بوابة الثانوية العامة المصرية - :: شرح كل اقسام كلية العلوم و شغل كل قسم فيهم ::

بوابة الثانوية العامة المصرية (https://www.thanwya.com/vb/index.php)

- كليات المجموعة العلمية (https://www.thanwya.com/vb/forumdisplay.php?f=159)

- - :: شرح كل اقسام كلية العلوم و شغل كل قسم فيهم :: (https://www.thanwya.com/vb/showthread.php?t=357931)

اقتباس:

المشاركة الأصلية كتبت بواسطة scrubs (المشاركة 3893905)

بصى نقلا من لسان ناس فى الكلية وتقديرات لا تقل عت جيد جدا
كلية علوم تحتاج الى مجهود بمعنى محاضرات غاليا من 8 الصبح الى 4 العصر
وبعدين فى البيت مجرد مراجعة كويسة على اللى اتاخد فى المحاضرة ومذاكرة اول بأول
يعنى فى الاخر مجهودك هو الاساس سيبك من صعب وسهل ما فيش شك كيمياء سبشيل بيتعمق اوووووووى
فى الكيمياء ولكن مجهودك ممكن يخلى الكلية قمة الصعوبة او قمة السهولة

الثانوية العامة لا تعتبر اطلاقا مقياسا لأى شىء وبالذات فى موضوع المواد
بس فيه شىء اسمه ميول

الكيميا كمجال واسع جدا جدا جدا وموجود بكثرة ولكن لو فى قسم تانى فى الكلية بتحبيه يبقى لازم تعيدى التفكير

هى معادلة موزونة

مجال وتخصص يتوافق مع ميولى وامكانياتى + فرص عمل للمجال ده = اختيار صحيح بأذن الله

شكرااااااااااااااااااا جداااااااااا لرد حضرتك وجزاك الله خيرا :)

شكرا للمجهود الكبييييير يا استاذ scrubs وكل الاعضاء بس كان عندى لحضرتك سؤال..انا علوم رياضة ومبحبش الbiology خالص علشان كدة دخلت علوم طبيعية(صح كدة ولا لأ؟)..ونفسى اخش علوم حاسب وقريت هنا ان مجال الشغل بتاعة حلو..بس ممكن اعرف هل دراسة كل المواد بالأنجليزى يعنى الكيميا والرياضة والفيزيا كلهم بالأنجليزى ولا اية..وهى كام مادة بندرسها فى السنة الاولى؟؟
وشكرااا

اقتباس:

المشاركة الأصلية كتبت بواسطة ghaash (المشاركة 3898009)

تمام جدا اختيارك مجموعة العلوم الطبيعية
وان شاء الله فى تانية تدخلى قسم الرياضيات ومنها شعية بحتة وحاسب
وعلى فكرة انا ناوى على كده بالظبط بعون الله

المواد هما 6 مواد اساسين فى اولى

فيزيا عامة - كميا عامة - رياضة بحتة - انجليزى - حاسب - ديناميكا

موضوع الدراسة بالانجليزى ده مسأله وقت مش اكتر والدكاترة فى الاول كل كلامهم عربى كشرح ولكن المصطلحات تؤخذ كما هى وبعدين الموضوع بيبقى روتين يعنى متحمليش هم الموضوع ده

المهم المتابعة اول بأول وخليكى ماشية فى طريق هدفك اللى هو شعبة الحاسب وبالتوفيق ان شاء الله :)

الله يجزيك كل خير ويباارك فيييك ..موضوع مهم جدا ..
جعله الله بميزان حسناتك ..
سؤال بسيط فيزياسبيشيل وكيميا سبيشيل متاحة لعلمى رياضة
ودول من قسم طبيعة صح ؟؟

اقتباس:

المشاركة الأصلية كتبت بواسطة 2ad (المشاركة 3903105)

بأذن الله متاح بس للتأكيد حضرتك علوم ايه ؟؟

علوم رياضة اسكندرية ..وجزاك الله كل خير ..
ولو هو متاح ازاى اقدر اتخصص فييه ..يعنى من ايه الاول ..؟؟

علوم طبيعية فى اولى وبعدين تختارى التخصص
بس خدى بالك من متطلبات كل قسم على حسب كل كلية وبالتوفيق

اقتباس:

المشاركة الأصلية كتبت بواسطة scrubs (المشاركة 3900150)

لأ هو انا اصلا كنت لغات الحمدلله بس كنت قلقانة انها تبقى بالعربى لانى سمعت ان كل الجامعات الحكومية بالعربى كدراسة وامتحانات وكدة..عامة شكرا ليك اووووى

جزآك الله خير ، بس هو ايه الاقسام اللي فيها احيـاء اكتر ؟ :/

الحمدلله حتى يبلغ الحمد منتهاه

كنت عايز اعرف هل متاح ليا انى ادخل قسم علوم جلوجيا . انا شعبة علمى رياضة .

ضرورى لو سمحت

لو سمحت كنت سمعت انه في قسم في كليه علوم ممكن احول منه علي كليه صيدله . هل المعلومه دي صحيحه ؟ ارجو الرد سريعا لوسمحت عشان التنسيق