|
النهارده هنتكلم عن الفزيا ( معظم الناس بتسميها بعبع الثانوية العامه ) دلوقتى اغلبية الناس مش خلصوها لسه فنتكلم اكتر معاهم نفس الكلمتين بتوع كل مرة اجتهد و الباقى ع الله بالنسبة للى مش خلص هتخصص وقت كبير نسبيا للمذاكرة و المراجعه ليه ؟ لانها محتاجة حل كتير اووى و ده اللى ينفع معاها اهتموا بكتاب المدرسة و اسئلته ودليل التقويم بالنسبة بقي لطريقة المراجعه اول حاجة ، هتكون انت خلصت الجزء اللى انت مخصصه للمذاكرة و تاخد اول جزء اللى انت هتراجعه و تقرئه قراءة متمعنه و باتقان بعدين هتقرأ الجزء ف صورة اسئل علل و النتايج و ماذا يحدث لو و المقارنات ( ده جزء اساسى للنظرى ) و تشوف بقي الوحدات و الكميات اللى بتقاس بيها و تعرف كل الوحدات الممكنه اللى عندك و كمان مهم جدا تكون حافظ التعريفات و العلاقات بينها حاجة مهمة كمان ،، عندك اثباتات القوانين ، دى مهمة جداااا و التجارب اللى عندك اظن كده النظرى خلص و انت حافظ القوانين و النقط الفنيه اللى ممكن يلعب فيها بالاسئلةة ابدأ بقي حل و طبق و حل كتيييير جدااااااا و عندك الرسم البيانى اهتم جدا بيه. ده سؤال درجته مضمونة ف الامتحان و اهتم بالميل و فيه نقطة هامة هنا ممكن و انت بترسم و خلاص حطيت النقط تلاقى كل النقط عامله خط مستقيم تمام ماعدا نقطة واحدة راحة ف الغرب بعيد عن الخط بتاعك ، مش تقلق ، دى خدعه بتاع الامتحان عاملها بعض الطلاب بيتهبلوا و يوصلوها بالخط مش تعمل كده كده غطينا الجزء النظرى و الجزء بتاع المسائل فيه رسومات عليك زى متسلسة الهيدروجين و حاجات كده دى اهتم برسمها عشان لو طلبها منك لو نسيت حاجة من فضلكم فكرونى بيها و اى استفسار تحت امركم :bosyht9: |
تلاقى كل النقط عامله خط مستقيم تمام ماعدا نقطة واحدة راحة ف الغرب
بعيد عن الخط بتاعك ، مش تقلق ، دى خدعه بتاع الامتحان عاملها بعض الطلاب بيتهبلوا و يوصلوها بالخط مش تعمل كده يعنى ايــه نقطة ماشية فى الغرب وازاى منوصلهاش بالخط !! الباقى تمام شكرااااا بس بالنسبة للحديثة ؟ دى مش بتتحفظ ولا بتتفهم نعمل فيها اية ؟؟ :bosyht9: |
اقتباس:
دى نقطة بتكون مش ع الخط المستقيم و كان كتاب الوسام جايب عليها امثله و الاستاذ بتاعنا قال لينا عليها و قال انها نادرة بس خدوا بالكم منها و خلاص الفزياء الحديثة دى انا نفسي شاكة فيها :( بعيداً عن وجهه نظرى قسميها اجزاء و ذاكريها اربطى كل جزء باللى قبله و افهميها كويس جداً و احفظيها و التعريفات و التعليلات كويس عموما اول فصل اللى ممكن يرخم لكن الباقى كويس :bosyht9: |
الجـــــــــــــــــدول انهارده جيولوجيا و علوم بيئة ان شاء الله الاثنين : لغه عربية اللى عاوز يضيف مادة للثلاثاء و الاربعاء يتفضل :022yb4: |
اقتباس:
ان شاء الله هعمل زى مقولتيلى شكراااااااااا :) |
اقتباس:
اولا : الشكر لله :bosyht9: ان شاء الله هيخلص مش تقلقى و السنه كمان هتخلص و تخلصى :d ربنا معاكى و يوفقك :romarioxp6: |
اقتباس:
يعنى الجزء اللى حضرتك بتقولى عليه المفروض واالاحسن يكون من ايه ؟ من اى كتاب يعنى؟؟؟؟ |
اقتباس:
عند حضرتك كتاب المدرسة مهم جدا و دليل التقويم و اى كتاب تستريح فيه ف الشرح و الحل راجع منهم |
اقتباس:
على هذا العمل الرائع والمفيد :av4056bb7jp3::av4056bb7jp3::av4056bb7jp3: |
اقتباس:
:slap1qk6: :slap1qk6: :slap1qk6: :stickjo4: :stickjo4: :stickjo4: |
شكرا ليكي وجزاكي الله خيرا بس انا مش عارفه اقعد ع الكتاب حضرت كتبي وسبتهم واتفرجت التلفاز
|
اقتباس:
الشكر لله و جزاكِ مثله ان شاء الله دى مشكله معظم الطلاب بيعانوا منها و اولهم انا :d عشان كده لازم تقسمى وقتك كويس جدا بحيث تحبي القعدة ع الكتاب قولى لو خلصت الدرس ده و حليت عليه و راجعت ع كام حاجة قبل الساعه كذا هجيب لنفسي حاجة حلوة ، كافئ نفسك بمعنى تانى صدقينى و الله ، الطريقة دى فعّالة جداً مش تقلقى و بطلى فرجه ع التفلزيون شوية :slap1qk6: ربنا معاكم :) |
السلام عليكم دلوقتى معانا المادة اللى اغلبية الطلاب بيعانوا منها الجيولوجيا و العلوم البيئية مش هنرغى كتير ف علوم البيئة دى سهل عن الكل محتاجه حفظ و تترتب ع هيئة اسئلة و حل بقي كمان صغيرة و تحسها بتخلص بسرعه ندخل بقي ف المفيد الكل او المعظم اكيد سمع راى اللى قبليه دى مادة وحشة و عندك الصخوووور تحس كده كانها حاجة كبيرة كده ومش هتقدر عليها خصوصا بقي لو مدّ ف الكلمة احب اقولكم انهم بيضحكوا عليكم دى مادة كويسة جدااااا و سهل تجيب فيها ٦٠ من ٦٠ اهم حاجة تذاكرها باتقان و عنايه اطول فصل فيها الفصل التانى بتاع التعرية لكنه سهل هتقول ايه اصعب فصل ؟ هقول مفيش ، الصعب بيبقي سهل لو ذاكرته بهدوء كده نجي بقي لطريقة المراجعه اكيد شفتوا الامتحان بتاعنا بتاع السنه اللى فاتت امتحان كان معظمه سهل ، ( كلمة ف سركم العبد لله دخله شاف فيه سؤال اول مرة يشوفه بس حله الحمد لله ) بركة دعاء الوالدين بقي :p اول حاجة بتقرأ الدرس و تحاول تلمه ف دماغك ممكن حد يستغرب و يقول ايه فايدة القراءة دى ؟!! هقول دى مهمة جدااا و مفيدة لو كانت من كتاب المدرسة نكمل بقي ، بتذاكر الجزئية ع شكل علل ، و اذكر السبب ،و النتائج و مقارنات و تكمله الرسم او الرسم نفسه زى ما اتكلمنا عنه دى نقاط عامه ف كل فصل نتكلم بقي تفصيلياً ، الباب الاول ركز ع اللى قولته فوق التانى نفس النظام و اهتم جداااا بالتعريفات و دى ف كل فصل طبعا و المقارنات بقي المعادن ده اصغر و اسهل فصل ف المنهج كامل هتعرف كل الخصائص و الامثله خلصت تجمع بقي كل عنصر بالخصائص بتاعته عشان دى هتفيدك ف اسئلة المتاحف و تعرف ع العنصر عندك الباب الرابع مهم جدااا بالصخور اللى فيه و مقارانتها لطيف اوى الفصل ده ، اعرف الانسجة و مراحل تكوين الصخور و الدورة الصخور وكل حاجة بقي هنا ده بيلعب فيه ف اسئلة المتحف و تعرف و النوعيه دى الخامس مش اعرف عنه حاجة، مش درسته اصلا :d بس ربنا معاكم فيه اظن كده غطينا معظم اجزاء المنهج و بكرر برضه لو نسيت حاجة ابقوا قولوا :blush: |
اقتباس:
|
اقتباس:
ي بنتى اهدى ، ايه التوتر ده ؟؟؟؟؟؟؟؟ مش تعملى زى الله يكرمك انا كنت متوترة طول السنه زيك كده و جيت قبل الامتحان بتاع العربي هديت و قبل ما ادخل ، افتكرت ان ده امتحان ثانوية و زفت ،روحت نسيت ٣ اسئلة ب ٣ درجات ها ؟ هتهدى و الا ؟ ان شاء الله تعب اهلك مش هيروح ف حته ، عشان انتى هتجتهدى اكتر و تاخدى نصيبك و ان شاء الله تكونى متميزة اعملى اللى عليكى و الباقى ع ربك ، ده قاااادر ع كل شئ قددير مش تقلقى من اى حاجة. اتوكى ع الله ^_^ و برضه قللى التلفزيون ده شوية :slap1qk6: |
| جميع الأوقات بتوقيت GMT +2. الساعة الآن 07:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.