يارب يارب اكرمنا ووفقنا

جزاك الله خيرا يا استاذ عبده

ياريت لو كل واحد من الاعضاء يبادر باللى يعرفه عن اعلان الكويت على طول خاصة اللى نظام الاختبار

اسمحولي بسؤال انا ليسانس اداب لغة عربية والخامسة تراكمى بجيد ودبلوم تربوي والاولى على كافة الاقسام بتقدير ممتاز وتمهيدى ماجستير وicdl ودورة الانترنت الخاصة بدبلومات الدراسات العليا والبرنامج الخاص للحاسب الالى لدبلوم الدراسات العليا وسنة الخدمة العامة واجيد اللغة الانجليزية والفارسية والفرنسية و اثناء الجامعة لديا شهادات كثيرةمن الكلية والكليات الاخري بسبب التفوق العلمى والحصول على المركز الاول في مسابقات دوري المعلومات لكليات الاداب على مستوى الجامعات المصرية والمعاهد العليا والنشاط الملحوظ في اتحاد الطلاب .....الخ والتدريس سنة في مدرسة ثانوية بنات .اقدم وارسل كل الاوراق دي ولا ايه رأيكم ؟؟؟؟؟؟

خريجة 2008

شكرا والله على رد حضرتك عليا طيب انا عندى سؤال تانى ممكن ابعت ورقى من هناك يعنى لو عندى حد يبعت ورقى من هناك ينفع ولا لازم من هنا بالبريد
والامتحانات بيكون نظامها ايه هتكون فى السفارة الكويتية هنا امتى ان شاء الله

شكرا جزيلا

لازم بالبريد المسجل من مصر
بعد كده هيتصوا بحضرتك لتحديد موعد المقابلة وغالبا بتكون في فندق سفير بالدقي
الاسئلة في مادتك العلمية سهلة وبسيطة
اسئلة في مواقف تربوية عامة للكل
بالنسبة للانجلش اهم شئ النطق الصحيح النطق النطق النطق

اكتبها في السي في بتاعك

استفسار
 

السلام عليكم ياستاذ ابو رجب عندي 4 اسئلة :-
1- انا خريج تربية فرنسي جيد 2006 بس مش شغال في مدرسة منذ التخرج فهل لوانا طلعت شهاده خبره زي منت بتقول من اي مدرسة بياخدو بيها ولا بيعتروها مزوره زي ما واحد صاحبي قالي.
2- الواسطه !!!!!!!!!!!!!!!!!!
3 - بالنسبة للطلب اللي الاخت ساره رفعاه لازم يكون مع الورق .
4- ونظام الامتحان بالنسبة للغة الفرنسية زي الانجليزيه .

1 - شهادة الخبرة لازم تكون من مدرسة حكومية وطبعا بيفضلوا المتعين رسمي عن خبرة المتعاقد بس اهي محاولة وخلاص يمكن يستثنوا الخبرة السنة دي وخاصة انهم استلموا 20 مدرسة جديدة ستعمل العام القادم هنا في الكويت
2 - طبعا فيه واسطة بس لازم تكون واسطة جامده واكيد تكون الواسطة هنا يتابع ورقك في وزارة التربية - ادارة الموارد البشرية - لجنة الاختيار
3 - الطلب صحيح وتمام ولازم يكون الطلب ده موجود بصيغته او باي صيغة اخرى تتضمن البيانات المطلوبة لديهم كما ورد بالاعلان
4 - نظام الامتحان على حد علمي اسئلة في المادة العلمة - المواقف التربوية اما بالنسبة للفرنسي فاكيد برضه النطق الصحيح لان اول سؤال في الفرنسي والانجلش ( كلمنا عن نفسك بالفرنسي / الانجلس )

اولا بشكر جهدك معانا يا استاذ عبده والمعلومات القيمة اللى بتزودنا بيها بجد ميرسي جدا ثانيا انا مدرسة انجلش فهل اعمل شهادة الخبرة من المدرسة ولا الافضل اجيب افادة من الادارة انى مدرسة انا بسال كده لانى فى تعليم فنى ومش حابة الصراحة اقول ده فانت ايه رايك فى الافادة من الادارة افضل وكمان عندى سؤال هو ايه اهم الاسئلة اللى ممكن تكون موجودة بالنسبة للانجلش لو تكرمت وعندك اى معلومات بالنسبة للمقابلة