يا ريت حضرتك تقدر تفيدنى...هل قسم Electromechanics ف جامعة الاسكندرية هو قسم Mechatronics؟؟و لو مش هو يبقى ايه الفرق بينهم؟؟و مجالات شغله ايه؟

*ahmed saleh*
طالما تم نقلك لسنة اولى خلاص , هتدخل الاقسام بناء على تنسيق الاقسام و مجموعك , و المادة الي شلتها هتفضل معاك .

ahmedelnahas
الحقيقة معنديش معلومات عن القسم دا في اسكندرية , و لكن ممكن تدخل الموقع الرسمي و تقرأ عنه
اما قسم ميكاترونكس فهو واحد من الاقسام المحترمة , بيشتغل شغل مهندس ميكانيكا او إلكترونيات

معالى الع ـيل
شروط التحويل لعين شمس او القاهرة , زي ما انت قلت , المجموع ثانيا و دا الاهم اثبات سكن , في الجيزة مثلا , و هتحول ازاي شوف هتحول انهي واحده و انزل مبنى التحويلات التابع للجامعة سواء القاهرة او عين شمس و اعرف معاد التحويل و المطلوب بالظبط , بالتوفيق

ليس من اختصاصتي عمل الاقسام في المنتدى و لكن , المفروض ان كلية التخطيط العمراني تابعة لهذا القسم من المنتدى

السلام عليكم

انا جالى هندسة المنصورة علشان التوزيع الجغرافى و كنت عايز بترول السويس بس ملحقتش

عايز اعرف عشان ادخل قسم بترول القاهرة .. هل ممكن من دلوقتى و لو مينفعش

ايه التقدير الى لازم اجيبه فى اعدادى عشان احول قسم بترول القاهرة ؟؟

و انا سامع ان لو انا فى اعدادى القاهرة مش هحتاج هتقدير عشان ادخل بترول فهل لو دخلت اعدادى المنصورة و حولت محل اقامتى للجيزة السنة الجاية .. هحتاج اكون جايب تقدير علشان ادخل القاهرة ؟!!

و شكرا جزيلا

ممكن من دلوقتي لو عندك اثبات سكن في الجيزة
ممكن من تاني سنة و تجيب جيد جدا
لو اعدادي القاهرة , هيمشي عليك التنسيق بتاع بترول في الكلية

يا جماعة أنا جاتلي الحمدلله هندسة اسكندرية أنا بس كنت بسأل عن الاقسام الخاصة أنا عارفة الاقسام نفسها انما أنا عايزة أعرف نظام الدراسة وإيه هي الcredit hours وياترى انهوا أحسن الاقسم العادية ولا الخاصة والمصاريف كام في السنة وكده

لو سمحت يا بشمهندس هو أنا ممكن أحول من كلية الهندسة الالكترونية الى هندسة عادية و أنا مجموعى 387 و أقل هندسة 387.5 و الكترونيات 386.5

mayar_mayar
بالنسبة للاقسام فا راجعي موقع الكلية او شئون الكلية , اما بالنسبة لأنهي افضل فا على حسب رغبتك , في ناس بتحب نظام الفصلين و ناس بتحب نظام الكريدت , انا نظام فصلين و مستريح فيه جدا


*Boa*
كل شئ بيجي بالتعلم , يعني عادي بنخلص ثانوي عام و بندخل الكلية , لو حرصنا على الالتزام و التعلم هنتفوق فيها شأنها شأن اي مجال , غير كدا لاء , يعني ما بتتطلبش مهارات خاصة , غير مهارات , الالتزام و حب التعلم و المذاكرة , و ان شاء الله كفاية اوي كدا ,

mahmoud mounir
واحد صحبي اعرفه السنة الي فاتت , كان في منوف و حل للمنصورة . على حسب كل كلية

ahmed_algeneral*
أعتقد ان مينفعش تحول من كلية خاصة لكلية حكومية حتى لو القسم مش موجود الكلام ده لو انت فى كابة حكومية و هتحول لكلية ثانية عشان القسم مش موجود و ثانيا نظام الساعات المعتمدة ده قسم داخلى يعنى لازم يجيلك الأول الكلية فى التنسيق و بعد كدة لما بيتبقى أماكن بيفتحوا للى عاوز يحول من الكليات الحكومية الأخرى ماعدا هندسة التعدين السويس و هندسة الكترونيات منوف و الساعات المعتمدة لا يعتبر قسم خاص 100% و عشان كدة لازم تكون جايب مجموع أقل هندسة حكومية على الأقل هذا و الله أعلم

لو سمحتم هو اللي بيتخرج من نظام الساعات المعتمدة بشكل عام بيشتغل زيه زي اللي متخرج من النظام العادي و لا لا ؟؟ و هل بيبقي تبع نقابة المهندسين ؟؟ و هل نظام الساعات المعتمدة بيشغل الطلاب اللي ليهم ترتيب معيدين ف الكلية و لا لا ؟؟ ارجو الافادة

walahy im not sure bs i think en hwa bykon leh el72 en hwa yb2a tb3 neqabet elmohandseen we 7kayet el4o8l bykon rz2 walahy we rbna yektrem elkol

ياجماعه لو فى حد عندو اى معلومات عن اقسام ,PPC,CEM,AETفى كريدت هندسه القاهره يعنى الدراسه الشغل بعد كدا اى معلومه تعرفها اكتبها:078111rg3:

لو سمحتوا انا عايز اسأل سؤال انا خلصت اعدادي هندسه بني سويف وعايز احول عين شمس وموضوع اثبات السكن محلول ان شاء الله بس انا عارف ان ممكن التحويل ميتقبلش عشان العدد وكده فكنت عايز اعرف لو انا عملت طلب تحويل في عين شمس وواحد تاني في المنيا فهل ينفع الموضوع ده ولو الاتنين اتقبلوا ينفع الغي واحد فيهم او ماسلمش الملف يعني من الاخر
ينفع نقدم طلبين في كليتين في نفس الوقت ؟
ينفع نلغي التحويل ؟
لو التحويل اتقبل ومقدمتش الملف هيحصل مشكله ولا عادي ؟
ارجو الرد

ahmed_algeneral
للأسف ما ينفعش تحول من هندسة خاصة لهندسة حكومية .

raven44
اه طبعا نظام الساعات المعتمدة محترم جدا , و بيدخلوا النقابة , و بيتعينو معيدين , و كل حاجة .

mostafa dahshory
اه عادي ممكن التحويل يتقبل و تفضل في مكانك , مفيش مشاكل , لان اجراءات التحويل بتتم بإن الكلية بتوافق عليه و بعدين لازم تسحب ملفك من كليتك , فاذا الكلية الي هتحولها وافقت و انت ما سحبتش ملفك , فا كدا خلاص ولا كأنك عملت حاجة .

EMaN GaD
هندسة عامة السنة الاعدادية سنتين و بعد كدا بتحول لكلية تانية .

لو سمحتم

هل بدأ التقديم فى كلية التخطيط العمرانى ولا ايه ؟ ومتى التقديم ؟؟
ضرورى لو سمحتم تردوا عليا ؟؟؟

في الغالب بدأ , لان جل الكليات بدأ التقديم فيها

السلام عليكم ، عندي استفسار بخصوص التحويل من كريديت للنظام العادي بعد إعدادي ( هندسة القاهرة ) أنا عارف أن السؤال ده اتسأل قبل كده بس كنت عايز تفاصيل أكتر ، يعني لازم أجيب تقدير معين وكمان لازم يكون التحويل لقسم مش موجود في كريديت ولا لأي قسم ؟!!

التحويل من كريدت للنظام العادي ؟ او تقصد العكس

أيوة حضرتك أنا أقصد من كريديت للعادي بعد إعدادي ، مش عارف ليه أنا مش مرتاح أني دخلت كريديت يمكن لأنه بفلوس زي الجامعات الخاصة !

نظام تكميل هندسةبعدعلوم
 

هو صح فىنظام لو حد خريج علوم كيمياء ينفع يكمل هندسة كيميائية ويبقى مهندس كيميائى شرط ان يكون مافاتش على تخرجه خمس سنوات ارجو الافاده ضرووووووووووووووووووورى

لو ممكن حضرتك تساعدنى هنا لو عندك اى معلومه من فضلك ماتبخلش بيها
http://www.thanwya.com/vb/showthread.php?t=468149

مشكورررررررررررررررررررررررررر

السلام عليكم ورحمه الله وبركاته
لو سمحتم عندي سؤال ضروري لو حد يعرف اجابته ربنا يجزيه كل خير
لو في أحد فاته التقديم بكلية هندسة في الترم الاول وقدم في الترم التاني "لسه سنة اولى "
هيكون نظامه ايه ؟ هيضطر يعيد السنة ؟؟
والسؤال التانى لو حد يعرف هو في طلبة سورين التحقوا بالجامعات المصرية الحكومية عادي بعد القرار الجديد ولا لأ ؟
وربنا يجزيكم كل خير

ممكن حد يرد عليا انا دلوقتى فى حاسبات القاهرة و عاوز احول هندسة العاشر هل ممكن اتقبل انا جايب 94% ومش عارف هل ممكن يرفضوا ولا اة ارجوكوا الرد

Barcamessi10 , اسأل في كليتك احسن .

i3at3f , اللغة انجليزي , اتصالات العام في القاهرة ما يفرقش عن كريدت , لان اتصالات القاهرة من افضل الاقسام فيها , الفلوس بتديلك اهتمام و افضل دكاتره الكلية , و عدد قليل و متابعة و مكان افضل دا غير الدراسة و التمارين و الكورسات الانسانية و كدا . الاقسام الحقيقة
http://unimasr.com/community/viewforum.php?f=1536

شادية المصرى , ما اقدرش افيدك ياريت تنزلي و تسألي في كلية الهندسة , الوكيل او العميد

2ad , اظن ان اغلب الكليات بينتهي التقديم فيها قبل نهاية الترم الاول , و ياريت تسأل في الكلية نفسها , بالنسبة للطلبة السوريين اه , في ناس منهم حاليا في هندسة القاهرة , و معايا ناس في القسم

winniethepooh , للأسف معنديش معلومات

titoti , دي حاجة بتكون تبع الكلية , بس عادي في الكليات الخاصة بيكون القبول او الرفض على حسب الاعداد و الاماكن المتاحة

يا ترى اية هى الاقسام الى تناسب البنت فى العمل وبانسبة لقسم عمارة انا سمعت انو مبقا ش مطلوب فى سوق العمل هل دة صحيح

وياترى اية رايك فى هندسة الاسكندرية من حيث التعليم والمستوي

الاجابة المنطقية , انو اي قسم مناسب للبنت المهم تكون هتحب القسم و هتستفيد بيه , و البنات ما شاء الله اثبتو تفوقهم في اقسام هندسية كانت حكر للشباب زي ميكانيكا - طيران , انما بالنسبة للإجابة الروتينية فا هي ( اتصالات - حاسبات - عمارة - طبية - كيمياء ) , عمارة قسم رائع جدا و هو قسم اغلبيته بنات , هو قسم رائع جدا و مازال مطلوب و شغله كتير , عموما الشعل ارزاق و خلي الشغل و التوظيف في مرتبة تانية او تالته في اولوياتك في اختيار الاقسام .
هندسة الاسكندرية محترمة جدا , اظن تالت احسن هندسة في مصر بعد القاهرة و عين شمس .

لوسمحت أيه القسم اللى الواحد يتخرج منه مهندس طرق ولوسمحت هل القسم ده موجود فى هندسه خاصه

قسم الهندسة المدنية ,

الهندسة الكيميائية
 

الهندسة الكيمياية ئمجال شغلها وهل ممكن يشتغل فى مجال بحاليل او الصيدلة بعد ما يعمل دبلومة زى خريج علوم كيميا

السلام عليكم
انا خريجه تجاره باقيلى حوالى 5 سنين
ومتزوجه وعايزه اخد كليه حاسبات ومعلومات
بس مشكلتى انى مسافره ومش هينفع اجى غير ع الامتحانات يعنى كل سنه
سؤالى هينفع التحق بالكليه ولا لاء وياترى ليا فرصه التحق بهندسه الالكترونيات ولا لاء
وبالنسبه للمصاريف هتبقى عاديه ولا هتبقى زى الخاص ب 5000 ف السنه
ياريت حد يرد عليا ضرووووورى عشان انا كنت عايزه الحق السنه دى قبل ما تخلص
ويقولى ايه الاحسن واعمل ايه ؟؟؟

أمووله ,

قسم الهندسة الكيميائية , بالأساس متفرع من قسم الهندسة الميكانيكة , و اغلب مجالات عمله في المصانع , برجاء مراجعة هذا الموضوع
http://www.thanwya.com/vb/showthread.php?t=441925

2 sendrella
افضل وسيلة لحضرتك هي التوجه للجامعة الي حضرتك عاوزة تدرسي فيها و تستفسري في الشئون و يفضل في مكتب وكيل الكلية لشئون الطلبة , او من العميد .

انا عاوز اعرف كل حاجة عن قسم ميكاترونكس من حيث المناهج و فرص العمل بعد التخرج ... إلخ

ببساطه قسم الميكاترونكس , هو مزيج من الهندسة الميكانيكية و الهندسة الكهربيه , و هو موجود في بعض كليات الهندسة الحكومية مثل عين شمس , و بعض الكليات الخاصة مثل , الألمانية و 6 اكتوبر , .
فرص عمله قليلة في مصر للأسف , كعاده اغلب الاقسام . ,

ماذا عن
 

ماذا عن فتح قسم في المجموعة الهندسية لكلية التخطيط العمراني والاقليمي
اكيد معلوم ان الكلية ضمن القطاع الهندسي واخيرا اصبحت مناظرة كمان مش موضوعنا
بس انا بسال ماذا عن امكانية عمل قسم لمجال التخطيط العمراني ؟؟ :):)

بإمكانك التواصل مع الإدارة بخصوص انشاء قسم خاص بكلية التخطيط العمراني , لكني اعتقد ان قسم المجموعة الهندسية يشمل كليات الهندسة بالاضافة لكلية التخطيط العمراني

شباب الله يرضى عنكم عاوز اجوبة على الاسئلة ديه :

1- اى قسم من اقسام الهندسة سهل و جميل و ليه مستقبل اكثر من اى قسم تانى و بالدليل
2- التكلفة ممكن توصل لكام
3- هعمل ايه فى الكلية ديه ؟

و الف مليون شكر :)
شباب الله يرضى عنكم عاوز اجوبة على الاسئلة ديه :

1- اى قسم من اقسام الهندسة سهل و جميل و ليه مستقبل اكثر من اى قسم تانى و بالدليل
2- التكلفة ممكن توصل لكام
3- هعمل ايه فى الكلية ديه ؟

و الف مليون شكر :)

استفسار بسيط

ما هى المتطلبات التى يجب ان تتوافر فى المهندس و يحتاجها سوق العمل منه ( المهارات الاساسية ) ؟

ارجوا الرد على ضرورررررررى
 

انا خلصت الثانوية الازهرية و الحمد لله
انا قدمت فى معهد ومجاليش هندسة خاصة لان التنسيق عالى السنة دى
بس كنت عايز اعرف هو ينفع اقدم ان شاء الله السنة الجاية بالتنسيق الجديد بتاع المعهد ولأ
ولا لازم تسيق السنة اللى انا خلصت فيها


وشكرااااااااااااااااااااا جزيلااااااااااااااااااااااااا

هو اكثر قسم في مصر له مستقبل قسم الهندسه المدنيه نظراً لكثرة تخصصاته ولأنّ تخصصاته هي الأساس التحتي لأي دوله
كمثلاً مشاكل الري والإنشائات والسكه الحديد والطرق والكباري وكلها من تخصصات االهندسه المدنيه
التكلفه بتختلف من جامعه خاصه لأخرى إذا كنت تقصد في الجامعات الخاصه يعني بتختلف على اساس الجامعه نفسها
ما معنى هتعمل ايه؟ هتدرس بإذن الله :d:d

هي في مهارات بتكون مطلوبه في أي مهنه كمهارات أساسيه
مثل Soft skills
ال هي مهارات التعامل
وفي الكمبيوتر بقى مطلوب دلوقتي في كل المهن ولا سيما المهن الهندسيه
واللغات

الأفضل ان تسأل في مكاتب التنسيق ذاتها او في الجامعه
وهو أمر لا يخص الكليه بل يخص التنسيق والجامعات بشكل عام

ما هى فرص ومجالات عمل المهندس الكيميائى فى مصر ؟؟؟ و هل هى متوفرة ؟؟

قسم الهندسه الكيميائيه من الأقسام نادرة الوجود في مصر ولا تتواجد إلا في هندسة القاهره والاسكندريه والمنيا
وهو قسم من الاقسام الجيده جدا
ويعمل الكثير منهم في مجالات التسويق والتنفيذ في المصانع وبعضهم في التربه والبترول
سوق العمل ليس بالوفره الكبيره
ولكنّي اذكر ان دكتور الرسم كان بيقولنا في مره من المرات
ان طلاب قسم الهندسه الكيميائيه بيتعينوا بمرتبات عاليه جدا لأنّهم بيكونوا على علاقه وثيقه بالإنسانيات اكثر من النواحي العلميه وهذا يعطيهم افضليه عن بقية الأقسام