اية حضرتك فى حاجة تضحك
اصل قالوا زمان الضحك من غير سبب قلة ادب و المثل دة بينطبق عليك بالظبط
مش عايزة اكتر فى الكلام علشان مش هنزل مستوايا لمستواك
اعرف حدودك بدل ماتلاقى رد فعل مش هيعجبك او ممكن اهزق قدام اليسوى و الميسواش
بس انا مش هعمل كدة اصلى طيبة اوى و محترمة مش زى ناس كدة اعتقد تعرفهم كويس
ياريت لو مش عجبك الموضوع او صاحبة الموضوع متدخلوش تانى و ولا تكتب فية رد اصل حضرتك مش هتزودة ولا هتنقصة ولا هتحط فية علامة الجودة
شكرا على زوق حضرتك المبالغ فية

الف مليون مبروك لحضرتك و القبلولوا فى تجارة انجلش اسكندرية
انشاء الله بالتوفيق لحضرتك
فى رعاية الله

اهدى اهدى بس ليطقلك عرق والضغط والسكر شغالين ف البلد اليومين دول وبيلف على الناس الركيكة اللى زى ناس اعرفهم

والحمد لله رب العالمين انا محترم نفسى قبل ما احترمك واحترم اى حد وعارف مستوايا كويس بس واضح ان انتى بتحبى تبالغى فى رد فعلكوتعملى شو لنفسك وانا محترم كل اللى هنا ومش مستنى واحدة زيك تقولى الكلام ده وبعدين انا اللى شايفوا هنا مش مستاهل انه يتحطله علامة الجودة لانه مش هيزيد عن تعارف مش اكتر واهدى كده وبالراحة يا جمالات على نفسك انا بحب اضحك بلاش

سورى مش هرد عليك كل واحد عارف مقامة كويس و اكيد انت عارف مقامك فين
و قولتلك قبل كدة انى مش هنزل مستوايا لمستواك
فى رعاية الله ولا بلاش

أظن دا مش منظر تعليقات وردود من طالب جامعة بقي مسئول عن نفسه وعن تعليقاته

تعليقات بجد لا تليق بشخص بالغ يعرف يعني ايه رجولة ويعني ايه حسن تصرف

حضرتك داخل قسم اسمه كلية التجارة .. مش قسم التهريج والتريقة والاستهزاء بالغير !!

حضرتك مش عاجبك القسم ومش عاجبك اعضاؤه ..

اظن النت مليان بالمنتديات التانية اللي بتحب التهريج والتريقة

لكن احنا هنا في منتدي تعليمي جاد ..

ولا يسمح بالتهريج الغير مبرر والغير مستساغ من التعليقات السخيفة بتاعتك دي

انا اكتفيت باعطائك مخالفة ع الماشي كدا .. وتحذير لأول ولآخر مرة ليك ..

اي تعليق مش كويس او مشادة كلاميه مابينك ومابين العضوة gamalewees

او اي عضو تاني هنا في القسم عضويتك هاتبقي مهددة بالشطب والحذف نهائياً ..

اللهم قد بلغت اللهم فأشهد

اظن انه كلام مظبوط

لا اله الا الله حصل خير

السلام عليكم ليه على هذا الموضوع دون غيره اجد فيه الخلافات والمنازعات وسوء التفاهم بين الاخوة الأعضاء ارجو الجواب الله المستعان هذا منتدى حوارى وليس للخلافات

ازيكو ياجماعه انا محمد عبد النبى اولى تجاره انجلش فى شبين الكوم جامعه المنوفيه وياريت نكون اصدقاء ويكون فى احترام بنا وكل سنه وانتم بخير

الأخ meegoo man ..

أظن انا حذرتك قبل كدا وقولتلك اي كلمة زيادة هاتبقي بوقف عضوية

وسيادتك نفضت وتجاهلت للتحذير ..

لكن انا عن نفسى مش هارد عليك ولا هارد على اي اهانه انتا قولتها سواءا ليا او لغيري

لإنك من الواضح انك شخص لا يستحق اني اتكلم معاه اساسا

وعشان كدا انا من المفترض اني احافظ على شكلى ومنظرى قدام الناس هنا وماردش عليك

عشان لو رديت هايبقي كلامي مش كويس بالمرة

أما بالنسبة لأسفك عن اللي حصل دا فانا عن نفسي مش هاقبله لإنه غير مقنع اصلاً

وبصرف النظر عن انك اتأسفت او ماتأسفتش انتا غلطت وبالتالى لازم تتعاقب

تم التدخل بالفعل و الاجراءات اللي تم اتخاذها هو الآتى :

1- مسح جميع المشاركات المتعلقة بالشد بين العضوه gamalewees والعضو meegoo man

2- وقف العضو megoo man لمدة 7 ايام على سبيل الانذار (لو اتكرر فيها وقف دائم)

3- ماتحاولش تخش بعضوية تانية خلال الـ 7 ايام دول عشان هاتتوقف برده ..

يستحسن تعدي الـ 7 ايام بتوعك وتبقى تيجي تشارك باحترامك تاني

4- غير مسموح بأى تجاوز سواءا منك او من غيرك .. اللهم قد بلغت اللهم فأشهد

:D :D hahahaha

هو يوم السبت دراسة في الجامعة ولا اجازة

والنبى منعرفش

متهيالى ان فى دراسة يوم السبت
لان الوزير لغى يوم السبت من الاجازة
و على العموم هنشوف كدة انشاء الله خير
فى رعاية الله