اه فعلا احنا قلنا 5 اعضاء على اساس ان فى مسابقة الرسام مش كتير اللى صوت لكن انا شايفة ان فى اصوات زيادة لازم ناخدها فى الاعتبار زى صوت نقاء الروح

وكمان لسة فى ناس قالت انها هتشارك فيعنى حتى يبقى آخرنا النهاردة .. لازم ناخد كل الأصوات فى الإعتبار

كان ممكن اعلان النتيجة قبل صوت نقاء مكنش هيبقى فيها حاجة

بالتالى انا ارجو تأجيل اعلان الفائز لحد ما نحصل على المزيد من الاصوات .... عشان محدش يزعل

وارجو تعديل ردودك السابقة لانها تكشف عن صاحب كل قصيدة

عارفة اننا بنتعبك بس استحملينا بقى يا مون:d

الموضوع أكثر من رائع ويستحق المشاهده

وشكرا علي افكارك الجميله يامون وان شاء الله متابع معكم الموضوع

معلهش أنا مع القصيدة الثانية حتى قبل ما أعرف تخص من مع احترامى لصاحبة القصيدة الأولى وكان نفسى أدخل فى الموضوع من بدرى بس حصل خير والاكتفاء ب5 أعضاء فقط ليس كافى لأن فيه ناس تحب تبدى رأيها فلنترك مهلة يومين أو ثلاثة ونجعل المسابقة فى أول الأسبوع وآخره

وأنا لو كنت عرفت المسابقة من البداية كنت أول من يشترك ولذا أنا أتقدم للاشتراك
تقبلوا مرورى ومبروك لآلاء والأستاذ ضياء

انا شايفة انه كان يلزم توضيح قبل بدء المسابقة ومينفعش فى منتصف التحدى كل منا يبدى رأيه فى شئ

أرجو تعديل التوبيك الأساسى وتوضيح شروط واساسيات المسابقة منعا للخبطة

ويا ريت اللى عنده وجهة نظر يقولها بوضوح

السلام عليكم
انا رايي نعمل مسابقة تحت اسم قصيدة الاسبوع او قصيدة الشهر
ويكون اما بواسطة الاستفتاء من قبل الاعضاء واما نختار لها شعراء
لهم باع بالشعر واللغة العربيه

1.شاعر
2.مدرس لغة عربية
3. اي حد من الادارة وانا ارشح الاستاذة ام شاهندة لانها مدرسة لغة عربيه
ان لم يكن لديها مانع
يعني بالعربي الفصيح لجنة تحكيم
ويمنح لكاتب القصيدة لقب شاعر الاسبوع او الشهر
كما في القسم العام المواضيع الثلاثة الفائزه لهذا الاسبوع

هذا اولا

او الموضوع يكون بهذا الشكل اكتب بيت واحد او بيتين من الشعر
بالحرف الذي ينتهي به العضو السابق من تاليف العضو المتسابق
وشكرا لجهود حضراتكم
تحياتي

معذرة لو كنت اتكلمت بعصبية

مش عاوزة تمشى بكلامى او كلام غيرى كل الحكاية كنت اتمنى كلنا نبقى متفقين من البداية
لكن بجد اتضايقت من اللخبطة دى ..وبعد ما يتم التصويت نعيد من الأول

ماهو انا متابعة من الاول
الاستاذ ضياء قال ما شابه ذلك لكن مكنش موضح ولما سألتيه على التوضيح قال ان انا هبعتلك قصيدة وهو كذلك ويتم اعلانها .. يعنى على الاقل كان مفروض يتابع معانا اذا كان لسة هو منتظر الكلمة

حصل خير

أهم حاجة يبقى ما يتم الاتفاق عليه يتعدل بواسطة اى مشف فى الكلام الرئيسى للتوبيك عشان الاعضاء كلها تفهم التجديدات

طبعا عاوزين
لكن بالنسبة للاتفاق فالأستاذ ضياء قاللك كل اللى هو عاوزه حتى المهلة اللى انا هكتب فيها قصيدتى وانتى قلتيلى التعليمات
يعنى معتقدش فى حاجة ممكن اقولها وانا زى ما قلت كتبت القصيدة وهبعتها دلوقتى

الأمر كله لله:)



****************
بالمناسبة عجبتنى فكرة استاذة نغم بالنسبة للجنة التحكيم .. عشان الشعر يتحلل عن طرق ناس عارفة باللغة كويس والفائز يكون فائز عن جدارة