يلا يارجال شدوا حيلكم وأنتفضوا ولا تسكتوا أبدا إلا لو حصلتوا على شيئ من حقكم يلا يا أبطال نوريهم مين الراجل ومين الأهم المدرس ولا الفني والإداري والعامل إذا ما تساوينا بيهم على الأقل لا تحتسب مكافأة الإمتحانات من حافز الإثابه 200% هذا على الأقل نقف ونعتصم ولا نجعل أحد يضغط علينا أو يضحك علينا نكون أقوى من الماضي والماضي إعطانا درس كبير أيام الكادر وضحكوا علينا نريد كلام وفعل واضح ورسمي قبل ما نفك الإعتصام أو التظاهر ولا تخافوا أبدا إلا من الله عز وجل حتى لو تم فصلنا جميعا أو تم نقلنا لجهات أخرى وأكيد هتكون أميز وأحسن من التربيه والتعليم المدرسون يعتبروننا لسنا تبع وزارة التربيه والتعليم إحنا تبع وزارة الصياعه والشحاته وكأننا قرار تعينا ليس لوزارة التربيه والتعليم إحنا عاله عليهم الأساتزه الأفاضل المحترمين الواحد مش عايز يغلط يحنا يالوزير أو رئيس الوزراء خلوا بالكم هيتبعوا معنا أساليب زمان علشان يخوفونا فلا تخافوا حتى ولو فيها فصل أو سجن مش هنخاف أبدا حكومة الفته على رأي المحامي نبيل الوحش مسميهم حكومة الفته صدق والله خليكم مع الله ولا تخافوا من البشر بس نعمل شيئ يذكر لينا ولا نعمل شيئ يذكر علينا وتكون سمعتنا سيئه ما يقولوا إحنا السبب في أل بيحصل لينا فلا نكون سلبيين ومعدومين الكرامه نعمل شيئ نرفع راسنا بيه يلا يارجاله نبدأ المعركه علشان كده خلاص بانت . ربنا وياكم وويانا عايزين الوقفه للجميع المديريات تعلم الإدارات والإدارات تعلم المدارس الأتحاد قوه ونحن قوه لا يستهان بينا والله الموفق

انا ادارى بالازهر ومسئول ماليات مؤهل عالى وكل ما اقرا هذا الكلام دمى يتحرق لابد من وقفة واحنامش سلبيين ولكن صوتنا واطى ومحترمين ولكن لن نكون ذلك بعد الان

الاخوة والاخوات الكرام يوجد صفحة الان على الفيس بوك باسم العاملين بالتربية والتعليم نرجوا المشاركة فيها لعرض مشاكل العاملين بالتربية والتعليم

على الرابط التالى

http://www.facebook.com/pages/%D8%A7%D9%84%D8%B9%D8%A7%D9%85%D9%84%D9%8A%D9%86-%D8%A8%D8%A7%D9%84%D8%AA%D8%B1%D8%A8%D9%8A%D8%A9-%D9%88%D8%A7%D9%84%D8%AA%D8%B9%D9%84%D9%8A%D9%85/297513793598507?


وهذا رابط جروب العاملين بالتربية والتعليم على الفيس بوك ايضا" للتواصل

http://www.facebook.com/groups/281267871891264/

حسنا الله ونعم الوكيل انا اداري وتعيين 2000 ومرتبي بعد الزيادة اصبح 600 جنيه وزوجتي مدرسة عقد عادي ومرتبه 300 جنيه وطبعا مش بتدي دروس لانها اخصائية نفسية وعندنا طفلة
يعني 600 + 300 = 900 دي مرتابتنا
مصريفنا بقا
كهرباء + مياه + غاز + انت + يجار السكن والحمد الله ساكن قانون قديم مبلغ 150
وحضانة طبعاً عشان مراتي مينفعش تاخد رعاية طفل لانها مش متثبتة الحضانة 130
موصلات انا ومراتي ومرواح الحضانة يوميا 8جنيه تقريبا في الشهر 130
حنا بطلنا ناكل زبادي وبطلنا نشرب لبن عشان نوفر للبنت فبنجيب لها يوم ويوم زبادي 30 جنيه في الشهر
باند البمبرز 80 جنيه في الشهر
لحمة وفراخ احنا مش طماعين بنجيب افرختين وكيلو لحمة وكيلو كبدة وكيلو صدق ونص بانيه
رز زيت سكر مكرونة فاكهة وكدا يعني 350
ده طبعا من غير طواريء

نسيت اقلكم انا شغال من بليل للصبح كاشير في مطعم من 7 ل 7 وباخد 25 جنيه وانا مروح

كنت فرحان بالثورة واقسمت ان مرتبي انا وزوجتي لو كمل بس 2000 هسيب الشل بتاع بليل لحد محتاجه وانا هرجع ااقعد مع بنتي

لكن للاسف احنا هننهب مش كفاية عيوننا يعني نتعين وناخد مرتبات كمان للاسف طول عمرنا هنفضل مربوطين في ساقية والساقية بتلف ومش بنحس الا لما بنطب ساكتين

انا دلوقتي بتمني صوتنا يوصل عشان اسيب الشغل بتاع بليل نفسي انام في حضن بنتي واهتم بيها نفسي اكون بني ادم مش مربوط في ساقية ومتغمية عيونه والكرابيج من كل حتة بتنزل عليه
انا طولت لكن هو ده اللي نفسي يوصل ويتسمع للكبار

اخى راهب الصمت ربنا يعينك ويقويك واصبر والليل مهما طال فلابد من بزوغ نور الفجر . وما ضاع حق وراءه مطالب . واهم شى اننا نوصل صوتنا ولا نصمت

لابد من طريقة للرد السريع على هذا الوضع والا سنكون نستاهل كل اللى يجرالنا

ياجماعة انضمو ا لمجموعة العاملين بالتربية والتعليم على الفيس بوك علشان الاراء تتوحد انا عملت الجروب
وعملت صفحة والاثنين باسم/ العاملين بالتربية والتعليم على الفيسبوك من اجل هذا الغرض

على الرابط التالى

http://www.facebook.com/pages/%D8%A7%D9%84%D8%B9%D8%A7%D9%85%D9%84%D9%8A%D9%86-%D8%A8%D8%A7%D9%84%D8%AA%D8%B1%D8%A8%D9%8A%D8%A9-%D9%88%D8%A7%D9%84%D8%AA%D8%B9%D9%84%D9%8A%D9%85/297513793598507?


وهذا رابط جروب العاملين بالتربية والتعليم على الفيس بوك ايضا" للتواصل

http://www.facebook.com/groups/281267871891264/

دعوة للعاملين بالتربية والتعليم الذين تم ظلمهم وتجاهلهم من وزارة التربية والتعليم بالمطالبة بحقوقهم من حوافز مثل المدرسين وعدم احتساب مكافأة الامتحانات من الحوافز وصرف االحوافز200% مع المرتب الشهرى كاملة وصرف حافز اداء لهم مثل المدرسين وتعويضهم عن الكادر الذى لم يشملهم
وصرف شهرين عن كل عام من مدة الخدمة عند بلوغ سن المعاش كما تقرر للمدرسين وان يشملهم كل مايشمل المدرسين من اجور وحوافز وبدلات وان يكون جميع من يعمل بوزارة التربية والتعليم تحت مظلة اجور واحدة دون تفرقة

وبعد ان وصل الفاكس بالصرف لادارة اسنا التعليمةوتجاهل الاداريين فقامت الادارة التعليمية باسنا بالاضراب عن العمل

وزارة امرها اغرب من غرائب جحا
 

كلامك صح اليوم اصبح بين المدرس والادراى حاجز وبدا التشاجر و النظرة المستفذه بين المدرس والادرى والسبب ظلم الدولة ( اين العدل لتستقيم العمل التعليمية لان التعليم منظومة متكامله من العامل حتى المدير )