بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   الاعلام (https://www.thanwya.com/vb/forumdisplay.php?f=698)
-   -   تعرف على قسم الإعلام في كلية الآداب (https://www.thanwya.com/vb/showthread.php?t=344857)

king 99 31-07-2011 01:53 AM

اعتقد انه افضل حل ليكى يا مى تنزلى بكره الجامعه وتسألى هناك وهما هيعرفوكى هل فيه اماكن ولا لأ ؟ وممكن تحولى ولا مش هينفع لأنه كل جامعة بتختلف فى نظامها عن الجامعه التانية

يالا بينا 31-07-2011 03:03 AM

اقتباس:

المشاركة الأصلية كتبت بواسطة رورو_حب (المشاركة 3759394)
ده اللى انا فكرت فيه قولت لو منفعش اعلام ادخل انجليزى وبعدين اخد كورسات وادرس اى حاجه تفيدنى واشتغل ترجمه اعلاميه او حاجه فى المجال ده :)
هو التنسيق الداخلى بيبقا امتى؟؟

التنسيق الداخلي يا قمر بعد ما تجيلك بطاقة الترشيح ، وانت بتقدمي أوراقك في الكلية
اقتباس:

المشاركة الأصلية كتبت بواسطة مى فاروق (المشاركة 3762515)
انا مجموعى 91,2 ادبى وحاسة انى مش هلحق اعلام ففكرت فى اداب قسم اعلام
بس اناسمعت ان قسم الاعلام فى جامعة عين شمس انفصل وبقة كلية
بس حضرتك قلتى ان النظام دة هيتطبق خلال سنتين
يعنى معنى كدة ان على ايامى
اقصد يعنى السنة دى مش هيتطبق النظام ؟؟؟؟؟؟؟؟؟؟؟؟؟؟
ياريت ونبى تطمنونى علشان اناخايفة اوى اوى
أيوة ، بصراحة الموضوع مش سهل لأنه كان قرار الوزير اللي فات (دزعمرو عزت سلامة) وكان قرار كلامي لسه مفيش أوراق ولا حاجة جاهزة
بس متخافيش آداب اعلام ممتازة جدا
تانى حاجة عايزة اسال فيها
هو انا لازم من اول السنة اخدهاجد وكدة واجيب الكتب وازاكر ولا اقضيها ملازم وملخصااات
على حسب رغبتك
لو عايزة تنجحي ، فالموضوع ايزي خالص
لكن لو بتفكري في التقدير والتفوق والتميز ، أكيد محتاجة تذاكري المحاضرات أولا باول
والكتاب في كل الأحوال بتنزل مع آخر شهر ، فلازم تهتمي بالمحاضرات

واخر سؤال
انا محجبة ونفسى اوى ادخل قسم الازاعة والتلفزيون بس بيقولو لازم واسطة وانا واسطتى ربنا
هل ممكن ابقى مزيعة ناجحة ولا مش هقدر لانى محجبة ؟؟؟

أولا خليكي فخورة إنك محجبة :022yb4:
ثانيا : فكرة الخوف من الإذاعة للمحجبات دا خلص خلاص يا جميلة ، وبعدين المبدع يفرض نفسه على المجال ، ولا رأيك ايه ؟
من حقك تكوني مذيعة ممتازة كمان
اقتباس:

المشاركة الأصلية كتبت بواسطة مى فاروق (المشاركة 3763891)
دلوقتى نتيجة التنسيق ظهرت وجالى اداب عين شمس وانامجموعى 91,2
هل ممكن اقدم مرحلة تانية واقبل فى الاعلام؟؟؟؟
ليه تقدمي مرحلة تانية طالما جاتك الكلية :excl:
ولا انت حابة تقدمي في كلية الاعلام نفسها؟؟؟
انادلوقتى منهارة لان كل اللى فى البيت عندى دلوقتى بيقولولى كنتى دخلتى السن لان مجموعى جايبها
وبيقولولى اداب اعلام ملهاش مستقبل
بس انا عايزة احقق حلمى وادرس الاعلام
هل هقدر احققه من خلال الاداب قسم الاعلام
مش انتي مؤمنة بالمجال دا وحابة تدرسيه ؟؟
لازم تقنعي أهل البيت

وإن شاء الله القسم فيه كل الخير ، ولو قريتي التوبيك من اوله هتعرفي انك لو مدخلتيش القسم هتخسري كتير جدا
وانا اسفة جدا ان كنت طولت عليكم
بس اخر حاجة عايزة اعرفها هل ممكن يقبلونى فى قسم الاعلام اناحاسة انهم هيقولولى العدد كمل
ياريييييييييييييييييييييييييييييييييييييت حد يساعدنى ويرد على تساؤلاتى

العدد يكتمل ازاي ؟
مشبالمجموع ؟ وانتي مجموعك ما شاء الله كبير
وعلى فكرة علشان تهدي : انا كنت جايبة نفس المجموع بالضبط في ثانوي;)
اقتباس:

المشاركة الأصلية كتبت بواسطة طارق فرنش (المشاركة 3764932)
بارك الله فيكم على هذة المعلومات القيمة

وفيكم بارك الله يا فندم
اقتباس:

المشاركة الأصلية كتبت بواسطة رورو_حب (المشاركة 3767050)
"يلا بينا " عايزة اسألك سؤال انا جالى اداب لانى طبعا كاتباها اول رغبه ولقيت مجموعى ممكن ادخل بيه تربيه نوعيه فعايزة اسالك هو قسم اعلام فى تربيه نوعيه نظامه ايه ؟؟
حلو كويس وبسيط خالص ، لكن مستقبله ضعيف شوية
بكل المقاييس قسم إعلام في آداب أفضل منه
وهل فى تنسيق داخلى زى اداب؟؟
أيوة فيه
وايه الفرق بين قسم الاعلام اللى فى اداب وتربيه نوعيه وانهى الاحسن وفى اى كليات تانيه فيها قسم الاعلام ولا لا عشان انا احترت ؟؟
قسم الإعلام في كلية الآداب = كلية الإعلام في الدراسة والتخصصات ومجالات العمل
أما افعلام التربوي في تربية نوعية دا متخصص فقط في تخريج مشرفي الصحافة في المدارس:d
معلش بسألك كتير بس مش عارفه اسأل حد غيرك وكمان عشان لو هحول لان التحويل بيبقا خلال يومين من نتيجة التنسيق
هتعبك معايا :)

لا يا حبيبتي تحت أمرك
ربنا يوفقك إن شاء الله

[quote=Saga H

يالا بينا 31-07-2011 03:12 AM

اقتباس:

المشاركة الأصلية كتبت بواسطة Saga Hassan (المشاركة 3768434)
في ناس بتقولي ان دلوقتي ان مفيش اداب قسم اعلام في اسكندريه الا عن طريق علم اجتماع وانا قدمت وجالي اداب اسكندريه ومش عارفه اعمل ايه؟؟؟؟؟؟؟؟ ..

الحل إنك تروحي الكلية وتسألي
ولو ملقتيش القسم اللي انت عايزاه من حقك تحولي لأي جامعة تانية فيها القسم اللي انت عايزاه
أو تحولي لكلية تانية في اسكندرية لو حابة تتنازلي عن القسم:o
اقتباس:

المشاركة الأصلية كتبت بواسطة مى فاروق (المشاركة 3768480)
يااااااااااااااااااااااجمااااااااااااااااااااااعة حد يرد عليا انا حاسة انى مخنوقة
دلوقتى اناجالى اداااااااااااااب عين شمس وانا عايزة احول السن عين شمس برضو هل ينفع وخصوصا ان مجموعى جايبها
ولا هيقولولى العدد كمل ومفيش اماكن
وازاى احول انامش عارفة اى حاجة
انامش عارفة اقول ايه انا تقلت عليكو اوى ياريت حد يساعدنى بسرعة
عشان خايفة احسن التحويل يفوتنى
وهل مستقبل السن كويس فى الشغل وياريت تردوا عليا بقى

مستقبل ألسن كويس ومستقبل إعلام كويس
حبيبتي لازم انت اللي تقرري انت حابة تدرسي مجال ايه وتكملي فيه حياتك :bosyht9:
أنا شايفة إنك متوترة على حاجة بسيطة خالص
-------------------------------------------------------------------



بالنســـبة للتأخر في الرد :

بالله عليكم تسامحونا على أي تأخر في الرد
إحنا عارفين قيمة الوقت بالنسبالكم والله لكن قدر الامكان بنحاول نتابع اول باول ، فاعذرونا على أي تقصير معليش:)

يالا بينا 31-07-2011 03:34 AM

http://www.almlf.com/get-7-2011-almlf_com_odcq0lr3.gif

:022yb4:يا شباب ، يا بنات:022yb4:


اللي جاته كلية الآداب ومش حاببها ، يعمل ايه ؟

يحول أوراقه من خلال الانترنت لكلية تانية هو حاببها:bosyht9:

اللي حابب يدرس إعلام ومش متوفر في كلية الآداب اللي في جامعته ، يعمل ايه ؟

يحول أوراقه لجامعة تانية فيها القسم موجود في كلية الآداب
مثلا : أنا جالي آداب المنيا ، وملقيتش فيها قسم إعلام
أروح محولة أوراقي للآداب المنصورة الموجود فيها قسم الإعلام

بخصوص التوزيع الجغرافي بس علشان نبقى فاهمين :
التوزيع الجغرافي معناه ايه ؟
انه لما حضرتك تكون من المنصورة و حابب تدرس مثلا طب ، يبقى طب المنصورة رقم 1 بالنسبالك
زيها بالضبط آداب

بس لو القسم اللي حضرتك داخل علشانه آداب ، مش موجود ، يبقى ساعتها من حقك تحول أوراقك لجامعة تانية فيها القسم ، والتوزيع الجغرافي ملوش دخل :blush:



طيب اللي عايز يدرس مثلا إعلام في آداب المنصورة ، على الرغم من إنه في إعلام في جامعته (حلوان مثلا)، يعمل ايه؟

بيغير محل إقامته للمكان اللي هو عايز يدرس فيه;)



--------------------------------
يارب الناس تكون مركزة في الكلام ، واللي في فكرة مش مفهومة أنا تحت أمره أوضحها :)

Saga Hassan 31-07-2011 03:34 AM

اقتباس:

المشاركة الأصلية كتبت بواسطة يالا بينا (المشاركة 3768989)
الحل إنك تروحي الكلية وتسألي
ولو ملقتيش القسم اللي انت عايزاه من حقك تحولي لأي جامعة تانية فيها القسم اللي انت عايزاه
أو تحولي لكلية تانية في اسكندرية لو حابة تتنازلي عن القسم:o

مستقبل ألسن كويس ومستقبل إعلام كويس
حبيبتي لازم انت اللي تقرري انت حابة تدرسي مجال ايه وتكملي فيه حياتك :bosyht9:
أنا شايفة إنك متوترة على حاجة بسيطة خالص
-------------------------------------------------------------------



بالنســـبة للتأخر في الرد :

بالله عليكم تسامحونا على أي تأخر في الرد
إحنا عارفين قيمة الوقت بالنسبالكم والله لكن قدر الامكان بنحاول نتابع اول باول ، فاعذرونا على أي تقصير معليش:)


متشكررررررررة جداااااااااااااااااااا

ومعلش استحملوا الاسئلة الكتيره بتاعتي

بس انا محتاجة حد يفهمني موضوع اعلام من كليه اداب اجتماع ده

يالا بينا 31-07-2011 03:37 AM

اقتباس:

المشاركة الأصلية كتبت بواسطة saga hassan (المشاركة 3769052)
متشكررررررررة جداااااااااااااااااااا

ومعلش استحملوا الاسئلة الكتيره بتاعتي

بس انا محتاجة حد يفهمني موضوع اعلام من كليه اداب اجتماع ده

هسأل لحضرتك في الموضوع
لكن إلى ذلك الحين ممكن تروحي الكلية أفضل وتتأكدي
وتكسبي وقت
;)

رحاب ريرى 31-07-2011 11:20 PM

انا مجموعى فى اللغات 137.5 و فى الالمانى 48 و فى الانجليزى 40 و مجموعى الكلى 82.5 علمى مرحلة تانية ممكن الحق اداب اعلام ولا لا او اداب المانى و اية هى الوظائف المتاحه ليا من اداب بعد التخرج ؟؟؟؟؟؟؟؟؟؟؟؟؟؟
معلشى تعبينك معانا بس ردى عليا ضرورى

يالا بينا 01-08-2011 01:16 AM

اقتباس:

المشاركة الأصلية كتبت بواسطة رحاب ريرى (المشاركة 3773304)
انا مجموعى فى اللغات 137.5 و فى الالمانى 48 و فى الانجليزى 40 و مجموعى الكلى 82.5 علمى مرحلة تانية ممكن الحق اداب اعلام ولا لا او اداب المانى
والله في احتمال كبير جدا طبعا
المجموع ما شاء الله كويس ، وبجد مجموع اللغات دا غير مهم على الإطلاق :bosyht9:
و اية هى الوظائف المتاحه ليا من اداب بعد التخرج ؟؟؟؟؟؟؟؟؟؟؟؟؟؟
ممكن تعرفيها من أول مشاركة في التوبيك ;)
معلشى تعبينك معانا بس ردى عليا ضرورى

ولا يهمك
نورتينا يا قمر

رحاب ريرى 01-08-2011 08:28 PM

سؤال اخير هو فى قسم اعلام فى اداب حلوان انا سمعت مافيش غير عين شمس بس و ادعولى ادخل اداب اعلام حاسه مش هلحقها عشان انا علمى
و رمضاااااااااااااااااااااااان كررررررررررررررررررررررريم

موني99 01-08-2011 09:55 PM

ana ro7t gam3et 3en shms w s2lt f sh2on el talaba 3la shroot kesm e3lam 2loly lazm mgmo3 el 3 lo9at 142 w kesm english akon gyba 49 wlaw w5da mostwa rfe3 yb2a 48 :S:S:S

رورو_حب 01-08-2011 10:10 PM

انا روحت كلية تربيه نوعيه وسألت عن قسم الاعلام التربوى فى شئون الطلبة وقالى انه تخصص صحافه واذاعه مدرسيه :d
والمهم انا اصلا مكنتش متحمسه اوى بس كنت بخلص ضميرى :)
طيب بما انى استقريت على اداب اعمل ايه بعد كده اقدم عالكلية وبعدها هعمل التنسيق الداخلى ولا اعمل ايه عشان مش فاهمه ايه اللى بعد كده :)

يالا بينا 01-08-2011 11:27 PM

اقتباس:

المشاركة الأصلية كتبت بواسطة رحاب ريرى (المشاركة 3777341)
سؤال اخير هو فى قسم اعلام فى اداب حلوان انا سمعت مافيش غير عين شمس بس و ادعولى ادخل اداب اعلام حاسه مش هلحقها عشان انا علمى
ان شاء الله هتلحقيها
أنا بردو كنت علمي والحمد لله لحقتها
وعقبالك
و رمضاااااااااااااااااااااااان كررررررررررررررررررررررريم

الله أكرم يا قمر
اقتباس:

المشاركة الأصلية كتبت بواسطة موني99 (المشاركة 3777555)
ana ro7t gam3et 3en shms w s2lt f sh2on el talaba 3la shroot kesm e3lam 2loly lazm mgmo3 el 3 lo9at 142 w kesm english akon gyba 49 wlaw w5da mostwa rfe3 yb2a 48 :S:S:S

دا شيء خاص بجامعة عين شمس لكن مش موجود في الجامعات التانية
النقطة التانية : ان حضرتك ممكن تحولي جامعة تانية
بسيطة ان شاء الله
اقتباس:

المشاركة الأصلية كتبت بواسطة رورو_حب (المشاركة 3777639)
انا روحت كلية تربيه نوعيه وسألت عن قسم الاعلام التربوى فى شئون الطلبة وقالى انه تخصص صحافه واذاعه مدرسيه :d
والمهم انا اصلا مكنتش متحمسه اوى بس كنت بخلص ضميرى :)
طيب بما انى استقريت على اداب اعمل ايه بعد كده اقدم عالكلية وبعدها هعمل التنسيق الداخلى ولا اعمل ايه عشان مش فاهمه ايه اللى بعد كده :)

ايوة حضرتك بتقدمي على كلية الآداب
بعدين بعد ما تقبلك الكلية بتقدمي أوراقك ويوم تقديم الورق دا بيكون التنسيق الداخلي :bosyht9:
بعدها بكام يوم بتطلع النتيجة ، وبتعرفي انتي دخلتي قسم ايه

بس كده :d


رورو_حب 02-08-2011 04:14 AM

ميرسى يا قمر :)
زهقتك اسئلة معلش :d

mido103 02-08-2011 05:36 PM

يا جماعة انا روحت جامعة عين شمس و سئلت هناك قلولى اعلام من 142 فى اللغات انا مش عرف هما معقدين الموضوع لية

بنوته عاديه 02-08-2011 06:36 PM

انا سالت عندنا فى جامعه المنوفيه قالو مجموع اللغات لازم يكون 131 درجه وجامعه القليوبيه قالو لازم 135 درجه اللغات
انا عايزه اعرف هى كل الجامعات لازم بياخدو بمجوع اللغات ولا لا


جميع الأوقات بتوقيت GMT +2. الساعة الآن 01:03 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.