|
على فكره التنسيق مش متاخر انتم ال مستعجلين يا جماعه تابعو كده السنين ال فاتت هتلاقو التنسيق قبل الدراسه بكام يوم يا جماعه لسه الدور التانى النتيجه بتاعته باينه النهارده او امبارح طب يعملو التنسيق امتى اهدو يا جماعه انتم مستعجلين كده ليه متخافوش الكليه مش هتطير هتروح هتروحو وهتقولو يا ريت ال جرى ما كان ههههه ربنا معاكم
|
اقتباس:
بس المشكلة اننا مش عارفين احنا راحين فين ولا كليه وايه ؟؟؟ وبعدين انا عايز اعرف حاجة هي الدراسه بتبدأ من اول يوم ولا اول اسبوع ملهوش لازمه يعني احنا لازم نروح اول اسبوع في الكليه ولا مش لازم ؟؟؟؟؟؟؟ |
بص يا كابتن والله الدراسه بتختلف من كليه لكليه يعنى فى كليات بتبدا من اول اسبوع بل من اول يوم وفى ناس بيبقى اول اسبوع بالنسبه لهم مش له اى لزمه مثلا هندسه مفيش دراسه اول اسبوع خالص بالنسبه للجدد لكن القدامى بيقعدو حوالى اسبوعين تلاته على ما الاقسام تبان وكل واحد يستقر على القسم بتاعه وكده والله اعلم بس ان شاء الله لما التنسيق ينزل كلكم تقولو انتم دخلتم ايه وبعدها اسئلو اى سؤال واحنا ان شاء الله نجاوبكم
|
والله ياياسمين مش موضوع استعجااااال ومش هقولك ان التنسيق المفروض يظهر بدرى لكن المفروض يبقى فى مؤشرات عشان نطمن بس............يعنى دلوقتى نتيجة الدور الاول والتانى ظهرت ونتائج جميع الكليات ظهرت طيب ناقص ايه عشااااااان على الاقل يبقى فى مؤشرات للنتيجة........
محدش يعرف اعداد القبول بالجامعات السنة اللى فاتت وشكرا |
ازيك يا ياسمين كل سنه وانتى طيبه
مقولتيش استقريتى ع قسم ايه ؟ ! كنت عايز اسئلك بس هى هندسه بنات قلبت كام واحده السنه الى فاتت يعنى الدفعه المفروض تكون كام:bosyht9::) كمان هى نسبه النجاح السنه الى فاتت كانت كام عندكم اصل السنادى بيقولوا 86.78 % |
طيب انا متوقع لنفسى علوم ممكن اقدم قبل التنسيق مايظهر؟
|
?:confused:??:confused:???:confused:????:confused: ?????:confused:??????:confused:?????
|
كل سنه وانتوا طيبين عيد سعيد عليكم يارب كل واحد يدخل الكليه الى عايزها بالتوفيق للجميع |
كل عام وانتم بخير
ويكون العام القادم عام سعيد علي الجميع |
عيد سعيد
ايه اللى هيحصل بعد العيد ربنا يستر بكره اخركلام كل واحد هيتحدد مصيره يارب ان شاء الله كل واحد يدخل الكليه اللى هو عايزها انت تريد وانا اريد والله يفعل ما يريد |
كل سنه وانتم طيبين وعيد سعيد عليكم
بكره نتيجة التنسيق وربنا معانا ومعاكم:slap1qk6::av4056bb7jp3: |
السلام عليكم
أنا أخوكم شيمي التحقت بصيدلة القاهرة بنين فمن معي؟ |
انا محمد الرشيدي
دخلت طب اسنان اسيوط مين معايا |
وانا محمد من الشرقيه وداخل هندسه مدينه نصر
|
اين انتم يا طلبه الازهر
يالا كل واحد يقول دخل ايه والا:stickjo4::stickjo4: انا الحمدلله دخلت طب القاهره :d:d |
انا سالى انور من اسوان
جبت 96.6% وان شاء الله داخلة هندسة القاهرة |
اقتباس:
|
مبرووووووووووووووك:022yb4: لكل اللي داخلوا
الكليات اللي كانوا نفسهم فيها اما اللي داخلوا كليات مكانوش نفسهم فيها;)(زي حالاتي);) برضوه مبـــــــ:022yb4:ـــــــــــ:022yb4:ـــروك |
اقتباس:
دخلت إيه ؟؟؟ |
الله يبارك فيك
دخلت علوم الحمد لله:022yb4: بس تعرف انا مبسوط بيها:) مش زعلان :(ولا حاجة مع انها قبل النتيجة مكنتش في بالي;) بس متعرفش يمكن اقنعت نفسي بيها وفي ناس كتير قالوليلي علوم جميلة:039uw8: بس كله بيقول انها صعبة (ربنا يسهل):049gc0: بس الحاجة اللي مزعلاني;) انها في اسيوط وانا من اسكندرية مش عارف حقعد فين والمدينة الجامعية حتجيلي ولا لا هي ديه المشكله:bosyht9: |
الف مبروك لكم كلكم خلاص ارتاحتم والتنسيق نزل الحمد لله وكل واحد عرف هو رايح فين مفيش حد يزعل لو كان نفسه فى حاجه وما جتلوش اكيد ده خير ليه واهم حاجه يحاول يتفوق فى الكليه ال هو رايحها وربنا يوفقكم جميعا
|
اقتباس:
مشكلة السكن عاديه اكيد حد حواليك من السنين اللي فاتت في اسيوط بس اسئل وحاول ولو ملقتش حد ديتها تروح هناك يوم هتعرف السكن المجاور وتشوف مكان وتجيب مظروف المدينه وترجع تاني وأول اسبوعين مفيهمش دراسه ولا حاجه المهم اعرف ميعاد التشعيب وفي واحد من عندنا برضوا جاتلوا علوم اسيوط اكيد هتقابلوا اسمه محمد عبد الوهاب يعني مش هتلاقي نفسك غريب ولا حاجه بس اجدعن اول سنه علشان تعرف تحول بالتوفيق إن شاء الله |
انا دخلت علوم القاهرة بس مش عارف اخد ورق اية علشان اقدم فى الكلية وكمان ورق المدينة
ولما رحت الكلية مفيش حد افادنى ولقيت جدول الدراسة نزل بتاع جميع الشعب ومحتار اخد جدول اية؟ ياريت حد يفيدنى |
معلش ياريت اللى عنده اى معلومات يكلمنى على الياهوmahmmoud_allam93
|
ربنا يوفقكم ويكرمكم
شدوا حيلكم بئه بالتوفيق للجميع |
اقتباس:
عايزين تقديرات عاليه اثبت للكل انك اتظلمت ف الثانويه من خلال تقديراتك وانسى كل الى فات مفيش حاجه صعبه ما دام ف مذاكره وتعب وركز ف اختيار القسم الى انت عايزه ربنا يكرمك يارب اما بالنسبه للسكن والله المشكله عند الكل انا كمان مش لاقى ربنا ييسر اسيوط حلوه وناسها كويسين انصحك تدور ع سكن لان المدينه مش بتكون مضمونه واكيد هتلاقى طلبه كتير بس انت تسرع علشان الوقت خلاص ربنا يوفقك |
انا دخلت هندسه ورحت الكليه ومعرفتش اقدم اى حاجه خالص ممكن حد يساعدنى
|
اقتباس:
|
اقتباس:
بالنسبه للشعب شوف انت شعبه ايه اكيد مكتوب فى بطاقه الترشيح او اسال فى الجامعه وخد الجدول بتاع الشعبه بتاعك واخضر لان علوم بتبدا على طول |
انا متشكر جدا بس انا رحت الكلية ولقيت كشف الاسماء لسة مش نزل
وسالت عن الاوراق المطلوبة قالوا مفيش اى حاجة بخصوص المستجدين بس انا سحبت مطروف المدينة ولا فى مطروف خاص بالمستجدين |
اقتباس:
وانا عدلت ترشيحي على طب :d:d يعني مش صيدلة زي ما كنت فاكره:bosyht9: |
انا اخوكم مؤمن من دمنهور وربنا وفقنى ودخلت كلية الهندسه اللى كان نفسى فيها:028ja7::028ja7::028ja7::028ja7: مع انى جايب مجموع صيدله بس القلب وما يريد بقى المهم انا روحت الكليه ولقيت ان مفيش اى حاجه متعلقه باعدادى كل ما اسال حد يقولى تعالى يوم السبت يعنى بعد اسبوع بس الصراحه انا مش مستريح فى السكن اللى انا فيه مع ان السكن دا فى السادس عند المدينه الجامعيه فوق مطعم مؤمن لكن الشقه مش نضيفه خالص والحمام زباله فياريت لو حد فى شقه نضيفه وعنده مكان فاضى يقولى لانى فعلا مخنوق من الشقه دى وبالنسبه للدراسه فى الكليه ياريت الباشمهندسين اللى قبلنا يساعدونا فى الموضوع ده وان شاء الله اتقابل مع كل الناس بتاعت اعدادى لما ربنا يسهل كده ونبدا دراسه تقبلو مرورى |
اولا احييك على اختيارك لهندسه وربنا يوفقك فيها بالنسبه للسكن ادام انت جايب مجموع كبير كده يبقى اكيد لك مدينه وانا كنت هناك يوم الاثنين وكان الجدد بيقدمو للمدينه فقدم وان شاء الله تدخل على طول يعنى على شهر كده وان كنت عايز سكن نظيف على الشهر ده فى سكن وراى مجمع الملك فهد السكن ده عن كليه البنات بس مش بعيد لان هندسه ممكن تدخلها من بوابه زراعه ودا افضل لك السكن ده كويس جدا ومستواه كويس روح هناك واسال صاحبه السكن اسمها ام عمار او فى سكن تانى صاحبه اسمه عم عبدو ال يريحك
بالنسبه للمهندسين ال اكبر منك فانت ممكن تتجمع معانا على التوبيك بتاع هندسه الازهر بنات فى نفس القسم وانا قلت الكلام ده قبل كده لبتوع هندسه ال محتاج اى حاجه يسال على التوبيك بتاعنا علشان نقدر كلنا نفيده وان شاء الله لما تحضر المحاضرات وكده اكيد هترج بيتك اخر الاسبوع بنكون كلنا متجمعين لل عايز اى سوال لان فى ناس اكبر مننا بيدخلو يساعدونا وممكن تقول على اسماء الدكاتره ال هيدخلولك واحنا نفهمك نظام كل دكتور وكده واى حاجه انت عايزه هتلاقى ناس كتير ترد عليك وتفهمك ال انت عيزه |
مبروك كليه الهندسه يامؤمن
وانت كده بتفكر صح :078111rg3:عشان هي مش بالمجموع وخلاص المهم تشوف انت بتحب ايه ويريت تشوف الساكن اللي قالتلك عليه ياسمين بس بسرعة :049gc0:عشان لو اتاخرت مش حتلاقي ولو لاقيت مش بيبقي كويس:blush: وابقي طمني عملت ايه في السكن |
معاك محمود علام علوم القاهرة
ياريت لو لقيت السكن اللى ياسمين قالت عليه تحجز وتعمل حسابى معاك وده رقمى علشان تقول لى اخر الاخبار 0110801241 شكرا يايسمين وشكرا مقدما يامؤمن |
انانسيت ده ايميلى على الياهو
mahmoud_allam93 |
ربنا يوفق كل الطلبه اللى هتنورنا فى جامعة الازهر وخاصة الهندسة وده شرف لأى حد ينتمى لهندسة الازهر بس لازم الناس تجتهد لأن الكلية صعبه جدا ومفيش هزار طبعا انا بكلم عن هندسه بس اكيد كل الكليات كدا وربنا يوفقنا ويوفق الجميع واى حد محتاج حاجه فى هندسه من الناس اللى رايحه اعدادى فأنا موجود او اى حد من اللى اكبر مننا وزى ما فى ناس اكبر منناخدمتنا لازم احنا كمان نخدم اللى اصغر مننا
|
يا هندسه بلاش نخوف الناس والله هندسه مش صعبه بس محتاجه تفتيح مخ شويه دا كل الموضوع عكس الثانويه حفظ وكده بس هو ده الموضوع واريفه علشان تغيير الجو والخوج من البيت لمكان غريب مش اكتر واحنا كلنا معاكم ربنا يوفقكم
|
| جميع الأوقات بتوقيت GMT +2. الساعة الآن 02:52 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.