![]() |
اقتباس:
هههههههه هنشووووف و اللي جوا مسيره يطلع يا جميلة :d اقتباس:
جمال مين .؟ :d لأ دي نهال نهال نهال نهال بعينها نهال :angry2: قالتلي هكتبها دلوقتي و قعدت تحكي شوية و بعدين قفلت في وشي جزاءً ليكِ يا قمر كل كلمة هتقوليها .. هاجيبلها مقابل تريقة :d و مش تقطعي الجوابات يا نهولتي كملي يعني :d شكراً على متابعتك يا محمد و على متابعة الجميع :) |
اقتباس:
مفيش جزء تانى طيب :d مستنيين نهال .. :stickjo4: |
بدايه كده ازيكوا عاملين ايه جمعيا يارب تكونوا بخير والصحه عال وكل عام وانتم بخير علشان طبعا رمضان اصلى عارفه الذكاء اللى فى الشعب المصرى عالى ما شاء الله انا هنا انهارده علشان احكيلكوا حكاياتى لما كنت طفله وقد ايه انى كنت طفله هاديه وامورة وبتسمع الكلام جدا ياااااااه ايام وان شاء الله هابتدى بمرحله الولاده وما بعدها علشان فيها حكايات يعنى احب انكوا تعرفوها عنى ايه الرغى الكتير ده معلشى استحملونى اصلى مش بحب الكروته المهم هاتبقا بعنوان (ولاده عبقريه)اللى هوا انا يعنى;) اولا انا ماما كانت حامل فيا مش زى الناس الطبيعين لا انا كنت هابقا تؤام بس شكلى من الافترا بتاعى روحت كلته:p لاء يعنى انا كنت متخنه ماما جدا ومبهدلاها معايا اوى طول عمرى والنعمه المهم ماما تعبت يعنى ف يوم 17\9 تحديدا الساعه 8 كده صباحا ومش مهم السنه بلاش احراج;) وجيت للدنيا وكانت الساعه 11 الصبح بردو وولدت للعالم الدكتور الفليوسوفه واميره الشعرا مع احترامى للجميع يعنى انا نهال:p وبابا مش كان موجود ساعتها كان خالو بس وهو كان اول واحد يشلينى وكل شويه يذلنى لما يشوفنى:mad:مش فاهم انا ليه ع العموم هما كانوا محتارين يسمونى سمر ولا نهال بس طبعا علشان بابا بيحب الاسماء النارده فسمانى نهال وراح تانى يوم علشان يسجلنى يعنى فضلت يوم كامل بلا هويه:frown: مش موضوعنا ده ومن هونا ومن موقعى هذا ابتدت رحلتى مع الحياه والصراع للبقاء .......... يلا كفايه عليكوا دول دلوقتى وهاكمل بعدين بقيه حكايتى:028ja7: |
سيرى يا نورماندى
منتظرين مواقفك يانهال خلينا نضحك شوووية |
إيه يا مرموره الموضوع الجامد ده بجد والله موضوع جامد جدا بس للأسف لسه شايفينه متأخر الأجمل فيه إننا إتعرفنا ع ناس كان نفسنا نتعرف عليهم بس كلهم شخصيات جميله بدايه من محمد واميره ومحمود وأخيراً نهال متابعين الموضوع الجامد ده ومستنين نشوف طفولتك برده ربنا يكرمك يا مرموره |
ههههههههههههههههههه لا جامدة يا نهال طول عمرك متعبة انتى هتقولى ليا اكلتى اختك يا مصيبة :d وحتى متعبة وانتى بتتولدى تصحى ماما الساعة 8 الصبح يا شيخة حرام عليكى وتنزلى كمان الساعة 11 فى عز الحر والدكتور بيولدك فى 3 ساعات ربنا يكون فى عونة والله :d كملى كملى د انتى هتشوفى تريقة للركب :d متابع ان شاء الله فى رعاية الله |
اقتباس:
|
اقتباس:
يللا عقبال عندكم هتيجوا إن شاء الله هنا و مش عندنا حد يقول لألأ :d كله بييجي لازم ييجي اقتباس:
مش سامعة :d شكراً يا حلوين على الرد الجميل و المرور الكريم ;) كملي كملي يا أستاذة نهال كملي كملي بتقفلي في وشي ده هنركرموكي آخـــــــر كرم :stickjo4: |
نيجى بقا للجزء بتاع حلقتنا معايا وهي بقا ذكريات ما بعد الولاده يعنى لما كنت بيبى صغنن كده اولا كده انا كنت طفل امور اوى الشعر بقا الاسود السايح ده واخدين بالكوا كدب يعنى:p وكنت امورة ف نفسى كده من يومى والله:bosyht9: بس كانت فيا حاجه غريبه انى مكنتش ببطل زن ولا عياط كنت قارفه ماما علطول:006et4: وماما زمان كانت تقعد تغنيلى ماما زمانها جايه جايه بعد شويه جايبه فران وقطط:d انا مش فاكر بقا الاغنيه بس مكنتش متعبه اوى نيجى بقا لمرحله لما جه اخويا الصغير كان انا عندى لسه سنتين كنت بكره الواد ده اوى :mad: وكنت بضربه كمان كان غلس كده معلشى ع ال*** اللى انا فيه انا والله كنت انا وهو ناقر ونقير ومحدش يقولى يعنى ايه اسمعه وانتوا ساكتين كنت بنلاعب بعض ملاكمه بس لما كبر شويه:d اصلى كنت بنوته رقيقة جدا:bosyht9: كانت ماما بتقول انا مخلفه ولدين مش بنت وولد;) يلا محدش بياكلها بالساهل وبعدين بقا بما انى الكبيره كنت بحس نفسى مسئوله عنه اوى لما كنا نروح الحضانه كنت ألاقى اى ولد اضربه اضربهوله انا امال كبيره ع الفاضى:d كنت عنيفه جدا يا سبحان الله ما علينا انا لما كبرت شويه كده لما بقا عندى اربع سنين رحت البلد مع بابا واختى الكبيره وكنت هناك بعمل ف عيال القريه عمايل كنت اوقفهم كلهم طابور وامسك طابشيره وعصايه حلوة كده واعمل نفسى الميس بتاعتهم وقولوا ورايا واحد اتنين:d المهم ف اليوم ده اختى كانت رايحه عند ناس قرايبنا فانا راسى والف سيف انى اروح معاه وهيا كانت رافضه وبابا بردو قالى العبى هنا ومش تروحى مع اختك انا بردو مصممه انى اروح المهم فكرت ف فكره شيطانيه;) رحت قولت لبابا اختى وافقت يا بابا انا رايحه وقولت امشى ورا اختى وبكده هاروح وهيا مش تعرف واحطها قدام الامر الواقع ههههههههه معلشى كل لما افكتر اضحك المهم فعلا مشيت وراها وكانفيه طريقين طريق لليمين وواحد للشمال هيا دخلت ع اليمين وانا الشمال فرحت تايهه بقا وقعدت من الصبح لغايه العصر تايهه ف بلد محدش يعرفنى ولا اعرف حد ويدوروا عليا بقا ويا ولاد الحلال ف بنت تايهه لغايه فين وفين لما شخص كده لاقينى مش عارفاه وخدنى لبابا ولما شفت ابويا بقا قعدت اعيط واترميت ف حضنه :frown: ههههههه بس من ساعتها وانا مش بروح مع اختى دى اى حته عايزين بقا تعرفوا حكايه انا بنت ابى تابعووووووووووونا :d |
كملي كملي وقفتي ليه ? :040vk0: ده احنا هنكرموكي كرم في التريقة لا عمرك شفتيه و لا هتشوفيه :d |
اقتباس:
|
احكيلكوا بقا ع حكايه انا بنت ابى دى هيا متعلقه بالحادثه بتاعتى دى انا واحنا صغيرين ابويا كان معتنق الصوفيه وكده فالمهم كان بيقولنا قولولى يا ابى وماما نقولها نقولها يا امى فالمهم انا كنت بحب اسمع الكلام اوى:av4056bb7jp3: شوفتوا الطاعه اتعلموا بقا المهم انا مكنتش اعرف اسم والدى ايه صغيره بقا فالمهم لما تهت كان كل اللى يكلمنى يقولى انتى اسمك ايه اقوله نهال وانا بقا كنت طفله طبعا شيك ع الاخر فمظهرى مش يدل انى من عندهم ويقولولى طيب اسمك ابوكى ايه اقولهم ابى :dعيله بقا مش فاهمه حاجه فالمهم كل لما حد يسالنى اقولهم ابى انا بنت ابى يقولولى عارفين ان ليكى اب:rolleyes:بس ابوكى ده مالهوش اسم يعنى اقولهم انتوا مش بتفهموا قولت بنت ابى ههههههههههه غريبه من يومى لغايه ما واحد من عيلتى شافنى واخدنى لبابا بقا بعد مشقه وتعب ومشى اكتر من تلت ساعات وانا لوحدى اتعذبت كتير اوى انا عارف بس اهو الواحد مش بيتعلم ببلاش بس بقا لغايه دلوقتى الناس تشاور عليا وتقولى مش انتى بنت ابى بقيت ماركه مسجله ع اخر الزمن:( |
اقتباس:
حلوة اوى بنت ابى كملى متابعة |
كملى يا نهال ابى .. مش تعرفى اسم باباكى قبل ما تتوهى :slap1qk6: |
كملي يا بنتي أبي و لا خلصتي و لا نظامك إيه انتِ يا بنت أبي :slap1qk6: |
اقتباس:
:d :d حلوة القصة دى بداية من ولادة فى الصباح الباكر مرورا باخويا ابن امى وابويا وانتهاءا ببنت ابى والله انا كمان ابن ابى وhخويا ابن ابى :d عموما ادينا متابعين عايزين حاجة كدا تشد زى مثلا تكونى عورتى حد ***تى حد الحاجات الرقيقة دى :d تسجيل متابعة واحتمال اتريق :d دمتم فى رعاية الله |
ههههههههههه
جميل اووي يانهال متابعه ان شاء الله في رعاية الله |
ههههههه ماشى يا بنت ابوكى :p انا بقه مش ابن ابى انا ابن ابى وامى :p ههههههههه:022yb4: متااااابع مش تتأخرى :romarioxp6: |
معلشى يا جماعه انى اتاخرت عليكوا لانى اخدت دور برد شديد اعذرونى ههههههه كويس والله انها عجبتكوا انا كنت حاسه انى هابقا رخمه بس الحمد لله طلعت تمام اهو بالنوبسه بقا لباقى القصه لما كنا صغيرين ف رمضان كان لازم امسك الفانوس والف بيه الشقه كلها متعرفوش ايه لازمه الحكايه دى بس مزاج عندى واقعد اغنى والف بالفانوس والمهم انى اطفى نور الشقه كله واقعد الف بالفانوس كنت بتعب اوى:d ولما يجى بقا العيد الزم الهدوم تتجابلى قبل الوقفه بيوم بتبقا ماما عاوزة تفجرنى بصواريخ سام دى;) والهدوم لازم تتجاب وتبات ف حضنى كمان علشان محدش كان ياخدها منى يعنى ملكيه خاصه ممنوع الاقتراب او التصوير:d وبعدين لازم الصبح بابا يودينا الجامع واحنا صغيرين نصلى الصبح واهم شئ بقا العيديه كانت اهم شئ بالنسبالى وكنت بقا اخد الفلوس واما اصدق البس واروح بقا اشترى حاجات واغيظ بيها ولاد عمى:p شايفين كميه الشر والله كانوا يقعدوا يعيطوا لانى بغيظهم بيها ههههههههه ايام والله . المهم بقا انى كنت بخاف من حاجه عمركوا ما كنتوا تتصوروها ابدا عارفين انتوا عرايس الليله الكبيره بتاعت صلاح جاهين دى :bosyht9:انا كنت لما الاقيها ف التليفزيون لازم اجرى واقعد اعيط معرفش ليه بس اهو عقل عيال كنت مفكراهم انهم العفاريت اللى ماما كانت بتحكيلى عنهم . وبردو لما كنت صوغيره كنت معتقده ان ورا التليفزيون هلاقى بقا الممثلين والمصورين والناس الكتيره دى وانا بقا اقعد بقا بهدومى نضيفه وشعرى مسرح ع غير العاده علشان قال هما هايشافونى يعنى:d ويقوموا مشغلنى معاهم ف التليفزيون هههههههه من يومى وانا ستار:bosyht9:.وكنت اقعد اقلدهم قال يعنى ممكن حد يكتشفنى ف يوم بس لما كبرت اتصدمت بقا:o |
انا قولت بالمره اكتبلكوا آخر جزء بقا كفايه دوشه ليكوا لحد كده طبعا بقا لما دخلت مرحله الدراسه وكده كنت بقا لسه هادخل اولى ابتدائى كنت فرحان جدا قال يعنى هابقى سميرة موسى القادمه :d ما علينا وعماله احضر ف هدومى وشنطتى بقا وكنت فرحانه اوى وانا بقا مولوده قبل المدارس بيوم واحد شوفتوا الحظ فقبل الدراسه بيوم كانت ماما عملتلى عيد ميلادى وكده وبعد ما طفيت الشمع والحفله خلصت بقول للناس ايه يلا بقا امشوا علشان عاوزة انام واروح المدرسه بدرى ومش عاوزة اتاخر عليها:dهههههههههه شوفتوا الادب من يومى والله فالمهم عرفت غلطى وروحت طبعا اتاسفت وماما طبعا قعدت تقولهم دى عيله وكده وبعد كده قالتلى يلا خشى اتخمدىمش ملهوفه اوى عالنوم يلا اتفضلى وفعلا نمت وصحيت بقا بدرى اوى رحت المدرسه وماما لبستنى وجهزتنى انى اروح فالمهم انا من يومى طالبه شاطرة ومجتهده:av4056bb7jp3:وبابا كان من اعداء المجموعات والدروس والحاجات دى فقالى لو الميس قالتلك خشى درس معايا قوليلها لاء انا مش باخد دروس فالمهم الميس جاتلى وتقولى نهال هاتخدى معايا درس ولا ايه قولتلها لاء فهيا قعدت تعاند معايا كتير فقولتلها لو مش سكتى انا هاروح انده ليكى الناظرة واقولها انك عاوزانى اخد درس بالعافيه فقالتلى وع ايه انا بنفسى هاروح اندهها ليكى ولا يهمك خليكى واقفه هنا وفعلا جت الناظرة وحكيت ليها الموضوع وبابا جه وفهمها وجهه نظره وانتهت المشكله وساعتها بابا قعد يضحك ضحك عليا كنت طفله مشكله يلا اخر موقف بقا انا كنت ف تالته ابتدائى وبابا كان بيذاكرلى تعبير فالمهم كان فيه موقف واحنا هانكتب هانقول ايه ف الموقف ده فالموقف بيقول اذا وجدت رجلا اعمى ف الشارع يريد عبور الطريق ماذا تفعل له رحت قعدت افكر كده ورحت راده السؤال ان اعبر له الطريق:blush::d ههههههههههه بدل ما اخد بايده لا اروحله انا مشواره وده بردو كان موقف من مواقفى. وكده خلصت خلاص بقا مرحله الطفوله بتاعتى لانها بعد كده مفيهاش مواقف لانى كنت هاديه زى ما انتوا عارفين:bosyht9: ويارب ما اكونش رخمه عليكوا سلااااااااااااااااااااام |
ههههههههههه
هههههههههه كنت بعمل حكاية التلفزيون دي انا كمان :d بتوع نشرة الاخبار بذات عشان بكونوا بصين في نفس المكان فا بفكرهم شايفني من يومي وانا ذكيه :d كنتي لمضه اووي يانهال |
هههههههه عسل يا نهولتي عسل بجد و ربنا يشفيكِ كل ما أكلمك أنزل تحت الكيبورد عشان البرد اللي عندك ده :slap1qk6: كنا سعداء بحلقاتك يا قمر نورتي :) |
اقتباس:
وايه الميس المفتريه دى عيزاكى تاخدى درس وانتى فى اوله ابتدائى وبالعافيه كمان. يالا منتظرين العضو القادم بس سؤال لمارمورا انتى مش نوايا تحكى ولا ايه شكلك كنتى هاديه بردوا |
اقتباس:
جاري التعاقد و الاتفاق مع المنتج :d |
بسم الله الرحمن الرحيم ازيكم عاملين ايه تماام أكيد تمام بوجودي :d معانا اليوم ولد مهندس زي بابا و ماما و أخويا :bosyht9: خلينا في المهم العضو ده قديم كان اسمه كده باين توتي و لا إيه أصل شفتها في موضوع قديم :d خلينا في المهم معانا :) :) :) يوه ميت مرة أقول في التأني السلاامة انزلوا :d معانااا الاسطورة منورناااا :av4056bb7jp3: |
كنت بجد يانهال مشكلة
بس فضايح فضايح يعنى ربنا يكفينا شرها والبشمهندس ااسطورة معانا ياهلا ياهلا فى ناس فاكرة ان حضرتك مش بتتكلم وطيب شوية بس انا اعتقد غير كدة خالص معرفش ليه لما نشوف حلقات حضرتك فى الانتظاررر وجزاكم الله خيرا |
ايه العسل دا يانهال:d دا انت كنتي هادية جدا ربنا يكون في عون اهلك ومحمود طه ينفع يبقي روائي كبير:):p منتظرين طبعا الباشمهندس:022yb4: اقتباس:
عقبالك لما تكملي العائلة الكريمة:d |
اقتباس:
منا بدور على دكاترة بقى عشان أكمل العائلة :d يللا يا بشمهندس محمود ( الأسطورة ) :av4056bb7jp3: |
:d هههههههه :d ايه الحلاوه دى المهم خشى نامى عشان تروحى لمدرسه بدرى ومنتظرينك يا عم الاسطووره شكلك كنت داهيه |
بسم الله الرحمن الرحيم
باذن الله ها نبدأ مع بعض يا جماعة وربنا يعديها على خير ان شاء الله :d شوفوا انا ها اقسم الطفولة مراحل عشان ما نتعبش بس الاول احب انبهكم انى عندى زهايمر وده معروف يعنى:d ------------------------------------ انا ترتيبى اللى ف النص بين اخواتى عندى اختى اكبر منى ب3 سنين_هندسة اتصالات_ واخويا اصغر منى بسنتين_2 ثانوى_ _نبدأ بقى باول يوم ما انا اتولدت بابا جاب كيس مليان شيكولاتة وبسكوت ومصاصة وشيبسى لاختى وولاد عمتى وقالهم النونو اللى جايبه علشان يحبونى يعنى :d _ف السبوع بتاعى بنت عمتى اللى هى اكبر منى بحوالى 6 سنين كانت بتقول لاختى انا يا ها احرقك يا احرق اخوكى ...اختى قالتلها احرقى اخويا طبعآ :d _فى رمضان بقى لما كان بابا بيجيبلى الفانوس كنت باجرى اقابله ع الباب واخد الفانوس واجرى وف مكان معين ف الصالة اقع والفانوس يتكسر بيقولوا الحكاية اتكررت كتير وف نفس المكان (قال يعنى مثلث برمودا):d _وانا صغير كنت باحب قوى العب استغماية ف البيت مع اختى بس غالبآ كنت باتقفش لانه مش كان عندى فن ازاى تستخبى :d _وانا باستحمى دايمآ كنت باقعد اعيط لان الصابون كان بيدخل ف عينى لكن ها نعمل ايه بقى انا قديم على ايامى مش كان فى شامبو جونسون ل الاطفال :d _طول عمرى وانا جنتل كنت بالبس ف البيت جلاليب صغنططة كده جميلة قوى كنت باحبها جدآ كنت مخططة بالطول ومنها الوان كتيرة قوى _مش لاقى ولا واحدة منهم دلوقتى اجيبلكم صورتها :d_ _وانا صغير روحت مرة مع ماما المدرسة نجيب اختى بيقولوا انى بقى نزلت الحوش وقعدت اجرى وهما يجروا ورايا وانا ابدآ مش راجع حتى الان ماما مش ناسيالى اليوم ده لان الساعة كانت 2 والجو كان حر بقى :d _فى يوم من ايام الحضانة تانى او تالت يوم يعنى كنت رايح بشنطتى كانت جديدة وجميلة بقى ..المهم اتبدلت مع شنطة بنت كان اسمها مروة انا فاكر :d ..المهم شنطتها كانت قديمة ومتشخبط عليها بالجاف كتييير قوى ...لما روحت البيت ماما كانت ها ت***نى تقولى من اول يوم عملت ف الشنطة كده :d المهم فتحتها لقت جواها سندوتشات بطاطس وانا مش كنت واخد بطاطس فا ده كان دليل البراءة :d دى المواقف اللى انا فاكرها ف الطفولة قوى يعنى :d انتظروا المرحلة الجاية مرحلة ابتدائى ودى انا فاكر فيها كتير مش ها اتأخر عليكم ها استريح شوية بس :d |
هاهاهاهاهاهاهاهاهاهاهاها
حدوته لظيظة خالث |
هههههه جميلة يا بشمهندس بس مش هنتريق إلا في الآخـــر خالص فيه موضوع اسمه ألبوم صور أطفال البوابة حطها هناك كمان الصورة تي :d كمل كمل كمل |
ههههههههههههههههههههه :d ماشى يا عم بس المهم عندى استفسار صغير ;) عملت ايه ف السندويتشات ؟؟؟؟؟؟؟؟؟؟ :p:p:p |
هههههه ايه الطفولة الجامدة دي متابعين ان شاء الله اقتباس:
ههههه هو دا سؤال برده مفروض السؤال يكون هي كانت مقلية ولا مطبوخه اصلي بحب الدقة :p اقتباس:
وتكملي الفريق العلمي:078111rg3: |
هههههههههههههه مش حاسة ف طفولتك بروح الطفوله التشردية الجميلة دي :d بس واضح انها طفوله جامده ف انتظار الابتدائيه بس ياريت تبقى تخلي الكلام ف النص وانت بتكتب مش بحب اقرا اللي لازق ف الحيط ده :d |
اقتباس:
اقتباس:
اقتباس:
اقتباس:
والمواقف بتاعتى كلها شقاوة اطفال مش اكتر :d |
بسم الله الرحمن الرحيم
نبدأ مع مرحلة جديدة الابتدائى :d _ انا كنت ف مدرسة خاصة اسمها مدرسة منار العلم ...تقدروا تقولوا ان مستواها كان كويس بالنسبة للطلبة زمايلى يعنى مافيش تشرد قوى ...بس اكيد فى مواقف :d _طبعآ كننا ف اولى ابتدائى تقريبآ وبابا كان بيعرفنى المد بالألف ..وانا قاعد ماليش ف اى حاجة...كان بيمثلهالى بكلمة ثعبان...لحد ما ف الاخر قالى ثعبااااااااان ..انا تعباااااان :d هههههههههههههه وبرضو طلعت مش باحب العربى :d _مرة ف 3 ابتدائى ..كان قاعد جنبى واحد صاحبى اسمه عمر..فجأة قالى محمود ..قولتله يا نحم :d...قالى الحق انا ها اقع ف الشارع :d طبعآ انا فضلت اضحك لما جالى هبوط حاد والمدرسة بقى جابتنى من قفايا وع السبورة بره وبتضحك على ايه :d المهم قولتها عمر قالى كذا قالتلى طيب وايه يضحك ف كده :d ست غريبة والله :d _ طبعآ انا قولتلكم ان المدرسة خاصة يعنى حجمها صغير وعدد الطلبة صغير وكده ...وعايشين بقى ف الالتزام وبتاع مرة ف رمضان كنت مدى لواحد صاحبى فلوس يشتريلى صواريخ لان الراجل جنب بيتهم :d...جابهم واحنا ف المدرسة ...طلبت معايا بقى انى افرقع واحد ف الحوش وفى حصة شغالة ..المهم كان ليا واحد صاحبى مصيبة اسمه محمد شاكر هو اللى ها ينفذ معايا ..اخدته وطلعنا ف دور فاضى عشان نرمى الصاروخ قابلنا واحد زميلنا .. قولناله احنا ها نعمل كذا كذا بعشم بقى :d...قالنا ماشى وسابنا ونزل..المهم تم العمل الارهابى والصاروخ صوته جلجل ف المدرسة .. المهم نزلنا الفصل لقيت الناظر مستنينا ف الفصل :d...كنتوا فين يا شباب ..كننا بنصلى ...طيب تعالوا ورايا :d ...ف مكتبه بقى قالك انتوا اللى فرقعتوا الصاروخ ..طبعآ احنا ما حصلش يا مستر ..قالك زميلكم فتن عليكم :d...انا قولت اه يا ابن ال.... المهم قعد يقرر فينا وانا ها اعملكم استدعاء ولى امر ومش عارف ايه وانا مفيش خالص ...لحد ما صاحبى راح معيط وقايله ..قالى ايه الحال دلوقتى ...انا برضو قولتله ما حصلش :d... المهم ان الحوار خلص على كام عصاية ولو اتكررت ها افصلكم :d _ بعدها بكام يوم ف حصة العلوم ....واحد صاحبى ضايقنى مسكنا ف بعض ...نزلنا للناظر ..الراجل استقبلنى احلى استقبال والله :d ...المهم قالنا ايه اللى حصل ..حكيتله انا طبعآ انى الحمل الوديع وان الواد هو اللى مسك فيا ..قالى انت كذاب وانا مش باصدقك ..وطبعآ ادانى اللى فيه النصيب وطلعنى الفصل :d _الموقف ده بقى بعيد عن المدرسة ....عندنا ف البيت جزامة طولها حوالى مترين..كبيرة قوى :d...المهم راجعين مرة كلنا من برة ..فا انا بافتح رف الجزامة ..قامت وقعت فوقى انا واخويا ..الحمد لله ربنا ستر مافيش حاجة ...المهم بقى ف الحوار انى كنت طالع من تحت الجزامة عمال اضحك :d...واخويا يعيط ..فا سابونى قالك بيضحك مش مشكلة :d...يقولوا لاخويا بتعيط ليه يقول اصل محمود بيضحك :d...هو ده كل اللى كان مزعله ..بس بجد يومها ربنا نجانا ..الحمد لله _طبعآ انا كان عندى هواية انى اتخانق مع الشباب اللى كانوا بيوقفوهم زى ما بيقولوا شرطة ..عشان اطلع من الحوش ف الفسحة ..واحد زميلى بقى واحنا ف 3 ابتدائى زقنى من ع السلم ..وقعت ايدى اتكسرت ..المهم طلعت الفصل المدرسة تتحايل عليا يا ابنى انزل تحت للمرضة شوف فى ايه ..وانا اقولها لا انا كويس ...لما روحت البيت كانت ايدى متبهدلة روحت للدكتور طلعت مكسورة ..بابا جه المدرسة تانى يوم وازاى ده يحصل ...وازاى ماحدش يودينى للدكتور ولا اى حاجة ..المدرسة تقوله انا اتحايلت عليه ..وانا اقول ما حصلش :d..يا ابنى انا مش قولتلك ...اقولها لأ :d..يومها بابا كان ها يوقع المدرسة ..بس حصل خير تقريبآ ده الابتدائى بتاعى ..مش جامد قوى برضو ...انتظروا بقى الاعدادى والثانوى ...والمشكلة كلها ف الثانوى ده :d :d |
اقتباس:
ههههههه حرام عليك طول عمرك تقول محصلش و هو حصل مين و لا مين هيسامح :slap1qk6: بس بجد حلوة أوي محصلتش :d متابعين :bosyht9: |
ههههههه
لا حضرتك من نوع اللى ي*** القتيل ويمشى فى جنازته وقال طيب قال وكماان محصلش منتظرين باقى المواقف |
يا بشمهندس شيل اللينك اللي في الصورة بتاعة حضرتك كده اعلان لمنتدى أزياء :d و حضرتك اداري بردو :d |
هههههههههههه
اه حلوه اووي محصلش دي منتظرين الباقي ان شاء الله في رعاية الله |
ههههههههههه
ماشى يانجم بس حلوه اخوك اللى بيعيط ع ضحكك ده متاااااااااااااااااااااابع |
بجد موضوع تحفة بس ليه طفولة هادية كده
انا عايزة دم عايزة تشرد |
هههههههههههه
ابتدائي دمه خفيف هننتظر الثانوي والاعدادي |
اقتباس:
ههههههههههههههههه المشكله انه المفروض منتدى سيدات فقط :d و الاسامى اللى فيه غريبه اوى حتى فى واحده اسمها اوركيد :d كمل كمل يا محمود نط على ثانوى على طول لو عايز :d فى رعايه الله |
اقتباس:
اقتباس:
انت متأكد انهم اخواتك اخواتك يعني :d نصيحة اخوية حاول تتأكد :d عموما عادي بردو لو طلعو اخواتك ماهو الوسطاني دايما كده :romarioxp6: :d ربنا معاك مواقف جامدة ومستنين الثانوي ياااارب تكون اتشردت شوية :d |
انا باعتذر يا شباب مش ها اقدر اكون متواجد النهاردة
بس استنونى بكرة مع مرحلتين ف وقت واحد ملحوظة....مرحلة ثانوى دى فيها الشغل كله ...التشرد بدأ لما نقلت مدرسة حكومى انتظرونا ...واسأل مجرب من رمضان اللى فات:d |
اقتباس:
هههههههههههه مش عارفة ليه كل الولاد اشقية من صغرهم دا انا كنت طيبة اوى:d منتظرينك تانى يا محمود |
لا طفولة كويسة مش مشردة والحمد لله
منتظرين الباقي ان شاء الله |
|
جميع الأوقات بتوقيت GMT +2. الساعة الآن 12:37 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.