|
واحد قالى انهم بيحولوا للبنات الاول !!! هل ده صحيح وانا من المنصوره ورحت طب الزقازيق موقفى ايه من التحويل لطب المنصوره ؟؟؟ ونتيجه التحويل هتظهر امتى ؟؟؟ ارجو الافاده وشكرا وربنا يوفقنا كلنا ونبقى حاجه كويسه مش مجرد دكتور او مهندس احنا طموحنا اكبر من كده ان شاء الله
|
اقتباس:
طبعااااا ربنا يوفق الجميع انا بردو سمعت ان الاولوية للبنات ودة شئ منطقي :022yb4: بس اعتقد الاولوية الاكبر لترتيبك وسط طالبين التحويل لنفس الكلية والشئ دة بيعتمد على عدد اللي عايزين يحولوا لطب المنصورة ,, وعلى النسبة اللي هيحددها مجلس الجامعات , وعلى الاماكن المتاحة في الكلية وبالنسبة للتحويل مغيش مشاكل لان الزقازيق بالنسبة ليكي منطقة جغرافية ب , فينفع تحول منها ان شاء الله نتيجة التحويل في قالولي في بعدها بيوم جتلنا رسالة على الموبايل مبروك تم تحويلك ,, معرفش المدة بالظبط بس معتقدش تتعدى اليومين لان عدد اللي عايزين يحولوا اكيد هيكون اقل بكتييييييييير جدا من عدد المرحلة الاولى مثلا واللي نتيجتها ظهرت في نهار اليوم الثالث يعني بعدها بيوم او اتنين بالكتييير بس معلومات موثوق منها بخصوص الوقت الله اعلم , انا بس بفكر معاكوا :bosyht9: |
طيب انا دخلت هندسة شيرا و كنت عاوز احول هندسة القاهرة مع العلم انى جايب 394 و هندسة القاهرة من 396 ممكن اتقبل فى التحويل التانى ولا لا؟؟؟
|
اقتباس:
هندسة شبرا , والقاهرة في النطاق الجغرافي أ عندك ؟ ولا مش في نطاق واحد ؟ انا معرفش هندسة شبرا دي جامعه اية على العموم علشان تحول لازم يكون الكلية اللي هتحول ((( منها ))) في نطاااق تاني , غير (( أ )) ولازم الكلية اللي هتحول ((( ليها ))) في النطاق (( أ )) |
هم الاتنين نطاق جغرافى ( أ ) يعنى مينفعش احول فى التحول اللى بيدفعوا فيه فلوس؟؟؟
|
والله ما اعرف
التحويل الحالي لتقليل الاغتراب اما التحويل التاني فممكن يكون مفتوح بس ممكن تسأل في جامعة القاهرة الله اعلم |
لوسمحتم انا كنت عايزة اعرف الحد الادنى لاداب اسكندرية كام
عشان انا مش بلاقى اداب فى الكليات على الموقع تماما وانا جاتلى اداب دمنهور واسكنرية اقرب ليا ياترى ينفع احول اداب اسكنرية وجزاك الله كل الخير |
السلام عليكم
كل عام وانتم بخير بدايه اشكركم على هذا الموضوع الرائع وكنت عاوز اسأل حضراتكم :)) انا جالى هندسة المنيا وانا من حلوان وفى النطاق أ فى ثلاث جامعات (القاهرة / حلوان / عين شمس ) انا مثلا عاوز احول للقاهرة بس لو مانفعش عادى اروح حلوان اللى عاوز اعرفو على موقع التنسيق لما اجى اقدم طلب تحويل هكتب كلة واحدة بس ولا هكتب الثلاثة ولو لقدر الله فشلت عن طريق النت هل الطريقة الثانية اللى هى بتاعة التبرعات مضمونة ولا هدفع الفلوس وتروح عليا |
اقتباس:
لا معرفش والله مش موجودة فعلا في الموقع بتاع التنسيق بس لأسف مينفعش تحول لان دمنهور والاسكندرية في النطاق الجغرافي ( أ ) عندك فالتحويل لتقليل الاغتراب مش ينفع روح الكلية نفسها واسأل ,, لان في طريقه تانية للتحويل بفلوس معرفش ايه شروطها او اذا كانت مستمرة او لا بس روح اسأل مش هتخسر حاجة |
اقتباس:
بالنسبة للتحويل في قالولي بنكتب تلت رغبات لو كدة يبقى كويس وممكن تكتبهم التلاتة اما لو رغبة واحدة بس ,, فحاول تنقى اكتر رغبه مضموووونة . بالنسبة للتبرعات انا معرفش اوي ,, الالية ولا الضمان المعلومات دى ممكن تعرفها من الكلية اللي عايز تحول ليها |
طيب لو فيه 3 رغبات أو 2 لازم نملاهم كلهم.......
مينفعش نكتب رغبة واحدة؟ و لو لازم نملاهم كلهم..... و جت الرغبة التانية مثلا....... يبقي كدة خلاص مينفعش أحول تاني أو حتي ألغي التحويل خالص^_^ |
انا من الوادي الجديد وجايب 394 وجاتلي هندسة الاسكندرية وعاوز احول القاهرة هل ده ينفع وهل لو نفع حفقد المدينة الجامعية ولو منفعش لقدر الله خلاص اروح عادي اسكندرية ولا اخد سنة اولي في اسكندرية وبعدين احول القاهرة بس تعب علي ارجوكم افيدوني بسرعة
|
اقتباس:
معرفش والله بس منطقيا التحويل بيكون لتقليل الاغتراب من خارج المنطقة أ للمنطقه أ فعدد الرغبات اكيد هيعتمد على عدد الكليات في القطاع أ عندك يعني مثلا مش هيجبلك رغبتين او تلاتة وانتي عندك المنطقة أ فيها جامعه واحدة |
اقتباس:
مينفعش الا في حالة واحدة بس انك يكون عندك دليل على اقامتك في القاهرة , زي عقد ملكية لوالدك او وصل كهرباء مثلا ولو لا قدر الله والدك متوفي يبقى لأحد اخوتك ,مع تقديم شهادة الوفاة |
ان مينفعش اخد اول سنة في اسكندرية واجيب تقدير باذن الله واحول طيران القاهرة وكده حلقي مدينة في القاهرة ولا لا ارجو الرد بسرعة علشان مش عارف اعمل ايه
|
| جميع الأوقات بتوقيت GMT +2. الساعة الآن 02:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.