فى الحالة ده و اكمنى مش بدخل الموضوع كتير
هعمل ايميل عشان الموضوع ده و السؤال و الإجابة فورية
و لأنى مش عالم فى اللغة يعنى هبقى أدزر معاه على المعلومات و أفهمها معاه و أفهمه
الإيميل قريب أوى هعمله أما حكاية الجمل التى لا محل لها من الإعراب
لو معاك كتاب النحو و الصرف اللى مستلمة من سنة أولى ثانوى
افتح الفهرست و اوصله
الدرس ده مش هتدرسه إلا فى تالتة ثانوى
يكفيك تطلع عليه و تعرف طراطيش منه بس دلوقت

بص ممكن تجيبهم بالمعنى

يعنى معروف فى اللغة التقديم و التأخير لأسباب بلاغية و غيره

و أنت رتب الجملة زى ما تحب بأى طريقة لغاية لما توصل للترتيب الصحيح

و ممكن تضيف كلمة من دماغك عشان الجملة تكمل

بس أهم حاجة أوعى أوعى أوعى

تعيد تريب جملة بحيث تغيرها من اسمية لخبرية أو العكس

يعنى

محمد يأكل

يأكل محمد

نفس المعنى و لكن الإعراب مختلف تمامًا

إنما لما أقول

فى بيتنا رجل

رتب فى دماغك كده

رجل فى بيتنا

صح كده

يبقى المبتدأ رجل مبتدأ مؤخر لأنه اتأخر فى الجملة و هكذا

على فكرة فيه أسباب للتأخير نحوية بس مش عليك دلوقت

المهم أنت ترتب الجملة كما تشاء عشان توصلها لشكل الجملة الاسمية أو الفعلية

و تخلى بالك من نقطة أوعى

و إذا جملة اسمية بدأت باسم نكرة غالبًا ما يكون المبتدأ محذوف تقديره هذا هذه .......... أو هو هى ......... كده يعنى

مثلاً زى درس فى الإعدادى اسمه

شريط أخضر ممتد

هتيجى ترتب فى دماغك هتلاقى ترتيبها صح

على فكرة الجملة ده ممكن تلاقى ناس كتير يختلفوا فى إعرابها

ما تعربها يا بطلنا و ورينا فهمت ايه من الكلام اللى فوق ده

و بالوقت هتتعود على تقدير المعانى بالترتيب ده

لو خدت إعمال اسم الفاعل و المفعول و ..........
قولى عشان هزود على ده كلام كمان

بالنسبة للرفع
العلامة الأصلية : الضمة مواضعها : المفرد (الحق قوة) - جمع المؤنث السالم (المعلمات متعاونات) - جمع التكسير (الكتب مفيدة) - الممنوع من الصرف (معالم القاهرة واسعة) - الفعل المضارع الصحيح الأخر والمعتل الأخر (يتفوق المجتهد - يدعو المؤمن للخير)
العلامات الفرعية :
1- الواو مواضعها : الأسماء الخمسة (أبوك عالم عظيم ) -جمع مذكر سالم(المتفوقون مكرمون)
2- الألف مواضعها : المثنى (الزعيمان متفاهمان )
3-ثبوت النون مواضعها : الأفعال الخمسة (الزعماء يجتمعون اليوم )
بالنسبة للنصب
العلامة الأصلية : الفتحة مواضعها: المفرد (شاهدت الرئيس ) - جمع التكسير (كرم الوزير الأباء ) - الممنوع من الصرف (شاهدت قناديل البحر ) - المضارع الصحيح الأخر والمعتل الأخر ( لن يفلت المجرم - لن أدعو الا الله )
العلامات الفرعية :
1-الياء مواضعها: المثنى (قرأت كتابين ) - جمع المذكر السالم (قدر الزعيم العاملين)
2-الألف مواضعها: الأسماء الخمسة (رأيت ذا المال )
3-الكسرة مواضعها: جمع المؤنث السالم (شاهدت الطبيبات)
4-حذف النون مواضعها: الأفعال الخمسة (الطلاب لن يهملوا )
بالنسبة للجر
العلامة الأصلية : الكسرة مواضعها: المفرد (ذهبت الى المنزل ) - جمع المؤنث السالم ( سلمت على العاملات)
جمع التكسير (مررت بالعمال ) - الممنوع من الصرف اذا كان معرف بأل أو بالاضافة (مرت مصر بالمراحل الصعبة )
(مرت مصر بمراحل التنمية )
العلامات الفرعية :
1- الفتحة مواضعها: الممنوع من الصرف المجرد من من أل والاضافة (مشيت فى شوارع نظيفة )
2-الياء مواضعها: المثنى (سلمت على الطالبين) - جمع المذكر السالم (أثنيت على العاملين )
الأسماء الخمسة ( سلمت على أخيك )
بالنسبة للجزم
العلامة الأصلية : السكون مواضعها: المضارع الصحيح الأخر (لم يفشل المصرى)
العلامات الفرعية :
1-حذف العلة مواضعها: المضارع المعتل الأخر (لم يدع المسلم بالشر )
2- حذف النون مواضعها: الأفعال الخمسة (أبنائى لاتهملوا المذاكرة )

حلوة حكاية الايميل دى
وعشان الاحراج بقى أعملهولك أنا ويكون جاهز النهارده ياعبد;)
يابنى انت كمان شوية وتدخل الكلية وتتلخم لخمة مايعلم بيها الا ربنا
فى رعاية الله ياعبده

:078111rg3::078111rg3:بجد ميرسى اوى ليك انا فهمتها اوى و شرحك بجد اكتر من رائع
وميرسى كمان لمساعدتك لينا :078111rg3::078111rg3:

ولا ميرسى ولاحاجة
مش مستاهلة الحكاية يعنى
وبعدين احنا سواء عبده أو أنا هدفنا هو الأجر والثواب من الله وبس ومش محتاجين لشكر
بس رجاء يعنى ممكن تبقى تكبرى الخط شوية
مش لازم مكروسكوب عشان أقدر أقرأ الكلام ^_^
دمتم بود
فى رعاية وحفظ الله :)