بوابة الثانوية العامة المصرية - حصري ومتجدد دليلك لشرح منهج الكمبيوتر مع الخوارزمي بلال نصر للصف الثالث الإعدادي ترم

السلام عليكم ورحمة الله بوركاته نستكمل على بركة الله باقي الحصة الأولى
نعمل الاول مراجعة على نص الحصة اللي فاتت احنا عرفنا قبل كدا انواع البيانات
وقولنا ان البيانات تخزن في الذاكرة في خلايا زي الصورة اللي فاتت طيب
http://www.mediafire.com/conv/298c75...1e63bb6d6g.jpg

خلي بقى بالك معايا لو البيانات اللي في الذاكرة دي بيانات ببتغيير تبقى متغيرات لو كانت ثابتة تبقى ايه .............. ؟؟؟؟؟؟؟؟؟؟؟؟ ها تبقى ... مستني الاجابة قول يا بنت يا آلاء
http://www.mediafire.com/conv/d397b5...2cb88c9c6g.jpg
برافوا عليكي بس مش عايزين العبقرية الزيادة دي هيه فعلا مش متغيرات يعني ثوابت .

طيب يعني ايه متغيرات :
ايوه المتغيرات دي اماكن في الذاكرة تتغير قيمتها طوال تشغيل البرنامج

وعليه تبقى الثوابت هي القيمة التي لا تتغير او تكون قيمتها ثابته طوال تشغيل البرنامج .

طيب ازاي اعلن عن متغير ...أو ثابت

استاذ بلال يعني ايه الاعلان عن متغير ..... ؟؟ بصي يا آلاء الاعلان عن متغير يعني احجز مكان في لذاكرة واديله عنوان او اسم زي m او x بس القيمة المخزنة في المكان دا بتكون متغيره .
والكلام نفسه تبقى ثوابت مع ان القيمة بتكون غير متغيره او ثابتة

ويتم الاعلان عن المتغيرات بأمر dim ويتم الاعلان عن الثوابت بأمر Const

قاعدة الاعلان عن المتغيرات زي ما قولنا قبل كدا
http://www.mediafire.com/conv/6d68d2...da71269e6g.jpg

وان اسم المتغير او الثابت لازم تنطبق عليه قواعد قولناها قبل كدا
http://www.mediafire.com/conv/1b3d74...d8401c5f6g.jpg

والاجابات
http://www.mediafire.com/conv/5b4071...8fca66b36g.jpg

وبالنسبة للنوع طبعا احنا قولنا الانواع المتاحة في اللغة زي
Short long - integer - byte - single - double - decimal ودي هي الانواع التي تناسب المتغيرات الرقمية

Char كار و String ودي تستخدم للمتغيرات الحرفية زي رقم التليفون

مش فاهم يا استاذ بلال ازاي رقم التليفون ورقم السيارة ازاي تكون بيانات حرفية وهي أرقام؟!!
أقولك يا بيه وأقولك يا هانم بيانات رقم التليفون بيانات حرفية لأن لا يمكن جمع أرقامه واختصرها
مثل رقم تليفوني 01065760483 ينفع يتجمع ويبقى
3 + 8 + 4 + 0 + 6 + 7 + 5 + 6 + 0 + 1+ 0 = وعلى كده يبقى رقم تليفوني 40
طبعاً مينفعشي علشان رقم التليفون أيوه مكون من أرقام بس لا يمكن أجراء عمليات رياضية عليه صح برضه ولا انته شايف ايه يمكن حضرتك ليك وجهة نظر تانيه !!!!!!!!!!!!!!!!!!!!!!!

طيب رقم الجلوس رقمي ولا حرفي .... يا استاذ بلال

بص هو حرفي String بس ممكن ينفع رقمي زي Short

طيب ليه يا استاذ بلال ....... وهو رقم الجلوس ممكن يتجمع ولا يطرح ....
انت صح فعلا هو لا حيتجمع ولا حيطرح بس انا في رأيي ان لو كان رقمي يبقى افضل مع العلم ان المنطق بيقول انه يكون حرفي ..... ودي وجهة نظر ....

المهم لازم .... نختار النوع المناسب بناء على الآتي :

1. حجم البيانات التي سوف تخزن بالمتغير Variable
2. تحديد نوع بيان القيم التي سوف تخزن بالمتغير بناء على العمليات الحسابية والمنطقية التي سوف تجرى عليه

مثال على الاعلان عن متغير

Dim F_name AS String

شرح الامر الاعلان عن متغير اسمه F_name ونوعه حرفي وقيمته فارغ ""

فارغ يعني ايه فارغ .... فارغ يعتي فاضي يعني لما اعلن عن متغير حرفي من غير قيمة يبقى فارغ ...

طيب ازاي اديله قيمة لما اعلن عنه
بص معايا
http://www.mediafire.com/conv/50bcf9...887f54796g.jpg

الكود دا معناها الاعلان عن نفس المتغير بنفس النوع وتخزين القيمة Ali فيه ولازم القيمة عند الاعلان عن المتغير الحرفي تكون بين علامتي تتنصيص " "

حلو كدا يا استاذ بلال

طيب
Dim X as long
الاعلان عن متغير اسمه X نوعه رقمي LOng وقيمته صفر .

ليه يا استاذ بلال قيمته صفر ..
اقولك لو احنا اعلنا عن متغير رقمي ( Short integer long single double decimal byte )ولم يأخذ قيمه تصبح قيمته صفر

طيب ازاي اديله قيمة يا استاذ بلال
Dim X As long = 10

الاعلان عن المتغير X ونوعه long وقيمته 10

حلو قوي لحد حنا
طيب يا استاذ بلال اي اعلن عن ثابت
نستخدم الامر Const زي ماقولنا قبل كدا
http://www.mediafire.com/conv/26f155...c86a25ee6g.jpg
وخلي بالك الثوابت مش زي المتغيرات
الثوابت لازم تديله قيمه عند الاعلان عنه ... لازم ياخد قيمه ... تاني لازم ياخد قيمه

طيب سؤال لولبي ... والناس اللي بتزعل من كلمة لولبي على فكره انا اول واحد قولتها في المنتدى بقى .... لولبي .....
المهم طيب مش احنا اعلنا عن المتغيرات ..... ايوه يا آلاء احنا اعلنا عن المتغيرات وادينها قيمه عند الاعلان عنها .....

طيب هي المتغيرات دي قيمتها بتتغير ؟
ايوه صح بتتغير ... طيب ازاي اغير قيمة متغير بعد الاعلان عنه .... ؟

بسيطة خالص يا آلاء بإستخدام امر اسمه التخصيص والاحلال ودي قاعدته

ترن ترن ترن ترن ترن
http://t2.gstatic.com/images?q=tbn:A...ELhL4AAXmjiQLq
للاسف الحصة خلصت اكمل بإذن الله الحصة الجاية