كل الاقسام دى هتدرسيها فى سنوات الكلية و هتخدى كل الاساسيات خلال السنين الخمسة لكن انا كلامى عن التحضير فيها دراسات عليا

طب هوه يوم السبت بيكون اجازة

ده حسب الجامعة

يعنى نروح اول يوم وخلاص واحنا ونصبنا

روحى بس مش فارقة اوى
اول اسبوع بيبقى مفيهوش حاجة بتتشرح و لا اى حاجة

طيب بالنسبة للتقويم ممكن تحضر دراسات عليا فى مصر ولا مش موجود

التقويم ده معروف عنه فرع الثراء و الفلوس دى حقيقة
بس التحضير هنا فى مصر لازم تبقى معيد و تعمل ماجستير و دكتوراه غير كده هيبقى صعب اوى او انك تلجأ لشغل الفهلوة بقى و ده بيبقى كلام فارغ
معروف ان اساتذة التقويم بيشرحوا بالعافية و قافلين المجال اوى عليهم و على اللى فى القسم بتاعهم من معيدين و مدرسين مساعدين

معلشى عايزه استفسر لان واحده قريبتى جالها طب اسنان وهى عايزه تسال عن طبيعه الشغل يعنى هل ينفع تشتغل فى حاجه غير خلع الاسنان والحشو يعنى ينفع جراحه الوجه والفكين وعشان تتخصص فى جراحه الوجه والفكين ايه المتطلبات وكمان هى بنت وطبعا هى مش عايزه فى المستقبل تفتح عياده لان العياده دى اكيد هتاثر عليها فى المستقبل وهتاخد جزء كبييير من وقتها يعنى ينفع تشتغل فى مستشفى وبس وفى نفس الوقت تقبض مرتب كويس وسوري على الاطاله

1/معلش بس لو هى مش هتشتغل فى الخلع و الحشو امال هتشتغل ايه يعنى
لا مينفعش لازم تشتغل كل ده و تعرفه كويس
2/اصلا الخلع بيتصنف على انه من فروع الجراحة عندنا فى الكلية
3/مش هتفتح عيادة ليه يعنى ؟؟؟؟؟؟؟؟!!!!!!!!!!!!
ما فى دكتورات كتير فاتحين عيادات
عامة لو هى مش عايزة فممكن تشوف مستشفى بس لو حكومى طبعا الدخل على اده و لو خاص هيكون كويس بس احسن لها لو فتحت عيادة

متطلبات جراح الوجه و الفكين
تحصير دبلومة او ماجستير عشان يبقى اسمه جراح وجه و فكين بس بالعكس الجراحة مش اختيار اوى للبنات يمكن الاقسام التانية احسن

الدراسة بتبقى مشكلة فى الأول بالانجليزى ؟ ولو جبت قاموس الكترونى مثلا ممكن يسهل شوية

الامتحانات بتبقى نظامها ايه ؟؟

على حسب مستواك فى انجليزى المدرسة زمانبس طبعا هى بتكون مشكلة الى حد ما مش هضحك عليك و اقولك بتكون سهلة و بتحتاج تعود عليها الصراحة بس كلنا عادة بنخلص من المشكلة دى سريعا
بالنسبة للامتحانات فكله فى اخر السنة مفيش امتحات ترم و نظامها بيبقى اسئلة على حسب كل مادة و دكتورها و القسم و بيبقى فى امتحان عملى فى نص السنة و امتحان عملى فى اخر السنة و النظرى هو امتحان واحد فى اخر السنة و بس ده بالنسبة لسنة اعدادى و ممكن ساعات كده يبقى فى شفوى بس احنا محلناش كده
بيكون امتحان النظرى عليه 60 % من درجات اى مادة و امتحان العملى 40 % و بالتوفيق ان شاء الله

#طيب انا عاوز اعرف رأيك في دخول طب أسنان في الجامعات الخاصة
#وما هي أفضل جامعة خاصة في طب الاسنان في رأيك

شوف هو من ناحية التعليم و الدراسة اكيد الامكانيات احسن و افضل و يا ريت تتوفر عندنا فى الجامعة الحكومية و لكن فى رأيى ان برضو مصاريفها عالية و بتؤدى الى زيادة عدد اطباء الاسنان

بصراحة معرفش انهو جامعة افضل لكن ممكن نقول مصر للعلوم و التكنولوجيا كويسة و الله اعلم

شكراااااااااااااا:friendsxs3: