قدمت فيه ....ينفع الايام دى ولا خلاص كدة ... ثانكس كتير

مافيش حاجة اسمها القسم هايكون قفل العدد .. فيه حاجة اسمها ميعاد التقديم خلص ولا لسه

طالما التقديم لسه مفتوح يبقى قدمي عادي .. انتي واحده بتقدم مالهاش دعوة بالعدد

انتي بتقدمي وخلاص .. وهما بقي في التنسيق الداخلي بتاعهم بيظبطوا العدد براحتهم

وعموما طالما انتى التحويل ماقبلش بتاع علوم .. يبقى كدا تحويلك لتجارة سليم ان شاء الله

الحقى روحي دلوقتى قبل ما ميعاد التقديم يقفل .. الميعاد هايقفل يوم 27/8 .. يعني بعد يومين

المصاريف هيا هيا .. مش بتفرق حاجة عن مصاريف انتظام

انجليش .. والدراسة بتبقي في مبنى تجارة انجليش

لا خلاص كدا للأسف راحت عليكي .. التقديم بيبقي في شهر 7

والامتحان المفروض بيبقي في نص 8 .. ونتيجة الامتحان المفروض بتظهر في شهر 9

رجاء الرد سريعا
 

اللي اعرفه ان النتيجة المفروض انها ظاهرة دلوقتى ع الموقع ع اللينك دا

http://womenfaculty-eg.com/tansik/tansik.aspx

بس هما للأسف اللينك واقع .. بس هوا دا اللينك التابع للكلية والله اعلم بقي

طيب اللي ظهرت نتيجه التنسيق الداخلى للمرحله التانيه لكليه البنات اداب عين شمس؟؟؟؟ و كمان سؤال معلش انا اه اللي المفروض اعمله لما النتيجه تظهر؟؟؟؟ وشكرا جدا

والله ماعرف يابنتي .. اصلا اللينك مش شغال ..

والرسالة اللي بتظهر ( This domain name expired )

ودا معناه ان اللينك دا غير صالح .. يعني لازم الكلية تتصل بالشركة اللي تبعها الدومين دا

عشان تفعل اللينك وتشغله من اول وجديد تاني ..

وبالتالى اللينك عمره ماهايفتح الا اما الكلية تشوف الموضوع دا

ولا حاجة .. نتيجتك هاتظهر وهايبلغوكي بانك دخلتى القسم الفلانى

اذا كنتي قدمتي ورقك يبقى كدا تمام ومش هاتعملي اي حاجة خالص

غير يمكن اذا كان فيه كشف طبي ولا حاجة

تابعي الاخبار وكله هايبقي تمام ان شاء الله

طـب انا فى تجاره انجلش مدخلتش الامتحانات السنه اللى فاتت خالص ولسه داخل اولى يعنى هاعيد السنه

فهل مثلا الدرجات فى النهايه بتتقاس تراكمى يعنى لو جبت 150 من 200 مثلا تتقاس مع السنين التلاته الجايين ولا

لازم يذكر ان انا عايد اسنه وتقلل من درجاته وشكرا ليك ....