|
اقتباس:
على ما اعتقد الاسبوع القادم انا نازل الجامعة ان شاء الله يوم الاثنين وهتكدلك ان شاء الله |
اقتباس:
|
لو سمحت انا جالى تنسيق كلية تجارة وادارة اعمال حلوان كنت عايزة اعرف هو قسم نظم ومعلومات ده يعنى كمبيوتر وكده والا ايه؟ وكمان انا عرفت ان المصاريف 4400 بالكتب عايزة اعرف المصاريف دى بتزيد كل سنة والا لا ؟
|
يا ريت حد يرد عليا بسرعة ضرورى جداااااااااا
|
اقتباس:
بالنسبة لقسم نظم المعلومات bis مش حاطين المواد الي بتدرس فية بالظبط على الموقع ولكن تقريبا اغلبية المواد التي بتدرس فية خاصة بالكمبيوتر ومجالاتة اما بالنسبة للمصاريف فهي بتختلف كل سنة اختلاف بسيط يعني مثلا بالنسبة للفرقة الاولى عربي المصاريف كانت 227 ولما تطلع الفرقة التانية تلاقيها في حدود 190 يعني قلت وممكن في الفرقة الثالثة تزيد شوية وهكذا بيبقى اختلاف بسيط سواء بالزيادة او النقصان ولكن بالنسبة للقسم دة ونظرا لان المعلومات عنة قليلة جدا فيستحسن تسئلي شئون الطلبة او ( وحدة المعلومات في مبنى الكلية ) واي استفسار اخر احنا هنجاوبك باذن الله ربنا يوفقك |
يا جماعة انا جبت 91.7% فى الثانوية العامة من علمى رياضة و مجبتش هندسة و اتقبلت فى سياحة و فنادق الاسكندرية و خايف من مستقبلها علشان كدة فكرت فى تجارة خارجية انجليزى و عايز اعرف اعمل ايه لو عايز احول و كمان هو مجموعى يدخلنى ولا لا و انا جايب 45.5 فى الانجليزى و بكام فى السنة و ايه مستقبلها ... اؤجو الرد بسرعة يا جماعة
|
اقتباس:
التحويل من كلية تجارة انجليش في جامعة معينة لتجارة انجليش في جامعة تانية ممنوع بقرار من المجلس الأعلى للجامعات |
و كمان امتى معاد التقديم لو سمحتوا؟
|
اقتباس:
شرفتنا بردك والله وكلام جميل منك انك تكملنا وتقول حاجة تفيد الناس الي عندها استفسارات شكرا مرة تانية وفي انتظار تكرارها باذن الله ورمضان كريم |
اقتباس:
بسم الله الرحمن الرحيم التحويل بيبقا لية فترة على موقع التنسيق وان شاء الله يبدا خلال الايام دي ( الموقع كاتب ترقبوا التحويلات ) وهذا رابط الموقع http://www.tansik.egypt.gov.eg/application/ بالنسبة لمجموع حضرتك الكلي ومجموعك في الانجليزي كمان فيؤهلك بقوة باذن الله انك تخش شعبة الانجليزي في تجارة وادارة اعمال حلوان ودي بعض شروط هذا العام 1- أن يكون الطالب حاصلا على شهاده الثانويه العامه عام 2009 . 2- أن لا يكون الطالب منتسبا أو باقيا للإعاده . 3- الحصول على 80% على الآقل من الدرجه النهائيه فى ماده اللغة الإنجليزية ويفضل خريجى المدارس التى تكون اللغة الآجنبية الآولى هى اللغة الإنجليزية . 4- الحاصلون على شهاده الثانوية الإنجليزيه (IGCSE) بشرط الحصول على تقدير (C) على الآقل فى مادة اللغة الإنجليزية . 5- الحاصلون على شهاده دبلوم مدارس الثانويه الآمريكيه (Diploma high school) بشرط الحصول على تقدير (C) على الآقل فى مادة اللغة الإنجليزية. 6- أن يكون التفضيل عند قبول الطلاب فى ضوء الآعداد التى يقرها المجلس الآعلى للجامعات على اساس المجموع الإعتبارى للدرجات الحاصل عليها الطالب والتى تحسب كالتالى (مجموعالثانويه العامه"بدون ايه حوافز" + درجه مادة اللغة الإنجليزية + درجه مستوى رفيع لغة انجليزية إن وجد). 7- أن تكون أسبقيه القبول من بين الطلاب المرشحين للكليه مباشرة من مكتب التنسيق ويكون قبول الطلاب المحولين من جامعات أخرى فى حالة وجود أماكن شاغره على نفس الآساس السابق فى حدود العدد المتبقى من المرحله الأصليه "السابقة". اما بالنسبة للمصاريف فبيتضاف مبلغ 3000 جنية فوق المصاريف الاساسية لكل فرقة وطبعا شعبة انجليزي مستقبلها تمام اوي باذن الله والتوفيق من عند ربنا اتمنالك التوفيق |
اقتباس:
بالنسبة لحضرتك لو ناوي تحول يبقى تنتظر نتيجة التحويل من على النت الاول بعد كدة تروح الكلية عشان تشوف اجاراءات التنسيق بتاعت شعبة انجليزي اي استفسار اخر احنا في الخدمة |
كادبورى
معلش ممكن سوال مهم جدا ويا رب حد يرد عليا انا جاتلى تجارة انتساب بنهاوعايزة احول تجارة انتساب حلوان بالرغم انا جايبة 313 وتجارة حلوان واخدة من 314 فانا ممكن احول ولا لاء
|
اقتباس:
بصراحة مش عارف حوار تقليل الاغتراب دة لسة شغال على النت ولا اية بس هو الي انا اعرفة انك عشان تحولي لازم تكوني جايبة مجموع الحد الادنى للكلية الي بتحوليلها اما لو تقليل الاغتراب دة شغال فممكن حضرتك تكتبي فالتحويل تجارة انتساب موجة حلوان واهو يبقا عملتي الي عليكي وان شاء الله تقبلي والله اعلم بالتوفيق ان شاء الله |
ممكن ينفع وممكن لا
اقتباس:
بصى انتى ممكن تحولى لو النطاق الجغلاافى أ بتاعك مفهوش بنها وفيه حلوان وجامعه تانيه او جامعتين تانين اما لو النطاق الجغرافى أ فيه بنها فللاسف مش هينفع تحولى لكن لو النطاق مفهوش بنها فهنا ينفع تحولى وبيتم التغاضى عن درجات الحد الادنى طالما كليه مناظره وهتعمل على تقليل الاغتراب |
شكرا جدا على الرد فى بقا سوال تانى انا ان شاء الله يعنى هخش تجارة سواء بنها وحتى لو مفيش تحويل هخش برده تجارة طب بقا فى سوال انا فى الرياضة يعنى وحشة بس لما بقول احد يقولى التجارة اللى فيها سهلة فمش عارفة اعمل ايه عايزة اعرف بس التجارة اللى فيها عاملة ازاى وشكرا جدا جدا جدا:):):)
|
| جميع الأوقات بتوقيت GMT +2. الساعة الآن 02:01 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.