انا الصراحة جايب 99.6 ومش عاوز ادخل طب عشان انا مبحبهاش اصلا بس دخلت علمى علوم قهر وتسلط الله يسامحهم بقى هههههههههه دلوقتى نفسى ادخل كلية علوم جامعة القاهرة بس فى حرب عندى فى البيت بسبب الموضوع ده هههههههه

خسارة اجيب مجموع طب واسيبها
و
عندي ميول طبية بس كنت مش بحب الاحياء اوى في ثانوي
و
علشان بتعين اول ما تخرج

خسارة أجيب طب واسيبها

وأنا هدفى انى أكمل دراسة بعد الكلية وبتمنى اتعين معيد او نائب رغم انى عارف ان الموضوع ده صعب شو ية لأ كتير وكمان مبحبش احفظ

وبحب الرياضة بس ارضاءا للوالدين والناس والامل فى تحقيق هدف صعب

انا جبت مجموع طب والحمد لله سبتها لانى حاسة انها مش مجالى وعمرى مفكرت فبها الا بعد المجموع وفى الاول والاخر انا حلم حياتى صيدلة صحيح زمايلى كلهم مستغربين لكن انا استخسرت المجموع فى الاول لكن مش هاضحى بحلم حياتى عشان خاطر مجموع

انا دخلت طب و الحمد الله
بس كان هدفى انى اكون عالم فيزياء لانى كنت بحب الفيزياء والرياضيات فى ثانوى
وكنت بكره الأحياء
بس ان شاء الله اقدر احقق حاجة قريبة من هدفى فى هذه الكلية
و ربنا يوفق الجميع

بصراحة الواحد اول ما بيدخل الكلية علشان هو جاب مجموع عالي ودايما هيبص على اعلى كليةمنكليات القمة ومعظمنا اكيد كده

لكن بعدين ناس كتير مننا بتغير اعتقاداتها
فيه ناس بتحب الطب اكتر وتتمسك بيه واستحالة تحول منه لأنها وجدت فيه علم رائع وكيف ان الطبيب بيقدم رسالة نبيلة للوطن والمجتمع
وللاسف فيه ناس بتغير رايها انها تكتشف ان مكانها مش كلية الطب وتفكر تسيب الكلية
احنا بيكون عندنا اعتقاد من ساعة ما ندخل معمعة الثانوية العامة ان كلية الطب هي الافضل علشان كده بنفكر فيها
انما لو حد متيقن تماماومعتقد يقينا انه مش بيحب الطب انما هو بيفضل الرياضة وعنده ابداع وعاوز يبقى مهندس هيكمل علمي رياضة
يعني في الاخر برده لاما طب لاما هندسة
واللي مش بيحصل الاتنين هو اللي يبدا يفكر في غيرهم
وهنا سؤال : هل حد في مصر بيفكر انه يدخل كلية علوووم؟؟؟

فى الحقيقة كلام حلو جدا
وكليه علوم من احسن الكليات و لكن نظام التعليم فى مصر هو اللى لازم تغير
و تتغير نظرة الناس لجميع الكليات

انا كمان دخلت الطب علشان خاطر اهلى اللى تعبو علشانى كتييييييييييير
ثانيا لانها فعلا كليه و مهنه راقيه جداااااااااا و انا ابتديت احبها
ثالثا لان اختى الكبيره فى طب برضه و د
ه اكيد هيساعدنى جامد باذن الله
و اكيد برضه علشان اساعد الناس اللى محتاجه باذن الله
اما التفكير فى الفلوس ده لازم يبقى اخر حاجه ممكن طبيب يفكر فيها لان حياة المريض مالهاش تمنو علشان ربنا يوفقه
صراحة انا اختيارى كان باللون البنفسجى لانى فعلا عندى ميول طبيه و كنت بعشق الاحياء فى ثانوى
بس كنت عاوزه صيدله

انا بحمد ربنا ان دخلت صيدلة لان انا بعشق ان اكون مخترع ادويه...وبحمد ربنا ان مجبتش مجموع الطب علشان كانوا هيصمموا يدخلونى طب
يارب ااقدر انا وزمايلى نقدر نغير مفهوم الصيدلة فى مصر وكذلك طلاب العلاج الطبيعى والبيطرى وكل الكليات الاخرى ....

ويوصلوا للناس رساله ان الطب والصيدلة وكده مش شرط تدخلها علشان ترفع راس ابوك وامك انت ممكن تدخل اى كليه انت بتحبها وتبقى احسن من 1000 دكتور او صيدلى او او او او او

نسيت تكتب اهم سبب رغبه للاهل يا كبير

اخيرا لقيت حد زى حالاتى الحمد لله:rolleyes:

انا بقى علاج طبيعى عن رغبة من الثانوية بعشقها متصدقش فرحتك اد اية لما والدة طفل تقولك ربنا يكرمك يا دكتورة دى كفاية عندى ومستقبل الكلية افضل من طب واسنان وصيدلة بكتييييييييييييييييير جدا بجد روعة روعة دى بجد طب المستقبل