انت شايف كده؟

طيب متشكرة اوى :)

انا بقولك كده عشان مصلحتك
مش تريقه

انت مش لاقى حاجه تقولها مش كده؟

ده كتاب للدكتور مصطفي محمود اسمه حوار مع صديقي الملحد
ده زي مقدمة للكتاب انا مقرتهوش بس انا شايف المقدمة وحدها كفاية

رد على أسئله لملحدين على الدين الإسلامي, رد رائع بالدلائل والأمثله يجيب عن تساؤلات عقلنا فى فترة ما نمر بها ويرد بها على الآخرين الماديين.

صديقى رجل يحب الجدل ويهوى الكلام وهو يعتقد أننا نحن المؤمنون السذج نقتات بالاوهام ونضحك على أنفسنا بالجنة والحوار العين وتفوتنا لذات الدنيا ومفاتنها.. وصديقى بهذه المناسبة تخرج من فرنسا وحصل على دكتوراه وعاش مع الهيبيز وأصبح ينكر كل شئ.
قال لى ساخرا:
-انتم تقولون: ان الله موجود، وعمدة براهينكم هو قانون "السببية" الذى ينص على أن لكل صنعة صانعا ولكل خلق خالقاً ولكل وجود موجدا.. النسيج يدل على النساج والرسم على الرسام والنقش على النقاش والكون بهذا المنطق أبلغ دليل على الاله القدير الذى خلقه.
صدقنا وآمنا بهذا الخالق.. ألا يحق لنا بنفس المنطق أن نسأل.. ومن خلق الخالق.. من خلق الله الذى تحدثوننا عنه.. ألا تقودنا نفس استدلالاتكم الى هذا.. وتبعا لنفس قانون السببية.. ما رأيكم فى هذا المطب دام فضلكم؟. ونحن نقول له: سؤالك فاسد.. ولا مطب ولا حاجة فأنت تسلم بأن الله خالق ثم تقول من خلقه؟! فتجعل منه خالقا ومخلوقا فى نفس الجملة وهذا تناقض، والوجه الآخر لفساد السؤال أنك تتصور خضوع الخالق لقوانين مخلوقاته.. فالسببية قانوننا نحن أبناء الزمان والمكان.
والله الذى خلق الزمان والمكان هو بالضرورة فوق الزمان والمكان ولا يصح لنا أن نتصوره مقيدا بالزمان والمكان ولا بقوانين الزمان والمكان. والله هو الذى خلق قانون السببية فلا يجوز أن نتصوره خاضعا لقانون السببية الذى خلقه، وأنت بهذه السفسطة أشبه بالعرائس التى تتحرك بزمبلك وتتصور أن الانسان الذى صنعها لابد هو الآخر يتحرك بزمبلك.. فاذا قلنا لها بل هو يتحرك من تلقاء نفسه.. قالت: مستحيل أن يتحرك شئ من تلقاء نفسه.. انى أرى فى عالمى كل شئ يتحرك بزمبلك، وأنت بالمثل لا تتصور أن الله موجود بذاته بدون موجد.. لمجرد أنك ترى كل شئ حولك فى حاجة الى موجد.(less)

اظن انا اتكلمت انا و اخوتى فى المنتدى فى موضوعين قبل كده كتير جدا
و جاوبنا على كل الاسئله فمتقوليش مش لاقى حاجه اقولها

لو فهمتي مثال الزمبلك ده صح
صدقيني مشكلتك كلها هتتحل

صدقنى انا فهمته وانت اثبتت ان الله موجود وانا بصراحه بميل للفكرة دى افضل ولكن لم تثبت ان له حق فى محاسبتنا ممكن تثبت دى كمان؟ انت عارف انا اقصد ايه "الدايرة المغلقة" تعرف ليه تفسير مقنع ؟

وشكرا يا جميل :)

اعتقد انك مكنتش موجود الصبح وانا بتكلم فى الموضوع عموما شكرا بس اعتقد ان كلامى واضح يعنى ..

لو حضرتك عرفتى ان عقل الانسان محدود لا يقدر ان يستوعب ذلك سوف تفهمى كل شى
انا لم اقل عقل الانسان غبى بل بالعكس
هديكى مثال
ربنا مديكى عقلك زى الكبايه
و المعلومات زى المياه
ممكن تملى الكبايه معلومات لحد مثلا نصها
و ممكن متملاهاش و ممكن تمليها للاخر
لكن فى اول و فى اخر لايمكن تعديه
اتمنى تكون وصلت المره دى

اختى الحبيبة
انا معرفش الموضوع اللى بتتكلموا عنه ده
لكن من اللى فوق فهمت انك........
فياريت تتصلى بأحد الشيوخ على القنوات الدينية وخذى رقمه وتجادلى معاه حتى تقتنعى
او على الاقل اكتبى الموضوع فى القسم الدينى واطلبى او أسألى عما تريدى
وايااااااااااااااااك والتهاون حتى لاتضيعى نفسك
وممكن تقرأى كتاب الدكتور مصطفى محمود
اسمه رحلتى من الشك الى الايمان
وكماان ادخلى على موقع لاعجاز العلمى للقران الكرم من جوجل
وموقع شفرة القرآن
ده عل قدر اللى عرفته عنك

ماشي انا هسالك سوال


اننا قدامنا احتمالين اولا ان "ربنا" يكون عارف المستقبل وده المفروض : فلا يعلم الغيب الا الله

ومش يعرفه بس لا ده هو الى عامله لانه خالقنا ولذلك هو عارف المستقبل وهو الى عامله يعنى مهما عملت فى حياتى يبقى هو الى محددهولى مش كده؟ يبقى ازاى يحاسبنى على حاجه فارضها عليا من قبل ماتولد ومش باختيارى؟؟

وبالتالى ندخل فى الاحتمال التانى وهو انو ميعرفش لانه مدينا العقل وسايبنا فى الحياه نعمل الى احنا عايزينه وعليه هو ميعرفش احنا هنعمل ايه وبالتالى ميبقاش كامل لانه المفروض يكون يعرف الغيب ومن هنا جه التناقض التالى :

ازاى يكون مش عارف انا هعمل ايه وهو الى خالقنى ؟ ولو عارف هيبقى عارف لانه هو الى محدده يبقى ازاى هيحاسبنى عليه وانا مش مختاره

بدون تفاصيل كتير واعاده للموضوع تانى انا بقيت مقتنعه ان ربنا موجود

بس على اى اساس هيحاسبنا ؟ مش مستقبلنا ده هو اللى محدده ؟ ولا انا غلطانه؟